Abelard Tahiri, anëtar i Kryesisë së Partisë Demokratike të Kosovës, deklaroi se do të ndërmerren të gjithë hapat e domosdoshëm për ta kundërshtuar dënimin që Gjykata Speciale ua shqiptoi ish-krerëve të UÇK-së.

Para nisjes së mbledhjes së Kryesisë, Tahiri theksoi se një verdikt i tillë nuk mund të pranohet nga populli i Kosovës.

Ai e cilësoi vendimin e Hagës si një padrejtësi të rëndë ndaj popullit të Kosovës.

Tahiri tha se Kosova sot është ndryshe dhe se populli nuk mund ta pranojë këtë ndryshim. Sipas tij, PDK-ja do të shqyrtojë veprimet e saj në përputhje me kërkesën e qytetarëve, pasi nuk synon të qëndrojë duarkryq. Ai shtoi se duhet të ndërmerren të gjitha masat e nevojshme për të sjellë drejtësi, duke e quajtur këtë një padrejtësi të madhe dhe të papranueshme për popullin, vendin dhe shoqërinë.

The post Tahiri: Kosova nuk e pranon dot vendimin e Gjykatës Speciale appeared first on Albeu.com.

Deputeti i Lëvizjes Vetëvendosje, Vigan Qorrolli, e ka kundërshtuar kandidaturën e Igor Simiqit për postin e nënkryetarit të Kuvendit të Kosovës, duke vlerësuar se ajo mbështetet në një premisë antikushtetuese.

Reagimi i tij lidhet me deklaratën e Simiqit se kandidatura po paraqitet “në emër të popullit serb”. Sipas Qorrollit, Kushtetuta e Kosovës njeh komunitetin joshumicë serb, por jo një kategori institucionale të emërtuar “populli serb”.

Qorrolli ka kërkuar gjithashtu që deputeti serb Igor Simiq të sanksionohet nga autoritetet kompetente, pasi propozoi nënkryetarin e Kuvendit në emër të “popullit serb”, përcjell “Bota sot”.

Postimi i plotë

KANDIDATURË E MBËSHTETUR NË NJË PREMISË ANTIKUSHTETUESE!

Gjatë prezantimit të kandidaturës së tij për nënkryetar të Kuvendit, Igor Simiq deklaroi se ajo ishte „u ime srpskog naroda,” ose, në shqip, në emër të popullit serb.

Kushtetuta e Republikës së Kosovës nuk njeh “popullin serb” si kategori institucionale që mund të jetë bartëse e një mandati kushtetues. Ajo njeh komunitetet që u përkasin komuniteteve joshumicë, ndërsa përfaqësimi institucional i tyre bazohet në të drejtat e komuniteteve dhe jo në pretendimin për një mandat të veçantë në emër të një “populli”.

Për rrjedhojë, askush nuk mund ta zëvendësojë kategorinë kushtetuese të komunitetit joshumicë serb me një kategori tjetër që nuk njihet nga Kushtetuta, siç është “populli serb”, dhe mbi këtë bazë të kërkojë një të drejtë ekskluzive për një pozitë kushtetuese.

Ky parim është drejtpërdrejt i rëndësishëm edhe për kandidaturën për nënkryetar të Kuvendit.

Kushtetuta nuk i jep asnjë subjekti politik monopol mbi ulësen e rezervuar për përfaqësuesin e komunitetit joshumicë serb. Ajo kërkon përfaqësimin e komunitetit përkatës dhe jo marrjen e tij në pronësi politike.

Kushtetuta nuk e lejon një qasje të tillë.

Në Republikën e Kosovës, Kushtetuta nuk mund të interpretohet sipas pretendimeve të Beogradit, interesave të Listës Serbe apo narrativave të tjera. Kushtetuta duhet të zbatohet.

The post Qorrolli kërkon masa ndaj Simiqit pas kandidaturës së tij “në emër të popullit serb appeared first on Albeu.com.

Sondazhi i realizuar tregoi se gjermanët janë populli më dorëlëshuar ndërkaq më së paku italianët.

Sipas kësaj ankete, 72 për qind e gjermanëve thanë se zakonisht japin bakshish në një restorant.

Pak më pak se 72 për qind e amerikanëve thanë se lënë baksishe në restorante.

Rreth 55 për qind të britanikëve, 46 për qind të spanjollëve dhe 34 për qind të francezëve deklaruan se i shpërblejnë kamerierët.

Në Suedi, ku përgjithësisht nuk pritet bakshish në restorante, 31 për qind e të anketuarve thanë se japin bakshish.

Në Itali, 25 për qind e anketuesve deklaruan se preferojnë të lënë bakshish.

The post Ky është populli më dorëlëshuar në bakshishe appeared first on Albeu.com.