postime Archives - Albeu.com

Sa paguhen anëtaret e familjes më të famshme në botë për postimet në rrjetet sociale?

D Marku — Mon, 26 Feb 2024 19:10:52 +0000

Anëtarët e familjes Kardashian-Jenner, përveç markave dhe reality show-ve të tyre, fitojnë shifra marramendëse falë postimeve në rrjetet sociale.

Hopper HQ së fundmi ka dhënë një vështrim në lidhje me këtë temë

Secili prej postimeve të tyre bëhet një sipërmarrje fitimprurëse, duke e kthyer në një industri shumë milionëshe. Kylie Jenner, anëtarja më e re e familjes që ka 400 milionë ndjekës në Instagram, fiton 2,386,000 dollarë për çdo postim që ndan. Kim Kardashian fiton 2,176,000 dollarë. Khloe Kardashian fiton një shumë mbresëlënëse prej 1,866,000 dollarë dhe motra e tyre, Kendall Jenner, fiton 1,758,000 dollarë.

Kourtney Kardashian fiton gjithashtu deri në 1,343,000.

Kris Jenner është ende e fokusuar në reality show, falë të cilit fiton nga 8.3 deri në 12.5 milionë dollarë në sezon. Ajo gjithashtu merr 10 për qind të çdo fitimi që bëjnë vajzat e saj. Pasuria e saj vlerësohet në 170 milionë dollarë.

Legjendat e futbollit, Cristiano Ronaldo dhe Lionel Messi, kanë fitimet më të larta.

Cristiano fiton 3,234,000 dollarë dhe Lionel 2,597,000 dollarë për çdo postim.

The post Sa paguhen anëtaret e familjes më të famshme në botë për postimet në rrjetet sociale? appeared first on Albeu.com.

FOTO/ Si e kaluan fundjavën vipat!

D Marku — Mon, 26 Feb 2024 11:20:04 +0000

Instagrami është mbushur plot me postime të personazheve të famshme shqiptare, të cilat na tregojnë përmes fotove të rejat më të fundit nga jeta e tyre.

Si çdo here, ne ju tregon përmes fotove ku e kanë kaluar fundjavën vipat shqiptarë, të cilët tërheqin vëmendjen tonë me foto që postojnë në rrjete sociale.

Zbuloni më shumë në galerinë më poshtë për të parë si e kaluan vipat fundjavën!

The post FOTO/ Si e kaluan fundjavën vipat! appeared first on Albeu.com.

Orari ideal për të postuar në Facebook, Instagram dhe Twitter

E S — Fri, 19 Aug 2022 18:38:32 +0000

Sipas studimeve më të fundit, pandemia ka krijuar një rutinë të re mes përduresve të rrjeteve sociale duke ndryshuar kohët e ditës gjatë të cilave ata janë më aktivë online.

Rrjetet sociale e nisën vitin 2022 me rreth 4 miliardë përdorues dhe në një kohë kur 71% e konsumatorëve shprehen se i bëjnë blerjet e tyre online, orari kur ne postojmë – qoftë për bizneset por edhe për për përdoruesit e rregullt – është ajo që mund ta bëjë një postim të shkelqejë ose jo.

Më poshtë do të gjeni orët më të mira gjatë ditës për të postuar në Instagram, Facebook dhe Twitter.

Orari ideal për të postuar në Instagram

44% e përdoruesve të këtij rrjeti social thonë se e përdorin atë për të blerë produkte çdo javë.

Orari ideal për të postuar në Instagram është:

Të hënave në 11 a.m., të martave dhe të mërkurave nga ora 10 a.m. – 1 p.m., dhe të enjteve dhe të premteve nga 10 a.m. – 11 a.m.

Ditët më të mira për të postuar në Instagram: të martat dhe të mërkurat

Ditët më të këqia për të postuar në Instagram: të dielat

Orari ideal për të postuar në Twitter

Twitter është kthyer në platformën numër 1 për lajmet e fundit, trendet e fundit si edhe deklarata bombastike nga njerëzit më me influencë të momentit.

Orari ideal për të postuar në Twitter është: Të hënat, të martat, të mërkurat, të premtet dhe të shtunat në 9 a.m.

Ditët më të mirat për të postuar në Twitter: të martat dhe të mërkurat

Ditët më të këqia për të postuar në Twitter: të dielat

Orari ideal për të postuar në Facebook

Facebook mbetet një nga platformat më të përdorura nga binzeset dhe reklamuesit por në vitin 2022 u dallua një ndryshim në orarin kur ka më shumë trafik.

