Në objektin qendror të Postës së Kosovës në Prishtinë u mbajt sot ceremonia e promovimit të emisionit të pullave postare të dedikuara 250-vjetorit të Pavarësisë së Shteteve të Bashkuara të Amerikës. Në këtë ngjarje morën pjesë përfaqësues të institucioneve të Republikës së Kosovës, të Ambasadës së SHBA-së në Kosovë, si dhe mysafirë të tjerë të ftuar.

Kryeshefja ekzekutive e Postës së Kosovës, Nora Rraci, vlerësoi se një pullë postare tejkalon kuptimin e një elementi të thjeshtë filatelik.

Rraci: Misioni ynë, të mbetemi urë komunikimi, besimi dhe lidhje njerëzore

“Për Postën një pullë postare nuk është vetëm një element filatelik, ajo është histori në miniaturë. Është një mesazh që udhëton në kohë, lidh njerëz, popuj dhe ruan ngjarjet e vlerat që meritojnë të kujtohen brez pas brezi. Pullat postare mbahen si nga format më autentike të ruajtjes së kujtesës historike dhe promovimit të identitetit shtetëror në arenën ndërkombëtare. Edhe në një kohë të transformimeve të mëdha teknologjike, Posta e Kosovës vazhdon të ruajë me krenari traditën filatelike dhe njëkohësisht të ofrojë shërbim universal postar të qasshëm për çdo qytetar të vendit tonë. Ky është misioni ynë, të mbetemi urë komunikimi, besimi dhe lidhje njerëzore”, tha Nora Rraci.

Kryeministri i Republikës së Kosovës, Albin Kurti, e përshkroi këtë pullë si shenjë të miqësisë dhe partneritetit të qëndrueshëm mes Kosovës dhe Shteteve të Bashkuara të Amerikës.

Sipas tij, përveçse shënon këtë jubile të rëndësishëm amerikan, pulla postare paraqet edhe një konfirmim të marrëdhënieve të shkëlqyera ndërmjet dy shteteve, si dhe të çmimit për mbështetjen vendimtare që SHBA-ja i ka dhënë Kosovës në proceset e shtetndërtimit, në forcimin e institucioneve demokratike, në sigurinë dhe në zhvillimin e vendit.

Kurti: Kjo pullë shërben për një afirmim simbolik të partneritetit të fortë dhe raporteve të shkëlqyeshme ndërmjet dy vendeve tona

“Mirëpo edhe përtej kësaj date të rëndësishme, kjo pullë shërben për një afirmim simbolik të partneritetit të fortë dhe raporteve të shkëlqyeshme ndërmjet dy vendeve tona. Mbështetja e vazhdueshme e Shteteve të Bashkuara të Amerikës për Kosovën ka qenë vendimtare në proceset tona shtetndërtuese dhe në konsolidimin e institucioneve demokratike, dhe kjo përkrahje vazhdon të luajë një rol jetik në sigurinë dhe në zhvillimin e vendit tonë. Të nderuar të pranishëm, kur pasardhësit tanë ta festojnë me 4 korrik 2076 përvjetorin e 300-të të pavarësisë së Shteteve të Bashkuara të Amerikës, ne mbase nuk do të jemi, e mbase edhe pullat postare s’do të jenë. Por një gjë është e sigurt, aleanca jonë, partneriteti midis Republikës së Kosovës dhe Shteteve të Bashkuara të Amerikës do të vijojë të jetojë, po aq i fortë dhe i qëndrueshëm sikurse që është edhe sot”, theksoi Albin Kurti.

Në emër të Ambasadës së Shteteve të Bashkuara në Kosovë, zëvendësshefja e misionit, Anu Prattipati, shprehu falënderimin ndaj Postës së Kosovës për këtë iniciativë, të cilën e cilësoi si një nder për popullin amerikan.

