Pak ditë më parë Albeu.com risolli në kujtesë akotren e cila është bërë nënë e një djali dhe sot ajo ka dhënë një intervistë pas shumëkohësh shkëputje.

Për emisionin “Abc-ja e mëngjesit”, Ervina Kotolloshi tregoi arsyen e largimit nga Shqipëria. Aktorja e humorit tregoi se vendimi për t’u larguar erdhi kur humbi mamanë e saj pas një aksidenti tragjik që pësoi.

“Ishte një vendim që më është dashur kohë ta marr. E kam lënë për një ngjarje shumë personale në 2006. Nuk kam folur asnjëherë për këtë. Humba mamin në një aksident rrugor dhe personi që e aksidentoi nuk kishte patentë dhe kishte pirë alkool. Mamaja ka vuajtur dy muaj në spital para se të ndërronte jetë.

Në atë moment, kam kuptuar se ka pasur shumë institucione që në rastin tim, nuk kanë funksionuar siç duhet. Në radhë të parë ka qenë personi në fjalë që i ka dhënë makinës pa patentë dhe që nxitonte të kapte pjesën e dytë te ndeshjes sepse ishte Kampionati Botëror. E dyta, nuk ka funksionuar mjekësia.

A duhej shpëtuar mamaja pas këtij aksidenti? Në Kodin Rrugor thuhet se nuk duhet ta lëvizësh kur është pa ndjenja. A duhej operuar disa herë? Nuk e di. Por ajo që më ka lënduar më shumë është gjykatësi. Kur e pyeta pse u dënua kaq pak, mu përgjigj se ‘mamaja juaj s’ka vdekur nga aksidenti’.

Ishte e tmerrshme sepse mami kishte shëndet të plotë deri në ditën e aksidentit.”, tha ajo. Më tej, Ervina theksoi se personi që shkaktoi aksidentin nuk ka bërë burg dhe se i vinte keq që s’e ka mediatizuar ngjarjen pasi siç tha ajo, ishte një ngjarje për të reaguar fort pasi institucionet nuk funksionuan.

The post “Ishte e tmerrshme “, Ponja e Portokallisë rrëfen pse u largua në kulmin e karrierës: Humba mamin në një aksident appeared first on Albeu.com.

E kemi fjalën për aktoren Ervina Kotolloshi, e cila nga shumë shqiptarë njihet si Ponja. Ajo u bë pjesë e shtëpisë së çdo shqiptari me rolin e saj si Shqiponja Dhëmbi, vajza nga Vithkuqi që kërkonte një burrë në Tiranë.

Disa vite më parë Ervina braktisi “Portokallinë” dhe së bashku me të edhe vendin për tu transferuar në Francë, ku filloi të ndiqte studimet e saj dhe jetoi për disa vite me radhë.

Ponja para disa kohësh ndodhej në Japoni, ku nuk dihej me saktësi qëllimi i vizitës së saj në kontinentin aziatik ku qëndroi për një kohë të gjatë.

Por Albeu.com ju tregon se arsyeja ishte dashuria. Partneri i “Ponjës” është aziatik dhe ata janë bërë prindër të një djali./albeu.com/

The post Ju kujtohet Ponja e Portokallisë? Aktorja është bërë nënë e një djali, ja kush është partneri i saj (FOTO LAJM) appeared first on Albeu.com.