Forca të shtuara të Policisë së Kosovës kanë bllokuar hyrjen në sheshin “Skënderbeu” në Prishtinë, ndërsa pjesëtarë të shumtë të policisë janë angazhuar në zona të ndryshme të qendrës së kryeqytetit.

Qytetarët vazhdojnë të grumbullohen pranë objektit të Kuvendit të Kosovës, ku po zhvillohet protesta. Njësitë policore janë vendosur në disa pika rreth sheshit dhe përgjatë rrugëve që lidhen me hapësirën ku po mbahet tubimi.

Qasja në pjesën e sheshit ku ndodhen protestuesit është kufizuar, ndërsa lëvizja e qytetarëve në këtë zonë të Prishtinës po zhvillohet nën kufizime.

Ndërkohë, qytetarët vijojnë të qëndrojnë pranë Kuvendit, ndërsa policia po e përcjell situatën dhe po kontrollon hyrjet në drejtim të zonës së protestës.

Rritja e numrit të forcave të rendit ka sjellë kufizim të mëtejshëm të qasjes në shesh. Situata vazhdon të monitorohet nga afër.

The post Kufizohet qasja në sheshin “Skënderbeu”, prani e shtuar e Policisë së Kosovës në Prishtinë appeared first on Albeu.com.

Forca të shtuara të Policisë së Kosovës kanë mbyllur hyrjen në sheshin “Skënderbeu” në Prishtinë, ndërsa qytetarë vijojnë të qëndrojnë pranë ndërtesës së Kuvendit të Kosovës.

Prania e efektivëve në terren është shtuar dhe qasja në zonën ku po zhvillohet protesta është kufizuar.

Këto masa sigurie janë ndërmarrë pak orë përpara skadimit të afatit kushtetues për zgjedhjen e presidentit.

Ndërkohë, protestuesit kërkojnë që Kuvendi të miratojë në lexim të dytë Ligjin për Specialen.

The post Policia kufizon qarkullimin drejt sheshit “Skënderbeu” në Prishtinë appeared first on Albeu.com.

Pak orë para se të lexohet aktgjykimi për katër ish-udhëheqësit e Ushtrisë Çlirimtare të Kosovës, autoritetet holandeze kanë rritur ndjeshëm praninë e tyre policore rreth selisë së Gjykatës Speciale.

Personave që ishin grumbulluar para objektit të tribunalit iu është komunikuar nga ana e policisë që të shpërndahen menjëherë. Në njoftimin e tyre zyrtar, forcat e rendit theksuan se do të detyrohen të ndërhyjnë fizikisht nëse qytetarët nuk respektojnë këtë direktivë.

“Merrni urdhër nga policia për t’u tërhequr nga godina e gjykatës. Në rast mosbindjeje, do të jemi të shtrënguar të aplikojmë masa shtrënguese ndaj jush”, citohet paralajmërimi i lëshuar nga uniformat blu.

Ndërkohë, atmosfera në perimetrin e gjykatës është bërë më e acaruar dhe si pasojë, efektivët kanë shtuar patrullimin e zonës në pritje të seancës vendimtare.

Seanca gjyqësore gjatë së cilës do të bëhet i ditur vendimi është planifikuar të hapë dyert në orën 10:00 të paradites.

The post Policia holandeze përforcon masat e sigurisë pranë Gjykatës Speciale në Hagë appeared first on Albeu.com.

Zyrtarët policorë në terren kanë bërë të ditur se deri tani gjendja ka qenë e qetë dhe se pritet që e njëjta situatë të vazhdojë edhe deri në përfundim.

KosovaPress ka mësuar ndërkohë se forcat policore janë shtuar tashmë, me qëllim monitorimin e situatës dhe garantimin e sigurisë për qytetarët.

Data 28 qershor lidhet me zhvillimin e Betejës së Kosovës, në të cilën koalicioni i ushtrive të popujve të Ballkanit u mposht nga Perandoria Osmane. Pas kësaj humbjeje, popujt e Ballkanit ose ranë nën pushtimin otoman, ose u detyruan të bëheshin vasalë të sulltanit. Princërit shqiptarë vijuan rezistencën, ndërsa më i njohuri mes tyre ishte Skënderbeu. Serbia u përfshi në Perandorinë Osmane.