Prattipari: Qytetarët do e shikojnë këtë pullë postare, do ta kujtojnë që Kosova dhe SHBA kanë qëndruar së bashku për liri

“Pranimimi i kësaj pulle nga Kosova sot përbën një nder për ne. Çdo shkronjë e cila gjendet aty përcjell një histori të lirisë dhe miqësisë mes nesh. Postës së Kosovës dua t’ju them se keni krijuar diçka që do të qëndrojë për shumë mot. Vite pas ditës së sotme, njerëzit, qytetarët do e shikojnë këtë pullë postare dhe do ta kujtojnë që Kosova dhe Shtetet e Bashkuara kanë qëndruar së bashku për liri. Si Amerikë, ndërsa po shënon 250-vjetorin e pavarësisë, ne e shpërfaqim mirënjohjen për aleatët tanë siç është Kosova, një komb i cili e kupton vlerën e sovranitetit, demokracisë dhe bashkëpunimit të qëndrueshëm. Në emër të Ambasadës së Shteteve të Bashkuara dhe popullit amerikan, ju falënderoj shumë për këtë nder dhe për miqësinë tuaj”, tha Prattipari.

Kjo ceremoni u organizua në kuadër të 250-vjetorit të Pavarësisë së Shteteve të Bashkuara të Amerikës.

The post Posta e Kosovës prezanton pullën postare për 250-vjetorin e Pavarësisë së SHBA-së appeared first on Albeu.com.

Mesazhi përmban linkun: https://shqiptareo.cc/an dhe mund të vjedhë të dhëna personale ose bankare.

Ndërkohë kujtojmë qytetarët që nuk duhet të klikoni në linkun e SMS-së dhe as të ndani informacione personale.

Për të verifikuar dërgesat e pakove, qytetarët duhet të përdorin vetëm faqet zyrtare të kompanive postare ose të shërbimeve logjistike.

Ky rast lidhet me një valë të gjerë mashtrimesh online që kanë përfshirë qytetarë shqiptarë, përfshirë “Xuex”, e zbuluar së fundmi nga autoritetet.

“Xuex” funksiononte duke tërhequr investime me premtime të fitimeve të larta dhe shpejta, ndërsa pjesëmarrësit të rinj detyroheshin të ftonin të tjerë për të fituar.

The post Mos e klikoni linkun, ky mesazh që u vjen në celular është mashtrim appeared first on Albeu.com.

Sipas informatave që posedon Telegrafi, hapja e Postës së Kosovës pritet të bëhet gjatë kësaj jave.

Përveç kësaj, vlen të theksohet se në Mitrovicën e Veriut po vazhdon hapja e bizneseve kosovare, të cilat deri tani nuk kanë operuar në këtë pjesë të qytetit.

Këto biznese jo vetëm që ofrojnë shërbime dhe produkte të reja për banorët, por gjithashtu ndihmojnë në rritjen e ekonomisë lokale dhe krijimin e vendeve të reja të punës.

The post Në Mitrovicë të Veriut së shpejti hapet edhe Posta e Kosovës, përgatitjet janë në fazën finale appeared first on Albeu.com.

Vuçiç u shpreh se sjellja e  kryeministrit të Kosovës Albin Kurti është një “tentativë për të provokuar luftë”.

“Ne nuk duam luftë, por ai po e bën qëllimisht, të organizuar dhe me mbështetjen e disa fuqive perëndimore.

Deklarata e agjencisë së jashtme evropiane është e turpshme dhe e vrazhdë sepse në atë deklaratë na ftojnë të diskutojmë sërish për lëvizjet e njëanshme dhe të paligjshme të Kurtit.

Çfarëdo marrëzie që ai bën, na thërrasin të flasim se si të kapërcejmë diçka që është shkelur brutalisht.

Nga viti 2015 ka marrëveshje për telekomunikacionin, Postën e Serbisë dhe gjithçka tjetër.

Ajo marrëveshje u shkel brutalisht.

Teksti është zbutur qëllimisht për shkak të dy anëtarëve të BE-së që gjithmonë zbutin të gjitha qëndrimet që duhet të shkojnë kundër Prishtinës dhe Kurtit dhe përpiqen të na bëjnë budallenj.

