Pas përfundimit të zhvillimeve të tensionuara mes deputetëve të PDK-së dhe atyre të LVV-së në ndërtesën e Kuvendit, deputeti i LDK-së, Armend Zemaj, reagoi me një postim në Facebook.

Edhe pse nuk iu referua drejtpërdrejt ngjarjeve të sotme, Zemaj deklaroi se Lëvizja Vetëvendosje po e shkakton qëllimisht bllokadën institucionale.

Sipas tij, bllokimi i qëllimshëm nga VV-ja prodhon tensione, e dëmton më tej imazhin tashmë të brishtë të Kosovës dhe e thellon ndarjen brenda shoqërisë.

Zemaj vlerësoi se Kosovës nuk i nevojitet një mendësi e tillë e vjetruar. Ai theksoi se shumica e ka për detyrë ta thërrasë seancën dhe të krijojë hapësirë për formimin e institucioneve të reja, duke respektuar Kushtetutën dhe vullnetin politik të qytetarëve.

Deputeti i LDK-së shtoi se marrëveshjet politike nuk mund të arrihen nëpërmjet bllokadës, trysnisë apo përpjekjeve për nënshtrimin e të tjerëve, pasi demokracia mbështetet te dialogu, përgjegjësia dhe respekti i ndërsjellë.

Në përfundim, Armend Zemaj theksoi se ata që zgjedhin të heshtin dhe ta pranojnë këtë mënyrë të të bërit politikë nuk veprojnë në të mirë të LDK-së dhe, aq më pak, të Kosovës.

Përveç Zemajt, reagim pati edhe bashkëpartiaku i tij, Arben Gashi.

The post Zemaj: Pranimi i politikës së presionit dëmton si LDK-në, ashtu edhe Kosovën appeared first on Albeu.com.

Vetëm pak ditë para mbajtjes së seancës konstituive, kryeministri në detyrë, Albin Kurti, ka folur për zhvillimet e fundit politike në vend.

Në një prononcim për mediat pas përfundimit të takimit me mërgatën, Kurti deklaroi se po punohet për gjetjen e një zgjidhjeje, me synimin që vendi të mos shkojë përsëri në zgjedhje.

Më poshtë është deklarata e tij e plotë:

The post Kurti për situatën politike: “Gjithçka do të mësohet javën e ardhshme appeared first on Albeu.com.

Ministri në detyrë i Punëve të Brendshme, Xhelal Sveçla, njoftoi sot se ka shpallur persona të padëshirueshëm Snezana Paunoviç, ministre e Administratës Publike dhe Vetëqeverisjes Lokale të Serbisë, duke i ndaluar përgjithmonë hyrjen dhe kalimin tranzit nëpër territorin e Kosovës.

Ky akt administrativ erdhi si pasojë e deklaratave që zyrtarja serbe shprehu, të cilat Sveçla i interpretoi si zgjatim i politikave të spastrimit etnik kundër popullatës shqiptare.

Përmes një njoftimi, ai vuri në dukje se Paunoviç ka rikonfirmuar një projekt nga i cili Beogradi zyrtar nuk është distancuar asnjëherë: spastrimin etnik të shqiptarëve. Sipas tij, në kohët moderne këtë e provoi Slobodan Millosheviç, të cilin e përshkroi si kasapin e Ballkanit.

Sveçla theksoi se megjithëse gjuha e përdorur nga ministrja mund të duket e njohur, ajo pasqyron vazhdimësinë e një orientimi shtetëror që për dekada të tëra ka gjeneruar dhunë, krime dhe orvatje për fshirjen e shqiptarëve nga viset e tyre stërgjyshore.

Ai cilësoi si të patolerueshme urrejtjen e shprehur me nota kërcënuese ndaj rendit kushtetues dhe sovranitetit të Kosovës, duke kërkuar që kjo qasje të dënohet ashpër nga shtetet dhe shoqëritë demokratike që mbrojnë paqen dhe të drejtat e njeriut.

