Zyra Kombëtare e Auditimit (ZKA) ka nxjerrë raportin e auditimit të performancës me titull “Zbatimi i procedurave të prokurimit për mirëmbajtjen rutinore dhe dimërore të Autoudhëve A7 dhe A6 të Republikës së Kosovës për vitet 2025–2028”. Në të konstatohet se Ministria e Infrastrukturës dhe Transportit nuk kishte garantuar zhvillimin e plotë të prokurimit sipas parimeve të ekonomisë, efikasitetit, trajtimit të barabartë dhe jodiskriminimit.

Procedura, me vlerë të parashikuar prej 15.9 milionë eurosh dhe kohëzgjatje 36 muaj, sipas ZKA-së ishte nisur vetëm 36 ditë përpara përfundimit të kontratave në fuqi. Për këtë arsye, periudha për paraqitjen e ofertave ishte reduktuar nga 40 në 21 ditë.

Megjithatë, shkurtimi i afatit nuk kishte dhënë rezultatin e synuar. Hapja e ofertave ishte shtyrë pesë herë, ndërsa procedura kishte zgjatur rreth pesë muaj për shkak të kërkesave për rishqyrtim, ankesës në Organin Shqyrtues të Prokurimit dhe ndryshimeve në dosjen e tenderit. Meqë procedura e hapur nuk kishte përfunduar përpara nisjes së sezonit dimëror, Ministria kishte kaluar në procedura të negociuara për të mos ndërprerë mirëmbajtjen e autoudhëve.

Nëpërmjet katër kontratave të negociuara, secila me kohëzgjatje gjashtëmujore, deri në korrik 2026 ishin paguar afërsisht 2.8 milionë euro. ZKA-ja vlerësoi se përdorimi i kësaj forme të prokurimit e kishte ngushtuar konkurrencën dhe kishte siguruar më pak transparencë në krahasim me procedurën e hapur.

Probleme ishin gjetur edhe gjatë shqyrtimit të ofertave. Në disa raste, Komisioni i Vlerësimit nuk kishte kërkuar shpjegimet e nevojshme për paqartësi të natyrës teknike, formale ose metodologjike, edhe pse sqarimi i tyre nuk do ta ndryshonte në thelb përmbajtjen e ofertës. Sipas auditimit, kjo kishte shtuar rrezikun që operatorët ekonomikë të mos trajtoheshin plotësisht në mënyrë të barabartë.

Raporti konstaton gjithashtu se Ministria nuk i kishte shqyrtuar të gjitha variantet e mundshme të kombinimit të ofertave të përgjegjshme për katër llotet. Një kombinim tjetër, i evidentuar nga audituesit, do të sillte një çmim të përgjithshëm për njësi rreth 15% më të ulët se ai i kombinimit të kontraktuar. Për pasojë, Ministria nuk kishte zgjedhur variantin më ekonomik dhe kishte humbur mundësinë që, me buxhetin e përcaktuar, të realizonte më shumë shërbime.

Në raport janë vërejtur edhe diferenca të mëdha ndërmjet çmimeve të paraqitura në oferta dhe vlerave referente të Ministrisë. Në Llotin e tretë, 77 nga gjithsej 113 pozicione, ose 68% e tyre, ishin ofruar me çmime mbi 90% më të ulëta sesa çmimet referente.

Në raste të caktuara, pozicione që Ministria i kishte përllogaritur me 180 ose 240 euro ishin ofertuar me vetëm 0.10 euro për njësi. Për këto dallime nuk ishte hartuar një analizë e dokumentuar dhe operatorëve ekonomikë nuk u ishin kërkuar sqarime të mjaftueshme. Sipas ZKA-së, kjo kishte rritur mundësinë e shfaqjes së vështirësive gjatë zbatimit dhe administrimit të kontratave.

Sa i përket integritetit të procedurës, auditimi kishte identifikuar rrethana që potencialisht mund të përbënin konflikt interesi. Kryesuesi i Komisionit të Vlerësimit kishte pasur më herët një angazhim profesional me operatorin ekonomik që ishte shpallur fitues në njërin prej lloteve. Ministria nuk i kishte vlerësuar apo trajtuar këto rrethana dhe çështja nuk i ishte përcjellë autoritetit kompetent, çka kishte krijuar paqartësi për paanshmërinë dhe besueshmërinë e vlerësimit.

