Partizani e nisi sezonin e ri në Abissnet Superiore me një barazim 0 – 0 ndaj Teutës, ndërsa një prej protagonistëve kryesorë të takimit ishte portieri Pano Qirko. “Gardiani” i skuadrës së kuqe ndali 9 tentativa të bregdetarëve dhe luajti një rol të rëndësishëm në marrjen e 1 pike në këtë përballje të vështirë, veçanërisht pas kartonit të kuq të marrë nga Human.

Paraqitja e tij u shpërblye me çmimin “Lojtari i Ndeshjes”. Pas përfundimit të sfidës, Qirko foli për mediat dhe shpjegoi se pritjet e tij ishin rezultat i instinktit, refleksit dhe punës së vazhdueshme në stërvitje me Albanin.

“Ndoshta në teori nuk duket ndonjë gjë e jashtëzakonshme, por në ato momente të ndihmojnë instinkti dhe refleksi. Besoj se gjithçka vjen nga puna që kemi bërë gjatë gjithë kësaj kohe. Stërvitjet me Albanin janë shumë të rëndësishme për mua dhe çdo ushtrim, lëvizje apo seancë që zhvilloj me të është një fat i madh”, u shpreh portieri.

Qirko theksoi se vlerësimi kryesor duhet t’i shkojë të gjithë skuadrës, për mënyrën se si reagoi edhe me një lojtar më pak në fushë.

“Sipas meje, lojtari i ndeshjes ishte sakrifica e grupit. Të gjithë djemtë vrapuan, luftuan dhe fituan dyluftimet, edhe pse luajtëm me një lojtar më pak. Pikërisht kjo sakrificë ishte pjesa më e rëndësishme e ekipit tonë.

Nëse vazhdojmë në këtë mënyrë, duke sakrifikuar, duke mbështetur njëri-tjetrin dhe duke marrë gjithmonë diçka pozitive nga ndeshjet, besoj se do të arrijmë shumë”, vijoi ai.

Portieri i Partizanit u ndal edhe te vështirësia e krijuar nga dalja e një prej lojtarëve më të rëndësishëm të ekipit, i cili është çelësi i daljes në sulm.

“Ishte një ndeshje e vështirë edhe sepse humbëm një lojtar që është ndër më të rëndësishmit dhe që shërben si çelës për daljen në sulm. Shpresojmë të mos përballemi më me situata të tilla apo dëmtime dhe të vazhdojmë përpara”.

Qirko pranoi se te Partizani ka pasur ndryshime, duke veçuar intensitetin e punës dhe frymën e grupit.

“Ndryshimet janë të dukshme, sidomos sa i përket intensitetit në stërvitje dhe grupit, që është elementi më i rëndësishëm. Djemtë janë të thjeshtë, vrapojnë, sakrifikojnë dhe shkëmbejnë mendime me njëri-tjetrin.

Mendoj se ky është çelësi i suksesit, bashkë me komunikimin që trajneri ka krijuar me lojtarët. Kjo mund të jetë një nga gjërat pozitive që ai ka sjellë dhe ndoshta edhe rezultatet burojnë prej saj, pasi e ka dëshmuar që në ndeshjet miqësore”, përfundoi Pano Qirko.

The post Pano Qirko shpëton Partizanin ndaj Teutës: Sakrifica e grupit ishte vendimtare appeared first on Albeu.com.

Sopoti ka bërë të ditur transferimin e portierit nga Bregu i Fildishtë, Bamba Drissa, duke konfirmuar edhe ekskluzivitetin e raportuar nga “Newsport.al”.

Gardiani 32-vjeçar ka firmosur një kontratë njëvjeçare me klubin librazhdas, ndërsa marrëveshja përfshin edhe të drejtën e rinovimit. Afrimi i tij përbën një lëvizje të veçantë dhe të papritur për Kategorinë e Parë.

Drissa i bashkohet Sopotit pas disa vitesh eksperiencë te Stade d’Abidjan në Ligën e Parë të Bregut të Fildishtë. Ai ka qenë gjithashtu pjesë e kombëtares U-22 të këtij shteti.

