Pas vendimit të Dhomave të Specializuara në Hagë, publicisti Hafiz Shala u ka bërë thirrje institucioneve dhe subjekteve politike në Kosovë që të ruajnë qetësinë dhe të veprojnë të bashkuar. Sipas tij, në rrethanat e krijuara, prioritet duhet të jetë ulja e tensioneve.

“UÇK-ja dhe lufta e saj për liri, doli e pastër si loti”.

Shala e sheh vendimin e Gjykatës Speciale si një goditje të fortë ndaj Serbisë dhe aleatëve të saj. Ai shprehet se akuzat e mbështetura, sipas tij, në “trillimeve dhe propagandës së saj përmes Karla Del Pontes dhe Dick Martit” janë rrëzuar, duke e cilësuar këtë zhvillim si “një fitore për shqiptarët e në radhë të parë për UÇK-në, e cila doli faqebardhë”.

Duke folur për zhvillimet politike, publicisti kërkon që institucionet dhe faktorët politikë të tregojnë maturi dhe të angazhohen për zgjidhjen më të mirë për Kosovën. Ai thekson se gjatë procesit të konstituimit të institucioneve shtetërore, nevoja për bashkëpunim politik dhe institucional është më e madhe se kurrë.

Shala paralajmëron se situata mund të shfrytëzohet për përhapjen e dezinformatave dhe propagandës.

“Mos të harrojmë se, në këto raste, gjithmonë janë të angazhuara forcat armiqësore, shërbimet e huaja inteligjente për të krijuar huti përmes dezinformatave, propagandës, me qëllim të krijimit të një kaosi të cilin askush nuk e dëshiron”, shprehet ai.

Për këtë arsye, ai u kërkon institucioneve shtetërore dhe përfaqësuesve politikë që të mblidhen urgjentisht dhe të gjejnë një zgjidhje, në mënyrë që Parlamenti të kompletohet dhe shteti të funksionojë në mënyrë “legale e legjitime”.

Ai vë në dukje gjithashtu rëndësinë e koordinimit me partnerët ndërkombëtarë, në veçanti me Bashkimin Evropian dhe Shtetet e Bashkuara të Amerikës. Shala rikujton se shteti i Kosovës është ndërtuar pas luftës në bashkëpunim me këta miq ndërkombëtarë.

Njëkohësisht, ai u bën thirrje palëve të mos ndjekin “politikë të rrugës”, sidomos në një periudhë me ngarkesë të lartë emocionale, por vendimmarrjen ta rikthejnë te institucionet legjitime të vendit.

Hafiz Shala e konsideron unitetin e sinqertë si elementin vendimtar për kapërcimin e situatës.

“Kurrë më i nevojshëm se uniteti i sinqertë në këto momente, nuk ka qenë”, thotë ai, duke shtuar se lufta, liria dhe pavarësia janë fituar përmes bashkimit dhe se “ky unitet na duhet në këto momente si kurrë më parë.”

The post Hafiz Shala kërkon bashkim politik e institucional në Kosovë: Të shmanget përplasja në rrugë appeared first on Albeu.com.

Rinia Demokratike e Kosovës, organizata rinore e PDK-së, do të organizojë sot një aktivitet simbolik përpara hyrjeve të objektit të Qeverisë së Kosovës. Sipas KosovaPress, aksioni është paraparë të nisë në orën 17:00.

Njoftimi nuk përmban hollësi lidhur me tematikën e aktivitetit apo mesazhin që synohet të përcillet.

“Sot, Rinia Demokratike e Kosovës do të zhvillojë një aksion simbolik para hyrjes së Qeverisë së Kosovës. Ftojmë përfaqësuesit e mediave që ta përcjellin këtë aktivitet. Vendi: Para hyrjes së Qeverisë së Kosovës. Koha: 17:00”, bëhet e ditur në njoftim.