Beteja e Kosovës është zhvilluar më 28 qershor (15 qershor sipas kalendarit të vjetër), 1389, në Fushën e Kosovës, mes koalicionit të ushtrive të popujve të Ballkanit të udhëhequr nga princi Lazar dhe forcave otomane të drejtuara nga sulltani Murati I (mbretëroi 1360–89). Përplasja ishte e ashpër dhe gjatë saj u vranë të dy udhëheqësit, Princi Llazar dhe Sulltan Murati, si edhe shumë princër të tjerë. Të dyja ushtritë pothuajse u shuan krejtësisht.

Megjithatë, Perandoria Otomane kishte mundësi dhe burime për të ngritur një ushtri të re në një kohë më të shkurtër. Popujt e Ballkanit, në anën tjetër, nuk mundën të rimëkëmbeshin shpejt dhe shumica e tyre përfunduan nën sundimin otoman.

Për Betejën e Kosovës nuk ekzistojnë shumë të dhëna, madje një pjesë e madhe e tyre bien në kundërshtim me njëra-tjetrën.

Për këtë arsye, kjo ngjarje sot njihet më tepër për mitet që e rrethojnë sesa për faktet historike.

Nën sundimin e Sulltan Muratit I, otomanët zgjeruan pushtetin e tyre nga Anadolli drejt Ballkanit. Në verën e vitit 1389, Sulltan Murati mbërriti në Kosovë, ku u ndesh me koalicionin e princave.

Edhe pse kjo betejë shpesh paraqitet si përballje mes serbëve dhe turqëve, apo mes të krishterëve dhe myslimanëve, faktet tregojnë të kundërtën.

Në njërën palë ishin otomanët, ushtria e të cilëve përfshinte edhe ushtarë të popujve dhe princërve vasalë të tyre, duke përfshirë edhe të krishterë.

Në palën tjetër qëndronte një koalicion princash të popujve të Ballkanit, ku bënin pjesë edhe shumë princa shqiptarë.

Dihet që në betejë u vra Princi Llazar, por rrethanat e vrasjes së tij nuk janë të njohura. Princi tjetër serb, Vuk Brankoviq, kur pa se beteja nuk mund të fitohej dhe se duhej të shpëtonte sa më shumë ushtarë, u tërhoq nga përballja. Në rrëfimet serbe, Brankoviq përshkruhet si tradhtar dhe tradhtia e tij konsiderohet shkak për vdekjen e Princit Lazar.

Në këtë betejë mbeti i vrarë edhe Sulltan Murati I, për të cilin besohet se u vra nga Milosh Obiliqi, një prej figurave kryesore në tregimet dhe legjendat që lidhen me Betejën e Kosovës.

Pas Muratit I, në fron erdhi i biri, Bajaziti I, i cili për një periudhë vazhdoi fushatën e zgjerimit të pushtimit otoman në Ballkan, por në vitin 1403 u mposht pranë Ankarasë nga trupat mongole të Timurlengut.

Kjo krijoi mundësi që zotërinjtë shqiptarë të forconin pozitat e tyre. Pikërisht në këtë periudhë shfaqen familje si Balshajt, Dukagjinët e Zahariajt në Shqipërinë e Veriut; Kastriotët, Topiajt, Arianitët, Muzakajt e Gropajt në Shqipërinë Qendrore; si dhe Shpatajt e Zenebishët në Shqipërinë e Jugut.

Në të njëjtën kohë, Venediku arriti të marrë qytetet bregdetare, nga gjiri i Kotorrit e deri në Artë. Budva, Ulqini, Shkodra, Lezha, Durrësi dhe Parga, që ishin qendra të rëndësishme tregtare dhe të shkëmbimit me viset e brendshme të vendit, u bënë pjesë e asaj që në histori njihet si Arbëria Venedikase.

The post Qetësi në Gazimestan, rritet prania e policisë appeared first on Albeu.com.