Nëse në vitet e shkuara, mëngjeset e vona ishin koha ideale për të postuar, tashmë duket se ka një kalim tek orët e para të drekës.

Orari ideal për të postuar në Facebook është:

e hënë- e martë 1 p.m. – 3 p.m.

E mërkurë: 11 a.m. – 1 p.m. ,

e enjte: 5 p.m. – 8 p.m. ,

e premte 11 a.m

Ditët më të mirat për të postuar në Facebook: Të martave – të premteve

Ditët më të këqia për të postuar në Facebook: të shtunat

The post Orari ideal për të postuar në Facebook, Instagram dhe Twitter appeared first on Albeu.com.

Bënte thirrje për akte terroriste ndaj institucioneve shtetërore, arrestohet ekstremisti nga Kukësi (VIDEO)

E B — Tue, 24 May 2022 07:41:07 +0000

Policia ka vënë në pranga një ekstremist në Kukës, pasi postonte me profile false në rrjetet sociale, foto dhe shkrime nxitëse, thirrje publike dhe propagandë për kryerjen e veprave terroriste kundër disa institucioneve të rëndësishme shtetërore. Nga hetimet rezulton se Ibrahim El Salih(Lekica)., 56 vjeç ishte me prirje ekstremiste fetare dhe postonte në rrjetet sociale shkrime të ndryshme në përkrahje të ISIS. Gjithashtu, i bënte thirrje qytetarëve, për përkrahje të luftës në Siri.

Njoftimi i policisë:

Policia e Shtetit

Postonte me profile false në rrjetet sociale, foto dhe shkrime nxitëse, thirrje publike dhe propagandë për kryerjen e veprave terroriste kundër disa institucioneve të rëndësishme shtetërore, identifikohet dhe vihet në pranga nga Drejtoria e Antiterrorit, 56-vjeçari nga Kukësi.

Specialistët e Drejtorisë së Antiterrorit, në bashkëpunim me Drejtorinë Vendore të Policisë Kukës, bënë ekzekutimin e vendimit të Gjykatës së Posaçme Kundër Korrupsionit dhe Krimit të Organizuar, e cila ka caktuar për shtetasin I. S.(L.), 56 vjeç, banues në Kukës, masën e sigurisë “Arrest në burg”, si i dyshuar për kryerjen e veprës penale “Nxitja, thirrja publike dhe propaganda për kryerjen e veprave me qëllime terroriste”.

Nga hetimet e kryera prej disa muajsh nga Drejtoria e Antiterrorit në Policinë e Shtetit, në bashkëpunim me Byronë Kombëtare të Hetimit (BKH) dhe SPAK-un, duke përdorur metodat proaktive, u bë i mundur identifikimi i personit që përdorte këto profile false, shtetasi I. S.(L.), person me prirje ekstremiste fetare, i cili postonte në rrjetet sociale, shkrime të ndryshme në përkrahje të ISIS. Gjithashtu, i bënte thirrje qytetarëve, për përkrahje të luftës në Siri.

Materialet i kaluan SPAK-ut, për veprime të mëtejshme./albeu.com

The post Bënte thirrje për akte terroriste ndaj institucioneve shtetërore, arrestohet ekstremisti nga Kukësi (VIDEO) appeared first on Albeu.com.

10 gjëra që nuk duhet ti shpërndani kurrë në rrjete sociale

E S — Tue, 14 Dec 2021 11:34:46 +0000

Shumë njerëz janë të panjohur me faktin se Facebook dhe rrjetet e tjera sociale mbledhin të dhëna personale për përdoruesit e tij.

1. Dhuratat e shtrenjta;

Studimet tregojnë se fotot e sendeve të shtrenjta të njerëzve të tjerë në mediat sociale rrit ndjenjat tona të pasigurisë dhe dështimit dhe na mbush me zili dhe pakënaqësi me jetën tonë. Nëse ndani një unazë të shkëlqyeshme me anë të një llogarie publike, gjithmonë duhet të merrni parasysh se do të tërheqë vëmendjen e panevojshme për pasurinë tuaj.

2. Fotografitë e ultrazërit;

Gjinekologët zakonisht thonë se duhet të pritni deri në trimestrin e dytë për të treguar lajmin e gëzuar pasi që mundësia për shtatzëni të dështuar është më e vogël atëherë.

3. Fotografi duke festuar;

Mos prishni imazhin tuaj me fotografi kur nuk ishit vetja juaj. Ju nuk e dini se si do të ndikojë kjo p.sh në punën tuaj.

