Artan Lame, ndërroi jetë në një spital në Mynih të Gjermanisë, pas një ndërhyrje të vështirë në zemër.

Kolegë, miq e të afërm, kanë shprehur ngushëllimet për familjen Lame.

Reagimi i kryeministrit Edi Rama:

I pabesueshëm, po fatkeqësisht i vërtetë lajmi i befasishëm i ndarjes nga jeta të Artan Lames. Jam pa fjalë. Ngushëllime Mirelës, djalit të tyre dhe familjes e shokëve të përbashkët.

Reagimi i ministrit Taulant Balla:

Lamtumirë miku dhe shoku im i mirë Artan Lame.

Mimi Kodheli:

Lamtumirë Tan Lame. Jam pa fjalë dhe zemërthyer

Niko Peleshi:

Një humbje e madhe largimi nga jeta i Artan Lames. Një mik i mirë, një njeri me vlera dhe një kolonjar që e mbajti gjithmonë lart peshën e krenarisë dhe përulësisë së vendlindjes së tij.

Me ikjen e tij, Shqipëria humbi një intelektual, një shërbëtor të përkushtuar të shtetit dhe një historian të palodhur që e deshi të shkuarën jo thjesht për ta rrëfyer, por për ta kuptuar dhe për ta ndriçuar të ardhmen.

Artani ishte një mendje e kthjellët dhe një zë i veçantë i së vërtetës. Një misionar i historisë dhe besnik i trashëgimisë sonë kulturore. Humbja e tij prek të gjithë ata që besojnë në idealet e dijes, të shtetit dhe të dashurisë për vendin.

Mungesa e tij do të ndihet në çdo tryezë ku diskutohet me mendje e me zemër për të ardhmen e këtij vendi.

Une humba një mik të dashur!

Reagimi i gazetarit Blendi Fevziu:

Artan Lame, nje qytetar par exellence, nje historian i apasionuar, nje zyrtar model, nje njeri plot energji dhe deshire per jeten iku sot nga kjo bote ne moshen 58 vjecare. Iku kaq i ri, tamam atehere kur ishte duke notuar ne pasionin e tij kryesor, ngritjen e nje muzeu per medaljet dhe flamujt, pjese e koleksionit te tij te rralle e mahnites.

Kam kaq shume per te thene per te, por ne kete moment te pare shokues, mund te them vetem kaq. U prehsh ne paqe Artan. Familja humbi njeriu e dashur, ne mikun, por Shqiperia humbi nje nga dashnoret e fundit te historise dhe shkelqimit te saj.

Reagimi i deputetit Vullnet Sinaj:

Gjatë detyrës si drejtor i ALUIZNI-t dhe më tej i Kadastrës, Artan Lame trajtoi problemin delikat ose më mirë të them, një nga plagët e vjetra të shoqërisë shqiptare, çështjen e pronës.

Me qetësinë dhe dashamirësinë e tij u investua për të zgjidhur mjaft probleme të trashëguara, pa pretenduar se mund t’u jepte rrugë të gjithave.

Unë mbaj mend nga ai, dëshirën për t’ia dalë, vullnetin për reforma dhe fjalën e mirë në çdo komunikim.

Ngushëllime familjes, të afërmve dhe miqve për humbjen e parakohshme të të dashurit të tyre.

The post Jemi zemërthyer/ Politikanë e gazetarë reagojnë për vdekjen e papritur të Artan Lames: Iku kur po notonte në pasionin e tij… appeared first on Albeu.com.

Sipas Murrizit, shumë shpejt do të ketë një sërë arrestimesh të bujshme nga ana e SPAK, në kuadër të përgjimeve të SKY.