“Klub Futboll Sopoti ka kënaqësinë të njoftojë afrimin e portierit nga Bregu i Fildishtë, Bamba Drissa. Mes klubit dhe portierit 32-vjeçar është nënshkruar kontratë njëvjeçare me të drejtë rinovimi. Drissa vjen si një afrim cilësor për librazhdasit, pas një eksperience disa vjeçare me Stade d’Abidjan në Ligën e Parë dhe po ashtu si pjesë e kombëtares U-22 të Bregut të Fildishtë”, njoftoi klubi i Sopotit.

The post Bamba Drissa kalon nga Bregu i Fildishtë te Sopoti në Kategorinë e Parë appeared first on Albeu.com.

Pas sigurimit të ngjitjes në Kategorinë e Parë, Sopoti po vijon lëvizjet në merkaton verore. Klubi nga Librazhdi tregoi synimet e tij fillimisht me transferimin e mesfushorit Griseld Lika, i cili u prezantua pak ditë më parë.

Sipas burimeve të “Newsport.al”, skuadra ka arritur marrëveshje edhe me dy lojtarë të tjerë. Njëri prej tyre është Driza Bamba, portier i Kombëtares së Bregut të Fildishtë.

Një tjetër përforcim për ekipin nga Librazhi në sezonin e ardhshëm do të jetë Alex Izuna. Ai aktivizohet në krahun e djathtë të repartit ofensiv dhe së fundmi ka luajtur me ekipin B të Vllaznisë, ndërsa është grumbulluar edhe me skuadrën e parë.

Zyrtarizimi i dy afrimeve pritet të bëhet gjatë orëve të ardhshme. Me këto transferime, Sopoti siguron dy përforcime mjaft të rëndësishme për sezonin e ri në Kategorinë e Parë.

Ermal SPAHIU

The post Sopoti përforcohet me portierin e Kombëtares dhe ish-lojtarin e Vllaznisë appeared first on Albeu.com.

Skuadra e Teutës ka zyrtarizuar goditjen më të fundit në merkato. Maycon Morales, një portier 26-vjeçar nga Brazili, është bërë pjesë e klubit durrsak, sipas një komunikate të publikuar në kanalet zyrtare të ekipit.

Gardiani ka firmosur kontratën e re pas një eksperience të shkurtër te Prishtina e Re, formacion ky që pësoi rënie nga Superliga e Kosovës në përfundim të sezonit të kaluar. Morales do të vijojë karrierën e tij tashmë në Kategorinë Superiore shqiptare, duke lënë pas aventurën në vendin fqinj.

I ardhuri ka mbrojtur më parë portat e ekipeve si FC Drenica, Babrungas dhe Sinop FC, duke grumbulluar minuta në disa realitete të ndryshme futbollistike. Teuta shprehu përmes njoftimit zyrtar besimin se përvoja dhe dëshira e lojtarit për t’u përballur me sfida të reja do të ndihmojnë në përmbushjen e synimeve sezonale. Klubi e mirëpriti atë në gjirin e familjes durrsake.

The post Teuta nënshkruan me gardianin brazilian, 26-vjeçari mbërrin nga kampionati kosovar appeared first on Albeu.com.

Simon Simoni do ta vazhdojë karrierën në Superligën e Zvicrës, pasi është bërë zyrtarisht lojtari më i ri i FC Luzernit. Portieri i Kombëtares shqiptare i ka dhënë fund përfundimisht aventurës në Bundesligën gjermane me Eintracht Frankfurtin, duke nisur kështu një etapë të re.

Drejtuesit e klubit zviceran kanë prezantuar 22-vjeçarin, i cili ka nënshkruar një kontratë 3-vjeçare, të vlefshme deri në verën e vitit 2029.

Në sezonin 2022/23, Simoni ishte pjesë e Dinamos, ndërsa gjatë karrierës së tij ka luajtur edhe për FC K’lautern dhe Ingolstadt. Me ekipin e parë të Shqipërisë, portieri është aktivizuar vetëm në 1 ndeshje.

The post Simon Simoni largohet nga Eintracht Frankfurti, prezantohet te Luzerni appeared first on Albeu.com.

Me këtë lëvizje në merkato, verdheblutë kanë gjetur zëvendësuesin e ish-portierit Martin Janacek, ndërsa trajneri Ivan Gvozdenovic fiton më shumë qetësi sa i takon rolit të numrit “1”.

Në edicionin që sapo u mbyll, 31-vjeçari ishte titullar i padiskutueshëm te Flamurtari në Superiore. Aleksovski regjistron gjithashtu edhe 2 paraqitje me kombëtaren e Maqedonisë së Veriut.

