policia shkoder Archives - Albeu.com

EMRI/ “Blindohen” akset kryesore të Shkodrës, arrestohet 43-vjeçari që terrorizoi banorët me armë

E B — Wed, 25 Oct 2023 19:09:39 +0000

Policia e Shtetit po zhvillon një aksion blic në Shkodër.

Mësohet se po kryhen kontrolle ndaj mjeteve të dyshimta që lëvizin persona me precedentë penale apo persona të shpallur në kërkim.

Në pranga ka rënë Balil Murataj 43 vjeç. Ky i fundit terrorizoi zonën e Bardhajve në njesinë Rrethina gjatë gjithë pasdites së sotme, teksa ne ecje e sipër me automjetin e tij, qëlloi në ajër me armë zjarri herë pas here.

Pas sinjalizimeve nga banorët policia vendore e Shkodrës beri arrestimin e tij ndërsa në mbështetje shkuan edhe forcat RENEA.

Operacioni është në vijim. AlbEu do t’ju informojë për rezultatet përfundimtare. /albeu.com

The post EMRI/ “Blindohen” akset kryesore të Shkodrës, arrestohet 43-vjeçari që terrorizoi banorët me armë appeared first on Albeu.com.

Favorizuan kultivimin e kanabisit, ndalohen 13 policë, mes tyre zv.drejtori, Hajri Kushe

Erv Isa — Sun, 25 Jun 2023 10:16:01 +0000

13 drejtues dhe punonjës të Policisë së Shkodrës janë shoqëruar në komisariat dhe janë vënë nën hetim nën akuzën e shpërdorimit të detyrës.

Mes të shoqëruarve është edhe zëvendës drejtori i policisë së Shkodrës Hajri Kushe. Efektivët dyshohet kanë favorizuar kultivimin e bimëve narkotike në Njësinë Administrative Ana e Malit Shkodër, si dhe kanë neglizhuar me dashje marrjen e masave të domosdoshme për parandalimin, evidentimin e kultivimit dhe vënien para përgjegjësisë penale të autorëve

Ata dyshohet se janë përfshirë në hetimet për aksionin e uniformave blu për kanabisin në Obot të Velipojës gjatë muajve gusht-shtator.

Ndërkohë prej disa ditësh policia ka nisur kontrolle me dronë me qëllim identifikimin dhe asgjësimin e lëndëve narkotike.

Kujtojmë se disa operacione janë kryer edhe në Skrapar, Elbasan, Krujë dhe Lezhë./albeu.com/

The post Favorizuan kultivimin e kanabisit, ndalohen 13 policë, mes tyre zv.drejtori, Hajri Kushe appeared first on Albeu.com.

Shkodrani kthen banesën në “shtëpi bari”

Erv Isa — Wed, 07 Jun 2023 09:12:06 +0000

Një 41-vjeçar është arrestuar në fshatin Trush të Shkodrës është arrestuar, pasi policia i gjeti në banesë 35 bimë kanabisi.

Një qytetar tjetër nga Shkodra është vënë nën hetim pasi dyshohet se ditën e djeshme, ka shkaktuar prishje të qetësisë publike, duke qëlluar në ajër, me armë imituese, e cila u gjet më pas nga policia dhe u sekuestrua në cilësinë e provës materiale.

Një 25-vjeçar po ashtu nga fshati Gruda e Re në Shkodër, po hetohet në gjendje të lirë pasi është kapur duke transportuar me kamion, dru për zjarr, të prera në mënyrë të paligjshme.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./albeu.com/

The post Shkodrani kthen banesën në “shtëpi bari” appeared first on Albeu.com.

Operacioni në Shkodër, shkon në 33 numri i të arrestuarve, sekuestrohen lëndë narkotike, armë e para

E S — Sun, 16 Oct 2022 14:40:20 +0000

Vijon megaoperacioni policor antikanabis i koduar “Qarku” në Shkodët, në sajë të cilit, shkon në 33 numri i të arrestuarve. Policia bën me dije se janë kapur 77 kilogramë kanabis, një armë zjarri pistoletë, municion luftarak dhe një sasi lënde narkotike kokainë, e ndarë në doza, gati për shitje.