Ky aktivitet zhvillohet në kohën kur Kuvendi i Kosovës vazhdon të mbetet i pakonstituuar. Në dy përpjekjet e deritanishme nuk është zgjedhur kryetari i Kuvendit dhe, rrjedhimisht, nuk ka përfunduar procesi i konstituimit të Legjislaturës së 11-të, zgjedhjet për të cilën u mbajtën më 7 qershor.

Seanca konstituive mbetet shkak përplasjesh ndërmjet subjekteve parlamentare, ndërkohë që pamundësia për ngritjen e institucioneve po e thellon dhe po e zgjat ngërçin politik në vend. Kryeministri në detyrë, Albin Kurti, ka kërkuar më shumë kohë për të arritur një marrëveshje politike që do t’i hapte rrugën konstituimit të Kuvendit dhe krijimit të institucioneve të reja. Pavarësisht kësaj, Partia Demokratike e Kosovës dhe Aleanca i kanë vijuar veprimet politike, duke insistuar që seanca konstituive të mbahet.

The post Kriza politike, Rinia Demokratike e Kosovës mban sot aksion simbolik para Qeverisë appeared first on Albeu.com.

Shqipëria shprehu shqetësim serioz pas deklaratës së presidentit serb Aleksandar Vuçiq, i cili foli për mundësinë e devijimit të rrjedhës së lumit Ibër dhe përfshirjen e specialistëve e institucioneve serbe në vlerësimin e këtij skenari.

Ministri i Punëve të Jashtme i Shqipërisë, Ferit Hoxha, theksoi në reagimin e tij se:

“Devijimi i një lumi që është pjesë e një baseni ujor ndërkufitar nuk mund të trajtohet si një punë e brendshme ose një vendim i marrë në mënyrë të njëanshme, sidomos kur efektet e tij godasin drejtpërdrejt tokën, ekosistemin, sigurinë ujore, furnizimin dhe jetesën e banorëve të një vendi fqinj.”

Ai shtoi se e drejta ndërkombëtare e ujërave përcakton rregulla të qarta për këtë çështje. Parimet e shfrytëzimit të barabartë dhe racional të ujërave që përshkojnë kufijtë, detyrimi për të parandaluar, menaxhuar dhe pakësuar dëmet ndërkufitare, si dhe nevoja për bashkëpunim, këmbim informacioni dhe konsultime për masat me pasoja jashtë territorit kombëtar, tashmë janë norma të forta ndërkombëtare. Hoxha rikujtoi se Serbia është anëtare e Konventës së UNECE-së për Mbrojtjen dhe Përdorimin e Ujërave Ndërkufitare dhe Liqeneve Ndërkombëtare prej vitit 2010, duke pranuar edhe mekanizmat e saj për zgjidhjen e mosmarrëveshjeve.

Duke nënvizuar pritshmëritë e Shqipërisë, ministri Hoxha theksoi se Beogradi duhet të respektojë tërësisht angazhimet e veta ndërkombëtare dhe frymën e marrëdhënieve të mira fqinjësore.

Në një postim në platformën “X”, Hoxha deklaroi se “çdo projekt apo ndërhyrje që mund të ndryshojë rrjedhën, sasinë apo pastërtinë e ujërave që lidhen me Kosovën duhet të trajtohet me transparencë, duke u mbështetur në të dhëna shkencore, me një vlerësim të plotë të ndikimit ndërkufitar dhe pas konsultimeve me palën e prekur.”

Ai paralajmëroi se burimet ujore nuk mund të shndërrohen në mjet presioni politik apo ndëshkimi ndaj një shteti a popullate tjetër. Shqipëria, shtoi ai, përkrah me vendosmëri të drejtën e Kosovës për siguri, zhvillim të qëndrueshëm dhe mbrojtje të rezervave të saj ujore. “Ne jemi thellësisht të bindur dhe presim që çështje të tilla të zgjidhen përmes dialogut, bashkëpunimit dhe standardeve evropiane, jo me kërcënime apo ndërhyrje dhe veprime të njëanshme,” përfundoi Hoxha.