Njohja që ai ka me Superioren pritet t’ia lehtësojë përshtatjen te Elbasani. Më herët, portieri në fjalë ka qenë pjesë edhe e bardhebluve të Shkupit në Maqedoninë e Veriut, ndërsa trofeun e vetëm në karrierë e ka fituar me Vardarin, kampionatin.

The post Zyrtare te Elbasani, portën ia beson Igor Aleksovskit, ish-lojtarit të bardhebluve të Shkupit appeared first on Albeu.com.

Portieri i përfaqëuseses së Kosovës ishte pa më të voglin dyshim më i miri i takimit duke qenë arsyeja kryesore pse ndeshja përfundoi në barazim pa gola.

Dardani është vlerësuar maksimalisht edhe nga SofaScore që e ka vendosur atë si më të mirin në formacionin e javës.

Muriç vlerësohet me notën 9.1, më e larta për këtë javë, krah yjeve të tjerë si Erling Haaland, Matthijs de Ligt apo Gabriel.

Statistikat e Aro Muric kundër Brighton:

6 pritje, 4 brenda zonës

3 grushtime

3 dalje

3 spastrime

2/2 duele ajrore të fituara

NOTA: 9.1

The post Portieri shqiptar shpallet lojtari më i mirë i javës në Premier League appeared first on Albeu.com.

Kjo gjë bëri ndërhyrjen e policisë për të qetësuar “gjakrat”, gjë e cila duket se nuk ndodhi.

Njëri prej tyre ka goditur me armë zjarri portierin e Gremios, i cili u transportua menjëherë drejt spitalit.

Klubi dënoi incidentin, i cili në një deklaratë shkruante: “Një akt të tmerrshëm, i pabesueshëm dhe kriminal nga dikush që duhet të garantojë sigurinë dhe integritetin e njerëzve”.

Gjendja e portierit është e stabilizuar dhe është jashtë rrezikut për jetën.

Por esse ângulo fica mais BIZARRO ainda.

Que vergonha, que despreparo, e não é novidade. pic.twitter.com/AtV6uj4JkB

— Noite de Copa (@Noitedecopa) July 11, 2024

The post VIDEO / Tronditet futbolli brazilian, portieri qëllohet me armë nga polici brenda në fushë appeared first on Albeu.com.

Ngjarja e hidhur ndodhi gjatë mëngjesit të sotëm në Budva, teksa raportohet se “gardiani” është përballur me probleme shëndetësore, që i kanë marrë jetën më pas.

Sarkic debutoi në 2019 me kombëtaren e Malit të Zi, teksa në datën 5 qershor ishte titullar në miqësoren ndaj Belgjikës, sfidë ku ishte më i miri i skuadrës së tij.

“Të gjithë në klub dërgojnë gjithë dashurinë dhe ngushëllimet e tyre për familjen dhe miqtë e Matijas në këtë kohë jashtëzakonisht të trishtuar.

Klubi nuk do të bëjë komente të mëtejshme në këtë moment.

Dhe kërkon që të respektohet privatësia e familjes së Matijas”, lexohet në komunikatën e Millwallit.

The post E trishtë, ndahet nga jeta portieri 26-vjeçar appeared first on Albeu.com.

Ish-portieri i Zimbabve, George Chigova, i quajtur “Zikeeper”, ka ndërruar jetë tragjikisht në moshën 32-vjeçare. Pasi pësoi një atak në zemër në korrik, duke ndërprerë karrierën e tij futbollistike, ai së fundmi iu rikthye futbollit, por duket se jo për gjatë.

Sipas asaj që shkruajnë mediat, Chigova është gjetur i pajetë në shtëpinë e tij në Afrikën e Jugut dhe besohet se gjithçka ardhur pas një sulmi në zemër.

Lojtari në fjalë ka luajtur për skuadra të ndryshme si  Dynamos, Polokëane City dhe SuperSport United. Portieri, i cili luajti në 30 ndeshje për Zimbabve, përfshirë edhe Kupën e Kombeve Afrikane, lë pas një hisori të vërtetë suksesi në komunitetin e futbollit në Afrikë.

The post Tjetër tragjedi në futboll, portieri i njohur humb jetën pas problemeve në zemër (EMRI + FOTO) appeared first on Albeu.com.