Ajo ka treguar se e sheh veten si në ekran, ashtu edhe në politikë, duke mos e përjashtuar asnjërën nga këto.

Pas daljes nga shtëpia e “Big Brother VIP Albania”, Mhilli është rikthyer në angazhimin e saj politik, një rrugë që e kishte ndjekur edhe më më parë në PD.

“U riktheva në vendin tim pas daljes nga Big Brother”, është shprehur ajo, duke iu referuar përfshirjes së saj në politikë.

Po ashtu, Mhilli ka theksuar se televizioni dhe politika kanë qenë gjithmonë të pandashme në jetën e saj. Ajo ka bërë të ditur se shumë shpejt pritet të rikthehet edhe në ekran.

Kujtojmë se Valbona ka qenë gjithmonë një mbështetëse e ish-deputeti demokrat Ervin Salianji. Kur Salianji u arrestua, ajo së bashku më një grup të vogël mbështetësish protestuan para Policisë së Tiranës

The post Valbona Mhilli rikthehet në Shqipëri dhe do t’i futet politikës, në cilën forcë politike do ta shohim gazetaren? appeared first on Albeu.com.

Lapaj tha se përfshirja në zgjedhje ishte një “kontratë morale” me qytetarët dhe një përpjekje për të sjellë ndryshim përmes besimit dhe institucioneve, jo përmes përplasjes dhe presionit.

“Ne ishim duke bërë një kontratë morale me shoqërinë. Shkuam në këtë lloj besimi. Nëse do më gjykoni për besimin, jam i hapur t’i marr të gjitha kostot. Por e rëndësishme është të shikohet se çfarë ka ndodhur”, u shpreh Lapaj.

Ai theksoi se mosmarrëveshjet që dolën pas procesit zgjedhor janë pjesë e një ushtrimi demokratik, ku palët ndonjëherë nuk bien dakord, por sipas tij, rruga për zgjidhje nuk ishte asnjëherë përmes “institucioneve paraligjore”.

“Ne nuk shkuam në institucione paraligjore për t’i zgjidhur mosmarrëveshjet përmes forcës. Shkuam në institucione ligjore, si KQZ dhe KAS”, tha ai.

Lapaj nuk i fshehu zhgënjimin ndaj Endri Shabanit, duke deklaruar se, pavarësisht paralajmërimeve nga miqtë e tij, kishte ruajtur një marrëdhënie shoqërore 12-vjeçare me të dhe nuk e kishte imagjinuar ndarjen në këtë formë.

“Nuk e mendoja kurrë që dikush mund t’i bënte një akt kamikaz rrugëtimit politik të ndryshimit në Shqipëri”, tha më tej Lapaj.

Sa i takon deklaratës së mëparshme se nuk do të hynte në Parlament nëse subjekti politik që ai drejtonte do të merrte vetëm një mandat, Lapaj theksoi se ishte bërë në funksion të motivimit të ekipit, para formimit të koalicionit dhe se nuk kishte synuar keqinterpretim të sistemit zgjedhor.

Ai zbuloi se pas zgjedhjeve ka propozuar një akt të fortë simbolik: dorëzimin e mandatit nga ai vetë, Shabani dhe Soko, për të ruajtur integritetin moral të lëvizjes.

“I kam kërkuar Shabanit, në prani të zotit Soko, që të linim mandatin. Mandatin do e merrte personi i dytë më i votuar i ‘Shqipëria Bëhet’”, tha Lapaj në A2CNN.

Në fund, Lapaj thekson se pavarësisht se sistemi elektoral i ka penalizuar me formulën e mandateve, lëvizja e tij mori një sasi votash që në kushte të tjera do të siguronte disa deputetë.

Ai shton gjithashtu se ka qenë i gatshëm të japë një shembull ndryshe nga politika tradicionale

The post Adriatik Lapaj shpërthen keq ndaj Endri Shabanit: Më kishin paralajmëruar për ty, më preve në besë… appeared first on Albeu.com.

