Sipas një zëdhënësi, në pistat e uljes dhe ngritjes në Vjenë u formua një shtresë e trashë akulli, e cila vazhdoi të krijohej edhe pas përpjekjeve për pastrimin e saj. Për pasojë, disa fluturime u devijuan drejt aeroporteve të tjera.

Ndërkohë, shiu i akullt detyroi Aeroportin e Pragës të kalojë në “funksionim shumë të kufizuar”, sipas një njoftimi të publikuar në llogarinë zyrtare në platformën X.

Autoritetet paralajmëruan se vonesat do të vazhdojnë gjatë gjithë ditës, ndërsa mbërritjet janë kufizuar, pasi stafi po punon për pastrimin e pistës kryesore nga akulli.

Udhëtarët këshillohen të kontrollojnë vazhdimisht statusin e fluturimeve të tyre dhe të ndjekin udhëzimet e kompanive ajrore, për shkak të kushteve të vështira të motit.

The post Temperaturat e ulëta paralizojnë aeroportet në Vjenë dhe Pragë, anulime dhe vonesa fluturimesh appeared first on Albeu.com.

Sfida u zhbllokua në minutën e 2-të, kur Rrahmani asistoi për Sadilek, që shënoi golin e avantazhit. Miqtë barazuan shifrat me Regali në minutën e 36-të, ndërkohë në minutën e 39-të, ishte Qazim Laçi, që rrëmbeu skenën, ku pas një goditje dënimi, i ndihmuar edhe nga devijimi i mbrojtësve kundërshtarë e dërgoi topin në rrjetë.

Në minutën e 45-të, Albion Rrahmani shënoi një gol mjaft të bukur në hyrje të zonës, duke e dërguar topin në trekëndësh, teksa sigloi shifrat në 3-1 në pjesën e parë. Sparta e Pragës e mbylli me fitore 4-1, pasi realizon edhe një gol tjetër në fraksionin e dytë të lojës.

The post Sparta e Pragës rigjen suksesin falë futbollistëve shqiptarë! appeared first on Albeu.com.

Gjithashtu, kryeministri Rama u shpreh se “jemi në mënyrë kokëfortë të dashuruara me Evropën dhe nuk pranojmë ‘jo’ për përgjigje”.

Sipas tij, Ballkani Perëndimor nuk është zgjerim i BE, sepse ndodhet në BE, ndërsa theksoi se zgjerim mund të quhet Ukraina.

Shqiptarët, janë evropianë dhe kjo nuk vendoset në Bruksel, tha Rama.

“Ne jemi një vend evropian dhe kjo nuk vendoset në Bruksel. Evropës i duhej Vladimiri të sulmonte Ukrainën që të mos ta merrte të mirëqenë që Ballkani Perëndimor është aty.

Mjafton të thuash që një ditë horizonti blu do të jetë i juaj, por për momentin na duhet të bëjmë ca gjera të tjera dhe duhet të besoni që kjo është e bazuar në meritë. Po a është vërtetë e bazuar në meritë? Nuk jam i sigurt. Zgjerimi nënkupton të zgjerohesh. Ukraina po është zgjerim. Por Ballkani Perëndimor është këtu, nuk është zgjerim.

Kur vjen fjala për Shqipërinë në jemi evropian, jemi në mënyrë kokëfortë të dashuruara me Evropën dhe nuk pranojmë jo për përgjigje. Ne do të jemi me BE deri në fund, ashtu siç ishim me Stalinin, edhe kur ruset lanë duart me Stalinin. Ne do të jemi me BE edhe kur BE të zhduket dhe do të ftojmë të gjithë ta rinisin nga Shqipëria dhe të ndërtojnë një BE tjetër”, tha Rama.

The post Rama flet nga Praga: Jemi në mënyrë kokëfortë të “dashuruar” me Evropën appeared first on Albeu.com.

Në fokus ishte situata e rendit dhe sigurisë. Kreu i qeverisë u pyet nga moderatori Aslan për mbështetjen që Shqipëria i jep Ukrainës nën agresionin rus.

Gjithashtu, Rama tha se Rusia nuk ka ndryshuar nga ëndrrat e saj imperialiste që nga koha kur Bashkimi Sovjetik drejtohej nga Stalini dhe sot Rusia nën udhëheqjen e Vladimir Putin, karakterizohen nga e njëjta filozofi.

“Ne u rritëm në një vend ku Uashingtoni, Praga ishin njësoj, nuk mund të vinim, na thuhej se imperializmi amerikan, social imperializmi sovjetik ishin i njëjti djall, duhej të mbeteshim me Stalinin edhe kur Rusia hoqi dorë nga Stalini.

E pësuam në kurriz që nuk ka asnjë interes, as nevojë ta shohësh Rusinë apo aleat apo partner të mundshëm tonin sa kohë në Rusi ëndrra për një variant të caktuar të imperializmit në mënyrën e vjetër apo të re nuk do të zhduket.

Jemi i vetmi vend në Europë prej vitit 1990 nuk ka patur asnjë vizitë as nga autoritet e larta në Moskë, as nga Moska tek ne.

