Polici Altin Kryeziu u varros sot në varrezat e fshatit Bubavec, ku familjarë, kolegë, qytetarë të shumtë, drejtues të Policisë së Kosovës dhe përfaqësues të institucioneve shtetërore u mblodhën për t’i dhënë lamtumirën e fundit.

Kryeziu ndërroi jetë disa ditë pasi u godit nga një automjet, ndërsa ishte në krye të detyrës dhe po shërbente në mbrojtje të qytetarëve.

Ministri në detyrë i Punëve të Brendshme, Xhelal Sveçla, tha se Altini e mbajti me nder uniformën e Policisë së Kosovës gjatë gjithë kohës që shërbeu në të. Sipas tij, i ndjeri ishte një polic i përkushtuar, profesional dhe dinjitoz, ndërsa vdekja e tij përbën një humbje të madhe për familjen, Policinë e Kosovës dhe gjithë vendin.

Sveçla u shpreh se Kosova po i jepte lamtumirën një pjesëtari shembullor të policisë, i cili e respektoi dhe e nderoi uniformën që veshi. Ai tha se humbja ishte e rëndë për familjen Kryeziu, kolegët, bashkëvendësit dhe Republikën e Kosovës.

Ministri theksoi se Altini ishte një i ri me ëndrra dhe plane, jeta e të cilit u ndërpre padrejtësisht dhe në mënyrë tragjike. I lindur në liri dhe pjesë e një brezi që nuk e përjetoi luftën, por trashëgoi përgjegjësinë për ruajtjen e lirisë dhe shtetit, Kryeziu kishte zgjedhur uniformën e policisë për t’i shërbyer Republikës dhe qytetarëve të saj.

Sipas Sveçlës, Altini do të kujtohet për ndershmërinë, përkushtimin dhe dinjitetin me të cilin kreu detyrën. Edhe pse rrugëtimi i tij u ndërpre shumë herët, ai do të mbetet shembull për kolegët dhe brezat e ardhshëm.

Drejtori i Përgjithshëm i Policisë së Kosovës, Gazmend Hoxha, tha se Kryeziu humbi jetën në mënyrë tragjike pasi u përplas nga një automjet, në kohën kur ishte duke kryer detyrën dhe po punonte për sigurinë e qytetarëve.

Hoxha tha se është e vështirë të gjenden fjalët e duhura përballë ndërprerjes së papritur të një jete të mbushur me optimizëm, përkushtim dhe ndjenjë detyre. Ai theksoi se Altini nuk humbi jetën thjesht gjatë shërbimit, por u godit nga një automjet i drejtuar në mënyrë të papërgjegjshme, ndërsa po kujdesej për jetën dhe sigurinë e të tjerëve.

Duke iu drejtuar familjes Kryeziu, drejtori i Policisë tha se Altini do të jetojë gjithmonë në zemrat e tyre. Ai nënvizoi se kjo humbje duhet të shërbejë si një thirrje për më shumë kujdes, vetëkontroll dhe respektim të ligjit në komunikacion.

Hoxha u shpreh se familja nuk e ka përjetuar e vetme këtë dhimbje, pasi humbjen e ka përjetuar edhe Policia e Kosovës. Ai garantoi se institucioni do të qëndrojë pranë familjes për çdo nevojë dhe se dhimbja e krenaria do të ndahen së bashku.

Sipas tij, që nga paslufta, në Kosovë kanë humbur jetën rreth 3 mijë e 214 persona në aksidente trafiku. Ndërkohë, Policia e Kosovës ka humbur 33 pjesëtarë në aksidente, 10 prej të cilëve në raste të ngjashme me atë të Altinit, pra në krye të detyrës.

Drejtori i Përgjithshëm i Policisë u bëri thirrje të gjithë drejtuesve të automjeteve dhe pjesëmarrësve në komunikacion që të tregojnë kujdes. Ai tha se veturat janë krijuar për ta lehtësuar jetën e njerëzve dhe jo për t’i vrarë ata, duke kërkuar që të mos shndërrohen në armë dhe mjete vrasëse. Hoxha theksoi se Kosova nuk ka të rinj për të humbur dhe se kujdesi në trafik është i domosdoshëm.

Kryetari i Komunës së Malishevës, Ekrem Kastrati, e përshkroi Altinin si një të ri që kishte zgjedhur t’i shërbente vendit dhe qytetarëve.

Kastrati tha se ndjenja e shërbimit publik ishte e pranishme në familjen Kryeziu. Ai kujtoi se Altini ishte djali i Elmisë, i cili për vite me radhë kishte shërbyer dhe vazhdonte të shërbente si pjesëtar i Policisë së Kosovës.

Sipas kryetarit të Malishevës, përballë dhimbjes së një babai që humb djalin është jashtëzakonisht e vështirë të gjenden fjalët e duhura. Ai tha se për një prind nuk ka krenari më të madhe sesa ta shohë fëmijën duke i shërbyer vendit, por as dhimbje më të madhe sesa ta humbasë atë në moshë të re.

