Në vitin 2022 popullsia u rrit me 1.3% ose 1.2 milion dhe arriti në 84.4 milion njerëz.

Është rritja më e madhe që nga bashkimi i dy Gjermanive në vitin 1990, vëren Bloomberg.

Shifrat nga zyra e statistikave tregojnë se migrimi neto ishte 1.46 milion njerëz, një rritje shumë e madhe nga 329,000 në 2021. Rritja është pothuajse tërësisht për shkak të emigrantëve që mbërritën në vend veçanërisht pas luftës në Ukrainë. Krahasuar me vitin 2021, vitin e kaluar numri i ukrainasve u rrit gjashtëfish.

Dhe Gjermania duhet të përballet me problemin e bilancit të lindjeve dhe vdekjeve. Vitin e kaluar, vdekjet ishin 327 mijë më shumë.

The post Popullsia e Gjermanisë rritje rekord, shkaku kryesor emigrantët appeared first on Albeu.com.

Sipas njoftimit të sotëm të Entit Federal të Statistikave, në vitin 2022, në Gjermani jetonin 1.1 milionë njerëz më shumë krahasuar me një vit më parë. Emigrantët më shumë kompensuan për shkallën e ulët të lindjeve dhe plakjen e popullsisë.

Vetëm në gjysmën e parë të vitit, ukrainasit që mbërrinin në Gjermani e shtuan popullsinë me 740,000. Në kulmin e krizës së mëparshme të migracionit të shkaktuar nga dhuna në Siri, Afganistan dhe Irak, në gjysmën e dytë të vitit 2015, Gjermania fitoi 756,000 banorë të rinj.

Fluksi i emigrantëve që vijnë nga vende të tjera përveç Ukrainës u rrit gjithashtu në vitin 2022, pas viteve të rritjes së ngadaltë për shkak të pandemisë COVID-19, sipas shërbimit të statistikave.

Sipas zyrës së statistikave, balanca midis numrit të emigrantëve dhe imigrantëve ishte në nivelin më të lartë që nga fillimi i mbledhjes së të dhënave në Gjermani në vitin 1950 dhe katër herë më i lartë se një vit më parë. Ardhja e emigrantëve në moshë pune kompensoi popullsinë në plakje. Ndërsa përqindja e përgjithshme e gjermanëve në moshë pune (15 deri në 63 vjeç) ishte 61.6% në vitin 2022, kjo shifër u rrit në 75.9% midis atyre që vinin nga jashtë. /albeu.com

The post Emigracioni në Gjermani rriti popullsinë në nivele rekord në vitin 2022 appeared first on Albeu.com.