Mbetet e paimagjinueshme që në botën tonë, në Europën tonë në shekullin e 21, çfarë do mosmarrëveshje, mënyre e ndryshme të të kuptuarit të fqinjësisë nuk mund të zgjidhet duke dërguar një ushtri. Kjo është e papërfytyrueshme.

Dua të përmend historinë mjaft treguese të himnit rus. Kur Stalini i kërkoi autorit që e shkroi të shkruante diçka shumë motivuese sepse Bashkimi Sovjetik duhet të luftonte, autori e bëri.

Kur Hrushovi erdhi në pushtet i kërkoi autorit të ndryshojë tekstin, edhe Jelcin i kërkoi të ndryshojë tekstin kur erdhi në pushtet se nuk ishte më BS, por ishte Rusia. Edhe kur Putin erdhi në pushtet kërkoi të ndryshojë tekstin, por muzika nuk ndryshoi kurrë në Rusi”, tha Rama.

The post Rama në Pragë: Solidariteti ynë me Ukrainën, por një mosmarrëveshje s’mund të zgjidhet me ushtri appeared first on Albeu.com.

Në mbrëmje, kreu i qeverisë ka darkuar krah president serb Aleksandër Vuçiç. Ky i fundit, në Facebook ka ndarë disa foto në të cilat dallohet edhe takimi me Ramën.

Forumi GLOBSEC mbahet për herë të parë në Çeki nga 30 gusht deri më 1 shtator. Dhjetëra udhëheqës dhe specialistë do të diskutojnë çështjet kritike për sigurinë dhe mbrojtjen me fokus tek rivalitetit i Fuqive të Mëdha dhe Rendit Evropian të Sigurisë.

The post Rama në Pragë, darkon krah Vuçiç! Presidenti serb ndan fotot appeared first on Albeu.com.

“Mua më takon të jem i dobishëm për miqtë dhe për Shqipërinë që ajo të jetë e dobishme për miqtë. Nëse miqtë kërkoj diçka duhet të jesh pranë tyre, jo doemos duhet të biesh dakord 100%. Ne kemi shkuar në luftëra së bashku, ne erdhëm me ju dhe nuk e vumë në dyshim. Thënë kjo, marrëveshja në fjalë është për një temë që është kaq e madhe, kaq e rëndësishme, kaq përcaktuese për Europën dhe mënyrën se si ajo duhet të shohë veten dhe të ardhmen e saj. Po flas për emigracionin dhe ta transformosh atë në një zënkë mes të majtës dhe djathtës, në një konflikt brenda Europës, tregon se ndërkohë që ky është një problem i të gjithë Euorpës, Europa nuk është e gati të veprojë si një e vetme dhe në vend që të trajtojmë problemin është më e lehtë ta ndërtojmë jetën e përditshme bazuar në politika partiake që nuk na çojën askund”, tha Rama.

The post Marrëveshja me Italinë, Rama: Shqipërisë i takon të jetë e dobishme për miqtë, zënkat mes BE tregojnë se… appeared first on Albeu.com.

Lajmin e ka bërë të ditur vetë Rama përmes një postimi në faqen e tij në Facebook, ku ka shkruar se takimi mes tyre është zhvilluar me qëllim vendosjen e ‘piketave’ për rrugën e përbashkët europiane.

“Pragë – Me Ursula von der Leyen, Presidenten e saporizgjedhur të Komisionit Europian, për piketat e rrugës sonë të përbashkët europiane”, ka shkruar Rama.

Rama ndodhet në Pragë pasi kryeqyteti çek do të presë duke nisur nga kjo e premte deri të dielën Forumin vjetor Globsec.

Gjithashtu në këtë forum nga Kosova merr pjesë presidentja Vjosa Osmani dhe nga Serbia, presidenti Aleksandër Vuçiç.

The post Rama takim me von der Leyen: Për vendosjen e piketave për rrugën drejt BE appeared first on Albeu.com.

Trembëdhjetë nga viktimat u gjetën të vdekur në sallat e universitetit, ndërsa një tjetër iu ndërroi jetë për shkak të plagëve të marra në spital.

Autori u vetëvra, por u bë e ditur se pak kohë më parë kishte vrarë të atin, ndërsa dyshohet se ka lidhje me dy vrasje të tjera, të një 32-vjeçari dhe vajzës së tij dy muajshe, disa ditë më herët. Arma e përdorur në atë sulm u gjet në shtëpinë e sulmuesit.

Ndërkohë, identitetet dhe historitë e viktimave të kësaj tragjedia kanë filluar të dalin në pah .

Lenka Hlavkova , drejtuese e Departamentit të Muzikologjisë në Universitetin. Ajo ishte një specialiste në kulturën muzikore të Evropës Qendrore mesjetare.

Jan Dlask, profesor në departamentin e gjermanistikës, specialist i letërsisë finlandeze dhe fino-suedeze.

Lucie Spindlerova, studente e ekselente e diplomuar në letërsinë çeke dhe studime të shurdhërve. Vajza gjithashtu punoi në gazetën Lidové Noviny.