Sakaq, në pranga kanë rënë 7 shtetas dhe janë shpallur në kërkim 5 të tjerë, autorë të dyshuar për kryerjen e veprimtarive kriminale në fushën e narkotikëve.

Njoftim policie

Vijon megaoperacioni policor antikanabis i koduar “Qarku”. Finalizohet faza e gjashtë e megaoperacionit, shkon në 33 numri i të arrestuarve në kuadër të tij.

Sekuestrohen 77 kilogramë kanabis, një armë zjarri pistoletë, municion luftarak dhe një sasi lënde narkotike kokainë, e ndarë në doza, gati për shitje.

Vihen në pranga 7 shtetas dhe shpallen në kërkim 5 të tjerë, autorë të dyshuar për kryerjen e veprimtarive kriminale në fushën e narkotikëve.

✅Në vijim të megaoperacionit policor të koduar “Qarku”, strukturat hetimore të DVP Shkodër, në bashkëpunim me Forcën e Posaçme “Shqiponja” dhe me patrullat e përgjithshme të komisariateve të Policisë Shkodër dhe Malësi e Madhe, bazuar në inteligjencën informative se disa shtetas në bashkëpunim me njëri-tjetrin, kultivonin, përpunonin dhe shisnin lëndë narkotike kanabis e kokainë dhe se mbanin armë zjarri, kanë finalizuar fazën e gjashtë të këtij megaoperacioni, në kuadër të së cilës u kapën dhe u vunë në pranga shtetasit:

-S. G., 43 vjeçe, E. P., 19 vjeç, E. P., 42 vjeç, të tre banues në Shkodër dhe M. Ç., 37 vjeç, banues në fshatin Grudë Fushë, Malësi e Madhe.

Gjatë kontrolleve fizike që shërbimet e Policisë kanë ushtruar ndaj këtyre shtetasve, të cilët ndodheshin në një lokal në lagjen “Fahri Ramadani”, Shkodër, u kanë gjetur dhe sekuestruar lëndë narkotike kanabis dhe kokainë të ndarë në doza, gati për shitje. Në vijim të kontrolleve, në çantën e shtetasit të arrestuar S. G., shërbimet e Policisë kanë gjetur dhe sekuestruar një armë zjarri pistoletë dhe municion luftarak.

Megaoperacioni “Qarku” ka vijuar në bashkëpunim me Forcën e Posaçme Operacionale në Drejtorinë e Pergjithshme të Policisë së Shtetit. Si rezultat, janë kapur dhe vënë në pranga shtetasit:

-E. G., 22 vjeç, L. P., 23 vjeç dhe K. F. 30 vjeç, të tre banues në Shkodër.

Këta shtetas u kapën në aksin rrugor “Koman-Vau i Dejës”, teksa transportonin me një automjet tip “Benz”, 15 kilogramë lëndë të dyshuar narkotike kanabis, e cila u sekuestrua në cilësinë e provës materiale.

Nga veprimet hetimore në kuadër të megaoperacionit “Qarku”, për këtë rast, u shpallën në kërkim shtetasit K. P., 24 vjeç dhe V. P., 20 vjeç, pasi rezultuan të përfshirë në veprimtaritë kriminale në fushën e narkotikëve, të goditura gjatë këtij megaoperacioni.

Faza e gjashtë e këtij megaoperacioni ka vijuar në Malësi të Madhe, në fshatin Gruemirë. Shërbimet e Policisë, mbështetur nga inteligjenca informative, kanë ushtruar kontroll në sipërfaqet e tokave në pronësi të shtetasit P. C. Si rezultat, janë gjetur bimë kanabisi në proces tharjeje dhe një sasi lënde narkotike kanabis, e thatë, me peshë totale 62 kilogramë. Shtetasi P. C. u shpall në kërkim, si autor i dyshuar i këtyre veprimtarive kriminale.

Po në vijim të megaoperacionit në Malësi të Madhe, janë shpallur në kërkim edhe 2 shtetas të tjerë, P. A., 31 vjeç dhe D. A., 32 vjeç (vëllezër), të dy banues në fshatin Bardhaj. Nga veprimet hetimore në kuadër të megaoperacionit “Qarku”, rezultoi se këta shtetas janë gjithashtu të implikuar në veprimtaritë e kultivimit, përpunimit dhe trafikimit të lëndëve narkotike, raste të cilat janë goditur në kuadër të këtij megaoperacioni.