The post Shqipëria ngre zërin kundër planit të Vuçiqit për lumin Ibër: Uji nuk guxon të bëhet armë politike appeared first on Albeu.com.

Kryeministri në detyrë i Kosovës, Albin Kurti, e cilësoi si një veprim të mirëmenduar politik braktisjen e sistemit të drejtësisë nga ish-gjyqtarët dhe ish-prokurorët e komunitetit serb.

Gjatë mbledhjes së qeverisë, Kurti theksoi se tërheqja masive e fundvitit 2022 përfaqësonte fillimin e një zinxhiri aktesh sabotuese kundër shtetit. Ai kujtoi se në atë kohë u ishte drejtuar serbëve me thirrjen për të mos braktisur postet e tyre, por sqaroi se nuk mund t’u kërkonte rikthimin më pas. “Nuk kemi pasur të drejtë t’u themi ‘kthehuni’, sepse kjo bie ndesh me kornizën kushtetuese dhe ligjore. Ndërsa apeli për të mos ikur ishte legjitim politikisht, ftesa për rikthim nuk është në kompetencë”, deklaroi ai.

Shefi i ekzekutivit në detyrë nënvizoi se një rikthim i tillë do të ishte i pamundur, pasi vetë ata minuan bazën ligjore dhe kushtetuese të vendit përmes aktit të tyre të largimit.

Kurti shtoi se institucionet e sigurisë dhe drejtësisë e kanë trajtuar tashmë çështjen. “Policia e Kosovës i ka trajtuar këto dorëheqje më herët, ndërsa së fundmi edhe Këshilli Prokurorial ndërmori hapa. Sot prisnim që Këshilli Gjyqësor të ndiqte të njëjtën rrugë, por mbledhja dështoi për shkak të mungesës së kuorumit”, informoi ai, duke shprehur pritshmërinë që kjo çështje të marrë epilog në seancën e ardhshme.

The post Kurti: Largimi i serbëve nga institucionet ishte i organizuar politikisht, nuk mund t’u kërkojmë të kthehen appeared first on Albeu.com.

Ministrja serbe Snezhana Paunoviq është shpallur “non grata” në Kosovë dhe i është ndaluar përjetësisht hyrja apo tranziti në territorin e vendit. Ky vendim erdhi pas deklaratës së saj të fundit, ku u shpreh se do të kishte kryer spastrim etnik në Kosovë gjatë vitit 1998. Lajmin e bëri të ditur të martën ministri i Brendshëm në detyrë, Xhelal Sveçla.

Përmes një postimi në Facebook, Sveçla konfirmoi se kishte firmosur urdhrin që i mbyll përgjithmonë dyert ministres serbe përgjegjëse për Administratën Publike dhe Vetëqeverisjen Lokale.

Sipas tij, fjalët e Paunoviqit rikonfirmojnë një realitet të vjetër: Beogradi zyrtar asnjëherë nuk është distancuar nga projekti i shfarosjes së shqiptarëve. “Në kohën tonë, këtë u përpoq ta realizonte ish-udhëheqësi i saj, Sllobodan Millosheviq, i cilësuar si kasapi i Ballkanit,” shkroi ai.

Ministri theksoi më tej se çdo orvatje për të rikthyer ideologjitë e spastrimit etnik ose për të frikësuar shtetin e Kosovës do të ndeshet me një qëndrim të prerë dhe institucional.

Lidhur me këtë zhvillim, eksperti austriak Gunther Fehlinger dha një prononcim për “Bota sot”, duke e konsideruar deklaratën e ministres si krejtësisht të palejueshme. Sipas tij, kjo tregon qartë se Serbia nuk mund të përparojë drejt Bashkimit Evropian dhe NATO-s pa u shkëputur rrënjësisht nga gjuha e spastrimit etnik dhe pa bërë llogari me të shkuarën.

