Kështu, BoJo është ngjitur në kabinën e një avioni luftarak të ushtrisë britanike (Typhoon) për të provuar një fluturim në ajër.

Një video e publikuar nga mediat angleze zbulon se si kryeministri në largim u kënaq me udhëtimin e tij në bordin e luftarakut të RAF, me vlerë 75 milionë paund.

Johnson madje e krahasoi ekspeditën e tij emocionuese me kohën e tij të trazuar në Downing Street, në një fjalim para drejtuesve të biznesit këtë mëngjes.

Kryeministri, i cili ka vetëm shtatë javë të mbetura në detyrë, i tha një auditori në Farnborough Air Show se si ai kishte kryer “disa aventura mjaft të vështira, nëse jo të habitshme”.

Por ai pranoi se tani ishte koha për t’i ‘dorëzuar kontrollet pa probleme dikujt tjetër’ ndërsa deputetët kryesorë konservatorë vazhdojnë betejën e tyre për ta zëvendësuar atë.

Johnson e realizoi fluturimin e rrallë për një kryeministër në shoqërinë e komandantit të krahut Paul Hanson.

The post Pas dorëheqjes nga posti Johnson shfaqet në kabinën e një avioni luftarak (VIDEO) appeared first on Albeu.com.