Trajneri Jan Urban ka përzgjedhur 25 futbollistë, ku në krye të listës qëndron lideri i skuadrës, Robert Lewandowski.
Në listë figuron edhe Nicola Zalewski, megjithatë ai nuk do të jetë i disponueshëm për sfidën ndaj Shqipërisë për shkak të pezullimit nga kartonët.

Në kampin polak duket se fokusi është jo vetëm te gjysmëfinalja, por edhe te finalja e mundshme e “play-off”-it të Botërorit, duke llogaritur kalimin përballë Shqipërisë.
Ndër risitë më të spikatura është ftesa për Oskar Piatkowski, vetëm 17 vjeç, i cili konsiderohet një nga lojtarët më premtues dhe shumë i pëlqyer nga tifozët. Futbollisti që aktivizohet me Porton ende nuk ka debutuar me ekipin e parë, por gjithsesi ka marrë besimin e stafit teknik.
Ndeshja Poloni–Shqipëri, e vlefshme për gjysmëfinalen e “play-off”-it të Botërorit, do të zhvillohet më 26 mars, duke në orën 20:45 dhe të gjithë do të kenë mundësinë ta ndjekin drejtpërsëdrejti në DigitAlb.

The post Polonia publikon listën për Shqipërinë/ Robert Lewandowski në krye, surprizë një talent 17-vjeçar appeared first on Albeu.com.

I kënaqur?

“Sigurisht, si të gjithë këtu. Jemi të kënaqur. Kemi bërë një rrugëtim shumë të bukur, e merituar pjesëmarrja. Tani luhet. Të gjithë duhet të luajnë në 90 minuta. Në mars mund të ndodhë çdo gjë. Duhet përgatitur mirë gara. Ata na njohin mirë, edhe ne i njohim mirë ata. Para 3-4 vitesh kemi bërë disa ndeshje ndaj tyre.

Ajo është një kohë tjetër, flasim për vitin 2023. futbolli ecën shpejt. Ata kanë ndryshuar gjithçka, lojtarët dhe trajneri. Ka ndryshuar gjithçka. Pastaj edhe skuadra jonë ka ndyshuar shumë. Kjo lojë do shkojmë, do përgatitet gjithçka mirë. Është e vërtetë. Po vazhdojmë një rrugëtim aty dhe nuk është një humbje edhe kjo që kemi bërë”, u shpreh Silvinjo për “Klan TV”.

The post Silvinjo i lumtur pas shortit me Poloninë: I njohim mirë, nuk është humbje kjo që kemi bërë appeared first on Albeu.com.

Autoritetet polake njoftuan se në rast se Putini shkel territorin ajror polak, do të detyrohen të zbatojnë një urdhër arresti ndërkombëtar, raporton reuters.

Ndryshe, Bullgaria u shpreh e gatshme të lejojë fluturimin e Putinit në hapësirën e saj ajrore gjatë rrugës për në Hungari, sipas ministrit të Jashtëm bullgar, Georg Georgiev.

Trump, javën e kaluar, foli për mundësinë e një takimi me Putinin në Budapest, ndërsa përpiqet të ndërmjetësojë një paqe që do të ndalojë luftën. Gjykata Ndërkombëtare Penale (GJNP) ka nxjerrë urdhër arresti ndaj Putinit, duke e akuzuar për deportim të paligjshëm të fëmijëve nga Ukraina. Rusia refuzon të njohë juridiksionin e GJNP-së dhe hedh poshtë këto akuza.

Ministri i Jashtëm polak, Radoslaw Sikorski, paralajmëroi për Radio Rodzina se nuk mund të garantojë që një gjykatë polake nuk do të urdhërojë qeverinë të arrestojë Putinin në rast se ai fluturon në hapësirën ajrore polake për t’u dorëzuar në Hagë.

Urdhri i GJNP-së kërkon nga të gjitha shtetet anëtare të arrestojnë Putinin nëse ai kalon në territorin e tyre. Sikorski shprehu shpresën që nëse samiti zhvillohet me sukses dhe me praninë e Putinit, aeroplani i tij do të marrë një rrugë alternative për të shmangur përplasjen me ligjin.

Kryeministri hungarez, Viktor Orban ka marrëdhënie më të ngushta me Rusinë se sa me shumë vende të Bashkimit Evropian. Autoritetet e Budapestit kanë premtuar se do të sigurojnë pjesëmarrjen e Putinit në samit dhe kthimin e tij në Moskë.

The post Polonia kërcënon me arrestimin e Putinit nëse kalon hapësirën e saj ajrore appeared first on Albeu.com.

