Sipas njoftimit zyrtar, ndërhyrja u bë pas denoncimeve të mbërritura në Drejtorinë e Përgjithshme të Policisë së Shtetit për punime të paligjshme në lagjen nr. 1 të Sarandës.

Objekti përbëhej nga disa struktura, një pjesë e të cilave ishin ndërtuar edhe në ujë.

Policia arrestoi në flagrancë 8 persona që po punonin në objekt, ndërsa shpalli në kërkim një grua që dyshohet se posedonte hapësirën e plazhit dhe për llogari të së cilës po kryheshin ndërtimet.

Pas ndërhyrjes së policisë, strukturat pa leje u prishën nga IKMT, IMT dhe Policia Bashkiake.

Ndërkohë, pas hetimeve të zhvilluara në bashkëpunim me Agjencinë e Mbikëqyrjes Policore dhe Prokurorinë e Sarandës, u ndaluan katër punonjës policie, të dyshuar për shpërdorim detyre dhe mosveprim ndaj ndërtimit të paligjshëm.

Të ndaluarit janë:

Gëzim Bashllari
Andi Duro
Ajdin Ismailaj
Robert Çullaj

Sipas Policisë së Shtetit, ndaj tyre ka dyshime për veprat penale “Shpërdorim detyre”, “Kryerje veprimesh arbitrare” dhe “Mosmarrje masash për ndërprerjen e paligjshmërisë”.

Pas ndalimit, Drejtori i Përgjithshëm i Policisë së Shtetit, Skender Hita, urdhëroi pezullimin e menjëhershëm të tyre nga detyra dhe nisjen e procedurave për përjashtimin nga policia.

Po ashtu është pezulluar edhe Blerim Tafçiu, pasi nuk është paraqitur për t’u marrë në pyetje gjatë hetimeve.

Njoftimi i policisë:

Policia e Shtetit/Vijojnë denoncimet në Drejtorinë e Përgjithshme të Policisë së Shtetit, për paligjshmëritë e konstatuara në terren.

Pas informacionit të ardhur në Drejtorinë e Përgjithshme të Policisë së Shtetit për një ndërtim pa leje në një hapësirë plazhi, në lagjen nr. 1, Sarandë, ku në një objekt (i përbërë nga disa struktura, një pjesë e tyre në ujë) kryheshin punime ndërtimi të paligjshme, Drejtoria Vendore e Policisë Vlorë arrestoi në flagrancë 8 shtetas që punonin në këtë objekt, si dhe shpalli në kërkim një shtetase që posedonte hapësirën e plazhit, për llogari të së cilës dyshohet se kryheshin punimet pa leje.

Për këtë ndërtim, Policia e Shtetit njoftoi shërbimet e IKMT-së, IMT-së dhe Policisë Bashkiake, të cilat kryen prishjen e ndërtimeve.

Ndërkohë, Drejtoria e Përgjithshme e Policisë së Shtetit njoftoi Agjencinë e Mbikëqyrjes Policore dhe, në bashkëpunim me Prokurorinë e Juridiksionit të Përgjithshëm Sarandë, vijuan veprimet e thelluara për nxjerrjen e përgjegjësive për punonjësit e policisë, të cilët nuk kishin kryer detyrën për moslejimin e këtij ndërtimi.

Pas veprimeve të thelluara të kryera në bashkëpunim me AMP-në, u bë ndalimi i punonjësve të policisë:

Komisar Gëzim Bashllari, me detyrë Shef i Komisariatit të Policisë Sarandë;

Nënkomisar Andi Duro, specialist për hetimin e krimeve;

Nënkomisar Ajdin Ismailaj, specialist për rendin;

Inspektor Robert Çullaj, specialist zone.

Ndaj këtyre punonjësve rëndojnë dyshime të forta për konsumimin e veprave penale “Shpërdorim detyre”, “Kryerja e veprimeve arbitrare” dhe “Mosmarrja e masave për të ndërprerë gjendjen e paligjshme”, vepra këto të kryera në bashkëpunim, jo vetëm për këtë rast.

Pas ndalimit të këtyre punonjësve, Drejtori i Përgjithshëm i Policisë së Shtetit Drejtues Madhor Skender Hita ka pezulluar menjëherë nga detyra katër punonjësit e policisë dhe Drejtoria e Standardeve Profesionale në Policinë e Shtetit ka nisur procedurat për përjashtimin e tyre nga Policia e Shtetit, për shkeljet e konstatuara, të cilat kanë sjellë pasoja të rënda në drejtim të zbatimit të ligjit, mbrojtjes së territorit dhe dëmtimit të imazhit të Policisë së Shtetit.

