Atlasi i Federatës Botërore të Obezitetit të vitit 2023 parashikon që 51% e botës, ose më shumë se 4 miliardë njerëz, do të jenë mbipeshë ose obezë brenda 12 viteve të ardhshme.

Sipas raportit, normat e obezitetit po rriten veçanërisht me shpejtësi tek fëmijët dhe në vendet me të ardhura më të ulëta.

Louise Baur, presidente e Federatës Botërore të Obezitetit, tha se njerëzit duhet të veprojnë tani për të parandaluar përkeqësimin e situatës. “Është veçanërisht shqetësuese të shohësh që normat e obezitetit të rriten më shpejt tek fëmijët dhe adoleshentët”, tha ajo në një deklaratë. “Qeveritë në mbarë botën duhet të bëjnë gjithçka që munden për të shmangur kostot shëndetësore, sociale dhe ekonomike tek brezi i ri,” vuri në dukje ajo.

Sipas raportit, obeziteti i fëmijërisë mund të dyfishohet më shumë, duke arritur në 208 milionë djem dhe 175 milionë vajza deri në vitin 2035.

Autorët e raportit bëjnë thirrje që vëmendja të përqendrohet tek faktorët socialë, mjedisorë dhe biologjikë që ndikojnë në këto tendenca.

The post Studimi: Mbi 50% e popullsisë së botës do të jetë mbipeshë ose obezë deri në vitin 2035 appeared first on Albeu.com.

Për OKB-në, kjo rritje e paprecedentë paraqet sfida të mëdha për vendet më të varfra. Natalia Kanem, drejtoreshë e Fondit të Popullsisë së OKB-së u bëri thirrje vendeve të mos shqetësohen por në vend të kësaj të përqendrohen në ndihmën e grave, fëmijëve dhe njerëzve që janë më të rrezikuar nga ndryshimet demografike.

Zyrtarja e OKB e pranon se ka ekspertë që shprehin shqetësime se bota jonë është e mbipopulluar dhe burime të pamjaftueshme.

Por Kanem paralajmëroi se nëse qeveritë përqendrohen vetëm te numrat, ata rrezikojnë të vendosnin kontrolle të popullsisë për të cilat historia ka treguar se janë të paefektshme dhe madje të rrezikshme.

Treguesit globalë fshehin një diversitet të madh demografik. Më shumë se gjysma e rritjes së popullsisë së botës deri në vitin 2050 do të vijë nga vetëm 8 vende, sipas OKB-së: Republika Demokratike e Kongos, Egjipti, Etiopia, India, Nigeria, Pakistani, Filipinet dhe Tanzania.

Në fund të shekullit, tre qytetet më të populluara në botë do të jenë në Afrikë: Lagos në Nigeri, Kinshasa në Republikën e Kongos dhe Dar es Salaam në Tanzani.

The post OKB: Popullsia e botës arrin 8 miliardë appeared first on Albeu.com.

Teksa Popullsia globale parashikohet të arrijë këtë moment historik më 15 nëntor të këtij viti , shumë shprehin shqetësime për ndikimin e numrit në rritje në një botë që tashmë po lufton me pabarazi të madhe, krizën klimatike , zhvendosjen dhe migrimin e nxitur nga konfliktet.

Megjithatë, Dr Natalia Kanem, drejtore ekzekutive e Fondit të Popullsisë së OKB-së UNFPA), u bëri thirrje vendeve të mos futen në panik, por në vend të kësaj të përqëndrohen në ndihmën e grave, fëmijëve dhe njerëzve me pak mundësi që janë më të rrezikuar nga ndryshimet demografike.

“E kuptoj që ky moment mund të mos festohet nga të gjithë. Disa shprehin shqetësime se bota jonë është e mbipopulluar dhe burime të pamjaftueshme. Por unë jam këtu për të thënë qartë se numri i madh i jetëve njerëzore nuk është shkak për frikë”, tha ajo.

Kanem paralajmëroi se nëse qeveritë përqendrohen vetëm te numrat, ata rrezikojnë të vendosnin kontrolle të popullsisë për të cilat historia ka treguar se janë “të paefektshme dhe madje të rrezikshme”.

‘Ne nuk mund të përsërisim shkeljet skandaloze të të drejtave të njeriut … që u grabitin grave aftësinë e tyre për të vendosur nëse [ose] kur të mbeten shtatzënë, apo fare. Alarmi mbi numrin në rritje të popullsisë, na largon nga ajo ku duhet të përqendrohemi.”, tha Kanem.

The post Popullsia e botës po arrin në 8 miliardë, OKB: Nuk ka vend për panik appeared first on Albeu.com.