55-vjeçari Gjergji Mullalli vrau me armë zjarri dhe hodhi në gropën e ujërave të zeza bashkëshorten e tij, 46-vjeçaren Luiza Mullalli.

Pas ngjarjes, autori u arratis dhe sot policia njoftoi se Mullalli ishte vevëvrarë, pasi ishte ballafaquar me efektivët.

Policia ka publikuar pamjet nga aksioni policor për kapjen e Mullallit, por eksperti i kriminalistikës Ervin Karamuco ka vënë re një detaj shumë të rëndësishëm tek efektivët e policisë.

Edhe pse duke e ditur se autori ishte i armatosur, ata janë nxjerrë në aksion pa jelekë anti-plumb, duke u rrezikuar jeta.

“Kush epror policie ka zhvilluar operacionin për kapjen e një krimineli të armatosur në Zemblak/ Maliq?

Kush është ai mburret për aksion me rrezikshmëri të lartë, ndërkohë që pamjet e dronit të policisë nxjerrin zbuluar një skandal që kushton jetë policësh?

Si mund të dërgosh në operacion policë pa antiplumb, kur personi që kërkojnë ju përgjig me armë dhe ju rrezikoi jetën?

Urime heronjve blu, por video e publikuar nga policia më mërziti shumë. Mu kujtua dëshmori fundit Saimir Hoxha.

Ai do kishte shpëtuar nëse do kishte veshur antiplumb.”, shkruan ai.

The post Krimi në Maliq, eksperti “shuplakë” propagandës: Kush ishte ai shef që rrezikoi jetën e efektivëve përballë një krimineli të armatosur appeared first on Albeu.com.