Fehlinger u shpreh se nuk ka asnjë rrethanë që justifikon spastrimin etnik dhe se një ministre që shpreh publikisht keqardhje që nuk e realizoi një veprim të tillë, shfaq vlera që bien ndesh me themelet e BE-së dhe NATO-s. Në analizën e tij, kjo qasje politike mbetet e mbërthyer në epokën e Millosheviqit, në vend që t’i hapë rrugë një të ardhmeje demokratike e paqësore që qytetarët serbë meritojnë.

Ai shtoi se një pjesë e elitës politike në Serbi ende refuzon të përballet me krimet e luftërave të viteve ’90, duke mos shfaqur pendesë të mjaftueshme dhe duke toleruar retorikë të rrezikshme nacionaliste. Megjithëse mirëpriti dënimin e shprehur nga Bashkimi Evropian, Fehlinger paralajmëroi se fjalët nuk mjaftojnë. Për aq kohë sa zyrtarë të lartë serbë promovojnë ose duket se arsyetojnë idetë e agresionit ndaj fqinjëve, sipas tij, vendi nuk ka se si të ecë me besueshmëri në rrugën evropiane apo euroatlantike.

Në vijim, eksperti austriak propozoi një përgjigje strategjike krejt ndryshe nga ngadalësimi i zgjerimit. Ai mbron idenë e një vale të madhe anëtarësimi në BE për vitin 2029, ku të përfshihen njëkohësisht Kosova, Bosnja dhe Hercegovina, Ukraina, Moldavia, Shqipëria, Mali i Zi dhe Maqedonia e Veriut. Paralelisht, ai këmbëngul që Kosova dhe Bosnja e Hercegovina duhet të lëvizin me hapa të sigurt drejt NATO-s për të siguruar stabilitet afatgjatë në Ballkanin Perëndimor.

Duke veçuar rastin e Kosovës, Fehlinger vlerësoi se mbi një çerek shekulli bashkëpunim i ngushtë me BE-në, NATO-n dhe partnerë të tjerë e ka përgatitur mjaftueshëm vendin për hapat e radhës në procesin e integrimit.

Në fund, ai përcolli një mesazh të prerë: Evropa duhet të përqafojë shtetet që respektojnë demokracinë dhe shtetin ligjor, ndërsa qeveritë, përfaqësuesit e të cilave vazhdojnë të përdorin gjuhën e spastrimit etnik, duhet të përballen me izolim politik. “Serbia duhet të izolohet tani. Kosova dhe Bosnja e Hercegovina duhet të anëtarësohen në NATO dhe në Bashkimin Evropian deri në vitin 2029,” përfundoi Fehlinger.

The post Reagim i fortë nga analisti austriak ndaj deklaratës së ministres serbe: Serbia s’mund t’i shmangë pasojat politike appeared first on Albeu.com.

Ish-delegati Jakup Ballatovci theksoi se deputetët duhet të luajnë rol bashkues dhe ta vendosin interesin e shtetit mbi atë individual, duke rikujtuar se, sipas tij, delegatët e vitit 1990 dalloheshin për unitet.

Ballatovci: Të lihen inatet anash dhe të formohen institucionet e reja

“Apeloj që të jenë unifikues. Të jenë në nivelin tamam të deputetit dhe t’i kenë interesat shtetërore dhe jo personale. Si popull, si delegat i ish asaj kohe kemi qenë unik dhe kemi bërë vetëm çështjen kombëtare dhe jo personale. Apeloj që brenda kohës së shkurt të konstituohen organet shtetërore”, thotë ai.

Mesazh të ngjashëm dha edhe ish-delegati Nezir Sallahu, i cili vlerësoi se uniteti mbetet elementi kryesor për tejkalimin e çdo sfide politike dhe shtetërore. Ai kujtoi se delegatët e atëhershëm arritën rezultate të mëdha pikërisht falë bashkimit, ndonëse vepronin në rrethana të rënda.