Ushtria polake regjistroi 19 dronë që shkelën hapësirën e saj ajrore gjatë një sulmi rus në Ukrainën perëndimore mbrëmë, me tre ose katër të rrëzuar.

Mbrojtja ajrore si polake ashtu edhe ajo e NATO-s u ngritën në ajër, pasi dronët shkelën ‘në mënyrë të përsëritur’ hapësirën ajrore të vendit gjatë një bombardimi të Ukrainës që la të paktën një të vdekur.
Ata që përbënin kërcënim u ‘neutralizuan’ dhe kërkimet për të gjetur vendet e rrëzimit të tyre janë duke vazhduar – me njerëzit të paralajmëruar të mos i afrohen asnjë rrënoje në rast se ato përmbajnë materiale të rrezikshme.

Kryeministri Donald Tusk tha se shkelja e hapësirës ajrore të vendit të tij ka të ngjarë të jetë një ‘provokim në shkallë të gjerë’, dhe se Polonia është gati të reagojë.

Ai tani ka kërkuar zyrtarisht të aktivizojë Nenin 4 të NATO-s, i cili u lejon shteteve anëtare të ‘konsultohen së bashku sa herë që, sipas mendimit të ndonjërës prej tyre, integriteti territorial, pavarësia politike ose siguria e ndonjërës prej palëve kërcënohet’.

Bernard Blaszczuk, kryetar i fshatit Wyryki në rajonin e Lublinit, u tha mediave lokale se një shtëpi u godit nga “ose një raketë ose një dron, nuk e dimë ende”. Ai tha se njerëzit ishin brenda ndërtesës, por askush nuk u lëndua.

Komanda ushtarake e Polonisë paralajmëroi: “Ky është një akt agresioni që përbën një kërcënim real për sigurinë e qytetarëve tanë”.

Kjo është hera e parë që Polonia është përfshirë në luftë në vendin e saj fqinj.

Polakët janë nxitur të qëndrojnë në shtëpi, me rajonet Podlaskie, Mazowieckie dhe Lublin që konsiderohen më të rrezikuarit.

Pjesa më e madhe e Ukrainës, përfshirë rajonet perëndimore të Volyn dhe Lviv që kufizohen me Poloninë, kishin qenë nën alarme për sulme ajrore pothuajse gjatë gjithë natës.

Sulmet ruse përdorën rreth 415 dronë dhe mbi 40 raketa, tha presidenti ukrainas Volodymyr Zelensky, duke shtuar se ai beson se rreth tetë prej tyre ishin të drejtuara drejt Polonisë.

The post Polonia kërkon të aktivizohet Neni 4 i NATO-s pas rrëzimit të dronëve rusë appeared first on Albeu.com.

Në Poloni, mijëra banorë janë evakuuar për shkak të përmbytjeve të shkaktuara nga dalja e lumenjve, ndërkohë që qeveria ka vendosur të shpallë gjendjen e fatkeqësisë natyrore. Banorëve të zonave jugperëndimore të vendit u është kërkuar të largohen nga shtëpitë e tyre për të shmangur rrezikun.

Situata është e rënduar edhe në Rumani, ku mbi 700 banesa janë përmbytur, ndërsa autoritetet po punojnë me zjarrfikësit dhe ekipet e emergjencave për të menaxhuar krizën. Ndërkohë, në Çeki, rreth 80% e qytetit të Krnovit është përmbytur, me mijëra banorë të evakuuar dhe operacionet e shpëtimit të mbështetura nga përdorimi i helikopterëve.

The post Përmbytjet në Evropën Lindore, Polonia shpall gjendjen e fatkeqësisë natyrore appeared first on Albeu.com.

Kryeministri polak Donald Tusk tha se Gjermania kishte aplikuar një “pezullim de facto të marrëveshjes së Shengenit në një shkallë të gjerë” pasi ministrja e Brendshme, Nancy Faeser, njoftoi vendimin e Berlinit për t’u përballur me atë që ajo e quajti “migrim të parregullt” duke vendosur kontrolle përgjatë kufirit 2300 milje (3700 km) të Gjermanisë pas një vale të fundit të sulmeve të dyshuara islamike.

Tusk bëri thirrje për “konsultime urgjente” me fqinjët e tjerë të Gjermanisë.

Rregulloret e reja do të fillojnë të hënën e ardhshme dhe do të jenë në fuqi për gjashtë muajt e parë.