“Shumë më kërkojnë të hyj në politikë,” shkruan ai, duke reflektuar mbi ndikimin që ka në publik. “Mbase sepse më shohin si një zë që dëgjohet, si dikush që nuk ka frikë të flasë. Por unë nuk dua të jem arsyeja pse njerëzit zihen mes tyre.”

Luizi theksoi se qëllimi i tij nuk është të zgjedhë krahë, por të qëndrojë pranë të gjithëve. “Unë kam zgjedhur njeriun. Nuk dua pushtet mbi askënd, dua duar të lira për të përqafuar, jo për të nënshkruar vendime që lëndojnë.”

Ai kritikoi mënyrën se si politika ndryshon njerëzit dhe deklaroi se do të mbetet besnik ndaj artit dhe vlerave që përfaqëson.

“Të shumtë janë ata që më kërkojnë të hyj me politikë. Mbase ngaqë më shohin si zë që dëgjohet, apo si një njeri që nuk ka frikë të flasë. Unë nuk kam ardhur në këtë jetë për të ndarë njerëzit. Por për t’i bashkuar. Nuk dua të jem arsyeja pse njerëzit zihen mes tyre, kur gjithçka që dua është t’i bëj të buzëqeshin bashkë. Unë besoj te muzika, te dashuria, te forca e një fjale që shëron dhe jo që përçan. Politika kërkon të zgjedhësh një anë. Unë kam zgjedhur njeriun! Nuk dua të je mi një krahu, kur mund të jem krah për të gjithë. E kam parë se çfarë bën politika me njerëzit. Si ua ndryshon sytë, zemrat, fjalët. Nuk dua pushtet mbi askënd. Dua t’i mbaj duart e lira që të përqafoj, jo të nënshkruaj vendime që lëndojnë. Dua dua zyrë, dua skenë! Ndaj, më falni nëse ju jam zhgënjyer duke mos u bërë pjesë e politikës. Kjo është mënyra që unë kam zgjedhur për të mbrojtur atë që dua më shumë, njeriun, familjen, artin, fjalën e lirë dhe vetveten”, përfundon shkrimi i Luizit.

The post Luizi ka një mesazh për të gjithë ata që e duan në politikë appeared first on Albeu.com.

Pas vitit të fundit të mbushur me ngjarje, ku ishte në qendër të vëmendjes për lidhjen dhe ndarjen me ish-banoren tjetër të BBVK, Kader Kicajn, reagimi i saj për angazhimin e Lumit në politikë është interesant.
E kontaktuar nga Indeksonline, Kaderi u shpreh: “I uroj veç suksese atij. Asgjë më shumë.”

Kur u pyet nëse do të ndiqte rrugën e ish-partnerit, ajo e mohoi këtë mundësi, duke thënë: “Jo, unë kam plane të ndryshme dhe jo për politikë.”

The post Lumbardhi i futet politikës, reagimin e Kaderit nuk duhet ta humbisni appeared first on Albeu.com.

EMRAT:

Qarku Tiranë
Elisa Spiropali, Erion Veliaj, Ogerta Manastirliu

Qarku Durrës
Emirjana Sako

Qarku Shkodër
Benet Beci

Qarku Lezhë
Ulsi Manja

Qarku Kukës
Pandeli Majko

Qarku Elbasan
Arbjan Mazniku

Qarku Fier
Belinda Balluku

Qarku Korçë
Niko Peleshi

Qarku Gjirokastër
Mirela Kumbaro

Qarku Berat
Ervin Demo

Qarku Vlorë
Bledi Çuçi

Qarku Dibër
Blendi Gonxhe

Drejtuesi politik për Diasporën
Taulant Balla

The post Rama prezanton drejtuesit politikë të Partisë Socialiste në qarqe (EMRAT) appeared first on Albeu.com.

