Me një karrierë të ndërtuar në disa nga qarqet më të rëndësishme të vendit dhe në struktura që lidhen drejtpërdrejt me luftën kundër kriminalitetit dhe garantimin e rendit publik, Hita në vitet e fundit ka mbajtur poste drejtuese në disa qarqe.

Përvoja e tij drejtuese ka nisur në qarkun e Shkodrës, ku ka shërbyer si drejtor i hetimit të krimit. Një tjetër etapë e rëndësishme në karrierën e tij lidhet me drejtimin e Policisë në qarkun e Durrësit.

Ky qark, përbën një nga zonat më të ndjeshme të vendit për shkak të portit më të madh në Shqipëri, aktivitetit të lartë ekonomik dhe lëvizjes së madhe të njerëzve e mallrave.

Gjatë periudhës së drejtimit të strukturave policore në Durrës, janë zbardhur edhe disa ngjarje të rënda kriminale. Një nga rastet më të rëndësishme lidhet me zbërthimin e vëllezërve Indrit dhe Gentjan Beqiraj, dëshmia e të cilëve ndihmoi hetuesit të hedhin dritë mbi disa ngjarje të rënda kriminale në Durrës, Tiranë dhe në zona të tjera të vendit.

Më pas Hita ka drejtuar edhe policinë e Fierit, ku gjatë zgjedhjeve të fundit parlamentare ai është akuzuar nga opozita si të përfshirë në grupet kriminale.

The post Kush është Skënder Hita, Drejtori i ri i Policisë së Shtetit appeared first on Albeu.com.

Gjithashtu, Ministri theksoi se drejtori i ri ka dëshmuar përvojë të spikatur, vizion të qartë strategjik dhe angazhim të qëndrueshëm ndaj ligjit dhe qytetarëve.

“Policia e Shtetit ka një rol kyç në garantimin e rendit dhe sigurisë publike. Drejtimi i saj kërkon jo vetëm aftësi profesionale, por edhe ndershmëri, etikë dhe përgjegjësi të lartë publike”, u shpreh Lamallari.

Ai shtoi se pret që, nën drejtimin e Hitës, institucioni të vijojë të përmirësojë performancën, të rrisë besimin e qytetarëve dhe të përmbushë me përkushtim misionin në shërbim të sigurisë dhe shtetit të së drejtës.

Njoftimi i ministrit:

“Sot në mbledhjen e Këshillit të Ministrave miratuam vendimin për dhënien e gradës Drejtues Madhor dhe emërimin e Drejtorit të Përgjithshëm të Policisë së Shtetit, z.Skënder Hita. Ky është një vendim i bazuar në meritë, profesionalizëm dhe integritet.

Skënder Hita ka rezultuar ndër kandidatët më të vlerësuar nga një proces konkurrues, duke dëshmuar përvojë të spikatur, vizion të qartë strategjik dhe angazhim të palëkundur ndaj ligjit dhe qytetarëve.

Policia e Shtetit ka një rol kyç në garantimin e rendit dhe sigurisë publike. Prandaj, drejtimi i saj kërkon jo vetëm aftësi profesionale, por edhe ndershmëri, etikë dhe përgjegjësi të lartë publike.

Jam i bindur se, nën drejtimin e tij, Policia e Shtetit do të vijojë të forcojë performancën, të rrisë besimin e qytetarëve dhe të përmbushë me përkushtim misionin e saj në shërbim të sigurisë dhe shtetit të së drejtës”.

The post Zgjidhet Drejtori i Përgjithshëm i Policisë së Shtetit (EMRI) appeared first on Albeu.com.

Më herët ka shkuar edhe ministri i Brendshëm, Besfort Lamallari, i cili zhvilloi edhe një takim me kryeministrin Edi Rama.

Kjo vizitë vjen ndërkohë që ka nisur edhe faza e intervistimit për 14 kandidatët që garojnë postin e Drejtorit të Përgjithshëm të Policisë së Shtetit, pas shkarkimit nga detyra të Ilir Prodës.