Vendimin për shpalljen “non grata”, Sveçla tregoi se e mori në cilësinë e titullarit të MPB-së, duke e përshkruar Paunoviç si person të padëshirueshëm, me ndalim të përhershëm për të hyrë apo kaluar tranzit përmes Republikës së Kosovës.

Në fund të reagimit të tij, ministri i Brendshëm deklaroi se periudha kur shqiptarët shtypeshin dhe masakroheshin ka marrë fund njëherë e mirë. Ai nënvizoi se Kosova është një shtet sovran dhe demokratik, me institucione të forta që ruajnë rendin kushtetues dhe sigurinë e çdo qytetari. Çdo përpjekje për të rindezur ideologjitë e spastrimit etnik, paralajmëroi ai, do të ndeshet me një përgjigje të prerë, ligjore dhe institucionale.

The post Kosova shpall “non grata” ministren serbe për retorikë fashiste, i ndalohet përjetësisht hyrja në vend appeared first on Albeu.com.

Ai thotë se qasja e Beogradit në politikën e jashtme kundrejt Republikës së Kosovës vazhdon të ketë në fokus destabilizimin, ndërsa gjuha politike dhe simbolika që përdorin autoritetet serbe shërbejnë për ta mbajtur situatën të tensionuar në rajon.

“Politikat e Vuçiqit dallohen vetëm nga forma e jashtme, por jo nga përmbajta brendshme, pasi qëllimet e tij mbeten të njëjta me ato të Millosheviqit. Politika e jashtme e Aleksandar Vuçiqit ndaj Republikës së Kosovës përfaqëson një vazhdimësi të drejtpërdrejtë strategjike të doktrinës destabilizuese të regjimit të Millosheviqit.KosovaPress nga burimet e saj merr vesh se janë tetë shtëpi private ku janë fshehur dokumentet për mospagesë tatami. Kështu në proces të verifikimit të personave që janë në tetë lokacione“, ka thënë Islami.

Sipas Islamit, këto veprime përbëjnë një operacion të bashkërenduar psikologjik, në të cilin elementët fetarë dhe kulturorë, sidomos narrativat që ndërlidhen me Vidovdanin, përdoren si instrument në kuadër të një strategjie të luftës hibride për të ruajtur tensionet në Ballkanin Perëndimor.

Megjithatë, ai nënvizon se, pavarësisht diskursit që vjen nga Beogradi, gjendja reale në terren nuk ka ndryshuar.

“Kosova është shtet sovran dhe i pavarur. Institucionet e sigurisë së Kosovës, në koordinim të plotë operacional me KFOR-in dhe NATO-n, kanë kapacitetet e nevojshme të inteligjencës, parandalimit dhe reagimit për të garantuar integritetin territorial dhe për të neutralizuar çdo kërcënim asimetrik apo konvencional”, ka theksuar Islami.

The post Islami: Qasja e Vuçiqit ka tjetër pamje, por synimet ndaj Kosovës mbeten si në kohën e Millosheviqit appeared first on Albeu.com.

Në homazhe kanë marrë pjesë politikanë, figura të njohura, të cilët kanë vlerësuar shembullin dhe figurën e Pëllumbit në politikën shqiptare.

Arkmorti mbërriti në sheshin Skënderbej, në orën 09:00 dhe u vendos në hollin e Teatrit të Operas dhe Baletit.

The post U nda nga jeta në moshën 89-vjeçare/ Homazhe për ish-kreun e Kuvendit, politika nderon Servet Pëllumbin (VIDEO) appeared first on Albeu.com.

Krasniqi tha se nuk ka risi nga takimi, ndërsa sipas tij, momenti që presidentja Vjosa Osmani t’i drejtohet Gjykatës Kushtetuese është tash ose afër.
“Po ndalem me ju fol edhe njëherë më shumë për shkak të respektit dhe punës që po bëni sesa që kam diçka të re për të thënë…Ne shkuam në takim me i shpreh qëndrime tona… me dhënë kontributin… nuk besoj që ka dal tym i bardh, siç po shihet…. a pe shihni që ka tym diku”, u shpreh Krasniqi, kur u pyet nëse ka diçka risi nga takimi.