Në një intervistë për “Moustique & La Libre”, ajo flet për gjyqin me 128 të pandehur, pastrimin e parave në Tiranë dhe lidhjet me politikën në Shqipëri.

Ajo është pyetur dhe për sekuestrimin e një hoteli apo një skafi në Shqipëri, duke i quajtur si sekuestrime ende larg kullave miliarda euro në Tiranë.

A ka evoluar struktura hierarkike e organizatave kriminale?

Gallant: “Ne shohim se në gjykimin aktual të “Enco” dhe “Sky ECC”, ka rreth dhjetë menaxherë. E cila, në vetvete, tregon se sistemi piramidal, me një bos në krye, është një model krejtësisht i vjetëruar. Të jesh “lider” në përgjithësi do të thotë të kesh kapacitet vendimmarrës. Në nivelin e tij. Nga ky këndvështrim, mund të kesh një menaxher korrupsioni brenda portit, i ngarkuar me gjetjen e doganierëve për të dhënë ryshfet.

Mund të kesh një menaxher që ka kapacitetin të krijojë ose që ka kontaktet që të mund të krijojë kompani për t’i dhënë pamje legale importit të lëndëve narkotike. Të gjithë këta persona konsiderohen se kanë një rol drejtues, pasi me forcë rrethanat japin udhëzime, punësojnë staf. Nuk është aq shumë se ata nuk janë përgjegjës më lart. Është më shumë se ka njerëz që janë përgjegjës para tyre. Kaq mjafton për t’i bërë liderë në kuptimin e ligjit për organizatat kriminale të vitit 1999”.

Ju flisni për një piramidë… Në çfarë kat jemi ne në këtë gjyq të “Encro”? Disa elementë – një hotel i shkretë, një varkë e shkretë, etj. – sugjerojnë se nuk jemi në prag të krimit.

Gallant: “Jemi në fakt larg kullave 3 miliardë euro në Tiranë. Ky është një lloj problemi. Ose më mirë problemi. Ky gjykim është disi joproporcional nga mjetet e përdorura, nga numri i të pandehurve. Ky provë “Encro” duket sikur duhet të japim një shembull. Ndërsa, edhe nëse flasim për dhjetëra kilogramë kokainë, apo ndonjëherë edhe qindra kilogramë. Edhe nëse vetë malli vlen dhjetëra miliona, ata që po gjykohen këtu nuk janë miliarderë. Larg andej. Vetëm shikoni kërkesat e prokurorit federal për konfiskim. Një milion euro konfiskohen si objekt pastrimi parash? Çdo muaj e gjej veten në gjyqe për çështje marrëzie financiare “belgo-belge”, ku kemi pastrim parash për shuma shumë më të mëdha”.

Ka një tjetër gjyq më 8 prill për fakte të ngjashme, çfarë është konkretisht?

Gallant: “Ai do të përfshijë një tjetër organizatë kriminale shqiptare, e cila ka disa mbivendosje me “Encro”, pasi në mënyrë të veçantë njëri ose tjetri është i akuzuar në të dy proceset. Nëse vetëm atje, ne duket se kemi ende lidhje në nivele shumë më të larta përsa i përket kontakteve politike në Shqipëri dhe riinvestimit të përfitimeve të mundshme patrimonale nga aktivitetet ilegale”.

Gallant: “Pra, do të mbroni dikë gjatë këtij gjyqi? Po…”.

Dhe nuk mund të flisni për të?

Gallant: “Zakonisht pjesën e parë të argumenteve të mia të mbrojtjes ia lë gjykatës…”.

The post Avokatja e bosit vlonjat të kokainës në Belgjikë plas bombën: Në gjyqin e radhës, dalin lidhje politike në Shqipëri appeared first on Albeu.com.

Sipas tyre, pavarësisht “fushatës nxitëse” kundër opozitës, fitorja e partisë së Vuçiç nuk është e garantuar.