Auditorja e Përgjithshme, Vlora Spanca, deklaroi se nisja në kohë e procedurave, vendosja e kritereve të qarta dhe dokumentimi i vlerësimit të ofertave janë thelbësore për konkurrencë të drejtë dhe përfitim më të lartë nga paratë publike. Ajo kërkoi që Ministria t’i fuqizojë kontrollet në çdo etapë të prokurimit, veçanërisht gjatë analizës së çmimeve, zgjedhjes së kombinimit më ekonomik të ofertave, si dhe parandalimit e menaxhimit të situatave që mund të shkaktojnë konflikt interesi.

Për ta përmirësuar prokurimin dhe për të siguruar shfrytëzim më efikas të fondeve publike, Zyra Kombëtare e Auditimit i ka drejtuar Ministrisë së Infrastrukturës dhe Transportit shtatë rekomandime.

The post Auditimi evidenton mangësi në tenderin 15.9 milionë euro për autoudhët A6 dhe A7 appeared first on Albeu.com.

“Më lejoni që të sqaroj një gjë këtu. Edhe unë dua të flas për diskutimet dhe spekulimet për organizimin e Kupës së Botës çdo dy vite. FIFA nuk e ka propozuar një Botëror çdo dy vite. Le të jemi të qartë.

Në Kongresin e vitit të shkuar, 88 % e Federatave na kërkuan që të studiojmë fizibilitetin e një gjëje të tillë dhe disa projekteve të tjera. FIFA e studioi fizibilitetin me Arsen Wengerin.

Por FIFA nuk propozoi asgjë dhe arriti në përfundimin se ishte diçka e realizueshme, por do të kishte pasoja dhe ndikim negativ. Ndaj, kjo ide do të shtyhet për më vonë.

Fundja, unë këtu do të jem ende, pasi po ju konfirmoj se do të kandidohem sërish për zgjedhjen e presidencës FIFA edhe në vitin 2023”, tha zvicerani. 52-vjeçari, si italian, nuk kishte sesi t’i shpëtonte edhe një pyetjeje mbi mospjesëmarrjen e dytë radhazi të Italisë në një kompeticion si Kupa e Botës.

“Më vjen vërtet për të qarë dhe nuk është një mënyrë të thëni. Kur mendoj për emocionet që kam provuar që në vegjëli, kur shihja Italinë në një Botëror, këto emocione unike nuk zëvendësohen, përkundrazi janë ato që të bëjnë të dashurohesh me futbollin.

Është e trishtë për fëmijët italianë, për popullin në përgjithësi që Italia do të mungojë”, tha Infantino. Në fund, lidhur me atë çfarë pritet të ofrojë turneu në Katar, kreu i FIFA-s beson:

“Ky është momenti që Katari dhe bota arabe t’i tregojë të gjithë botës se mund të jetojmë të gjithë së bashku. Ju jap fjalën se do të jetë një Kupë Bote fantastike, me 8 stadiume luksoze shumë pranë njëri-tjetrit që do të ofrojë një eksperiencë unike.

Tifozët do të jenë të përkëdhelurit e turneut, pasi duke parë distancat e vogla mes stadiumeve mund të kenë shansin të shohin edhe 2 ose 3 ndeshje në ditë, në stadiume”.

The post Plani për realizimin e Botërorit çdo dy vite dështoi, Infantino: Më bën të qaj mungesa e Italisë appeared first on Albeu.com.

Për herë të parë, presidenti rus Vladimir Putin ndjen majë dhe pranon vështirësitë, por rinis duke thënë se është “i sigurt se do t’i kapërcejmë këto vështirësi” dhe se, në të vërtetë, “ne do të mund të përfitojmë nga kjo situatë”.

Për shkak të “përpjekjeve për të kufizuar zhvillimin tonë”, në fakt, sipas Putinit, vendi do të fitojë “më shumë aftësi dhe më shumë mundësi për t’u ndjerë i pavarur dhe i vetë-mjaftueshëm, dhe në fund kjo do të jetë e dobishme”.

“Ka njëfarë progresi në bisedimet ruso-ukrainase që zhvillohen pothuajse çdo ditë.”

Kështu deklaroi presidenti rus Vladimir Putin gjatë takimit me liderin bjellorus Lukashenko, sipas raporteve të TASS

The post E pranon Putin: Sanksionet e Perëndimit po godasin rëndë ekonominë tonë appeared first on Albeu.com.