“Nuk besoj se SPAK i ka duart e lira që ata ta sjellin dhe këta ta fshehin. Këtu dalin shumë. Ke nga drejtësia, ndoshta dhe prokurorët brenda SPAK, ke në Prokurorinë e Përgjithshëm, prokurorë e ish-prokurorë, gjyqtarë, politikanë, edhe klerikë. Pra nuk i ndaj as nga veshja, as nga gjuha. Nuk i hamendësoj, se nuk jam nga ata që shoh filxhan, por kam informacion”, thotë Murrizi

Duke folur për situatën në PD, Murrizi shpërthen ndaj Gaz Bardhit dhe Oerd Bylykbashit, si njerëz që e kanë frikën votën pasi nuk kanë ardhur përmes saj në postet e rëndësishme, por si emërime direkte të Sali Berishës. Këtij të fundit, Murrizi i kujton të ketë kujdes me hartimin e listave të kandidatëve, pasi sipas tij, aty qëndron mundësia e vetme e fitores në 2025.

“PD duhet të hyjë me 140 emra pa listë të mbyllur. Le t’i mbyllë Rama ata që do venë në SPAK. Ne çfarë sikleti kemi? Ne paskemi frikë nga vota e qytetarëve atëherë. Çfarë përfaqësuesi je ti nëse nuk guxon të shkosh te qytetari. Je në hasmëri me qytetarin që mbyllesh dhe shkon si drejtues politik? Çfarë vlere ka kjo kur t’i nuk përballesh. Por Gazi me Oerdin nuk më rezultojnë të tillë nga zgjedhjet e 2021, janë të dy humbësa.

Në vend të Gazit duhej të ishte Qani Xhafa dhe në vend të Oerdit, Igli Cara se ka dyfishin e votave. Këta kanë konflikt interesi për të qenë pjesë e tavolinës ku bëhet Kodi Zgjedhor sepse janë të dy humbës. Po të ishte Luçiano nuk thoja unë, edh për Enelejdin nuk thoja. Por asnjë nga këta 16 deputetët që nuk do ishte tillë nëse vendimi i Kushtetueses do kishte efekt prapaveprues. Ti ke shkuar për të siguruar karrigen për vete, pse duhet të të besoj”, shprehet Murrizi.

The post Myslym Murrizi bën deklaratën e fortë: Së shpejti do të ketë arrestime të bujshme, SKY do fundosë politikanë dhe klerikë appeared first on Albeu.com.

Martin i cili identifikohet si homoseksual dhe është kandidat i Partisë Demokratike të Lirë për qarkun Ostalb, shihet teksa fut fytyrën në WC. Përveç këtyre pamjeve skandaloze, Martin ka shpërndarë disa video të tjera eksplicite të tij, disa prej të cilave janë fshirë. Në një prej tyre, madje Martin ka filmuar veten duke u masturbuar nën himnin kombëtar gjerman të epokës naziste, si një shenjë “proteste” dhe kujtese për “dënimin” që i është dhënë në kohën e Hitlerit.

Disa përdorues të rrjeteve sociale shprehën neveri për videot e shpërndara nga politikani gjerman i cili aktualisht është kandidat i FDP-së për zgjedhjet e ardhshme lokale në Swabian.

The post Lëpin tualet publik, rrjeti skandalizohet nga videoja e politikanit gjerman appeared first on Albeu.com.

Pamjet e publikuara në rrjetet sociale tregojnë valixhe të mbushura plot me kartëmonedha frangash, dollarësh dhe eurosh, që supozohet se janë sekuestruar në banesën e presidentit Bongo.

BREAKING African leaders are wicked !! Bags Of Money Found In Ousted Gabon President’s HOME pic.twitter.com/qAErDQPHTG

— Biafran Airline News (@BiafranAirlines) August 31, 2023

Ky i fundit fitoi zgjedhjet me 64.2% të votave, megjithatë një grusht shteti i organizuar nga ushtria që tashmë ka marrë pushtetin, i deklaroi zgjedhjet si të manipuluara dhe e vendosi presidentin nën masën “arrest shtëpie”.

The post Politikanët tentojnë t’ia mbathin me valixhet plot me para, ndalohen nga policia (VIDEO) appeared first on Albeu.com.

Ageler theksoi se ajo nuk mund të flasë për këtë, por qytetarët duhet t’u bëjnë të ditur politikanëve se duan të jenë pjesë e BE-së.