“Të jesh apo të mos jesh – kështu partitë në pushtet dhe opozita shënojnë zgjedhjet e parakohshme parlamentare, lokale, të Beogradit dhe të Vojvodinës më 17 dhjetor”, shkroi MDR.

Fushata e nxitjes kundër opozitës po zhvillohet në mediat besnike të pushtetit, Serbia është e mbuluar me postera në të cilët politikanët e opozitës paraqiten si tradhtarë, mercenarë të huaj, fashistë dhe kriminelë.

Sa i përket Kosovës, ka një presion në rritje ndaj Vuçiç nga ana e kryetarja e Komisionit Evropian, Ursula von der Leyen gjatë vizitës së saj të fundit në rajon.

MDR shkruan se njohja “de facto” e Kosovës do të ishte “një vdekje politike” për “populistin” Vuçiç, ndaj edhe ky i fundit sipas tyre po kërkon të fitojë kohë duke hyrë në zgjedhje dhe duke mos u përballur me kundërshtimin e vullnetit të liderëve të Perëndimit.

The post Njohja “de facto” e Kosovës, MDR: Do të ishte “vdekje” politike e Vuçiç appeared first on Albeu.com.

Ish-anëtari i Kryesisë së PD, Arben Skënderi, theksoi se sot politika shqiptare nuk ka më politikanë, por kryetarë.

Ai theksoi se pas ndryshimeve Kushtetuese të bëra në vitin 2008-të, kryetarët e partive kanë rreguluar me ligj pozicionet e tyre, dhe të gjithë ata që kanë poshtë u binden si skllevër.

“Ju e shikoni fare mirë se ç’bëhet, deputetët i trajtjnë si delet. Këta i kanë zgjidhur me ligjin e 2008-s, prandaj njerëzit e kanë humbur besimin”, u shpreh Skënderi.

Më tej Skënderi tha se sot është për të ardhur keq kur sheh se kush është ulur në Kuvendin e Shqipërisë.

Sipas tij asnjë deputet nuk ka një ide të vetën, por dalin dhe përsërisin ato që honë kryetarët nëpër studio, apo mbledhje partish.

“Më thoni profesionin e deputetëve që dolën dhe folën, çfarë fushë ekspertize kanë, ata vetëm dalin e lehin aty ato që thonë kryetarët respektivë dhe artikulojnë të njëjtat teza”, tha Skënderi.

Ndërkohë sa i përket situatës brenda PD, gazetari Taulant Halili, në një lidhje me “SKYPE”, theksoi se asgjë nuk ka ndryshuar, përveç rolit të Gazment Bardhit.

Siaps tij Bardhi ka kaluar pranë Berishës për interesa personale, dhe jo për “bashkimin” e PD.

The post Situata politike në Shqipëri, Skënderi: Sot deputetët “lehin” atë që ju thotë kryetari appeared first on Albeu.com.

Taulant Halili/ AlbEu.com

Shtatori i këtij viti ka nisur i vrullshëm dhe me risi sa i përket politikës në Shqipëri, ku disave do ju buzëqeshë fati, e ndërsa disa të tjerë do të jenë nën ankthin e “ruletës” së SPAK.

Perden e skenës politikë për këtë vjeshtë e ngriti i pari Lulzim Basha, i cili ditën e shtunë mblodhi Kuvendin Kombëtar, ku miratoi statutin e ri të partisë, emëroi figurat e reja, si dhe “blindoi” karrigen e tij politike për vitet e ardhshme.

Ndërkohë ditën e hënë, në 4 shtator, kryeminsitri Edi Rama, njëherësh kryetar i Partisë Socialiste, ka thirrur Asamblenë e PS, nga ku priten vendime shumë të rëndësishme për të ardhmen e qeverisë.

AlbEu.com, pak ditë më parë bëri publik listën e ministrave që rrëzikojnë tu “pritet koka”, e për tu zëvendësuar me të tjerë.