Krasniqi përsëriti qëndrimin e PDK-së se kandidatja e LVV-së, Albulena Haxhiu nuk i ka dhe nuk do t’i ketë votat për kryetare të Kuvendit, raporton Telegrafi.

“Në takim në emër të PDK-së kërkova që kryetari i Lëvizjes Vetëvendosje, Albin Kurti të ndryshojë kandidaten, të vijë me një propozim që ka mjaft në grupin e tij parlamentar që e marrin shumicën parlamentare. Një gjë e tillë nuk pres që do të ndodh, andaj fatkeqësisht jemi në situatën pothuajse të njëjtë, megjithatë këtë takim duhet ta shohim si një hap para, një përpjeke shtesë për të gjetur një rrugë zgjidhje”, tha ai.

Tutje, kryetari i PDK-së tha se është koshient që ngërçi aktual më shumë është problem politik, sesa juridik.

“Ju njoftoj po ashtu se kam propozuar që presidentja në zbatim të përgjegjësive kushtetuese… ku kërkohet ose obligohet që të garantojë funksionimin kushtetues të institucioneve që në një moment, kur te vlerëson, e besoj që ai moment tashmë është këtu apo është afër që t’i drejtohet Gjykatës Kushtetuese për krejt procesin zgjedhor në mënyrë që të kemi një rrugëdalje”

The post “Nuk besoj që ka dal tym i bardhë”, Krasniqi: Më shumë problem politik sesa juridik, momenti që presidentja t’i drejtohet Kushtetueses appeared first on Albeu.com.

Eksperti kontabël dhe konsulenti për biznesin, Julian Saraçi, thotë se ndaj kësaj kategorie duhet të ndërmerren një sërë nismash fiskale mbështetëse, me qëllim frenimin e emigracionit.

Pas vitit 2029, siç parashikohet edhe në ligjin “Për tatimin mbi të ardhurat” për përfshirjen e tyre në tatim, z. Saraçi pohon se normat tatimore duhet të jenë në nivelet e vendeve të rajonit.

Ndër të tjera, ai rekomandon se për këtë kategori është e domosdoshme të rishikohet edhe mënyra e llogaritjes së TVSH-së, pasi nuk reflektohet si duhet në sistemin fiskal.

Z.Saraçi, si e vlerësoni situatën aktuale të profesionistëve të lirë në Shqipëri dhe çfarë ndryshimesh mendoni se janë të domosdoshme?

Situata aktuale është e komplikuar, për shkak të ndryshimeve të shpeshta ligjore dhe mungesës së një kuadri të qëndrueshëm fiskal.

Kodi Tatimor përbën “Kushtetutën Fiskale” të çdo vendi.

Një nga përfitimet kryesore të tij lidhet me qëndrueshmërinë e politikave fiskale dhe garantimin e sigurisë juridike.

Ndryshe nga ligjet tatimore, që mund të ndryshohen me shumicë të thjeshtë (50+1), Kodi Tatimor kërkon 3/5 e votave ose 84 vota në Kuvend; një prag që asnjë qeveri nuk e ka pasur deri më sot. Kjo e bën të mbrojtur nga ndryshimet sipas tekave apo nevojave të rastit.

Shqipëria duhet të ndjekë shembullin e vendeve të tjera të rajonit duke ofruar norma preferenciale tatimore për profesionistët e lirë, duke njohur investimin në trurin dhe shpenzimet e tyre specifike.

Gjithashtu, është e nevojshme një reformë e thelluar në ligjin për profesionet e lira të vitit 2014 dhe në taksat lokale për t’u përshtatur me realitetet ekonomike dhe sociale të profesionistëve të lirë dhe për t’u harmonizuar me pjesën tjetër të ndryshimeve ligjore.

Profesionistët e lirë janë një realitet ekonomik që prek sektorë të rëndësishëm si IT, audituesit, juristët, kontabilistët, inxhinierët, arkitektët, mjekët, psikologët, sociologët, konsulentët, marketerët dixhitalë, përkthyesit, stomatologët dhe shumë të tjerë.