“Vërtet mendoj se nuk më takon mua të flas se si po shkon procesi i ndryshimeve kushtetuese. Unë jam ambasadore e Shteteve të Bashkuara. Ne nuk jemi pjesë e Bashkimit Evropian, por kur shoh kufirin dhe numrin e madh të automjeteve që hyjnë e dalin, besoj se prosperiteti dhe siguria e këtij vendi qëndron në pranimin dhe integrimin e tij në Evropë dhe shpresoj shumë që politikanët nga të gjitha partitë politike në vend do të punojnë për realizimin e saj”, ka deklaruar Ageler. /SHENJA/

The post Ageler: Qytetarët e Maqedonisë së Veriut duhet t’u tregojnë politikanëve se dëshirojnë të integrohen në BE appeared first on Albeu.com.

“Dëgjova një zhurmë dhe menjëherë makina filloi të lëshonte tym”, tha kryebashkiaku Domokou, teksa shtoi se doli menjëherë bashkë me kryebashkiakët e tjerë.

Makina u përfshi nga flakët brenda pak minutash dhe u shkatërrua plotësisht. Fatmirësisht, asnjë nga personat që ndodheshin brenda makinës pësoi lëndime. Deri më tani nuk ka informacion nëse mund të ketë qenë atentat apo jo. Policia po heton në vendin e ngjarjes për të mësuar rrethanat e incidentit.

The post Merr flakë makina me të cilën po udhëtonin 3 politikanë appeared first on Albeu.com.

Lajmin për sekuestrimin e përkohshëm të 75 pronave e ka konfirmuar për “Betimin për Drejtësi”, Shaqë Curri, gjykatës i procedurës paraprake në Gjykatën Themelore në Pejë.

“Kam urdhëruar sekuestrimin e përkohshëm”, ka thënë Curri.

Sipas shkresave të lëndës së gjykatës, këto villa të sekuestruara rezulton se janë ndërtuar në Zonën e II-të në Parkun Kombëtar “Sharri” – Zona e Brezovicës, në të cilën ndalohet ndërtimi me Ligjin për Parkun Kombëtar “Sharri”. Sipas shkresave të lëndës, thuhet se sipas këtij ligji, Zona e II-të e këtij Parku karakterizohet me ekosisteme, vlera peisazhore dhe vlera tjera të natyrës, ku mund të ushtrohet eko-turizmi, bujqësia tradicionale dhe veprimtari, të cilat nuk janë në kundërshtim me qëllimet e Parkut, kurse është e ndaluar ndërtimi i çfarëdo objekti për banim.

Në listën e 75 pronave, kryesisht villa, figurojnë emrat e pronarëve që përfshijnë si pronarë, gjykatës të të gjitha niveleve, politikanë, biznesmenë si dhe qytetarëve të tjerë, të cilët kanë blerë villa apo kanë blerë parcela dhe më pas kanë ndërtuar villa.

Ajo që bie në sy në këtë listë janë tre gjykatës të Ferizajt, të cilët janë gjykatës nga të trija nivelit e gjyqësorit. Të tretë fillimisht kanë blerë parcela në vitin 2016, ndërsa në vitet e fundit kanë ndërtuar villa. Fjala është për Mustafë Tahirin, Kryetar i Gjykatës Themelore në Ferizaj, Bashkim Hysenin ish-Kryetar i Gjykatës Themelore në Ferizaj, aktualisht gjykatës në Gjykatën e Apelit, si dhe Agim Maliqi, ish-gjykatës i Gjykatës Themelore në Ferizaj, aktualisht gjykatës në Gjykatën Supreme. Të tre këta gjykatës, pronat i kanë blerë bashkë në vitin 2016, në sipërfaqe 2.84 ari, respektivisht 2.4 ari me një çmim prej 6 mijë euro secili.