Hetimet e SPAK nga njëra anë dhe përgjimet e SKY Ç në anën tjetër kanë vënë në lëvizje makinerinë e Edi Ramës përgjatë verës, të cilët ende pa rënë “gjethja” e parë e shtatorit do të ndërmarrin veprime të menjëherëshme në qeveri, duke larguar ministrat me “njollë”, në mënyrë që qeveria e re të mos ketë lidhje me të “shkuarën e afërt”.

Analistë dhe studiues të politikës në Shqipëri e shohin këtë lëvizje të Ramës, si një lëvizje inteligjente “shahu”, për të treguar se për të parin e qeverisë përgjegjësitë janë individuale, dhe kush ka “ngjyer gishtin” me tendera, apo para të pista, tashmë është i vetëm përballë drejtësisë.

Por ky fillim shtatori është vetëm vala e parë e të “nxehtitit përvëlues” të vjeshtës politike në Shqipëri. Pasi po brenda këtij muaji dy lëvizje të reja politike do të fillojnë të marrin jetë, në njërën anë Altin Goxhaj dhe nga ana tjetër Adriatik Lapaj. Dy lëvizje të reja, por në luftë me njëra-tjetrën, ende pa zbritur në fushë.

Gjithashtu në shtator zëra poshtë e mbi tryeza politike, e kafenesh flasin edhe për disa arrestime të forta, por ende nuk ka asnjë artikulim të ndonjë emri konkret, por si zakonisht flitet për njerëz pranë Ramës, apo Berishës dhe Metës.

Ndërsa tetori parashikohet të ketë edhe ngjyrime ndërkombëtare, pasi në fund të muajit në Shqipëri vijnë liderët e BE për të zhvilluar Samitin në Tiranë.

Pikërisht Samiti i tetorit duket se është edhe arsyeja se pse emrat e politikanëve dhe biznesmenëve të shpallur non-grata nga Britania e Madhe nuk janë bërë ende publikë.

Burime për AlbEu.com, bënë me dije pak ditë më parë se ndërkmbëtarët do të mbajnë të fshehtë listën deri në përfundim të Samitit, për t’i nxjerrë më pas një e nga një të gjithë të padëshiruarit e perëndimit.

Nuk duhet të harrojmë gjithashtu se edhe SHBA ka “premtuar” një tjetër listë non-gratash, ku padiskutim emrat që qarkullojnë “mihaneve” të politikës flasin për koka të larta si në politikë ashtu edhe në biznes.

Por për të parë se kush si dhe çfarë do të ndodhë, duhet të presim muajin nëntor, i cili përpos festave të rëndësishme asaj të Çlirimit dhe Pavarësisë, do të na njohë edhe me figurat që do t’i ikin politikës shqiptare, por dhe për zhvillimet dhe lëvizjet underground që mund të ndodhin, ku nuk përjashtohen edhe bashkëpunime mes forcave të nisura disa vite më parë.

The post Vjeshta e nxehtë politike, “prangat” e SPAK dhe non-grata e SHBA dhe “UK” appeared first on Albeu.com.

Ai tha se do zgjedhë një pjesë të PD, një pjesë të PS, një pjesë të Metës, një pjesë të Albin Kurtit.

“Që do një ndryshim ky vend e do, se thotë Rama jo po ika unë kush do të vijë? Do marr një pjesë të partisë së Albin Kurtit, janë të mirë ata për protesta, janë të mirë për opozitë. Do merrja një pjesë të partisë së Ilir Metës, të kryjnë punë ata. Do merrja një pjesë të partisë së Berishës, se duhen, se nuk pranojnë asnjëherë rezultatin e zgjedhjeve, sido të jetë. Do merrja dhe një pjesë të PS, se kanë vila kudo dhe se ata fitojnë gjithmonë”, tha me batuta Luiz Ejlli.

The post A do të futet në politikë? Luiz Ejlli rrëfen strategjinë e “partisë së tij” appeared first on Albeu.com.