Procesi i intervistimit po zhvillohet sipas rendit alfabetik, ndërsa i pari që është paraqitur për intervistë ka qenë Afrim Tafa, aktualisht drejtor i Policisë së Durrës.

The post Gara për zgjedhjen e kreut të ri të Policisë së Shtetit, e ngarkuara me punë e SHBA, Nancy VanHorn shkon në ministrinë e Brendshme appeared first on Albeu.com.

Nga 16 aplikantë fillestarë, dy kandidatet Ejona Gurbardhi dhe Suela Sulkaj, u skualifikuan për mosplotësim të kritereve ligjore.

Pas intervistave, kandidatët do të renditen sipas pikëve, por vendimi final i takon ministrit Besfort Lamallari.

Ky i fundit, brenda 48 orësh, do t’i propozojë Këshillit të Ministrave emrin e përzgjedhur, i cili nuk është e thënë të jetë domosdoshmërisht ai me pikët maksimale.

Gara, e cila tërhoqi interes nga drejtues qarqesh dhe akademikë të sigurisë, synon të plotësojë vendin e lënë vakant nga dorëheqja e Ilir Prodës.

Aktualisht, Policia e Shtetit drejtohet përkohësisht nga Sokol Bizhga.

Lista e plotë:

Afrim Tafa

Alfred Çepe

Arjanit Arapi

Elidon Çela

Gentian Berberi

Gentjan Shehaj

Idajet Faskaj

Lorenc Panganika

Neritan Nallbati

Pëllumb Seferi

Rebani Jaupi

Saimir Boshnjaku

Skënder Hita

Tonin Vocaj

The post Gara për drejtorin e ri të Policisë së Shtetit, mbahen sot intervistat e 14 kandidatëve (LISTA E PLOTË) appeared first on Albeu.com.

Kompetencat e kryepolicit Bizhga, i mori pas shkarkimit nga detyra të Ilir Prodës, me arsyetimin se në protestën e Partisë Demokratike më 28 shkurt nuk u ruajt rendi dhe siguria, kryesisht në Vila 31, ish vila e Erver Hoxhës, ku protestuesit hodhën molotovë e fishekzjarrë ndërsa brenda godinës ndodheshin 7 artistë francezë.

Sokol Bizhga, do të qëndrojë në këtë detyrë derisa pasuesi i Ilir Prodës të zgjidhet me konkurs. Garues duhet të jetë të gjithë ata persona që mbajnë gradën Drejtues, Drejtues i Parë dhe Drejtues i Lartë në Policinë e Shtetit

Tashmë me marrjen zyrtarisht të kompetencave të Drejtorit të Përgjithshëm, pritet që Sokol Bizhga t’i komunikojë shkarkimin nga detyra edhe drejtorit të Policisë së Tiranës, Elton Alushit, me po të njëjtin argument si edhe Ilir Proda.

Kjo për shkak se ligji në Policinë e Shtetit, parashikon që drejtorët vendorë emërohen dhe shkarkohen vetëm nga drejtori i Përgjithshëm i Policisë së Shtetit.

The post Pas shkarkimit të Ilir Prodës, Sokol Bizhga merr detyrën si Drejtor i komanduar i Policisë së Shtetit appeared first on Albeu.com.

Sipas ministres, pagat bazë dhe shtesat për kushte pune dhe ushqim do të rriten në të gjitha nivelet hierarkike të strukturës së policisë nga inspektorët e thjeshtë deri te drejtuesit e lartë.

Pas kësaj rritjeje, paga mesatare për drejtuesit e parë do të arrijë deri në 171,500 lekë, duke përfaqësuar një tjetër hap në mbështetje të forcave të rendit dhe sigurisë publike.