Sallahu: Partitë të bëhen bashkë për formimin e institucioneve

“Porosia ime është që të jenë bashkë. T’i zgjidhin problemet bashkë pasi pa unitet nuk ka asgjë. Prandaj i lus të jenë unik për çdo çështje, qoftë politike, ekonomike dhe të gjitha. Ne kemi qenë shumë unik pasi mos me qenë unik nuk do t’i kishim mbërri me bërë këto rezultate dhe punë të mëdha. Në atë kohë kur kemi shpallë Deklaratën Kushtetuese këtu kanë qenë në ndërtesa plot me snajper”, deklaron Sallahu.

Edhe ish-delegati Agush Balaj u kërkoi deputetëve që të tregojnë përkushtim në përmbushjen e detyrimeve të tyre dhe të veprojnë në dobi të qytetarëve. Ai nënvizoi se pas zgjedhjeve duhet të konstituohet Kuvendi, të krijohet Qeveria dhe të zgjidhet presidenti, duke kërkuar që përfaqësuesit politikë të mos udhëhiqen nga egoja dhe interesat partiake.

Balaj: Të formohet qeveria dhe të zgjidhet presidenti – liderët të mos bëhen egoistë

“Tani iu apeloj deputetëve të zgjedhjeve të 7 qershorit, që s’dihet a do të bëhet certifikimi i tyre, që çdo njeri të përkushtohet në aspektin profesional dhe t’i zbatojë interesat e bazës nga vjen. Me qëllime të caktuara, për zhvillim ekonomik, arsim dhe drejtësi…. Janë bërë zgjedhjet, të konstituohet Kuvendi, formohet qeveria dhe të zgjidhet presidenti, mos të bëhen egoistë, pa marrë parasysh cila parti”, potencon ai.

Komisioni Qendror i Zgjedhjeve i publikoi rezultatet përfundimtare të zgjedhjeve të 7 qershorit më 27 qershor.

Nga ky proces zgjedhor, si forcë e parë doli Lëvizja Vetëvendosje, në koalicion parazgjedhor me Guxo dhe Alternativa, me 47.13%, duke siguruar 53 ulëse. Partia Demokratike e Kosovës mori 19.44% dhe fitoi 22 ulëse, Lidhja Demokratike e Kosovës me 16.69% siguroi 18 ulëse, ndërsa Aleanca me 6.74% fitoi shtatë ulëse.

Përveç konstituimit të Kuvendit dhe krijimit të qeverisë, deputetët e legjislaturës së njëmbëdhjetë kanë edhe detyrimin për ta zgjedhur presidentin e ri, për të cilin afati është 60 ditë nga momenti i konstituimit të Kuvendit.

Zgjedhjet e 7 qershorit u mbajtën pikërisht pasi partitë parlamentare dështuan ta zgjedhin presidentin e vendit, pas përfundimit të mandatit të ish-presidentes Vjosa Osmani.

The post Ish-delegatët e 2 Korrikut bëjnë thirrje për bashkim politik dhe ngritje të shpejtë të institucioneve appeared first on Albeu.com.

Sipas tij, çdo zgjidhje që synon ndërtimin e institucioneve duhet ta vendosë në plan të parë programin zhvillimor dhe agjendën strategjike të Kosovës.

“Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit”, ka shkruar Haziri.

Ky është postimi i plotë i tij:

“Bashkëpunimi partiak e institucional është udha e vetme për ta thyer rrethin vicioz që po e lodh Republikën!

Kosova sot ka nevojë për agjendë të zbardhur kur jemi në fund të javës së dytë pas zgjedhjeve të 7 qershorit.

Cilido opsion që arrin marrveshjen gjithëpërfashirëse, programin zhvillimor dhe agjendën strategjike duhet ta ketë në qendër të saj, ndërkaq skenari i ndarjes së përgjegjesive institicionale vjen në fund.

Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit.

Kemi premtu që Republika e Kosovës është faktor i stabilitetit rajonal, duke respektu vlerat demokaratike. Ky rol i stabilitet rajonal buron nga stabiliteti dhe bashkëpunimi brenda Kosovës.