Në emër të familjes, Metije Kryeziu foli mes lotësh për Altinin, të cilin e përshkroi si një fëmijë të dashur, të buzëqeshur, të sjellshëm dhe respektues që në moshë të vogël.

Ajo tha se Altini e donte vendin e tij dhe vinte nga një familje atdhetare e patriotike, e cila i kishte dhënë Kosovës kontributin dhe sakrificën e saj. Babai i tij kishte qenë pjesëtar i UÇK-së gjatë Luftës për Çlirimin e Kosovës dhe, pas luftës, ndër pjesëtarët e parë të Policisë së Kosovës.

Metije Kryeziu tha se kjo trashëgimi, bashkë me dashurinë për vendin dhe shërbimin ndaj tij, e kishte shoqëruar Altinin gjatë rritjes. Kur veshi uniformën e policisë, ajo nuk përfaqësonte për të vetëm një profesion, por edhe nderin, përgjegjësinë dhe amanetin familjar.

Sipas saj, Altini e mbajti këtë amanet me krenari deri në ditën e fundit. Ai e veshi uniformën me dinjitet dhe u shërbeu qytetarëve me përkushtim e devotshmëri, duke humbur jetën në detyrë për Kosovën dhe qytetarët e saj. Familja, tha ajo, do të mbetet gjithmonë krenare për të, edhe në dhimbjen më të madhe.

Altin Kryeziu humbi jetën pas shtatë ditësh, si pasojë e plagëve që kishte marrë në krye të detyrës në një aksident të ndodhur në Malishevë.

The post Jetoi pak, por la shumë” – Altin Kryeziu përcillet në banesën e fundit appeared first on Albeu.com.

Në reagimin e tij, Begaj ka shprehur ngushëllime për humbjen tragjike të policit Enea Mekolli në krye të detyrës, si dhe plagosjen e rëndë të kolegut të tij, Edison Adri.

Reagimi i Begajt:

“Bashkohem thellësisht më dhembjen për humbjen tragjike të jetës në krye të detyrës të policit Enea Mekolli dhe plagosjen rëndë të kolegut të tij, Edison Adri.

I shpreh familjes ngushëllimet dhe solidaritetin më të lartë në emër të shtetit shqiptar në këtë ditë mjaft të rëndë për ta!
I uroj shërim të plotë dhe sa më të shpejtë punonjësit të Policisë së Shtetit, i cili mbeti i plagosur!

Policia e Shtetit nuk do të zbrapset nga kjo humbje e do ta kthejë dhembjen në forcë e vendosmëri për të luftuar krimin në çdo skutë.

Populli shqiptar është masivisht përkrah policisë në mbrojtje të sigurisë dhe rendit publik”, shkruan Begaj.

The post Vrasja e efektivit të “Shqiponjave” në Maliq, reagon Begaj: Ngushëllime familjes, solidaritet në emër të shtetit shqiptar appeared first on Albeu.com.

Sipas informacioneve policore mëngjesin e sotëm (4 qershor) strukturat e policisë pasi kanë identifikuar një person në kërkim kanë zhvilluar një operacion për kapjen e tij në zonën e Maliqit.

Gjatë aksionit ka pasur shkëmbim zjarri ndërmjet personit nën kërkim, shtetasit Violand Braçellari, 43 vjeç dhe policisë.

Nga ky shkëmbim zjarri mbeti i vrarë një efektiv policie, shtetasi Enea Mekolli, ndërsa polici i plagosu është Edison Adri. Gjithashtu i plagosur mbeti edhe personi i shpallur në kërkim, i cili është ndalur.

Efektivi i plagosur pritet që të niset drejt Tiranës me helikopter për shkak të gjendjes shëndetësore.

The post Zbardhen detaje nga detaje nga vrasja e efektivit të policisë në Maliq (EMRAT) appeared first on Albeu.com.

Gjithashtu, në pranga kanë përfunduar edhe 4 shokët e tij, të cilët e kanë ndihmuar t’u fshihet autoriteteve policore.

Në kuadër të operacionit “Operacionalja 71”, është vënë në pranga shtetasi Elvis Roshi, 32-vjeç, banues në Fier.

“Ai ishte shpallur në kërkim, pasi Gjykata e Shkallës së Parë e Juridiksionit të Përgjithshëm Fier i ka caktuar masën e sigurisë “Arrest në burg”, për veprën penale “Goditja për shkak të detyrës”, kryer në bashkëpunim. 32-vjeçari akuzohet se në bashkëpunim me 3 shtetas të tjerë, ka goditur me grushte, për shkak të detyrës, 1 punonjës të IEVP Fier”, – thuhet në njoftimin e Policisë.