The post Operacioni në Shkodër, shkon në 33 numri i të arrestuarve, sekuestrohen lëndë narkotike, armë e para appeared first on Albeu.com.

Abuzim me tenderat në Shkodër, nga ish-shefi i rendit tek efektivët e policisë, kush janë disa nga të arrestuarit

E S — Thu, 21 Jul 2022 17:57:29 +0000

Foto ilustruese

Policia e Shkodrës ka vënë në pranga 14 persona ku pjesë e tyre është edhe Sajmir Rrustemi, ish-shefi i rendit në Policinë e Shkodrës. Po ashtu në pranga ka rënë edhe Xhavit Isufi, specialist i rendit pranë Drejtorisë së Policisë së Shkodrës.

Burimet bëjnë të ditur se në mes të arrestuarish ka edhe zyrtarë të logjistikës si dhe nga Drejtoria e Financave.

ABC ka mundur të mësojë edhe disa nga emrat e të arrestuarve të tjerë. Ata janë:

Mustafë Ishmaku

Arsenida Hadri

Veronika Gjanaj, (Specialiste Finance)

Rudina Keçi (Specialiste Financa)

14 zyrtarët në radhët e policisë së Shkodrës, këtë të enjte për abuzim me tenderin e rikonstruksionit të godinës së komisariatit të Malësisë së Madhe.

Burime nga policia e Shkodrës, tregojnë se mes të ndaluarve janë edhe ish drejtues të lartë në sektorë të ndryshëm të policisë Shkodër. Bëhet fjalë për tenderin e rikonstruksionit të Komisariatit të Policisë në Malësi të Madhe punë e kryer para 4 vitesh.

Drejtoria e Hetimit në Drejtorinë e Përgjithshme të AMP, në zbatim të urdhrit të Prokurorisë së Rrethit Gjyqësor Shkodër për zbatimin e vendimit të Gjykatës së Shkallës së Parë të Rrethit Gjyqësor Shkodër, ka ekzekutuar 14 masa të sigurimit personal me karakter shtrëngues, regjistruar për veprat penale “Shpërdorim i detyrës”, “Shkelje e barazisë së pjesëmarrësve në tendera apo ankande publike” dhe “Vjedhje duke shpërdoruar detyrën”, kryer në bashkëpunim.

Pas hetimeve të kryera në kuadër të procedimit penal nr. 716/2022, Gjykata e Shkallës së Parë pranë Rrethit Gjyqësor Shkodër ka vendosur të caktojë masën e sigurimit personal “Arrest në burg”, parashikuar nga neni 238 i Kodit të Procedurës Penale, ndaj 9 punonjësve:

1. Kryekomisar S.R., 41 vjeç, i punësuar pranë D.V.P Shkodër, i dyshuar për veprën penale, “Shpërdorim i detyrës”, kryer në bashkëpunim;

2. R.P., 38 vjeç, me detyrë Jurist pranë Drejtorisë Vendore të Policisë Shkodër, i dyshuar për veprën penale, “Shpërdorim i detyrës”, “Shkelje e barazisë së pjesëmarrësve në tendera apo ankande publike” kryer në bashkëpunim;

3. R.K., 36 vjeç, me detyrë Specialist Finance pranë Drejtorisë Vendore të Policisë Shkodër, i dyshuar për veprën penale, “Shpërdorim i detyrës”, kryer në bashkëpunim;

4. M.I., 66 vjeç, me detyrë Inxhinier/Mekanik pranë sektorit të Autotransportit në Drejtorinë Vendore të Policisë Shkodër, i dyshuar për veprën penale, “Shpërdorim i detyrës”, kryer në bashkëpunim;

5. A.H., 38 vjeç, me detyrë Specialist në Sektorin e IT-së pranë Drejtorisë Vendore të Policisë Shkodër, i dyshuar për veprën penale, “Shpërdorim i detyrës”, “Shkelje e barazisë së pjesëmarrësve në tendera apo ankande publike” kryer në bashkëpunim;

