politikani i.m Archives - Albeu.com

Politikani I.M në dosjet e ish-sigurimit, Meta: Autoriteti të përballet me ligjin për shkeljet

E S — Fri, 29 Jul 2022 11:45:37 +0000

Kryetari i Partisë së Lirisë, Ilir Meta ka paralajmëruar se do të ndërmarrë hapa ligjorë lidhur me pretendimet se ai është i përfshirë në dosjen e ish-Sigurimmit të Shtetit.

Në një konferencë për mediat, Meta tha se si autoriteti i Dosjeve, ashtu dhe personat e përfshirë në këtë çështje, do të mbajnë përgjegjësi ligjore.

“Është një përgjegjësi e madhe të Autoritetit të Dosjeve që po përmenden emra në publik. Që dikur kanë qenë 19 vjeç dhe sot i kanë nga 20 vjeç fëmijët. Duhet të zbatojë ligjin por edhe të kujdeset që mos rilëndohen viktimat e asaj periudhe për shkak të Sigurimit të Shtetit. Autoriteti e di mirë që jo vetëm s’kam qenë bashkëpunëtor i Sigurimit, e provuar që në 96 në kohën e të madhërishmit Sali Berisha… e dinë shumë mirë se kush ka qenë bashkëpunëtori në rastin konkret. Se ajo ndodhet në dy dosje. Ata që e kanë orkestruar këtë skenar e dinë shumë mirë që Ilir Meta nuk ka jetuar ndonjëherë në konvikt dhe nuk ka pasur ndonjë shok konviktor.

I ndjekuri nuk e ka diskutuar asnjëherë me Ilir Metën, kishte plane të dilte me të gjitha dhjeta dhe të bëhej pedagog në Fakultetin e Ekonomisë. Autoriteti do të mbajë përgjegjësi ligjore për këtë shkelje që ka bërë dhe për atë kërkesë që i ka çuar Kuvendit pa asnjë fakt. Do të mbajnë përgjegjësi edhe personat e përfshirë. Atë dosje e kishe shumë të lehtë, nëse kishe një shqetësim serioze për këtë çështje, sepse Ilir Meta në çdo rast ka firmosur një kërkesë për t’u verifikuar dhe ka bërë të qartë që nuk ka pasur lidhje me Sigurimin e Shtetit,” është shprehur Meta./albeu.com

The post Politikani I.M në dosjet e ish-sigurimit, Meta: Autoriteti të përballet me ligjin për shkeljet appeared first on Albeu.com.

Dosja e politikanit I.M që shërbente në Sigurimin e Shtetit, vjen reagimi i Fatmir Mediut

admin — Wed, 27 Jul 2022 12:55:24 +0000

Deputeti Fatmir Mediu është shprehur se duhet vendosur që personat që kanë qenë pjesë e strukturave të Sigurimit të Shtetit në të kaluarën, të mos kenë mundësi të jenë pjesë e nivelit të lartë të funksionarëve të sotëm.

Komentet Meta i ka bërë përmes një deklarate të dhënë për mediat, pas takimit me Lindita Nikollën lidhur me të dhënat e publikuara nga Autoriteti i Dosjeve.

Mediu tha se nuk duhej të abuzohej me emra politikanësh ndërsa shtoi se uronte që kjo të mos ishte vetëm një kauzë politike.

Fatmir Mediu: Unë vlerësoj punën e Autoritetit të Dosjeve. Duhet diskutuar në mënyrë që ata persona kanë qenë pjesëtarë të këtyre strukturave të kaluarën, të mos kenë mundësi të jenë pjesë e nivelit të lartë të funksionarëve të sotëm publikë. Por nuk duhet të abuzojmë me emra politikisht.

The post Dosja e politikanit I.M që shërbente në Sigurimin e Shtetit, vjen reagimi i Fatmir Mediut appeared first on Albeu.com.

“Politikani i lartë I.M, bashkëpunëtor i Sigurimit të Shtetit”, ironizon zëdhënësi i Metës: Autoriteti i Dosjeve të bëjë publike çdo gjë

E B — Tue, 26 Jul 2022 19:06:26 +0000

Zëdhënësi i Ilir Metës, Tedi Blushi ka reaguar pasi Autoriteti për Informim mbi Dokumentet e ish-Sigurimit të Shtetit bëri të ditur se, gjatë verifikimit të dokumenteve të bashkëpunëtorëve të sigurimit, ka zbuluar se një politikan i lartë shqiptar ka qenë bashkëpunëtor i sigurimit. Siç u bë e ditur, ky politikan i lartë shqiptar mban inicialet I.M.

Blushi kujton se Autoriteti i Dosjeve i kërkoi Kuvendit të ndryshojë ligjin, një ditë pas themelimit të Partisë së Lirisë. Ndërsa kujton se Kuvendi ka çështje më të rëndësishme për të trajtuar si afera e inceneratorëve apo Marrëveshja e Detit me Greqinë, Tedi Blushi i bën thirrje Autoritetit të Dosjeve që “dosjet t’i hapë që sot” dhe të bëjë publik çdo informacion që mund të zbulohet me hapjen e tyre.

Reagimi i Tedi Blushit

Ha Ha Ha…Autoriteti i Dosjeve u kujtua t’i kërkojë Kuvendit të ndryshojë ligjin “Për të drejtën e informimit për dokumentet e ish-Sigurimit”, një ditë pas themelimit të Partisë së Lirisë, se gjoja një politikan i nivelit të lartë I.M, figuron bashkëpunëtor i Sigurimit të Shtetit dhe qenka përpjekur për t’u fshehur nga verifikimet dhe për këtë u dashka bërë një ligj i veçantë.

Mos e lodhni kot Kuvendin me këtë punë, se ka çështje të tjera më të rëndësishme për t’u marrë si aferën skandaloze të inceneratorëve apo Marrëveshjen e Detit me Greqinë (kujtoni letrën e fundit të Presidentit të Republikës për të gjithë deputetët).

LATË NAM ME PATRONAZHISTËT E SOTËM JU QË PASKENI MERAKUN E “PATRONAZHISTËVE” TË KOMUNIZMIT.

I BËJMË THIRRJE AUTORITETIT TË DOSJEVE TË HAPË QË SOT DHE TË BËJË PUBLIKE ÇDO DOSJE DHE INFORMACION TË SIGURIMIT TË SHTETIT DHE GJITHÇKA TJETËR, PËRFSHIRË EDHE PROCESVERBALET E ORGANIZATËS SË RINISË TË ASAJ KOHE!

Jetojmë në kohën e “pavarësisë” së institucioneve, por edhe të TRANSPARENCËS, që nuk do të ndalet.

The post “Politikani i lartë I.M, bashkëpunëtor i Sigurimit të Shtetit”, ironizon zëdhënësi i Metës: Autoriteti i Dosjeve të bëjë publike çdo gjë appeared first on Albeu.com.