Duke mbështetur këtë kategori, ne mbështesim pjesën më të investuar të shoqërisë, shumë të rëndësishme për zhvillimin ekonomik dhe mirëqenien afatgjatë dhe njëkohësisht, duke kuruar një problem madhor të kohëve të fundit të Shqipërisë, atë të emigrimit cilësor.

Politikat mbështetëse ndihmojnë që kjo shtresë të mos largohet nga Shqipëria, siç po ndodh.

Çfarë nismash konkrete sugjeroni për të mbështetur profesionistët e lirë dhe në përgjithësi dhe ata që punojnë me klientë ndërkombëtarë në veçanti, si p.sh. IT apo shërbime të tjera outsourcing?

Profesionistët e lirë, që ofrojnë shërbime për biznese jashtë vendit dhe sjellin të ardhura në Shqipëri, duhet të përfitojnë nga norma tatimore favorizuese. Në të njëjtën kohë, është thelbësore të propozojmë incentiva tatimore të lidhura me rritjen profesionale dhe kualifikimet, duke i nxitur ata të avancojnë më tej në karrierë.

Një tjetër nismë gjithëpërfshirëse do të ishte në lidhje me TVSH. Duhet të rishikohet mënyra e llogaritjes së TVSH-së, pasi aktualisht kostoja e tyre kryesore – truri dhe ekspertiza – nuk reflektohet si duhet në sistemin fiskal. Kjo çon në një vlerë të shtuar artificialisht të lartë.

Çfarë masash mund të merren për të siguruar mbështetje dhe mbrojtje më të mirë për profesionistët e lirë në aspektin social dhe profesional?

Sistemi kontributiv i profesionistëve të lirë duhet të uniformohet me atë të të punësuarve, duke garantuar mbështetje për sëmundje dhe raste të tjera të vështira. Nevojitet krijimi i një kategorie të veçantë për profesionistët e lirë në sistemin e kontributeve. Gjithashtu, duhet të bëhet e detyrueshme sigurimi profesional.

Tarifat fikse për disa profesione që japin shërbime në treg (noter, përmbarues, auditues) janë kundër konkurrencës dhe dëmtojnë vetë ata që ju aplikohet. Sugjerojmë që të ketë një minimum të padiskutueshëm dhe mbi këtë minimum të ketë aplikim të lirë të tregut.

Cili është mendimi juaj në lidhje me rregullimet përkatëse nga organizatat dhe dhomat me atribute publike?

Së pari, ajo që ka më shumë rëndësi sipas parashikimeve për të qenë pjesë e BE-së brenda 2030, mendoj që dhomat dhe urdhrat përkatës duhet të ofrojnë formim të vazhdueshëm me standarde të akredituara nga BE, duke përgatitur profesionistët për konkurrencën ndërkombëtare, duke qenë se shpejt do të jemi pjesë sipas parashikimeve.

Duhet monitorimi i të gjithë dhomave dhe institucioneve përkatëse licencuese nga KLSH, duke qenë se kanë atribute publike dhe transparencë të plotë në website për secilën prej tyre dhe ndjekja me seriozitet dhe ndëshkimi i çdo individi që pretendon se ushtron një profesion të caktuar dhe nuk ka licencën përkatëse. Publikimi i një regjistri publik të detyrueshëm që çdo profesionist të jetë i regjistruar rregullisht në dhomat/Urdhrat.

Së fundi, ju keni qenë pjesë e diskutimit publik mbi ligjin e auditimit? A mund të na thoni diçka më tepër në lidhje me këtë?

Ligji për Auditimin është përditësuar në përputhje me Direktivën Europiane dhe përmban disa risi pozitive. Megjithatë, disa dispozita të tij janë parë si problematike nga ekspertët dhe komuniteti i IEKA-s, të cilat mund të konsiderohen si cenim i lirisë së tregut dhe lirisë ekonomike, diskriminimin e audituesve, dhe të padrejta në thelb duke cenuar konkurrencën.

