Dorëheqja e Prandellit, Fiorentina rikthen Giuseppe Iachinin

E S — Wed, 24 Mar 2021 09:03:59 +0000

Pas dorëheqjes së djeshme të Cesare Prandellit, klubi vjollcë zgjodhi të kthejë në stol trajnerin Giuseppe Iachini.

Ai tashmë kishte qenë “timionier” i ekipit të Firence deri në nëntor të vitit të kaluar.

Trajneri 56-vjeçar do të drejtojë seancën e tij të parë stërvitore në qendrën sportive “Davide Astori” dhe do të rinisë kontaktet me lojtarët sot, e mërkurë, 24 mars 2021.

Prandelli ishte kthyer përsëri në krye të vjollcëve pas 10 vitesh, më 9 nëntor 2020, kur mori detyrën nga Iachini.

Në 23 ndeshje, midis kampionatit dhe Kupës së Italisë, ai mori vetëm 6 fitore dhe 11 humbje.

Fiorentina aktualisht është në vendin e 14-të në renditje, me 29 pikë, vetëm 7 pikë më shumë se Cagliari, në zonën e mbijetesës.

Tani, një shkundje e re në stol, me rotacionin e ri në të kundërt, krahasuar me katër muaj më parë, synon rezultatet pozitive.

Siç u përmend, për Iachini është një kthim. Ai zëvendësoi Montellën në janar 2020. Nga 30 ndeshje në total, ai fitoi 12, barazoi 10 dhe humbi 8.

The post Dorëheqja e Prandellit, Fiorentina rikthen Giuseppe Iachinin appeared first on Albeu.com.

Fiorentina pa “busull”, Cesare Prandelli jep dorëheqjen

E S — Tue, 23 Mar 2021 13:16:18 +0000

Fiorentina është në kaos. Humbja ndaj Milanit ka shkaktuar tërmet tek vjollcët. Trajneri Cesare Prandelli, i ardhur në drejtimin e skuadrës më 9 nëntor, ka vendosur të dorëzojë çelësat e stolit. Në këtë rikthim të tij tek Fiore, 63-vjecari e drejtoi ekipin në 23 ndeshje, duke fituar vetëm 6 takime, përfshi këtu edhe Kupën e Italisë, teksa regjistroi edhe 6 barazime e plot 11 humbje. 3 humbjet në 5 ndeshjet e fundit dhe pozicioni i 14-të në renditje kanë bërë që zhgënjimi të jetë i madh, me trajnerin që ka vendosur të largohet. Prandelli kishte një kontratë deri në fund të këtij sezoni, teksa ka hequr dorë nga pjesa e mbetur e pagesës së tij prej 4 milion eurosh.

Drejtuesit nuk kanë vonuar për të gjetur zëvendësuesin e Prandellit, duke riemëruar pikërisht atë që u shkarkua në nëntor nga stoli i ekipit toskan, Giuseppe Iachinin. Tekniku 56-vjeçar firmosi rinovimin e kontratës me Fiorentinën në verën e vitit 2020-të dhe edhe pse u shkarkua në nëntor vijonte të përfitonte pagën e tij nga klubi vjollcë, tashmë nuk do të paguhet, duke qëndruar në shtëpi, por do të jetë sërish nën drejtimin teknik të skuadrës. Iachini qëndroi në krye të stolit të skuadrës toskane për 30 ndeshje, duke fituar 12 prej tyre, tanimë ai që e nisi këtë sezon si trajner i Fiores do të duhet ta largojë këtë skuadër nga zona e rrezikshme, Fiorentina që është 7 pikë nga vendi i 18-të, që të dërgon në Serinë B edicionin tjetër.

The post Fiorentina pa “busull”, Cesare Prandelli jep dorëheqjen appeared first on Albeu.com.

Prandelli Archives - Albeu.com

Dorëheqja e Prandellit, Fiorentina rikthen Giuseppe Iachinin

Fiorentina pa “busull”, Cesare Prandelli jep dorëheqjen