4. Informatat financiare;

Paraja është një temë delicate për të gjithë. Prandaj nëse ju jeni të suksseshëm mos shpejtoni të shpërndani atë me shoqërinë tuaj në rrjete sociale.

5. Fotografitë e pushimeve;

Është një gabim shumë i madh të postoni fotografi gjatë pushimeve tuaja. Kjo do të thotë të hapësh dyert që personat të hyjnë në shtëpinë tënde. Postoni ato gjithmonë pasi të ktheheni.

6. Pakënaqësitë që keni në punë;

Asnjëherë mos postoni opinionet që keni për punën tuaj. Ndoshta dikush prej kolegëve tuaj mund të ju spiunojë.

7. Komente zjarr-vënëse;

Edhe nëse e keni menduar si një shaka duhet të keni kujdes për komentet politike, raciste e religjioze që bëni në rrjetet sociale.

8. Aksione ilegale;

Nëse jeni person që keni dëshirë të jetoni jetën me përplot rregulla të thyera, mos i postoni ato veprime në profiling tuaj.

9. Selfie duke u puthur;

Shumë njerëz mendojnë se kjo gjë është neveritëse, prandaj mbajini ato për vete.

10. Çaste intimiteti;

Çfarëdo që po ndodhë me partnerin tuaj, duhet mbahet larg njerëzve të tjerë.

The post 10 gjëra që nuk duhet ti shpërndani kurrë në rrjete sociale appeared first on Albeu.com.

Fjolla Morina thyen rregullat edhe brenda qelisë? Reagimet e dyshimta në rrjetet sociale (FOTO LAJM)

A M — Fri, 23 Jul 2021 11:13:24 +0000

Gjykata Themelore e Prishtinës vendosi që Fjolla Morina të qëndrojë 40 ditë në paraburgim me dyshimin për trafikim me armë dhe arratisje nga vendi i paraburgimit. Masa e paraburgimit do llogaritet prej momentit kur Morina është arrestuar. Ky vendim do të jetë në fuqi deri në një vendim të radhës, që mund të jetë ekstradimi në Shqipëri, duke qenë se këngëtarja është e kërkuar nga autoritetet shqiptare.

Mirëpo i çuditshëm është fakti se Fjolla ka bërë më herët një postim sot në rrjete sociale. Këngëtarja ka publikuar në Facebook një foto të saj nga pushimet, në të cilën shihet duke mbajtur në krahë vajzën e vogël, Alyah. Ajo ka vendosur mbi foto ditën dhe orën e saktë, duke lënë vend për shumë dyshime.

Jo vetëm kaq. Së fundmi ajo ka lënë gjithashtu një koment nga po e njëjta llogari në Facebook, ku shpërthen në lajmet e publikuara për të.

“Cfarë gënjeshtrash ju portalet”- shkruhet në koment ndërsa njerëzit po dyshojnë nëse është vërtetë Fjolla që e përdor këtë llogari.

Fjolla Morina u arrestua në dyqanin e saj në Prishtinë, pasi ishte shpallur në kërkim ndërkombëtar më 21 prill 2021, një muaj pasi gjykata e Kukësit e dënoi me 6 vite burgim për “trafik të armëve dhe municionit”.

Kjo vjen si pasojë e arrestimit të saj vitin e kaluar në pikën kufitare Kosovë-Shqipëri, ku ajo u kap me dy armë në makinë, teksa shoqërohej edhe nga bashkëshorti i saj, Fisnik Syla e një person i tretë.

Ndërkohë avokati i saj, Fanol Krasniqi, e përshkroi arrestimin e Fjollës si çnjerëzor.

“Fjolla Morina është arrestu në mënyrën më çnjerëzore të mundshme, pasi që te njejtes i dihet adresa e banimit, madje e njejta ka edhe nenshtetesi. Fjolla Morina nuk është thirrë paraprakisht që të intervistohet apo ti tregohet arsyeja e arrestimit. Ajo është arrestu para të gjithë lagjes.Ajo nuk pranoi asnjë urdheresë. Vetëm verbal “Kemi urdhëresë prej shtetit të Shqipërisë se është kërku ekstradimi për veprën të cilën je shpall fajtor”, u shpreh avokati i këngëtares gjatë një intervistë.

The post Fjolla Morina thyen rregullat edhe brenda qelisë? Reagimet e dyshimta në rrjetet sociale (FOTO LAJM) appeared first on Albeu.com.