Gjithashtu Drejtori i Përgjithshëm i Policisë së Shtetit ka pezulluar menjëherë nga detyra dhe Shefin e Seksionit për Hetimin e Krimeve në Volum në Komisariatin e Policisë Sarandë, Komisar Blerim Tafçiu, pasi nuk është paraqitur për tu marrë në pyetje gjatë veprimeve hetimore që po kryhen nga Agjencia e Mbikëqyrjes Policore

Policia e Shtetit falënderon, inkurajon dhe fton qytetarët që të denoncojnë çdo rast abuzimi me detyrën nga ana e punonjësve të policisë, si dhe çdo rast paligjshmërie që konstatojnë, duke u garantuar reagim të shpejtë dhe profesional.

Gjithashtu, Policia e Shtetit është e vendosur të largojë nga radhët e saj cilindo që shpërdoron detyrën, besimin e qytetarëve dhe ligjin.

The post Operacioni për ndërtimet pa leje në Sarandë, policia jep njoftimin: Arrestohen 8 persona dhe 4 efektivë policie appeared first on Albeu.com.

Mes të arrestuarve është dhe ish-drejtori, Andri Dhima.

Nuk ka ende të dhëna në lidhje me shkakun e arrestimit, pasi operacioni i koordinuar nga Prokuroria e Vlorës është duke u zhvilluar.

Pak javë më parë, policia e Sarandës, sërish me urdhër të Prokurorisë së Vlorë, arrestoi shefen e IMT-së, Romina Pulaj me akuzën e shpërdorimit të detyrës pasi sipas prokurorëve kishte lejuar ndërtimin e një pallati pa leje në qytet.

The post Arestohen 4 zyrtarë dhe ish-zyrtarë të Kadastrës në Sarandë, mes tyre dhe ish-drejtori appeared first on Albeu.com.

Gjatë arratisjes, personi i shpallur në kërkim ka hedhur armën e zjarrit që kishte me vete, në det.

Identiteti i tij ende nuk bëhet me dije ndërsa priten njoftimi i policisë Vlorë për më shumë detaje./albeu.com

The post Shpallet në kërkim një person në Sarandë, gjatë arratisjes hedh pistoletën në det appeared first on Albeu.com.

Persona të paidentifikuar ende, të maskuar dhe me armë zjarri ka hyrë në banesën e Thoma Kaçit në orën 08:10 të mëngjeist të sotëm duke I marrë me dhunë 20 milion lekë dhe dy çelësa makinash.

Dyshohet se grabitësit kanë qënë dy, ndërkohë mësohet se ata kanë dhunuar dhe lidhur familjarët e noteërit për të kryer më pas edhe grabitjen.

NJOFTIMI I POLICISË:

Sarandë/Informacion paraprak

Më datë 20.10.2021, rreth orës 08:10, në sallën operative Sarandë, ka telefonuar shtetasi T. K., banues në lagjen nr.4, Sarandë, për të njoftuar se dy persona ende të paidentifikuar, i kishin hyrë me dhunë në banesë dhe i kishin vjedhur një shumë parash dhe dy çelësa automjetesh.

Shtetasi T. K. nuk ka pësuar dëmtime dhe ndodhet në gjendje të mirë shëndetësore.

Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj, me qëllim kapjen e autorëve.

Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorëve. /albeu.com/

The post 20 milion lekë e dy çelësa makinash! Kush është noteri që u grabit në pikë të mëngjesit nga maskat (FOTO LAJM) appeared first on Albeu.com.

“Specialistët për Hetimin e Krimit në Komisariatin e Policisë Sarandë, arrestuan në flagrancë për veprën penale “Dhuna në familje” shtetasin K. C., 42 vjeç, banues në Vlorë, pasi ka ushtruar dhunë fizike ndaj bashkëshortes së tij”, thuhet në njoftimin e policisë.

Materialet iu referuan prokurorisë, për veprime të mëtejshme./albeu.com

The post Dhuonte bashkëshorten, arrestohet 42-vjeçari në Sarandë appeared first on Albeu.com.

Kjo ndodhi pasi policia shoqëroi djalin në Komisariat, pas një kontrolli në biznesin e tyre ku u gjobitën gjithashtu me 1 milion lekë të reja.

Policia bëri me dije se në biznesin, lokal, të shtetasit K.S., është ushtruar kontroll pasi nuk ka respektuar orarin e mbylljes duke i gjobitur dhe shoqëruar në komisariat djalin e viktimës.

Mësohet se dëshmitarët okularë kanë njoftuar babain e të riut, i cili sapo është lajmëruar ka tentuar të shkojë drejt Komisariatit të Sarandës. Burimet për albeu.com bëjnë me dije se biznesmeni është ndier keq dhe ka përfunduar në spital ku ka ndërruar jetë si pasojë e një infarkti. /albeu.com/

The post Policia i mori djalin në Komisariat, biznesmeni pëson infarkt e vdes në spital appeared first on Albeu.com.