Në këtë kontekst, është e domosdoshme t’i japim kohën e duhur rishikimit të këtij ligji dhe të mos nxitojmë vetëm për të përmbushur kushte të caktuara ndërkombëtare, siç është rasti i huave me norma favorizuese nga Banka Botërore.

Edhe pse buxheti është i rëndësishëm, përvoja e së shkuarës, siç ndodhi së fundi me tatimin e profesionistëve të lirë, na ka treguar se ligjet e padrejta dhe të nxituara përfundojnë duke u kthyer në pikën zero.

Për ta mbyllur, në këtë moment kritik për ekonominë shqiptare, bashkimi i zërave të profesionistëve të lirë është më i rëndësishëm se kurrë. Vetëm përmes një përfaqësimi të fuqishëm dhe të pavarur mund të arrihen ndryshimet e nevojshme në politikat që prekin këtë kategori.

Në këtë frymë është krijuar Aleanca e Profesionistëve të Lirë (APL), promovimi i hapjes do të zhvillohet javën e ardhshme, një organizatë apolitike dhe jofitimprurëse, që ekziston me një qëllim të vetëm: mbrojtjen e interesave të profesionistëve të lirë dhe avancimin e statusit të tyre si shtyllë e ekonomisë shqiptare./ Monitor

The post Profesionet e lira/ Ekspertët: Të mbështeten me politika fiskale për frenimin e emigracionit appeared first on Albeu.com.

O vereador do RJ Cesar Maia cagando durante a sessão vsf pic.twitter.com/x0tAZ21HMU

— O Bon Vivant MuitoHumilde (@muitohumildee) June 5, 2024

The post Politikani shkakton skandal/ I ulur në tualet, i bashkohet gabimisht takimit virtual (VIDEO) appeared first on Albeu.com.

Pas kësaj vizite, në një intervistë ekskluzive për gazetën “Panorama”, Presidentja sllovene flet për progresin që pa në Shqipëri, si dhe detyrimet që ka vendi ynë ndaj BE-së për procesin e integrimit. Zj.Musar i kujton Tiranës zyrtare se marrëdhënia me Unionin është e dyanshme: “shtetet duhet t’i arrijnë standardet e BE-së, t’i përmbushin disa reforma të caktuara dhe t’i respektojnë marrëveshjet sipas parimit ‘pacta funt servanda’”. Gjatë këtij procesi, Natasa Pirc Musar premton se vendi i saj do të jetë një mbështetje e Shqipërisë për integrimin në BE. Natasa Pirc Musar apelon për arritjen e standardeve të BEsë, përmbushjen e reformave integruese dhe respektimin e marrëveshjeve. “BE-së i duhet një Shqipëri stabile”, – thotë Presidentja e Sllovenisë.

Zj.Presidente, Sllovenia është ndër shtetet më aktive që mbështet integrimin evropian të Shqipërisë, por edhe integrimin e rajonit si tërësi. Ju keni vizituar të gjitha shtetet e rajonit (ishJugosllavisë), për ta vlerësuar atmosferën politike dhe shoqërore në rajon, së fundmi edhe në Shqipëri. Si e shihni situatën në Ballkan, cilat janë problematikat e përbashkëta të rajonit?

