Porsche 911, një prej modeleve më të njohura sportive në botë, është rikrijuar në Itali në një formë krejtësisht të pazakontë. Projekti i quajtur Indecent 009, i realizuar nga kompania italiane BTS Creativity, sjell një version shumë më agresiv të modelit, me karroceri të zgjeruar, suspension ajror dhe një dizajn që e dallon menjëherë nga 911 standard.

Ndërhyrja kryesore është përqendruar te pjesa e jashtme e automjetit. Pothuajse të gjitha panelet e karrocerisë janë ridizajnuar, ndërsa nga konfigurimi origjinal janë ruajtur vetëm disa pjesë themelore, mes tyre kapaku i motorit, çatia dhe dyert, transmeton Telegrafi.

Zgjerimi i trupit krijon hapësirë për harqe shumë të mëdha të rrotave, të cilat mbajnë disqe të prodhuara posaçërisht për Indecent 009. Falë sistemit të suspensionit me ajër, makina mund të ulet shumë pranë sipërfaqes së rrugës, duke fituar një pamje të ulët dhe tejet agresive.

Ndryshimet janë të dukshme edhe në pjesën e pasme, e cila është rindërtuar në mënyrë të plotë. Aty bien në sy gjerësia e shtuar, shiriti LED që përshkon të gjithë pjesën e pasme dhe dy tubat qendrorë të shkarkimit.

Pavarësisht transformimit të jashtëm, baza mekanike vjen nga Porsche 911 i gjeneratave 997.1 dhe 997.2. Në këtë projekt përdoret një motor boxer atmosferik me gjashtë cilindra, i cili prodhon rreth 350 kuaj fuqi dhe ruan një pjesë të identitetit tradicional të modelit.

Brendësia është përshtatur po ashtu me karakterin e veçantë të makinës. Sediljet sportive Sparco, të ndërtuara me struktura prej fibrash karboni dhe të veshura me material të ngjashëm me kamoshin, shoqërohen nga lëkura dhe materiale premium. Rezultati kombinon ndjesinë luksoze me elemente tipike të automjeteve të garave.

BTS Creativity nuk ka publikuar një çmim për Indecent 009. Kostoja u bëhet e ditur vetëm klientëve që shfaqin interes, çka e pozicionon këtë version të modifikuar të 911 si një krijim veçanërisht ekskluziv.

Modeli është pjesë e familjes së projekteve Indecent, ku përfshihen edhe ndërtime të frymëzuara nga Porsche 911 Dakar. Ndërkohë, versioni 020 është edhe më i fuqishëm, pasi pajiset me motor turbo që arrin 542 kuaj fuqi.

Me këtë ndërhyrje, Porsche 911 nuk është kufizuar vetëm në modifikime të zakonshme. Ai është zgjeruar, ulur dhe rindërtuar në mënyrë që të ngjajë me një automjet futuristik të dalë nga një film. /Telegrafi/

The post Indecent 009, projekti italian që e shndërron Porsche 911 në një supermakinë radikale appeared first on Albeu.com.

Last weekend, Porsche Center Skopje hosted the major Porsche Community event, bringing together in one place the dedicated members of Porsche Club North Macedonia, long-time loyal customers, brand enthusiasts, and media representatives in a special celebration of precision engineering and the strength of the community.

With strong attendance and an exceptional atmosphere, the event highlighted customer loyalty and the continuous growth of the Porsche family in Macedonia. The gathering once again confirmed that choosing Porsche does not simply represent a decision about a vehicle, but an authentic lifestyle that connects people through the same outlook and passion.

The future of performance: Driving the full Porsche demo fleet

The most exciting part for the guests took place on the streets of Skopje. As part of the event, guests had an exclusive opportunity for test drives with the brand’s full demo fleet, experiencing Porsche’s sporting DNA firsthand. The center of attention was the new, fully electric Cayenne Electric model. This model attracted great attention thanks to its bold design and high performance, while professional Walkaround sessions presented its technological innovations to those in attendance in detail.

Once again, Porsche Center Skopje showed that with every model and every new activity, it not only continues to push forward the boundaries of the automotive industry, but also strengthens unbreakable ties within its own community.

The post Porsche Community brought together the brand’s enthusiasts in Skopje for a special weekend appeared first on Albeu.com.

Fundjavën e kaluar, Porsche Center Skopje mirëpriti ngjarjen madhore Porsche Community, duke bashkuar në një vend anëtarët e përkushtuar të Porsche Club North Macedonia, klientët besnikë prej vitesh, entuziastët e markës dhe përfaqësuesit e mediave në një festë të veçantë të inxhinierisë precize dhe forcës së komunitetit.

Me një pjesëmarrje të lartë dhe atmosferë të jashtëzakonshme, aktiviteti vuri theksin te besnikëria e klientëve dhe zgjerimi i pandërprerë i familjes Porsche në Maqedoni. Takimi konfirmoi edhe një herë se zgjedhja e Porsche nuk përfaqëson thjesht një vendim për një automjet, por një stil autentik jetese që bashkon njerëzit përmes të njëjtit këndvështrim dhe pasion.

E ardhmja e performancës: Vozitje me flotën e plotë demo të Porsche

Pjesa më emocionuese për të ftuarit u zhvillua në rrugët e Shkupit. Në kuadër të ngjarjes, mysafirët patën një mundësi ekskluzive për xhiro testuese (test-drive) me flotën e plotë demo të brendit, duke përjetuar nga afër ADN-në sportive të Porsche-s. Në qendër të interesit u vendos modeli i ri, plotësisht elektrik, Cayenne Electric. Ky model ngjalli vëmendje të madhe falë dizajnit të tij të guximshëm dhe performancës së lartë, ndërsa sesionet profesionale Walkaround prezantuan me hollësi inovacionet e tij teknologjike për të pranishmit.

Edhe kësaj here, Porsche Center Skopje tregoi se me çdo model dhe me çdo aktivitet të ri, jo vetëm vijon të shtyjë përpara kufijtë e industrisë së automobilizmit, por edhe të forcojë lidhje të pathyeshme brenda komunitetit të vet.

The post Porsche Community mblodhi në Shkup adhuruesit e markës në një fundjavë të veçantë appeared first on Albeu.com.

Në mbledhjen vjetore të aksionarëve, shefi ekzekutiv Michael Leiters u shpreh se 911 do të vazhdojë të mbajë motorin me djegie të brendshme, ndërsa e ardhmja e këtij modeli do të mbështetet te teknologjia hibride.

Leiters sqaroi se zgjidhja hibride nuk konsiderohet një fazë kalimtare, por një “vazhdimësi” për Porsche 911.

Ai nënvizoi gjithashtu se kompania do ta respektojë këtë zotim dhe se 911 do të mbetet modeli i vetëm i Porsche pa një version krejtësisht elektrik.

Në të njëjtën kohë, Porsche po vijon investimet paralelisht në tri drejtime teknologjike: motorë me benzinë, sisteme hibride dhe automjete elektrike.

Po ashtu, kompania është duke përgatitur një SUV të ri me tri radhë ulësesh dhe po shqyrton mundësinë e krijimit të një hipermakine të re, teksa synon edhe të ulë numrin e varianteve për disa modele, në varësi të kërkesës së tregut. /Telegrafi/

The post Porsche konfirmon vendimin: 911 nuk do të vijë asnjëherë si model tërësisht elektrik appeared first on Albeu.com.