Jam shumë i shqetësuar”, tha Vuçiç.

Ai po ashtu thotë se ka folur personalisht me Miroslav Lajçak dhe i ka dërguar një mesazh të qartë lidhur me këtë rast.

The post Mbyllja e zyrave postare serbe, Vuçiç: Sjellja e Kurtit, tentativë për të provokuar luftë appeared first on Albeu.com.

Punonjësit e Postave të Maqedonisë edhe sot kanë protestuar nga 08:00 deri në 10:00. U janë premtuar paga gjatë ditës, por nuk heqin dorë nga greva, duke kërkuar nga Qeveria, reforma urgjente në kompani.

“Situata financiare në Postat e Maqedonisë është cënuar seriozisht. Nuk sigurojmë mjete të mjaftueshme për paga. Disa vite sigurojmë përmes kredive dhe huave. Erdhi momenti ku tashmë nuk kemi nga ku të sigurojmë mjete. Kërkojmë nga Qeveria që të angazhohet për reforma dhe të sigurojë mjete financiare”, tha Boro Veligdenov, kryetar i Sindikatës.

Sistematizimi i ri, marrëveshje të re kolektive, rajonbalizimi i rajoneve postare, modernizimi teknologjik dhe ndryshime në ligjin për shërbime postare si dhe pagesa me kohë e pagave janë disa nga kërkesat e sindikalistëve.

Në “Postat e Maqedonisë” ka 1.800 të punësuar dhe 200 postierë me marrëveshje, që me vite punojnë pa sigurim dhe me paga minimale.

The post Punonjësit e Postës të Maqedonisë edhe sot në protestë, kërkojnë rritjen e pagave appeared first on Albeu.com.

Elis Suçi ishte shpallur në kërkim si bashkëpunëtor i grabitjes së filialit të postës në Kamëz.

Suçi është një emër i njohur për policinë e shtetit.

Ai rezulton në kërkim gjithashtu edhe për grabitje të tjera në Tiranë.

Kujtojmë se Elis Suçi qëlloi me armë ndaj efektivëve të policisë gjatë një aksioni për arrestimin e tij.

Ngjarja u shënua në mars të po këtij viti në rrugën “Nënë Tereza” në Kamëz.

Njoftimi i policisë:

Kamzë

Vijon operacioni policor i koduar “Filiali 2”, i zhvilluar nga Komisariati i Policisë Nr. 5.

Kapet dhe vihet në pranga autori kryesor i vjedhjes së një shume parash, nën kërcënimin e një arme, në filialin e Postës Shqiptare.

Sekuestrohen 1 milion lekë të rinj, një aparat celular, një armë zjarri pistoletë dhe veshjet që autori dyshohet se i ka përdorur gjatë kryerjes së krimit.

Shërbimet e Komisariatit të Policisë Nr. 5, në Kamzë, në vijim të punës për goditjen e paligjshmërisë dhe kapjen e personave në kërkim, në vijim të veprimeve intensive hetimore, në bashkëpunim me Sektorin e Forcës së Posaçme Operacionale, bënë kapjen dhe arrestimin në flagrancë të shtetasit E. S., 30 vjeç, banues në Kamzë.

Më datë 18.04.2022, rreth orës 14:20, shtetasi E. S., në bashkëpunim me shtetasin A. K., 20 vjeç ( i arrestuar më parë), nën kërcënimin e një arme, kanë marrë një shumë parash në filialin e postës Shqiptare në Kamzë.

Në cilësinë e provës materiale janë sekuestruar 1 milion lekë të rinj, një aparat celular, një armë zjarri pistoletë dhe veshjet që autori dyshohet se i ka përdorur gjatë kryerjes së krimit.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

/albeu.com

The post Kapet grabitësi i postës së Kamzës, momenti kur i vihen prangat (VIDEO) appeared first on Albeu.com.