Koçiu theksoi se ky vendim, është pjesë e angazhimit të qeverisë për të përmirësuar kushtet e punës dhe motivimin e punonjësve të rendit, të cilët janë në vijën e parë të shërbimit ndaj qytetarëve.

Nga 1 janari 2026, pagat bazë dhe shtesat për ushqim dhe kushtet e punës të punonjësve të Policisë së Shtetit, do të rriten në të gjitha nivelet hierarkike. Paga mesatare llogaritet për punonjësit me një vjetërsi mesatare prej 15 vjetësh.

Detajet sipas kategorive:

Inspektori i thjeshtë, paga bazë nga 80,500 lekë rritet në 84,525 lekë (+4,025 lekë)
Me shtesat për ushqim dhe kushtet e punës, paga mesatare arrin në 100,000 lekë

Nënkomisari, paga bazë nga 95,500 lekë rritet në 101,000 lekë (+5,500 lekë)
Me shtesat për ushqim dhe kushtet e punës, paga mesatare arrin në 116,000 lekë

Komisari, paga bazë nga 105,000 lekë rritet në 110,600 lekë (+5,600 lekë)
Me shtesat për ushqim dhe kushtet e punës, paga mesatare arrin në 125,600 lekë

Kryekomisari, paga bazë nga 115,500 lekë rritet në 120,825 lekë (+5,325 lekë)
Me shtesat për ushqim dhe kushtet e punës, paga mesatare arrin në 135,075 lekë

Drejtuesi i Policisë së Shtetit, paga bazë nga 130,500 lekë rritet në 141,450 lekë (+10,950 lekë).

Me shtesat për ushqim dhe kushtet e punës, paga mesatare arrin në 156,450 lekë

Drejtuesi i Parë, paga bazë nga 145,500 lekë rritet në 156,825 lekë (+11,325 lekë)
Me shtesat për ushqim dhe kushtet e punës, paga mesatare arrin në 171,575 lekë.

The post Rritet paga mesatare për drejtuesit e parë të Policisë së Shtetit, ja kush përfiton appeared first on Albeu.com.

Në krye të Policisë së Tiranës, është emëruar Elton Alushi, teksa në krye të Policisë së Durrësit, është emëruar ish-kreu i Operacionales, Vilson Balla. Nga “xhaketat e vjetra”, i vetmi që ka mbetur është Skënder Hita, i cili transferohet nga Policia e Durrësit në atë të Fierit.

Drejtorët e rinj u emëruan nga kryepolici Ilir Proda, pas dorëzimit të listë me 15 emra nga Komisioni i Vlerësimit të Aplikimeve, që kishin arritur të merrnin mbi 70 pikë. Nga lista e dorëzuar janë emëruar drejtorë 11 emrat e renditur në krye, si dhe Skënder Hita i renditur i 15-ti.

Ndërsa, nga lista me 15 kandidatët e kualifikuar nga komisioni nuk janë përzgjedhur nga Proda, emrat e Gazment Shehut, Gjovalin Lokës, dhe Tonin Vocaj, i cili deri më sot mbante postin e kryepolicit të Tiranës.

Ministri Hoxha, teksa iu uroi suksese drejtorëve të rinj, ju kërkoi që të kenë një qasje më proaktive ndaj ankesave të qytetarëve, por edhe shqetësimeve dhe problematikave që media ngrenë.

“Ju kërkoj drejtuesve të rinj të policisë të kenë një qasje më proaktive ndaj ankesave të qytetarëve, por edhe shqetësimeve dhe problematikave që media ngre duke i trajtuar me seriozisht dhe paanshmëri”, u shpreh Hoxha.