Republika e Kosovës i ‘duron’ zgjedhjet e shpeshta vetëm kur e kujton që mundet me mbetë edhe pa zgjedhje një ditë.

Një njeri dhe një parti është kauzë e humbur me 17 shkurt!

Republika, mbi të gjithë!”

The post Haziri: Dalja nga kriza institucionale vjen vetëm përmes bashkëpunimit politik appeared first on Albeu.com.

Gjithashtu, ai shton se më i ekspozuar drejt ‘rrezikut’ është Berisha.

Ai foli dhe për pazare që nga 2008 mes Ramës dhe Berishës, që pasoi me një marrëveshje për ndryshimet kushtetuese.

“Gjëra interesante po bëhen në atë shesh. Ai shesh gjithmonë ka pasur gjëra interesante, por këtë herë ka diçka të veçantë. “Shkak për përplasje” për konfrontim e përballje. Është pasojë e një situate që prej kohësh akumulohet. Është krijuar iluzioni që kjo protestë ka vetëm një personazh përballë, sikur ka vetëm kryeministrin Rama para. Por ajo protestë, që është shkak për përballje, është vendosur kundër sistemit politik.

Nisi nga një person që u tërhoq zvarrë nga policia private, dhe indiferenca e policisë së Shtetit. Kjo tregoi se Policia e Shtetit bëhet instrument politik i kryeministrit. Na ndodh që jo rrallë të konstatojmë se janë vegla instrument të kryeministrit. Jam në ezaurim të një analize që e kam nisur 18 vite më parë, kështu qenka dialektika. Në 2008 në prag të ndryshimeve kushtetuese, për të cilat isha kundër, nisur nga njohja e mirë e personazheve, të cilët në mënyrë të çuditshme u bënë bashkë, dhanë ‘ok’ për një ndryshim kushtetues te njerëzit që nuk marrin vesh nga jeta politike.

Pas shpërthimit të Gërdecit dhe pas protestave të opozitës së asaj kohe të Ramës, Në atë kohë ndodh një marrëveshje e fshehtë mes Ramës dhe Berishës, dhe shkatërruan shtetin shqiptar. Sot pas 18 vitesh, më vjen mirë që brezi i ri dhe intelektualë që futen në lojë me vonesë, kanë kuptuar se ai produkt solli autokracinë. Kjo protestë është pa ndërhyrje. Kështu e shoh. Nëse ata që drejtojnë protestën, nëse pranojnë ndërhyrjen, do infektohen. Ka qenë befasuese, e çuditshme si protestë. Protestat duan kohë të organizohen, kjo është shumë natyrale. Vjen nga një terren që ka akumuluar shumë pakënaqësi. Nuk është vetëm për Ramën, por dhe për kryetarin e opozitës.

Nuk është e rëndësishme ideja që të konturojmë një lidership, por për mua është me rëndësi ideja. Kjo protestë, para se të sulmojë më parë Ramën, ka qortuar më shumë PD. Kam dyshime se Berisha ka tentuar që të fusë duart. Pasi duket ndryshimi i Berishës në 2 ditë. Më i ekspozuar ndaj kësaj lëvizjeje, është Sali Berisha dhe jo Rama. Pas 2008 këta kanë qenë gjithmonë bashkë, spektakli ka qenë gjithmonë. Është bindje absolute. Pse unë gaboj? Kam pasur informacione dhe sy klinik. Problemi nuk është te projekti, por te kryeministri. Ai duhet ta kishte eliminuar këtë zhurmë, që në fillim. Sa kohë kemi që dëgjojmë për Sazanin?! A ka pasur shqetësim? Jo. Ne kërkojmë partnerë serioze, në një proces që drejtohet nga shteti me rregullat e tij. Problemi nisi në Zvërnec. Dje me reagimet, Rama deklaroi se është kryeministër vetëm i socialistëve.