Tre gjykatësit, janë kontaktuar më javë më parë nga “Betimi për Drejtësi” dhe kanë konfirmuar sekuestrimet e villave të tyre nga Prokuroria. Ata kanë deklaruar se blerjen e pronave e kanë bërë përmes procedurave ligjore dhe dokumenteve të organeve kompetente, njëjtë edhe villat i kanë ndërtuar me leje të organit.

Sipas prokurorit Rasim Maloku, i cili kohë më parë ishte deklaruar në media, shumica e ketyre objekteve janë ndërtuar, duke keqpërdorur detyrën zyrtare të pandehurit, me lëshimin e lejeve ndërtimore në kundërshtim me ligjet që rregullojnë Parkun Kombëtar “Sharri”, me marrje të ryshfetit, dhënie të ryshfetit, me çka kanë degraduar mjedisin në këtë zone. Në këtë drejtim edhe janë sekuestruar objektet në Zonën II, pasiqë janë rrjedhojë e veprave penale, pasi sipas ligjit, në këtë zonë zyrtarët nuk kanë mundur në asnjë formë të lëshojnë leje ndërtimi, pasi ndalohet ndërtimi me ligj.

Siqodoftë, sipas deklarimeve publike të prokurorit Maloku, pronarët që kanë blerë villa apo kanë ndërtuar, duke mos u përfshirë në vepra penale, nuk do të hetohen dhe ndiqen penalisht, por atyre vetëm do t’iu sekuestrohen pronat, për të cilat sipas tij, të gjithë këta persona, do të kenë mundësinë ligjore që të ndjekin rrugët në procedurë civile për kompensim të dëmeve që iu shkaktohen, ndërsa për villat, sipas Malokut, do të bëhet kërkesë për rrënimin e tyre, në mënyrë që zona të kthehet ashtu siç përcaktohet në Ligjin për Parkun Kombëtar “Sharri”.

Sekuestrimet e këtyre pronave, sipas dokumenteve të siguruara, rezulton se janë bërë duke u mbështetur në Kodin e Procedurës Penale, ku theksohet se sendet që përkohësisht mund të sekuestrohen janë sende që mund të jenë prova gjatë një procedure penale, sende ose pasuri që kanë mundësuar kryerjen e veprës penale, ose sende që konsiderohen dobi pasurore e fituar me kryerjen e veprës penale dhe për të cilat ligji parasheh sekuestrimin.

Pas aktakuzës së ngritur në vitin 2022 për degradim të Brezovicës nga Prokuroria Themelore në Ferizaj, Departamenti për Krime të Rënda, rasti Brezovica është zgjeruar, duke rritur numrin e personave të arrestuar dhe personave që janë nën hetim, përfshirë zyrtarë dhe biznesmen të ndryshëm, si të dyshuar për kryerjen e veprave penale “Keqpërdorimi i pozitës apo autoritetit zyrtar”, “Marrja e ryshfetit”, “Dhënia e ryshfetit” dhe “Ushtrimi i ndikimit”.

Ndër politikanët që figurojnë në listë janë Enver Hoxhaj ish-Ministër, dy vëllezërit e ish-Presidentit Hashim Thaçi si dhe një numër i madh i bizesmenëve, përfshirë edhe personat e arrestuar gjatë aksioneve në Brezovicë.

Lista e plotë të pronave të sekuestruara ku figurojnë emrat e pronarëve./Express

The post EMRAT/ Kosova me “dorë të hekurt”, urdhëron sekuestrimin e 75 vilave të politikanëve dhe biznesmenëve appeared first on Albeu.com.

Sipas tij është një turp i madh kombëtar për të gjithë ata politikanë shqiptarë që shajnë vendin e tyre në anglisht.

