Babë, bir e nip prangosen në Pukë, si hyri policia te “Laku” (VIDEO)

admin — Sat, 30 Jul 2022 08:16:06 +0000

Një 45-vjeçar së bashku me djalin dhe nipin e tij janë vënë në pranga në Pukë për kultivim kanabisi.

Bëhet e ditur se pas kontrolleve në terren, policia në Pukë ka arrestuar L. S., 45 vjeç, djalin dhe nipi i tij, përkatësisht 16 dhe 17 vjeç, të tre banues në Nikël.

Nga hetimet e para rezulton se burri, i ndihmuar nga të miturit ka kultivuar në një zonë të pyllëzuar në vendin e quajtur “Laku i Palucajve”, në territorin e fshatit Qafë-Mali, 527 bimë të dyshuara narkotike kanabis. Këto të fundit, policia njofton se janë asgjësuar me anë të djegies, ndërsa një sasi u sekuestrua në cilësinë e provës materiale.

Materialet i kaluan Prokurorisë pranë Gjykatës së Rrethit Gjyqësor Pukë, për veprime të mëtejshme, për veprën penale “Kultivimi i bimëve narkotike”.

Njoftimi i Policisë:

Pukë/Vijojnë operacionet e njëpasnjëshme për goditjen e veprimtarisë kriminale në fushën e kultivimit të bimëve narkotike.

Finalizohet nga Komisariati i Policisë Pukë, operacioni policor i koduar “Laku”.

Kapen dhe arrestohen në flagrancë, duke vaditur bimët narkotike, 45-vjeçari, djali dhe nipi i tij, që shkonin nga Nikla në Qafën e Malit, Pukë, për të kultivuar bimë narkotike në një zonë të pyllëzuar.

Sekuestrohen dhe asgjësohen më anë të djegies, qindra bimë të dyshuara narkotike kanabis.

Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, si rezultat i kontrolleve intensive të territorit, në çdo skaj të vendit, si dhe bazuar dhe në informacionet e marra në rrugë operative, shërbimet e Komisariatit të Policisë Pukë organizuan dhe finalizuan operacionin policor të koduar “Laku”, në kuadër të të cilit u kapën dhe u arrestuan në flagrancë shtetasit:

-L. S., 45 vjeç, djali dhe nipi i tij, përkatësisht 16 dhe 17 vjeç, të tre banues në Nikël, Krujë.

Nga veprimet e kryera në kuadër të operacionit të koduar “Laku”, rezultoi se këta shtetas, në bashkëpunim me njëri-tjetrin, kishin kultivuar, në një zonë të pyllëzuar në vendin e quajtur “Laku i Palucajve”, në territorin e fshatit Qafë-Mali, 527 bimë të dyshuara narkotike kanabis, të cilat u asgjësuan me anë të djegies, ndërsa një sasi u sekuestrua në cilësinë e provës materiale.

Shërbimet e Policisë, në bashkëpunim me Prokurorinë, po punojnë për identifikimin dhe arrestimin e personave të tjerë, të cilët mund të jenë të implikuar në këtë veprimtari kriminale.

Materialet i kaluan Prokurorisë pranë Gjykatës së Rrethit Gjyqësor Pukë, për veprime të mëtejshme, për veprën penale “Kultivimi i bimëve narkotike”./albeu.com/

The post Babë, bir e nip prangosen në Pukë, si hyri policia te “Laku” (VIDEO) appeared first on Albeu.com.

Operacion anti-drogë në Tiranë, policia prangos babë e bir

admin — Tue, 26 Apr 2022 17:50:33 +0000

Policia e Tiranës ka finalizuar një operacion anti-drogë në kryeqytet.

Në pranga ka rënë babë e bir të cilët merreshin me tregti heroine.

Policia bën të ditur se Ramazan Qordja siguronte heroinë në sasi 1-2 kg, e ndante në doza të vogla dhe e tregtonte në zonat e Tiranës.

“Janë sekuestruar, heroinë, armë gjahu pa leje, celular. Nga hetimet ka rezultuar se babë e birë ushtronin veprimtarinë kriminale dhe më pas e shisnin në zona të ndryshme të Tiranës. Ramazan Qordja, heroina sigurohej në sasi 1-2 kg, ndahej me doza dhe më pas tregtohej”, njoftoi policia./albeu.com/

The post Operacion anti-drogë në Tiranë, policia prangos babë e bir appeared first on Albeu.com.

prangosja e babe e bir Archives - Albeu.com

Babë, bir e nip prangosen në Pukë, si hyri policia te “Laku” (VIDEO)

Operacion anti-drogë në Tiranë, policia prangos babë e bir