Magdalena Krystkova, gjithashtu studente e letërsisë. Ajo ishte një anëtare aktiv i komunitetit të qytetit të Roztoky prej nga vinte.

Klara Holkova , 20 vjeç, një atlete premtuese që fitoi nëntë medalje në kampionate të ndryshme çeke dhe përfaqësoi vendin në takimet ndërkombëtare të pista dhe fushës, tha federata e saj. Vajza studionte filologji dhe shkenca arkivore.

Aneta Richterova , e cila ishte gjithashtu anëtare e Shërbimit Vullnetar të Zjarrfikësve në një fshat në Boheminë veriore.

Mediat çeke raportojnë se Kozak udhëtonte për në Pragë çdo ditë me autobus, por asnjë nga bashkëfshatarët e tij nuk e kishte idenë se ai mbante armë dhe municione në një kuti kitarësh.

“Davidi dhe unë shkuam në Pragë me autobus tre herë në javë. Kohët e fundit ai mbante një kuti për kitarë, por nuk është diskutuar asnjëherë. Më dukej e çuditshme ”, tha një grua nga fshati Kladensko, nga ishte edhe vrasësi.

Familja e vrasësit u tha se ishte një “familje e qetë dhe e respektuar”. Nëna dhe motra e tij ishin gjithmonë të sjellshme dhe të këndshme, ai vetë përshkruhej si një djalë i mirë.

Policia çeke shpjegoi gjithashtu se si nëna e Kozakut u shpëtua dhe nuk u vra nga djali i saj. Familjarët thonë se gruaja kishte planifikuar të bënte gati shtëpinë e saj për Krishtlindje, por duhej të nxitonte në punë, gjë që i shpëtoi jetën.

The post Këto janë viktimat e masakrës në Pragë, studente plot ëndrra dhe pedagoge të dalluara appeared first on Albeu.com.

Mediat çeke po raportojnë për 10 persona të vrarë dhe për nëntë të plagosur rëndë.

Policia ka thënë se sulmuesi është eliminuar dhe e gjithë ndërtesa është duke u evakuuar.

Ministri i Brendshëm çek Vit Rakushan, ka thënë për mediat çeke se ka të vdekur, por se nuk mund të spekulojë për shifrën përfundimtare.

Disa studentë kanë treguar në platformën X – të njohur më parë si Twitter, se kanë mbyllur dyert me mjete të ndryshme për të parandaluar sulmuesin.

Një email që i është dërguar stafit të universitetit, që e ka parë agjencia e lajmeve Reuters, ka paralajmëruar personelin për të shtënat.

“Qëndroni në vend, mos shkoni askund nëse jeni nëpër zyra, mbyllni dyert me orendi dhe ndalni dritat”.

Policia u ka kërkuar banorëve të Pragës që të qëndrojnë nëpër shtëpitë e tyre.

Autoritetet e kanë mbyllur gjithë sheshin Jan Palah, ku është ndërtesa e fakultetit, dhe zonën përreth.

Kryeministri çek Petr Fiala, ka thënë se do të anulojë të gjitha planet, pas “ngjarjes tragjike”.

Ambasada e Kosovës në Çeki, u ka kërkuar të gjithë shtetasve të Kosovës që jetojnë në Pragë, që t’i ndjekin udhëzimet e autoriteteve lokale.

Ambasada ka thënë se të gjithë qytetarët mund të kërkojnë ndihmë konsullore në +420 257 217 775.

Universiteti i Karlit është në qendër të Pragës, rreth 500 metra prej Urës historike të Karlit – atraksioni kryesor për turistët.

Krimet me armë janë të rralla në Republikën Çeke.

Në dhjetor të vitit 2019, një 42-vjeçar ka vrarë gjashtë persona në një qendër pritjeje në spital, në qytetin lindor Ostravë, para se të kryente vetëvrasje.

The post Raportohet për të vdekur pas një sulmi në një universitet në Pragë, sulmuesi eliminohet appeared first on Albeu.com.

Ka qenë vetë hoxha i cili ka ndarë foton e tij me Morinën, ndërsa shkruan se nuk e di se si ka arritur të hyjë në ceki, në një kohë që është në kërkim nga Interpoli, pas urdhëarreestit për të të lëshuar nga Serbia.

Postimi i Hoxhës:

A e mbani mend këtë personazh???!!!

Njeriu i dronit me flamurin e Shqipërisë Etnike mbi stadiumin e Beogradit…

Në stadiumin “Fortuna Arena” të Pragës,

me Ballist Morinën…

Nuk e di nga “dreqin” ka ardhur dhe si ka hyrë në Çeki, por zyrtarisht vazhdon të jetë në kërkim nga Interpoli, pas urdhërarrestit që vazhdon të mbetet ende në fuqi nga autoritetet Serbe.

O sa mirë me qenë SHQIPTAR…

The post “Në kërkim nga interpoli”, Ballist Morina habit Artan Hoxhën: Nuk e di si ka hyrë në Çeki appeared first on Albeu.com.