“Politikanët që flasin keq në gjuhë të huaj, u tremben të vërtetat në kombi e tyre apo që nuk dinë t’i thonë këto të vërteta në sy të tyre, janë llum. Si duhen as vendit, por si duhen as dreqit. Ti pranosh, ose më keq, t’u besosh është njëlloj sikur të mbash sytë nga një moçal që mban një erë të keqe. Ne jemi kundër shumë gjërave por ne nuk mund të ndahemi ndaj një gjëje themelore, që jemi shqiptarë. Dhe kur flasim në gjuhë të huaj nuk duhet të flasim sikur e kemi inat. S’jemi vend i pasur jemi vend i vogël por jo nuk ka rëndësi kur ulemi në tryezë me të tjerët, pavarësisht sesa të vegjël jemi. Të thuash në mediat britanike që Shqipëria është vendi më i rrezikshëm në Ballkan dhe Evropë kjo s’është lojë politike. Ndryshojnë pamjet dhe shtatin por janë i njëjti soj. Sot, Shqipëria nuk është ajo që duhet të jetë, se s’do isha me Rakipin sot. Por nëse kthehemi pas, vendi ynë është njëlloj në të gjitha drejtimet si ky liqeni këtu.‘- tha Rama.

The post Rama: Politikanët që shajnë Shqipërinë në gjuhë të huaj janë llum, s’i duhen as dreqit appeared first on Albeu.com.

Përktheu: Alket Goce-Albeu.com

“Kope”. “Vërshim”. “Banditë”. “Pushtim”. Këto janë fjalë që përdoren zakonisht për të përshkruar katastrofat, aktet e luftës, kafshët parazite që dëmtojnë të korrat. Por politikanët tanë në Britani po i përdorin ato për t’iu referuar njerëzve. Shtatë vjet më parë, kryeministri i atëhershëm David Cameron tha: “E pranoj që ky është një test për ne, pasi po përballemi me një tufë njerëzish që vijnë duke kaluar Mesdheun, në kërkim të një jete më të mirë. Ata duan të vijnë në Britani, sepse ajo ka shumë vende pune, një ekonomi në rritje, është një vend i jashtëzakonshëm për të jetuar”.

Ish-Ministri i jashtëm Philip Hammond, në vitin 2015, tha se Britania duhet të mbrohej nga emigrantët “gangsterë” duke këmbëngulur se refugjatët afrikanë që mbërrinin në Evropë po shkatërronin “standardin e jetesës” në vend. Ai shtoi se përparësia nr.1 e Britanisë ishte gjetja e një mënyre për t’i kthyer mbrapsht azilkërkuesit e mundshëm ngado që ata vinin.

Dhe tani kemi Suella Braverman. Ministrja e Brendshme ka deklaruar se bregdeti ynë në jug po përballet me një “pushtim” nga emigrantët. Deklarata e saj erdhi vetëm një ditë pas një sulmi me një koktej molotov ndaj qendrës së imigracionit të Forcave Kufitare në Dover.

Ajo tha para deputetëve: “Le të jemi të qartë se çfarë po ndodh vërtet këtu. Populli britanik meriton ta dijë se cila parti është serioze në ndalimin e pushtimit në bregdetin tonë jugor dhe cila jo”. Organizatat bamirëse që ndihmojnë rregullisht i kanë cilësuar si “të neveritshme” dhe “dehumanizuese”, deklarata e Braverman.

Gjithsesi e kemi ndeshur edhe më herët një situatë të tillë. Kemi parë që kjo lloj gjuhe të bëjë jehonë në segmente të ndryshme të pushtetit: parlament, ekspertët dhe media. Në vitin 2016, ish-presidenti i SHBA-së, Donald Trump, shkroi në Twitter: “Hillary Clinton dëshiron që ta mbushë vendin tonë me emigrantë sirianë, për të cilët ne dimë pak ose aspak. Rreziku është i shumë i madh. Ata nuk duhet të pranohen!”.

Në vitin 2019, prezantuesi i televizionit “Fox News”, Tucker Carlson, e përshkroi mbërritjen e 500 emigrantëve afrikanë në kufirin e SHBA-së brenda një jave si një “vërshim” që mund të shndërrohej në një “përrua të rrëmbyer”. Mediat e djathta në Britani kanë përdorur të njëjtën gjuhë.