Meraku im është futja e politikës në mes të protestës dhe infektimi i saj. Dy janë mundësitë, ose protesta shuhet, dhe përpjekjet për ta shuar janë. Në momentin kur futet politika, tregon se kjo e fundit do që ta falimentojë. Të shohim se si do të jetë evoluimi i kësaj lëvizjeje. Berisha dhe Rama janë në një varkë”, shprehet Topi.

The post Protetsa kundër sistemit politik/ Bamir Topi sulmon Ramën dhe Berishën: Protesta në Bulevard goditje për dyshen që kanë bërë marrëveshje që nga 2008 appeared first on Albeu.com.

Gjithashtu, Kurti shtoi se 12 qershori i vitit 1999 është fiksuar si dita e çlirimit të Kosovës, sepse atë ditë dhjetëra e mijëra ushtarë të NATO-s kaluan kufirin dhe u futën si trupa këmbësorie në territorin e Kosovës.

“Kjo erdhi pas fushatës 78 ditore të bombardimeve të NATO-s mbi Serbi në përpjekje për ta ndaluar spastrimin etnik dhe gjenocidin që shteti serb po e kryente mbi shqiptarët në Kosovë”, tha Kurti.

Kryeministri shtoi se 25 vjet pas çlirimit, duam marrëdhënie të mirë me fqinjët, me njohje e pa sulme.

“Të bashkohemi fizikisht e shpirtërisht si sot në Kuvend e sheshet e qyteteve, për të shënuar një ngjarje historike që e ka sjell të tashmen dhe e ka përcaktuar të ardhmen. Sikur atëherë edhe tani Serbia rri e rreshtuar prapa Rusisë. Kosova ka shkuar në vazhdimësi duke forcuar aleancat e saja me vendet partnere. BE është familja jonë e synuar politike, kurse NATO është destinacioni ynë ushtarak”, tha Kurti.
Kurti theksoi se pikërisht se kemi vuajtur dhe kemi humbur, tash duam që Kosova e të gjithë qytetarëve ta gëzojnë, shumica shqiptare me pakicat.

“Duam marrëdhënie të mira fqinjësore, e njohje, pa sulme. Kurrë më të lirë e të pavarur nuk kemi qenë”, ka thënë ai.

The post 25-Vjetori i Çlirimit të Kosovës/ Albin Kurti: BE është synimi ynë politik dhe NATO destinacioni ushtarak appeared first on Albeu.com.

Guri u shpreh se deri në frymën e fundit do të jetë opozitar dhe se tek secili prej te pranishmëve shikon dritën që do të ndriçojë shqiptarët nga kjo qeveri.

“Jam bashkuar kësaj rruge që ne minutatat e para me motivin e vetëm që tek secili prej jush shoh atë dritë që do të ndriçojë shqiptarët.
Te secili nga ju shoh atë shkëndijë që është e mjaftueshme për të ndezur atë flakë, që Shqipëria siç thotë perëndia nuk do të jetë pa shpresën sepse ashtu do Zoti, natyra e perëndia.

Unë kurdo-herë deri në sekondën e fundit jam opozitar dhe votoj opozitën dhe jam me atë.

Dua të them se një zonë të mbrojtur që po përgatit kjo qeveri, pasi Butrintin ja dha Greqisë, këtë Butrint atë e kanë bërë në 6 gjuhë të huja.

Të dashur qytetarë meruni me historinë tuaj sepse ende nuk e dimë se çfarë jemi dhe çfarë kemi.

Kjo do të thotë se ky projekt i keq me qindra milliona euro kërkon ‘të katraphanosë’ katër miliardë euro që bën Durrësi me 7 civilizime nën dhe mbi dhe.

Të gjitha këto po zhduken sa andej këndej dhe vijmë tek projekti famëkeq ku në Lezhë, ku qeveria i jep truall një populli tjetër. Asnjë centimetër tokë nuk ka të drejtë shteti ta përdorë për interesa të vet.

E mendoni dot se në cfarë gjendje jemi katandisur sot?”

The post Sazan Guri: Deri në sekondën e fundit jam opozitar appeared first on Albeu.com.