6. L.U., 37 vjeç, me detyrë Shef i Sektorit Logjistik pranë Drejtorisë Vendore të Policisë Shkodër, i dyshuar për veprën penale, “Shpërdorim i detyrës”, “Shkelje e barazisë së pjesëmarrësve në tendera apo ankande publike” kryer në bashkëpunim;

7. N/Komisar XH.I., 54 vjeç, me detyrë Specialist në Sektorin e Rendit pranë Drejtorisë Vendore të Policisë Shkodër, i dyshuar për veprën penale, “Shpërdorim i detyrës” kryer në bashkëpunim;

8. B.M., 38 vjeç, aktualisht me detyrë Specialist pranë Drejtorisë Rajonale Tatimore Shkodër (ish punonjës i Drejtorisë Vendore të Policisë Shkodër në pozicionin e Specialistit të Prokurimeve), i dyshuar për veprën penale, “Shpërdorim i detyrës”, “Shkelje e barazisë së pjesëmarrësve në tendera apo ankande publike” kryer në bashkëpunim;

9. A.B., 27 vjeç, i dyshuar për veprën penale, “Shkelje e barazisë së pjesëmarrësve në tendera apo ankande publike” kryer në bashkëpunim.

Në kuadër të këtij procedimi penal, Gjykata e Shkallës së Parë pranë Rrethit Gjyqësor Shkodër ka vendosur të caktojë masën e sigurimit personal, “Arrest në shtëpi”, parashikuar nga neni 237 i Kodit të Procedurës Penale, ndaj 5 punonjësve:

10. K.T., 54 vjeç, me detyrë Specialist në Sektorin e Auditimit pranë Drejtorisë së Përgjithshme të Policisë së Shtetit, i dyshuar për veprën penale, “Shpërdorim i detyrës”, kryer në bashkëpunim;

11. P.P., 55 vjeç, me detyrë Specialist në Sektorin e Auditimit pranë Drejtorisë së Përgjithshme të Policisë së Shtetit, i dyshuar për veprën penale, “Shpërdorim i detyrës”, kryer në bashkëpunim;

12. P.P., 55 vjeç, me detyrë Specialist në Sektorin e Auditimit pranë Drejtorisë së Përgjithshme të Policisë së Shtetit, i dyshuar për veprën penale, “Shpërdorim i detyrës”, kryer në bashkëpunim;

13. V.XH., 60 vjeç, me detyrë Specialist pranë Sektorit të Financës në Drejtorinë Vendore të Policisë Shkodër, i dyshuar për veprën penale, “Vjedhje duke shpërdoruar detyrën”;

14. A.B, 34 vjeç, i dyshuar për veprën penale “Shkelje e barazisë së pjesëmarrësve në tendera apo ankande publike” kryer në bashkëpunim.

Nga veprimet hetimore rezulton se gjatë periudhës kohore 2020 deri në fund të vitit 2021, këta punonjës policie dhe punonjës të administratës civile pranë Drejtorisë Vendore të Policisë Shkodër kanë kryer veprime favorizuese dhe fiktive, me qëllim favorizimin e subjekteve të caktuara për përfitimin e tenderave me vlera të vogla që janë zhvilluar nga kjo Drejtori.

Gjatë hetimit ka rezultuar se punonjësit e Sektorit të Auditimit pranë Drejtorisë së Përgjithshme të Policisë së Shtetit, gjatë kryerjes së auditimit të procedurave të tenderimit për vitin 2020 dhe 2021 dyshohet se nuk kanë pasqyruar në mënyrë të qëllimshme shkeljet e kryera në lidhje me procedurat e prokurimeve kryer nga punonjësit përgjegjës të D.V.P Shkodër.

Po ashtu, gjatë hetimeve ka rezultuar se punonjësja V.XH., me detyrë Specialiste pranë Sektorit të Buxhet/Financës në D.V.P Shkodër dyshohet se ka kryer veprime në kundërshtim me ligjin duke përvetësuar shuma të ndryshme parash në periudha të ndryshme kohore, për vete dhe punonjës të tjerë të kësaj Drejtorie, me burim të ardhurat nga paga e punonjësve të policisë.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90./albeu.com

The post Abuzim me tenderat në Shkodër, nga ish-shefi i rendit tek efektivët e policisë, kush janë disa nga të arrestuarit appeared first on Albeu.com.

