Sipas të dhënave të INSTAT, në të gjithë qarqet, me përjashtim atë të Tiranës, popullsia ka ardhur në rënie gjatë periudhës 2011-2023, në një rang ndryshimesh prej 28,3% në Qarkun e Shkodrës dhe 27,3% në Qarkun Kukës, deri në 0,7% në Qarkun e Beratit.

Shprehur në vlerë absolute, Elbasani dhe Shkodra kanë pësuar rënien më të lartë të popullsisë. Në anën tjetër, popullsia e Qarkut të Tiranës është rritur me 1,2%, më së shumti prej migracionit të brendshëm.

Rritja e popullsisë në Tiranë dhe rënia në qarqet e tjera rezulton në rritjen e përqindjes së popullsisë banuese në Tiranë, nga 26,8% në 2011 në 31,6% në 2023.

Përafërsisht një e treta e popullsisë shqiptare (31,6%) banon në Qarkun e Tiranës. Qarku i dytë me përqindjen më të lartë të popullsisë është Fieri me rreth 10,0%, ndjekur nga Qarku i Elbasanit me 9,7% ndaj popullsisë gjithsej.

Kukësi dhe Gjirokastra kanë përqindjen më të ulët, me 2,6% dhe 2,5% të popullsisë përkatëse. Shpërndarja e popullsisë në territorin e Shqipërisë tregon një përqendrim në Fier, Durrës dhe veçanërisht në Tiranë.

Rezultatet censit 2023 treguan se popullsia e vendit ra me ritme më të shpejta se dy dekadat e para të tranzicionit. Shqipëria kishte 2,402,113 banorë mesnatën e së dielës dhe mëngjesin e së hënës 17-18 shtator 2023, prej të cilëve, 49,6% janë meshkuj dhe 50,4% femra. Krahasuar me të dhënat e censit 2011, popullsia e vendit është pakësuar me 14.8%.

Kjo rënie ishte më e lartë se në periudhën 2001-2011 ku popullsia me ra me 9.6% ose rreth 300 mijë persona, teksa në dekadën e parë të tranzicionit, 1989-2011, popullsia e vendit u tkurr me vetëm -3.1%.

The post Popullsia totale, Shkodra dhe Kukësi me rënien më të madhe të popullsisë appeared first on Albeu.com.

Sipas Departamentit të Çështjeve Ekonomike dhe Sociale të OKB-së, popullsia e Ukrainës ishte zyrtarisht 37.4 milionë në janar të këtij viti dhe pritet të rritet në 39.7 milionë deri në vitin 2026. Pas kësaj, ajo do të fillojë një rënie të madhe, duke rënë në 15.3 milionë deri në fund të shekullit.

Oleksandr Hladun, zëvendësdrejtor i Institutit të Demografisë së Ukrainës, pranoi se parashikimi është shumë pesimist.

Ai shpjegoi gjithashtu se parashikimet kategorizohen sipas periudhës kohore që mbulojnë dhe ndahen në afatshkurtra (2-5 vjet), afatmesme (10-15 vjet) dhe afatgjata (mbi 50 vjet), ku shihet se në çdo interval kohor ka rënie të ndjeshme të popullsisë.

Faktorët që mendohet se do të shkaktojnë këtë rënie drastike lidhen me luftën dhe zhvendosjet e shumta të popullsisë në vende të tjera.

The post OKB paralajmëron se popullsia e Ukrainës mund të bjerë deri në 15.3 milionë appeared first on Albeu.com.