Ndërkohë, gjatë operacionit janë arrestuar edhe shtetasit që shoqëronin 32-vjeçarin, Ermir Peqini, 33- vjeç, Dorian Cera, 34-vjeç, të dy banues në Tiranë, Arbit Nure, 29-vjeç dhe Fabjan Muçaj, 26-vjeç, të dy banues në Fier, të cilët akuzohen për veprën penale “Përkrahja e autorit të krimit”.

Materialet procedurale i janë referuar Prokurorisë së Fierit për veprime të mëtejshme.

The post Goditi një polic burgu në Fier, 32-vjeçari arrestohet në Tiranë, në pranga dhe 4 shokët e tij (EMRAT) appeared first on Albeu.com.

Ky i fundit theksoi se të gjithë presin nga drejtësia të bëjë detyrën e saj.

Mes të tjerash, ai paralajmëroi se kush ngre dorë ndaj policisë, ka ngritur dorë ndaj shtetit.

“U prehsh në paqe Novrus i dashur! Bashkë me familjen tënde, kolegët e tu të Policisë së Shtetit dhe mbarë shoqërinë tani presim nga drejtësia të bëjë detyrën.
Kush ngre dorë kundër punonjësit të policisë, ka ngritur dorë kundër shtetit dhe nuk mund t’i shmanget dot kurrë ndëshkimit”, tha Balla.

Kujtojmë se të hënën, 23-vjeçari vrau me armë zjarri policin Novruz Cenaliajn.

The post Arrestimi i vrasësit të policit në Fier, Balla: Drejtësia të bëjë detyrën, kush ngre dorën ndaj shtetit appeared first on Albeu.com.

Sipas informacioneve, kontrollet janë përqëndruar në fshatrat Hoxharë e Vjetër, Apolloni, Radostinë, Sulaj, në një rreze prej 5 km në vijë ajrore nga vendi ku autori ka braktisur makinën, pas vrasjes së efektivit mesditën e 13 majit 2024.

Burimet nga policia bëjnë me die se 23-vjeçari ka pasur me vete 2 telefona, njërin që e ka lënë atë në makinë dhe njërin që e ka hedhur në një tokë bujqësore.

Të dy telefonat janë gjetur nga policia.

The post RENEA bastis banesat ku dyshohet se fshihet vrasësi i policit Novruz Cenalia appeared first on Albeu.com.

Deputeti Ervin Salianji, shprehu ngushëllimet për familjarët, ndërsa dënoi ashpër ngjarjen e rëndë. Ai theksoi faktin që organet ligjzbatuese, duhet të nxjerrin para ligjit autorin dhe të ndëshkohet sipas ligjit.

“Gjendja e kriminalitetit në vend është e rëndë”, tha Salianji.

Në përfundim, deputeti propozoi një minutë heshtje në nder të policit të vrarë. Pas kësaj, anëtarët e Komisionit të Sigurisë janë çuar në këmbë dhe mbajtën heshtje në nderim të efektivit të ndjerë.

“Ne i bashkohemi dhimbjes të familjarëve të policit të vrarë, por edhe dhimbjes së kolegëve të tij që humbën një djalë të ri. Ne e dënojmë me ashpërsinë më të madhe këtë ngjarje dhe organet ligjzbatuese duhet të përdorin forcën më të madhe që i jep ligji për të nxjerrë para drejtësisë autorin dhe për të marrë ndëshkimin e merituar. Ne do të marrim pjesë në çdo homazh, ishallah i fundit, që ka të bëjë me punonjës policie që humbin jetën. Fakti që vihet dorë mbi punonjës të Policisë së Shtetit tregon fatkeqësisht që gjendja e kriminalitetit në vend është e rëndë. Ne duhet të bëjmë më shumë që të merren masa, që ngjarje të tilla mos ndodhin më. Do dëshiroja që në nder të efektivit të vrarë të mbanim 1 minutë heshtje”, tha deputeti.

The post Ekzekutimi i policit në Fier/ Komisioni i Sigurisë mban 1 minutë heshtje, Salianji: Gjendja e kriminalitetit në vend e rëndë… appeared first on Albeu.com.

Menjëherë në vendngjarje janë nisur shërbimet e Policisë, Forca Kombëtare e Sigurisë, Reparti Special “RENEA”, të cilat kanë rrethuar zonën dhe vijojnë punën për kapjen e autorit.

Grupi hetimor dhe drejtues të Departamentit të Policisë Kriminale, në drejtimin e Prokurorisë, po punojnë për sqarimin e rrethanave dhe për dokumentimin ligjor të kësaj ngjarjeje.

The post Emri/ Identifikohet polici i vrarë në Fier, zbardhen detaje të reja appeared first on Albeu.com.

Ngjarja ka ndodhur në  rrugën “ Skenderbeu” në Sarandë.

Menjëherë kanë shkuar shërbimet e Qarkullimit rrugor dhe po kryhen veprimet nga A.M.P.

The post Aksident në Sarandë, përmbyset makina e policit (EMRI) appeared first on Albeu.com.