Është e vërtetë, kam vizituar shumicën e shteteve të Ballkanit Perëndimor. Shqipëria është shteti i fundit në listë, por duhet theksuar se ishte pikërisht kryetari i Shqipërisë, Bajram Begaj, i pari nga shtetet e Ballkanit Perëndimor, që erdhi në vizitë zyrtare në Slloveni, pas ardhjes sime në postin e kryetares së shtetit, në dhjetor të vitit 2022. Mund të them se gjithandej ndihet dëshira që të bëheni pjesë e familjes evropiane. Në shtetet anëtare këtë duhet ta kemi të ditur dhe ta vlerësojmë dëshirën tuaj për t’u bërë pjesë e bashkësisë sonë unike. Marrëdhënia është e dyanshme: shtetet duhet t’i arrijnë standardet e BE-së, t’i përmbushin disa reforma të caktuara dhe t’i respektojnë marrëveshjet sipas parimit ‘pacta funt servanda’, por njëkohësisht Bashkimi Evropian (bashkë me shtetet e veta anëtare), si udhëheqëse qëllimmirë dhe me përvojë, duhet t’u ndihmojë këtyre shteteve me shembullin e vet. Vlerësoj se një marrëdhënie e tillë më e ngrohtë e BE-së do të ishte një motivacion i rëndësishëm për shtetet në procesin e integrimit. E kemi parë se në rajon ka probleme që na përkasin të gjithëve pa përjashtim. Para së gjithash, janë çështjet për të rinjtë dhe ndryshimet klimatike. Ju vetë mund ta shihni se sa njerëz, kryesisht të rinj, shpërngulen nga ky rajon, ngaqë nuk shohin perspektivë të madhe. Dhe, sa u përket ndryshimeve klimatike, të gjithë mund ta vërejmë se çfarë dëmi na shkaktojnë ato që në këtë moment. Lidhur me këtë, me kryetarët kemi diskutuar në mënyrë intensive në takimin e fundit Bërdo-Brioni në Maqedoninë Veriore. Në nivelin e kryetarëve për herë të parë në historinë e takimeve e kemi ekspozuar këtë temë. Jam e mendimit se ky është një sinjal tejet i mirë për qeveritë në rajon, se duhen kontrolluar politikat e deritashme në këtë fushë dhe të mendohet për prioritetet e tjera. Sigurisht se këto janë prioritete, të cilat asnjë shtet në rajon a më gjerë, nuk duhet dhe nuk mund t’i lënë pas dore.

Të ndalemi në rastin e Shqipërisë. Sllovenia ka shprehur mbështetjen ndaj vendit tonë në integrimet euroatlantike. Si mund të bëhet nxitja e proceseve politike në Shqipëri në drejtim të përparimit sa më të shpejtë drejt BE-së?

Po, Sllovenia është ndër shtetet më aktive, që mbështesin integrimin evropian të Shqipërisë, por edhe integrimin e rajonit si tërësi. Sa i përket dinamikës së lidhshmërisë, është vështirë të shqyrtohen të gjithë faktorët që ndikojnë në këtë dinamikë në një moment të caktuar. Gjithnjë ekzistojnë çështje të vështira, që duhet zgjidhur dhe për të cilat nevojiten kompromiset. Në fund të fundit, gati secili shtet kandidat, edhe Sllovenia, kishte përvoja me fusha të komplikuara, që iu desh t’i zgjidhte para se të hynte në BE. I tillë është realiteti, të thuash, që nga vetë fillimet e zhvillimit të Bashkimit Evropian. Por, ajo që dëshiroj ta theksoj është – sa më parë, aq më mirë. Lidhja e Evropës pa Ballkanin Perëndimor nuk është lidhje. Për këtë duhet të vetëdijesohen të gjithë, Brukseli, qeveritë e shteteve anëtare dhe qeveritë e shteteve kandidate. Ky është mesazhi im për të gjithë udhëheqësit shtetërorë nga rajoni dhe nga shtetet e BE-së, me të cilët takohem: të gjitha shtetet duhet të jenë të motivuara maksimalisht për t’u bërë shtete anëtare të BEsë dhe gjatë kësaj, secili duhet ta kryej detyrën e vet. Kriteret për bashkëngjitje BE-së janë të qarta dhe çdo shtet duhet t’i plotësojë ato, edhe Sllovenia i ka plotësuar. Kuptohet, secili shtet ballafaqohet me probleme dhe dilema, që janë karakteristike vetëm për të dhe për këtë arsye duhet t’i zgjidhë vet. Partnerët – shtetet fqinje, gjegjësisht institucionet e BE-së këtu vetëm mund të ndihmojnë. Mirëpo, posaçërisht sa i përket Sllovenisë, njohuria themelore që e kemi fituar gjatë procesit të hyrjes në BE është se procesi i integrimit dhe negociatat janë afatgjata dhe kërkojnë durim të madh, por njëkohësisht janë dialog i pazëvendësueshëm ndërmjet BE-së dhe shtetit, që synon të bëhet pjesë e BE-së.