Vendimi vjen në mes të një debati të ashpër politik në Gjermani mbi migracionin pas sulmeve të fundit fatale, në të cilat të dyshuarit ishin azilkërkues, pretendimet e të cilëve ishin refuzuar.

Ministri i Brendshëm i Austrisë, Gerhard Karner, shprehu gjithashtu kundërshtimin e tij, duke thënë se Vjena nuk do të pranonte asnjë emigrant të kthyer në kufirin me Gjermaninë. “Nuk ka vend për manovrim mbi këtë”, tha ai.

Tusk tha në komentet televizive të martën se nëse Gjermania refuzon emigrantët në kufirin e saj me Poloninë, Varshava do të detyrohet të përballet me ta. “Veprime të tilla janë të papranueshme nga pikëpamja polake,” tha ai në një takim me ambasadorët.

Polonia ka trajtuar një krizë emigrantësh në kufirin e saj lindor që nga viti 2021, që besohet gjerësisht se është koreografi e Bjellorusisë dhe Rusisë dhe akuzon Berlinin se nuk i jep mbështetjen e duhur. Tusk tha se Polonia kishte nevojë për “mbështetje të plotë nga Gjermania dhe e gjithë BE-ja kur bëhet fjalë për ndihmën në organizimin, financimin, armatimin e kufirit lindor, gjithashtu në kontekstin e migrimit të paligjshëm”.

Njoftimi i kontrollit kufitar u bë përpara një raundi të dytë bisedimesh në një samit urgjent mbi politikën e migracionit të Gjermanisë midis qeverisë së koalicionit, partive opozitare dhe shteteve federale, por të martën në mbrëmje, konservatorët e opozitës gjermane njoftuan se po largoheshin, duke deklaruar se Qeveria e kancelarit Olaf Scholz nuk arriti të zbatonte atë që tha se ishte një premtim për të “kryer sistematikisht deportime” në kufirin e Gjermanisë.

The post Gjermania rikthen kontrollet në kufi, Polonia kundër: Shkelet ligji evropian… appeared first on Albeu.com.

Sipas agjencisë shtetërore të lajmeve PAP, Kosiniak-Kamysz ka deklaruar se shkeljet e hapësirës ajrore të vendeve anëtare të NATO-s, Rumanisë dhe Letonisë të dielën nga dronët rusë dëshmojnë seriozitetin e situatës.

Ai tha se aleatët e NATO-s duhet të japin përgjigje të përbashkët ndaj kësaj dhe situatave të ngjashme, se e kanë diskutuar temën por që ende nuk është arritur një rezultat.

Kosiniak-Kamysz theksoi se Polonia duhet të armatoset dhe të forcohet duke blerë sistemet më të mira të mbrojtjes ajrore. Deklaratat e ministrit polak erdhën pasi dronët rusë shkelën të dielën hapësirat ajrore të Letonisë dhe Rumanisë.

The post Polonia thirrje për përgjigje të përbashkët të NATO-s kundër shkeljes së hapësirës ajrore nga Rusia appeared first on Albeu.com.

Gjatë një vizite zyrtare të zëvendëskryeministrit polak dhe ministrit të mbrojtjes në Vilnius, ministri i Mbrojtjes i Lituanisë, Laurynas Kasciunas, tha se sistemi kombëtar i mbrojtjes kufitare do të kërkojë rreth 600 milionë euro gjatë një dekade.

Ndërkohë, homologu i tij polak, Wladislaw Kosiniak-Kamysz, premtoi të ngrejë këtë çështje në samitin e NATO-s të javës së ardhshme në Uashington.

Sipas Kosiniak-Kamysz, mbrojtja e kufijve të jashtëm me Rusinë dhe aleatët e saj mbetet një detyrë kyçe, shkruan euronews.

“Shteti i Polonisë, së bashku me aleatët, do të bëjë gjithçka për të mbrojtur edhe më mirë kufirin lindor të BE-së dhe NATO-s”, tha Kosiniak-Kamysz.

“Kjo është thirrja jonë më e lartë dhe kjo thirrje mund të përmbushet jo vetëm nga shtetet-kombe, por para së gjithash nga BE-ja dhe së bashku, ne po bëjmë thirrje për këtë, për të ndërkombëtarizuar çështjen e këtij kufiri”, shtoi ai.

Siç raportohet, vërejtjet e fundit për mbrojtjen e kufijve nga të dy liderët vijnë përballë kërcënimit të paraqitur nga lufta e Rusisë në Ukrainë.