LISTA:

Drejtoria Vendore e Policisë Tiranë – Elton Alushi

Drejtoria Vendore e Policisë Durrës – Vilson Bala

Drejtoria Vendore e Policisë Elbasan – Fatmir Hoxha

Drejtoria Vendore e Policisë Shkodër – Fatmir Lleshaj

Drejtoria Vendore e Policisë Lezhë – Altin Mena

Drejtoria Vendore e Policisë Kukës – Gentian Berberi

Drejtoria Vendore e Policisë Dibër – Artion Duka

Drejtoria Vendore e Policisë Fier – Skënder Hita

Drejtoria Vendore e Policisë Berat – Luigj Vathi

Drejtoria Vendore e Policisë Vlorë – Elidon Çela

Drejtoria Vendore e Policisë Korçë – Erion Ahmeti

Drejtoria Vendore e Policisë Gjirokastër – Altion Merizaj

The post Kush janë 12 drejtorët e rinj të Policisë së Shtetit në Qarqe (EMRAT) appeared first on Albeu.com.

Ministri Brendshëm Ervin Hoxha, tha për mediat se Proda u konfirmua mes 10 kandidatëve të tjerë dhe organet ligjzbatuese kanë thënë se figura e tij është e pastër, referuar faktit që emi i tij është përmendur për dekonspirim operacionesh.

“Këshilli i Ministrave mori një vendim shumë të rëndësishëm. Këshilli i Ministrave miratoi Drejtorin e ri të Poilicisë së Shtetit, zotin Ilir Proda.

Fakti që organet ligjzbatuese u pyetën në një kohë record dhe përgjigja e tyre ishte shumë e shpejtë, kandidaturat janë verifikuar nga çdo organ ligjzbatues dhe pastërtia e tyre është në përputhje me çdo ligj dhe Drejtori i ri i Policisë së Shtetit i ka kaluar këto etapa verifikimi”, tha Hoxha.

Kush është Ilir Proda?

Prej marsit të vitit 2023, Ilir Proda, mban postin e drejtorit të Policisë Elbasan.

Proda ka diplomë avokati dhe master shkencor për të drejtë penale. Po ashtu, ka marrë pjesë në kurse e seminare të ndryshme ku është pajisur me certifikatë.

Me një karrierë gati 19 vite në Policinë e Shtetit, Proda e nisi karrierën e tij në uniformat blu në vitin 2005, fillimisht si specialist i policisë kriminale në komisariatin nr. 3.

Më pas, për shumë vite ka shërbyer si specialist në komisariate dhe në drejtorinë e përgjithshme.

Në vitin 2013, ai emërohet shef komisariati, detyrë të cilën e mbajti gati një vit dhe dy vite të tjera, deri në vitin 2016 shërbeu si shef i komisariatit të Bulqizës.

Në korrik të vitit 2019, pasi merr gradën kryekomisar ai emërohet zv. drejtor për hetimin e krimeve në Korçë.

Ndërsa në 2021 emërohet në po të njëjtën detyrë në policinë e Elbasanit.

The post Ilir Proda emërohet në krye të Policisë së Shtetit appeared first on Albeu.com.

Katër emra të mundshëm, teksa njëri prej tyre do të jetë në krye të uniformave blu, janë Ilir Proda, Neritan Nallbati, Skënder Hitaj dhe Altin Mena.

Ministri i Brendshëm, Ervin Hoxha, do të paraqitet në Kryeministri, ku zgjedhja e institucionit që ai drejton dhe që ka përcaktuar fituesin, do të marrë edhe firmën e kreut të qeverisë, Edi Rama.

The post Policia e Shtetit do të njihet sot me Drejtorin e Përgjithshëm (EMRAT) appeared first on Albeu.com.

“Po kryhen proceduat. Brenda kësaj jave propozohet emri i drejtorit të ri të policisë së shtetit tek Këshilli i Ministrave”, u shpreh ai.

Bëhet fjalë për:

Shemsi Premci

Ibrahim Disha

Hajrulla Xhivini

Sami Rasha

The post Gara par kreun e Policisë së Shtetit/ Ministri Hoxha: Janë skualifikuar katër kandidatë (EMRAT) appeared first on Albeu.com.