Si e shihni ju kontributin e Shqipërisë lidhur me stabilitetin…?

Në rrethanat e sotme të pasigurta politike, për stabilitetin e vet, BE-së i nevojitet një Shqipëri stabile. Përçarje dhe shmangie nga rruga e trazuar e procesit të integrimit evropian, që është një bashkësi ekonomike dhe sa më shumë të jetë e mundshme, edhe politike, thjesht nuk duhet të ketë. Kjo, kuptohet, vlen edhe për Ballkanin Perëndimor si tërësi. Ndjenja e “harresës”, apo e mosinteresimit për integrim në Union mund të çojë deri në zgjerimin e jostabilitetit si dhe ftohjes së bashkëpunimit rajonal dhe ndërfqinjësor. Sa më i përçarë të jetë rajoni i Ballkanit Perëndimor, më e madhe do të jetë mundësia e qasjeve të shteteve për ndikime të ndryshme, edhe të atilla që nuk kanë qëllime të sinqerta. Dhe këtu e shoh një hapësirë për një histori pozitive që mund t’ia japë Shqipëria procesit integrues evropian. Nuk është e rastësishme, që pikërisht në Tiranë keni hapur shkollën e tretë të “College of Europe” – krahas asaj të Bruggeut dhe Natolinit. Një projekt aq i ndërlikuar mund t’i besohet vetëm e vetëm një shteti, që ka një ambicie të qartë për t’u bërë aktor i Evropës stabile dhe progresive.

Si do të reflektojë vizita juaj në Shqipëri në marrëdhëniet e ndërsjella ndërmjet dy shteteve?

Sllovenia dhe Shqipëria janë dy shtete mike, që kanë shumë pika të përbashkëta. Na lidh para së gjithash respektimi i vërtetë i njerëzve që jetojnë këtu dhe atyre bashkëkombësve tuaj që e kanë gjetur shtëpinë e vet të re, shtetin tonë. Marrëdhëniet ndërmjet shteteve janë tejet të mira dhe besoj se këto vizita vetëm do t’i forcojnë ato. Edhe raporti e bashkëpunimi im me kryetarin e Shqipërisë, Bajram Begajn, është i shkëlqyeshëm, për shumë çështje të hapura kemi mendime të ngjashme. Mirëpo jam e mendimit se ka disa mundësi të tjera për përparim në fushën e bashkëpunimit ekonomik. Në të vërtetë ka shumë mundësi.

Si anëtare jo e përhershme e Këshillit të Sigurimit të OKB-së jeni shprehur qartësisht kundër luftës dhe dhunës në Gaza. A e mbështesni edhe njohjen e shtetit të Palestinës?