Pesë vjet më parë, “Daily Express” botonte një shkrim me këtë titull: “Vërshimi i emigrantëve të paligjshëm nxjerr në pah dështimin e politikës së sigurisë kufitare”. Ish-udhëheqësi i UKIP, Nigel Farage, deklaroi në vitin 2015 se ishte i rrethuar nga “tufa emigrantësh të mundshëm”.

Ndërsa në vitin 2020 përdori termin “pushtim”. Dhe duket sikur nuk ka rëndësi dëshpërimi i madh që i nxit këta njerëz të provojnë udhëtimin e rrezikshëm për në Britani përmes Kanalit.

Dhe situata nuk duket se ndryshon as kur ky dehumanizimi i qëllimshëm i këtyre njerëzve, është kritikuar prej kohësh nga grupe të tilla joqeveritare si “Amnesty International” dhe “Refugee Council”.

Ky i fundit e quajti “të papërgjegjshme dhe çnjerëzore” gjuhën e Cameron. Atëherë pse politikanët tanë vazhdojnë të sulmojnë këta njerëz fatkeq? A fshihet prapa kësaj gjuhe diçka më e errët dhe më e fshehtë? Nëse liderët tanë të zgjedhur janë të vetëdijshëm për tmerrin që mund të shkaktojnë komente të tilla, atëherë pse i thonë ato?

Çfarë po ndodh në të vërtetë? Studiuesi Stephen Utych, shkroi në vitin 2018 në revistën “Political Research Quarterly” se dehumanizimi mund të ndikojë aktivisht në qëndrimet e publikut ndaj emigrantëve, dhe ndoshta kjo është pikërisht arsyeja e përdorimit të kësaj gjuhe.

“Emigrantët, si grup, përshkruhen shpesh në mënyra të shëmtuara, si parazitë apo si sëmundje, që i portretizojnë ata si qënie të gjalla që janë më pak se njerëz. Kjo lloj gjuhe dehumanizuese çon në reagime emocionale negative dhe qëndrime negative ndaj grupit të dehumanizuar”- thekson Utych.

Në studimin e tij, ai thotë se pikërisht ky mund të jetë qëllimi i tyre. Përdorimi i kësaj lloj gjuhe mund të ndikojë aktivisht mbi politikën e migracionit. Me fjalë të tjera: nëse synon që njerëzit të përvetësojnë qëndrime më të ashpra ndaj migrimit, atëherë përdor një gjuhë që e ndryshon mënyrën se si ne mendojmë për ta.

Utych shton: “Elitat politike mund të përdorin strategji të shumta për ta bindur publikun që të pajtohet me qëndrimet e tyre politike. Dhe një nga mënyrat, ndoshta më të fuqishme, është denigrimi i grupit të jashtëm të prekur nga një ligj i caktuar. Dehumanizimi çon në qëndrime më negative ndaj migracionit. Ai e shton zemërimin dhe neverinë e publikut ndaj emigrantëve, gjë që nxit ndjenja negative kundër tyre”.

Ky është vetëm një studim, por ka një bollëk kërkimesh të tjera mbi sjelljen njerëzore, që tregon se ne kemi kryesisht një trajtim preferencial “brenda grupit”, teksa mund të shfaqim paragjykime diskriminuese ndaj “atyre që janë jashtë grupit tonë”. Psikologët socialë, thonë se ka një efekt më të madh kur përdorim atë që quhet “dehumanizimi kafshëror”.

Kjo qasje shpjegon Utych, çon në gjykime më të ashpra të një grupi. “Duke përdorur analogji me katastrofat, dëmtuesit apo sëmundjet, elitat politike janë në gjendje t’u mohojnë individëve të dehumanizuar një nivel humanizmi, gjë që e bën më të lehtë…mbështetjen e veprimeve të ashpra dhe ndëshkuese kundër tyre”.

Nëse marrim si shembull Braverman, ajo deklaroi muajin e kaluar (kur ishte Minisre e Brendshme, para se të jepte dorëheqjen dhe të rikthehej një javë më vonë) se ishte “ëndrra” dhe “fiksimi” i saj një avion që i çon azilkërkuesit në Ruandë.