Javën e kaluar, liderët e Estonisë, Lituanisë, Letonisë dhe Polonisë nënshkruan një letër duke i bërë thirrje Brukselit të përfshihet “si politikisht ashtu edhe financiarisht” në ndërtimin e një muri prej 2.5 miliardë eurosh përgjatë kufirit lindor të bllokut me Rusinë dhe Bjellorusinë, për t’u mbrojtur kundër kërcënimeve ushtarake dhe hibride.

Polonia, e cila humbi një ushtar në një sulm me thikë përtej murit kufitar më 28 maj, miratoi programin 2.3 miliardë euro për mbrojtjen e kufirit të quajtur Mburoja Lindore.

“Situata në Lituani dhe Poloni është shumë e ngjashme. Ne do të shkëmbejmë përvojat tona dhe do të mbështesim ndërtimin e linjës lituaneze të mbrojtjes, si një linjë mbrojtjeje të krahut lindor të NATO-s dhe BE,” shpjegoi Kosiniak-Kamysz.

Kasciunas i Lituanisë përshkroi masa të tjera që ai tha se do të zbatoheshin së shpejti për të “penguar përparimin e forcave armike”.

“Duke filluar nga fundi i verës, ne do të forcojmë disa pjesë të kufirit”, tha Kasciunas.

Ato përfshijnë mina antitank, mina të largëta dhe një rrjet kanalesh antitank dhe ura të palosshme që mund të pengojnë një armik që po afrohet.

The post Polonia dhe Lituania kërkojnë ndihmën e BE-së dhe NATO-s për të mbrojtur kufijtë e tyre nga kërcënimi rus appeared first on Albeu.com.

Tusku nuk ka dhënë detaje rreth veprimeve të planifikuara, apo se sa mjete janë ndarë për këtë qëllim, por ka deklaruar se kur bëhet fjalë për sigurinë e Polonisë “nuk do të ketë kufij”, raporton Reuters.

“Kufiri Polako-Bjellorus është një vend unik për shkak të presionit të emigracionit të paligjshëm. Në fakt, kemi të bëjmë me një luftë hibride që po përparon”, ka thënë kryeministri teksa vizitoi kufirin dhe takoi ushtarë dhe roje.

“Dua që të mos ketë dyshime – një shtet me qëllime agresive në rritje ndaj Polonisë, si Bjellorusia, është duke e organizuar këtë praktikë në kufirin polak”, ka shtuar ai.

Qeveria e mëparshme e Polonisë dhe Bashkimi Evropian akuzuan Bjellorusinë në vitin 2021 për orkestrimin e një fluksi emigrantësh për të bërë presion ndaj BE-së mbi sanksionet që vendosi ndaj Minskut. Mirëpo Bjellorusia mohoi akuzat.

Përpjekjet për të kaluar kufirin kanë vazhduar që atëherë, me shifra të luhatshme në varësi të motit. Roja kufitare polake thotë se aktualisht ka rreth 300 përpjekje për të kaluar ilegalisht në ditë.

Tensionet ndërmjet fqinjëve janë rritur pasi aleati Bjellorus, Rusia, nisi pushtimin e Ukrainës.

Tusku ka thënë se përforcimet e reja do të bëhen rreth “tërësisht kufirit lindor” që prek po ashtu kufijtë me Ukrainën dhe Rusinë.

“Nuk është vetëm kufiri i brendshëm polak por edhe kufi evropian. Prandaj, nuk kam dyshim se e gjithë Evropa do të duhet të investojë në sigurinë e saj, duke investuar në kufirin lindor të Polonisë dhe në sigurinë e kufijve tanë”, ka deklaruar Tusk.

The post Polonia do të ndërtojë fortifikata në kufirin lindor appeared first on Albeu.com.

Aktualisht Polonia ka shënuar përballë Çekisë, duke u renditur në vendin e dytë me 13 pikë, 1 më pak se Shqipëria, por që automatikisht kuqezinjtë edhe pse kanë një ndeshje më pak, blindojnë vendin e parë, pavarësisht rezultatit të ditës së hënë.

Nëse Polonia fiton sot me Çekinë, atëherë gara për vendin e dytë do të varet nga rezultati i ndeshjes së fundit ajo mes Çekisë dhe Moldavisë në Pragë.

Kujtojmë se nëse Polonia fiton sot me Çekinë, Shqipëria mban vendin e parë pavarësisht se si del ndeshja kundër Ishujve Faroe ditën e hënë në “Air Albania”.

The post Goool, Polonia shënon ndaj Çekisë! Si ndryshon renditja në grupin e Shqipërisë (VIDEO) appeared first on Albeu.com.