Portugalisë Archives - Albeu.com

Ronaldo nuk do të jetë në posterin e yllit të Portugalisë për Kupën e Botës 2022, vendin ja zë shoku i skuadrës

admin — Tue, 04 Oct 2022 14:34:17 +0000

Duket se kombëtarja portugeze ka gjetur heronj të rinj: Cristiano nuk është planifikuar të vendoset në posterin me yjet e Botërorit 2022.

Në Doha do të vendosen postera, organizatorët, së bashku me përfaqësuesit e vendeve pjesëmarrëse në turne, zgjedhin një lojtar nga çdo ekip (gjithsej janë 32).

Për shembull, fytyra e Brazilit ka të ngjarë të jetë Neymar, Anglia Harry Kane, Uruguai Luis Suarez, Kroacia Luka Modric, Senegal Sadio Mane dhe Kanada Alphonso Davis. Sipas ESPN, Ronaldo nuk është përfshirë në këtë listë pasi po humb statusin e tij te Manchester United. Në vend të CR7 , ata mund të portretizojnë shokun e tij të skuadrës në Manchester United, Bruno Fernandes ose mesfushorin e Liverpool, Diogo Jota, shkruan albeu.com.

Është e rëndësishme të theksohet se Argjentina gjithashtu nuk ka vendosur ende për heroin e saj, kështu që Leo Messi mund të jetë në të njëjtin pozicion si Ronaldo. /G.D albeu.com/

The post Ronaldo nuk do të jetë në posterin e yllit të Portugalisë për Kupën e Botës 2022, vendin ja zë shoku i skuadrës appeared first on Albeu.com.

CR7 i bën të gjitha vetë: Humbet penallti, realizon dopietë dhe i jep fitoren Portugalisë (VIDEO)

admin — Wed, 01 Sep 2021 20:48:44 +0000

Portugalia ka fituar me përmbysje 2-1 ndaj Iralandës me dy golat e CR7.

Protagonisti kryesor ishte padyshim Cristiano Ronaldo i cili në minutën e 15 humbi një penallti, por shënoi dy gola në fund të ndeshjes për t’i dhënë fitoren kombëtarës së tij.

Golin e vetëm për Irlandën e shënoi John Egan në minutën e 45, ndërsa golat e Ronaldos erdhën në minutat 89 dhe 90+6.

Cristiano Ronaldo tani është golashënuesi më i mirë ndërkombëtar i të gjitha kohërave me 111 gola për Portugalinë. /albeu.com/

The post CR7 i bën të gjitha vetë: Humbet penallti, realizon dopietë dhe i jep fitoren Portugalisë (VIDEO) appeared first on Albeu.com.

Felix thërret publikisht yllin e Portugalisë pas super Europianit: Eja te Atl Madrid (FOTO LAJM)

admin — Mon, 05 Jul 2021 15:39:37 +0000

Joao Felix nuk ka zhvilluar një Europian të mirë, shkak edhe mungesat e shumta në sajë të dëmtimeve dhe një forme të luhatur edhe gjatë sezonit.

Ylli i Atletico Madrid ka nisur pushimet dhe shpresohet që vitin tjetër të jetë më gati dhe të bëjë diferencën te colchoneros që e paguan gati 121 mln euro.

Ndërkohë, ai përfiton për të bërë “merkaton”… Si? nga rrjetet sociale, natyrisht.

Kështu, në postimin e Renato Sanchez nga avioni privat teksa do të udhëtojë për të pushuar, Felix ka komentuar “eja te Atletico”, ndërsa ylli i Lille dhe fitues i Ligue 1, që zhvilloi super Europian, e ka kthyer me një shikim disi misterioz.

The post Felix thërret publikisht yllin e Portugalisë pas super Europianit: Eja te Atl Madrid (FOTO LAJM) appeared first on Albeu.com.

Për Ronaldon është më i rëndësishëm suksesi i Portugalisë se rekordi

admin — Mon, 14 Jun 2021 19:42:32 +0000

Cristiano Ronaldo ka gjasa të bëhet lojtari me më së shumti gola në përfaqësuese në histori të futbollit. Aktualisht rekordin e mban Ali Daei i Iranit me 109 gola, ndërsa Ronaldo është i dyti në listë me 104 gola. Pra, i duhen edhe gjashtë gola për të vendosur rekord.

Rastin e parë për t’u afruar tutje me rekordin, Ronaldo do ta ketë të martën ndaj Hungarisë në “Pushkash Arena”. Portugalia është kampione në fuqi e Evropës.

“Për mua më me rëndësi është të fitoj dy Evropianë. Kjo do të ishte shumë e rëndësishme. Ekipi ka punuar shumë mirë, ne jemi gati dhe tani kemi dëshirë të startojmë me këmbë të mbarë. Duam ta fitojmë ndeshjen e parë që është shumë e rëndësishme në këtë garë. Do të përballemi me një ekip të organizuar që do ta ketë përkrahjen e gjithë stadiumit. Kështu që le ta shijojmë këtë ndeshje”, ka thënë Ronaldo të hënën për sajtin zyrtar të UEFA-s.

“Është gjithnjë e rëndësishme të fillohet me fitore, të jep besim dhe moral. Ekipi është gati për një ndeshje të madhe. Kemi grup të ri lojtarësh por ambiciozë. Jemi këtu për të pasur Evropian të mirë”, ka shtuar Ronaldo.

Ai ka bërë krahasimin e ekipit aktual të Portugalisë me atë që triumfoi në “Euro 2016”.

“Pesë vjet më vonë ekipi është tjetër. Është ekip më i ri, me potencial të jashtëzakonshëm. Vetëm në vazhdim të kampionatit do të mësojmë nëse është ekip më i mirë apo më i keq se ai i ‘Euro 2016’. Unë nuk jam i njëjtë me kohën kur i kisha 18 vjet, apo me kohën para pesë apo dhjetë vjetësh. Loja është ndryshe, aftësia jonë është ndryshe, përvoja është ndryshe”, ka theksuar Ronaldo.

The post Për Ronaldon është më i rëndësishëm suksesi i Portugalisë se rekordi appeared first on Albeu.com.