“Do të doja të shihja në faqe të parë të “The Telegraph” një avion që niset për në Ruanda, kjo është ëndrra ime, është fiksimi im”- tha ajo. Nëse ky është qëllimi i saj, atëherë nuk do të ishte çudi ta shihje atë duke përdorur një gjuhë dehumanizuese të qëllimshme, si një mjet për të na tërhequr elektoratin rreth vetes.

Për të na detyruar ne që ta mbështesim në mënyrë aktive. Ose të paktën, të mbyllim njëri sy për të. Por nëse e bëjmë këtë, atëherë do ta humbim humanizmin tonë. Ne nuk duhet të gënjehemi. Fjalët kanë rëndësinë e tyre. Dhe fjalori ynë mbi emigracionin ka rëndësinë e tij.

Pasi ai formon mendimin, ndjenjat dhe përgjigjet tona. Dhe ne duhet ta dimë se kur ai është duke u përdorur si një armë. Ndaj le t’i kujtojmë vetes faktet: Nuk ka “tufa”, as “vërshim”, dhe as “valë”. Ata janë thjeshte njerëz – burra, gra dhe fëmijë – që i ikin persekutimit, katastrofës humanitare dhe luftës civile./albeu.com 

The post Pse politikanët i dehumanizojnë vazhdimisht emigrantët për politikën e tyre të ditës? appeared first on Albeu.com.

Kush janë zyrtarët e lartë të Ballkanit që nuk do të shkelin më në SHBA?

I pari në listën e Departamentit të Thesarit që është shpallur non-grata është ish-kryeministri i Maqedonisë së Veriut Nikola Gruevski, i cili sipas DASH është dënuar dhe mbetet i dyshuar në shumë raste të korrupsionit dhe është akuzuar për shpërdorim detyre, pastrim parash dhe vepra të tjera që lidhen me kohën e tij si kryeministër i Maqedonisë së Veriut nga viti 2006 deri në vitin 2016.

Në vendimin e DASH për ish-kryeministrin maqedonas thuhet se: Gruevski ishte caktuar në bazë të E.O. 14033 për të qenë përgjegjës ose bashkëpunëtor në, ose për përfshirje të drejtpërdrejtë ose të tërthortë në, korrupsionin në lidhje me Ballkanin Perëndimor, duke përfshirë korrupsionin nga, në emër, ose të lidhur ndryshe me një qeveri në Ballkanin Perëndimor, ose një qeveri aktuale ose të mëparshme zyrtar në çdo nivel të qeverisjes në Ballkanin Perëndimor, siç është shpërdorimi i aseteve publike, shpronësimi i aseteve private për përfitime personale ose qëllime politike, ose ryshfet. I.C.I.C. KFT ishte caktuar në bazë të E.O. 14033 për të qenë në pronësi apo kontroll të Gruevskit.

Ndërkohë në “listën e zezë” të DASH ka përfunduar edhe ish-kreu i inteligjeëncës në Maqedoninë e Veriut, Sasho Mijalkov. Mijalkov dyshohet se ishte përfshirë në një skemë të manipulimit të votave dhe një operacion të gjerë përgjimi të paligjshëm që synonte 20,000 njerëz, duke përfshirë politikanë të opozitës, gjyqtarë dhe gazetarë, që siguroi përfitime politike dhe ekonomike dhe që nxiti një krizë politike dyvjeçare në vend duke zbuluar qeverinë e supozuar. ndërhyrje në gjyqësor, kontroll mbi disa media dhe ndërhyrje në zgjedhje.

Ndërkohë non-grata ëhjstë shpallur edhe ish-presidenti i shtetit të përbashkët të Serbisë dhe Malit të Zi, Svetozar Maroviç.