Absolutisht e mbështes. Që në kohën e fushatës parazgjedhore për zgjedhjet presidenciale, kur isha kandidate për kryetare, publikisht e kam mbështetur njohjen e Palestinës. Shumë herë në deklaratat, paraqitjet publike dhe intervistat e mia kam tërhequr vërejtje lidhur me dhunën dhe shkeljen e të drejtave themelore të njeriut të njerëzve të pafajshëm, para së gjithash të fëmijëve, grave dhe civilëve në Palestinë. Ndaj këtyre ngjarjeve kurrsesi nuk mund të mbetem indiferente, për këtë arsye sërish apeloj për paqe dhe përfundim të konflikteve luftarake. Zgjidhja paqësore e konflikteve është mënyra e vetme e drejtë për garantimin e sigurisë dhe mirëqenies për të gjitha palët në konflikt. Lidhur me këtë temë, me nismën time, kam diskutuar edhe me sekretarin e përgjithshëm të OKB-së, Antonio Guterres, madje pas sulmeve të ashpra ndaj tij për shkak të qëndrimeve që i ka shprehur lidhur me ngjarjet në Gaza. Ndërkaq, në kuadër të konferencës COP 28, në dhjetor të vitit 2023, kam biseduar në këtë temë edhe me kryetarin e Izraelit, Isaak Herzog. Me këtë rast, posaçërisht po e theksoj se njohja e Palestinës kurrsesi nuk do të thotë çfarëdo njohjeje e organizatës terroriste Hamas. Tërë bota ishte në ankth, kur u bë sulmi mbi fëmijët, prindërit dhe pleqtë izraelitë. Këtë sulm e dënoj më së ashpri. Bashkësia ndërkombëtare më në fund duhet të unifikohet në tentativat për paqe, stabilitet dhe drejtësi. Veto do të duhej përdorur për misionin e dinjitetit njerëzor, të të drejtave themelore të njeriut, për garantimin e parimeve humane e jo nga pozita e fuqisë dhe interesave të thata politike, atëherë kur civilët e pafajshëm janë vetëm dëm kolateral. Nuk do të duhej të ishin! Shumë njerëzve lufta u ka shkatërruar gjithçka – ardhmërinë, përparimin, jetën me dinjitet njerëzor, e më se 35.000 veta e kanë paguar me jetë. Kjo nuk është bota që e do shumica, kjo nuk është bota që e dua unë. Është koha e fundit t’i heqim fiqtë nga xhepat, (Frazemë sllovene, të bëhemi të sinqertë, të mos shtiremi)që prej fjalëve të keqardhjes dhe dënimit, të kalojmë në vepra.

Shqipëria bën pjesë në grupin e shteteve që kanë menduar ose mendojnë për ndërtimin e centralit bërthamor. Sllovenia duket e vendosur që ta ndërtojë centralin e ri bërthamor. Si e shihni energjinë bërthamore si energji e së ardhmes?

Shumë herë e kam shprehur publikisht dhe qartë bindjen time – se jam për energji bërthamore, e shoh si pjesë të së ardhmes energjetike. Por, shpesh edhe kam theksuar – herën e fundit pikërisht para disa ditësh – që secili projekt duhet të jetë maksimalisht transparent. Për një shtet me burime dhe buxhet të kufizuar, para së gjithash duhet menduar se a mund t’ia lejojmë vetes centralin tonë vetanak. Nuk guxojmë të harrojmë: centrali i tanishëm në Kërshko ishte i destinuar për nevojat e Jugosllavisë së atëhershme njëzetë milionëshe. Buxheti ynë vjetor është 15 miliardë, përafërsisht aq kushton një central i ri bërthamor – e zakonisht secili ndërtim bëhet edhe më i shtrenjtë. Pra, investuesi duhet t’i tregojë qartë opinionit slloven se çka paguan dhe çka përfitojmë nga kjo. Centrali bërthamor po apo jo, nuk është vetëm pyetje profesionale. Para së gjithash, kjo është pyetje për kuletat tona, ngase për realizimin e projektit do të paguajmë ne, tatimpaguesit… shumë vjet rresht./Panorama

The post Integrimi, Presidentja sllovene mesazh politikës: Zgjidhini me kompromis çështjet e vështira para se të hyni në BE! Jemi me ju appeared first on Albeu.com.

Por e bija e tij Argita Malltezi tanimë nuk e mohon përfshirjen në politikën aktive.

Kur kanë mbetur edhe rreth një muaj që Sali Berisha plotëson afatin 6 mujor të mungesës në kuvend, grupi i avokatëve të tij thanë se ish-kryeministrit nuk mund t’i hiqe mandate i deputetit.

Takimin e Berishës me gazetarët Italian dhe ish eurodeputetë Elbar Brok mbrojtësit ligjorë nuk e quajtën shkelej të masës së sigurisë.

Argita Malltezi përsëriti faktin që sipas saj Sali Berisha është i arrestuar politik.

Në dalje të konferencës Argita Malltezi u përball me ministrat Taulant balla, Belinda Balluku dhe Mirela Kumabro të cilët po zhvillonin një aktivitet në të njëjtin ambient, por komunikimi mes tyre ishte zero.

The post E bija e Sali Berishës, Argita Malltezi: Mund të hyj në politikë, do të marr vendimin në kohën e duhur appeared first on Albeu.com.