Ai theksoi se fushata e PS në këto zgjedhje ëhstë e bazuar tek qytetarët dhe problemet e tyre, dhe nuk ka aspak në fokus debatin apo sharjet me kundërshtarin.

Ai ftoi edhe demokratët që në 14 maj të votojnë atë dhe kandidatët e PS për anëtarë të Këshillit Bashkiak në mënyrë që të gjitha projektet të ecin përpara.

“Ne nuk e bëjmë këtë punë se kemi inat njeri, por e bëjmë këtë punë sepse e kemi pasion, se e duam njëri-tjetrin, duam të bashkojmë komunitetin dhe që gjërat të ecin përpara. Në këtë kuptim dua një fushatë pozitive, pa të shara, pa debat. Nëse ata [opozita] nuk binden nga puna, nuk ka problem, në demokraci biem dakord që të mos biem dakord. Por, nëse duan të kthehemi të torta e Pavarësisë, te zaptimi i Lanës, te zaptimi i Parkut Rinia, është punë e tyre. Megjithatë, unë besoj se shumica dërrmuese, siç është provuar në çdo palë zgjedhje, në Zall-Bastar do që gjërat të shkojnë vetëm përpara. Me këtë simbol të bukur të mbjelljes së pemëve, ne duam që në çdo komunitet të mbillet pastërti, jo pisllëk, të mbillet dashuri, jo inat, jo urrejtje, të mbillet bashkim, jo përçarje dhe në një vend ku një pjesë e politikës mbjell vetëm sherr dhe helm, ne duhet të jemi ilaç, pastërti, dashuri, mirësi dhe mbarësi”, u shpreh Veliaj.

Ai tha se të votosh për Partinë Socialiste është të votosh për punën dhe ecjen përpara.

“Ata e kanë hallin të fusin sa më shumë njerëz te gropa e tyre, ndërkohë ne duam të nxjerrim sa më shumë njerëz edhe nga gropa e varfërisë, edhe e mungesës së infrastrukturës, edhe mungesës së mundësisë që të kemi gojën e të themi: sa ishim, i bashkuam njerëzit, nuk i përçamë; sa ishim u fokusuam te puna, jo tek dhuna; sa ishim, i ngritëm njerëzit lart, nuk i shamë, as fyem dhe as i ofenduam dhe sa kishim takat e mundësi, bëmë më të mirën për t’i shërbyer komuniteteve tona të jashtëzakonshme, duke filluar këtu në Zall-Bastar dhe në të gjithë territorin e Tiranës së madhe”, tha Veliaj.

The post Zgjedhjet lokale, Veliaj: Të heqim dorë nga sherri dhe urrejtja, fushata e PS do të jetë pozitive appeared first on Albeu.com.

Një ndër Shtatë ligjet shpirtërore të suksesit të cilat i studion Deepak Chopra, flet pikërisht për atë dhe quhet Ligji i angazhimit minimal (The Law of Least Effort), transmeton Telegrafi.

Ky ligj mbështetet në idenë që arrijmë më shumë nëse angazhohemi më pak. Edhe pse tingëllon paradoksale, nëse për këtë ligj mendojmë nëpërmjet parimeve të ruajtjes së energjisë, ai ka kuptim.

Baza e ligjit është që inteligjenca e natyrës është e strukturuar në atë mënyrë që me përpjekje minimale të arrihet maksimumi: lulëzimi i luleve, lumenjtë të cilët rrjedhim, shiu që bie, bari që rritet – çdo gjë lëviz në harmoni dhe bashkë me energjinë universale të dashurisë pa angazhim dhe përpjekje.

Imagjinoni që trupi juaj është bartës i asaj energjie. Te ju është zgjedhja a do ta ruani apo do ta përhapni. Kur na lëvizin frika dhe egoja, shpenzojmë energji të madhe apo madje vendosim bllokada të cilat ndërpresin rrjedhën e energjisë pozitive. Nga ana tjetër, kur veprat tona janë të motivuara nga dashuria, forcën e marrim nga burimi universal i energjisë.

Kur i dorëzohemi rrjedhës apo i pranojmë gjërat ashtu siç janë, kursejmë atë energji të vlefshme. Mund të ushtrojmë aplikimin e këtij ligji edhe në jetën e përditshme ashtu që do t’i mësojmë tri gjëra:

1. Ushtrimi i pranimit të plotë. Në vend që të luftoni kundër situatave të cilat nuk i keni për qejfi, vendosni t’i pranoni. Kjo nuk do të thotë që jeni pasivë, por, duke u liruar nga tensioni i luftës së vazhdueshme, jeni të gatshëm të bëni atë që vërtet dëshironi. Gjithashtu, pranimi zvogëlon vuajtjen tuaj e cila lind nga rezistenca ndaj situatës së caktuar.

2. Marrja e përgjegjësive. Mos ia i hidhni fajin të tjerëve dhe rrethanave, por as vetes. Fokusohuni në atë që sot mundeni ta ndërmerrni në mënyrë që të avanconi.

3. Mos u mbroni. Mos e shpenzoni kot energjinë në përpjekjet që të mbroheni apo t’i dëshmoni ndokujt. Bëhuni fleksibël dhe i hapur edhe për mendime të tjera.

The post Si ta ruajmë pozitivitetin çdo ditë: Është e thjeshtë, ndiqni këta tre hapa! appeared first on Albeu.com.