Në raportin e DASH thuhet se: Maroviç ishte caktuar në bazë të E.O. 14033 për të qenë përgjegjës për, ose bashkëpunëtor në, ose përfshirje direkt ose indirekt në, korrupsionin në lidhje me Ballkanin Perëndimor, duke përfshirë korrupsionin nga, në emër, ose të lidhur ndryshe me një qeveri në Ballkanin Perëndimor, ose një qeveri aktuale ose të mëparshme zyrtar në çdo nivel të qeverisjes në Ballkanin Perëndimor, siç është shpërdorimi i aseteve publike, shpronësimi i aseteve private për përfitime personale ose qëllime politike, ose ryshfet. Maroviç ka qenë pjesë e partisë së Gjukanoviç.

Ndërkohë që në Bosnje hercegovinë pas përcaktimeve të Thesarit më 5 janar 2022 të Milorad Dodik dhe një entiteti biznesi nën kontrollin e tij, OFAC caktoi sot dy aktorë të tjerë të korruptuar boshnjakë.

I pari është Asim Sarajliç, i cili është një anëtar i parlamentit të Bosnje dhe Hercegovinës (BiH) dhe ishte deri vonë një zyrtar i lartë i Partisë së Veprimit Demokratik (SDA) në BiH. Sarajliç është subjekti famëkeq i “aferës Asim”, një skandal politik korrupsioni në të cilin Sarajliç u kap duke premtuar se do t’i siguronte një vend pune gruas së një delegati të partisë në këmbim të një votimi të kërkuar për një post politik. Sarajliç është paditur për vepra të tjera, duke përfshirë shpërdorimin e detyrës dhe shitjen e ndikimit.

Sarajliç ka abuzuar gjithashtu me pozitën e tij në lidhje me BH Telecom, një ndërmarrje e madhe shtetërore e BiH. Në këtë cilësi, Sarajlic pranoi personalisht pagesën nga aplikantët për punë në këmbim të pozitave, dhe përndryshe ushtroi ndikim të jashtëzakonshëm në procesin e punësimit. Si pjesë e këtij aktiviteti, Sarajlic rekomandoi kandidatë të cilët thuhet se ishin shumë të nënkualifikuar, duke dëmtuar integritetin e kompanisë.

Sarajlic ishte caktuar në bazë të E.O. 14033 për të qenë përgjegjës ose bashkëpunëtor në, ose për përfshirje të drejtpërdrejtë ose të tërthortë në, korrupsionin në lidhje me Ballkanin Perëndimor, duke përfshirë korrupsionin nga, në emër, ose të lidhur ndryshe me një qeveri në Ballkanin Perëndimor, ose një qeveri aktuale ose të mëparshme zyrtar në çdo nivel të qeverisjes në Ballkanin Perëndimor, siç është shpërdorimi i aseteve publike, shpronësimi i aseteve private për përfitime personale ose qëllime politike, ose ryshfet.

Gjiothashtu non-grata është shpallur edhe Gordana Tadiç, e cila shërbeu si Kryeprokurore e Prokurorisë së Shtetit të BeH nga viti 2019 deri në vitin 2021. Në vitin 2021, ajo u hoq zyrtarisht nga posti i saj nga Këshilli i Lartë Gjyqësor dhe Prokurorial pas dështimit të saj për t’i caktuar çështjet prokurorëve përmes një rasti të automatizuar sistemi i shpërndarjes i krijuar për të parandaluar vendimet e caktimit të prokurorit bazuar në arsye personale ose politike. Përveç kësaj, Tadiç thuhet se përdori pozicionin e saj si Kryeprokurore për të promovuar interesat e saj personale dhe familjare. Për më tepër, ajo dyshohet se ka mbledhur tarifat shtetërore të strehimit përmes një kontrate fiktive.

Tadiç ishte caktuar në bazë të E.O. 14033 për të qenë përgjegjës ose bashkëpunëtor, ose për përfshirje të drejtpërdrejtë ose të tërthortë në veprime ose politika që minojnë proceset ose institucionet demokratike në Ballkanin Perëndimor./abcnews.al

The post Të gjithë liderët e Ballkanit që përfunduan “non-grata” nga SHBA appeared first on Albeu.com.