“Kërdi” me gjoba në Shkodër, sa shoferë janë “ndëshkuar” për parakalime të gabuara

E S — Thu, 12 May 2022 14:49:07 +0000

Policia Rrugore e Shkodrës, masa të shtuara për parandalimin e aksidenteve rrugore, evidentimin dhe ndëshkimin e drejtuesve të mjeteve që shkelin rregullat e qarkullimit rrugor apo drejtojnë mjetet në mënyrë të parregullt.

Gjatë një jave, si rezultat i shtimit të kontrolleve me radar dhe dragera, si dhe falë bashkëpunimit me qytetarët, të cilët kanë denoncuar në numrin 112 dhe në Komisariatin Dixhital, shkeljet e konstatuara, nga shërbimet e Policisë Rrugore janë arrestuar 3 shtetas dhe janë proceduar në gjendje të lirë 5 të tjerë, për veprën penale “Drejtimi i automjeteve në mënyrë të parregullt.”

Gjithashtu, nga shërbimet e Policisë Rrugore, gjatë javës që lamë pas, janë vendosur 730 masa administrative, për shkeljet si më poshtë:

• 172 masa administrative për parakalime të gabuara;

• 8 masa administrative për perdorim të xhamave të errësuar dhe të riveshur ;

• 9 masa administrative për përdorim të aparatit celular gjatë drejtimit të mjetit;

• 41 masa administrative për mospërdorim të rripit të sigurimit;

• 22 masa administrative për drejtim automjeti nën efektin e alkoolit;

• 49 masa administrative për mospërdorim të kaskave mbrojtëse;

• 115 masa administrative për pushim mjeti në kundërshtim me sinjalistikën rrugore;

• 314 masa administrative për shkelje të rregullave të tjera të Kodit Rrugor.

Policia Rrugore e Shkodrës falënderon drejtuesit e mjeteve dhe këmbësorët që respektojnë rregullat e qarkullimit rrugor dhe fton të gjithë qytetarët që të denoncojnë në 112 dhe në Komisariatin Dixhital, çdo rast të shkeljeve të rregullave të qarkullimit rrugor, duke u garantuar reagim të shpejtë dhe të paanshëm.

The post “Kërdi” me gjoba në Shkodër, sa shoferë janë “ndëshkuar” për parakalime të gabuara appeared first on Albeu.com.

EMRI/ U qëllua me breshëri automatiku, kush është 23-vjeçari i plagosur në Shkodër

admin — Mon, 09 Aug 2021 19:13:56 +0000

Policia e Shkodrës ka bërë me dije se në qendrën shëndetësore të Thethit është paraqitur i plagosur me armë zjarri shtetasi 23-vjeçar Paulin Harusha.

Sipas të dhënave paraprake policia deklaron se 23-vjeçari është plagosur në rrethana të paqarta duke udhëtuar me automjetin e tij nga Thethi në drejtim të fshatit Nderlysë.

Njoftimi i plotë i policisë:

Shkodër/Informacion paraprak

Në qendrën shëndetësore të Thethit është paraqitur për ndihmë mjekësore, jashtë rrezikut për jetën, shtetasi P. H., 23 vjeç, i cili në rrethana ende të paqarta, duke qarkulluar me mjetin e tij nga Thethi në drejtim të fshatit Nderlysë, dyshohet se është plagosur me armë zjarri.

Në vendngjarje kanë shkuar shërbimet e Policisë dhe grupi hetimor dhe nën drejtimin e Prokurorisë së Rrethit Gjyqësor Shkodër vijon puna për sqarimin e rrethanave të ngjarjes, identifikimin dhe kapjen e autorit. /albeu.com/

The post EMRI/ U qëllua me breshëri automatiku, kush është 23-vjeçari i plagosur në Shkodër appeared first on Albeu.com.

Kërcet arma në Shkodër, ka të plagosur

admin — Sat, 20 Mar 2021 19:05:48 +0000

Një ngjarje e rëndë ka ndodhur në Shkodër. Burimet raportojnë për një plagosje me armë zjarri në fshatin Bardhaj. Mësohet se nga ngjarja kanë mbetur të plagosur dy shtetas. Policia është nisur drejt vendngjarjes. /albeu.com/ [...]