Në dy fazat e para të këtij operacioni janë gjetur 672 fidanë dhe bimë narkotike cannabis sativa, si dhe janë shpallur në kërkim 2 shtetas.

Shërbimet e Komisariatit të Policisë Librazhd, në bashkëpunim me shërbimet e Forcës Operacionale të DVP Elbasan, të pajisura me dronë, kanë intensifikuar kontrollet, me qëllim parandalimin, konstatimin dhe goditjen e rasteve të kultivimit të bimëve narkotike.

Si rezultat, u finalizua faza e 3-të e operacionit policor antikanabis të koduar “Çereshta”, si rezultat i së cilës, në një zonë të shpyllëzuar, në territorin e fshatit Rinas, njësia administrative Orenjë, janë gjetur dhe asgjësuar nëpërmjet djegies 491 bimë të dyshuara narkotike cannabis sativa.

Me bimët e sekuestruara në këtë fazë shkon në 1 163 numri total i bimëve dhe i fidanëve narkotikë cannabis sativa të gjetura dhe të sekuestruara gjatë këtij operacioni.

Vijon puna për identifikimin dhe kapjen e autorit/ve të kultivimit të bimëve narkotike të gjetura gjatë fazës së tretë, si dhe për kapjen e 2 shtetasve të shpallur në kërkim më parë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

The post Asgjësohen 491 bimë kanabis në Librazhd, asnjë gjurmë nga autorët appeared first on Albeu.com.

Policia bën me dije se persona të paidentifikuar kanë siguruar çelësin e banesës së të zotëve dhe kanë hyrë brenda duke vjedhur 150 mijë lekë të rinj si dhe celularë.

Pas vjedhjes, ata janë larguar, ndërsa policia ka nisur punën për zbardhjen e ngjarjes, identifikimin dhe kapjen e autorëve.

Njoftimi i policisë:

Gjatë natës, në fshatin Goriçan, Dimal, dyshohet se shtetas ende të paidentifikuar, të cilët kishin siguruar çelësin e derës së banesës së shtetasit P. Xh., 64 vjeç, kanë hyrë në këtë banesë, duke hapur derën me çelës, dhe kanë marrë rreth 150 000 lekë të rinj, telefonat e të zotëve të banesës dhe janë larguar.

Menjëherë pas njoftimit për këtë rast, shërbimet e Policisë kanë shkuar në vendin e ngjarjes. Grupi hetimor, nën drejtimin e Prokurorisë, po punon intensivisht për zbardhjen dhe dokumentimin e plotë të rrethanave të ngjarjes dhe identifikimin e autorëve. Vijojnë kontrollet në terren dhe në ambiente të ndryshme, me qëllim kapjen e autorëve dhe vënien e tyre përpara përgjegjësisë penale./albeu.com

The post I marrin çelësin e banesës të zotit dhe i vjedhin paratë, policia në kërkim të grabitësve në Dimal appeared first on Albeu.com.

Viktima mbeti i vrarë mbrëmë pasi u qëllua aksidentalisht nga bashkatdhetarët e tij, të cilët po debatonin jashtë një lokali të Nea Ionias.

Sipas policisë viktima nuk kishte asnjë lidhje me grupin prej 7 shqiptarësh që u konfliktuan në lokal, e më pas dolën jashtë për tu sqaruar me armë.

Pasi qëlluan shqiptarin, grupi prej 7 personash u larguan në drejtimtë panjohur. Policia greke po punon për kapjen e tyre.

Si ndodhi ngjarja

Gjithçka nisi rreth orës 23:40 kur një grup shqiptarësh, 7 persona, hynë në lokalin me shisha. Ata nisën të debatonin direkt pa u ulur.

Më pas ata dolën nga lokali duke bërtitur dhe duke vazhduar zënkën e tyre. Nuk dihet ende arsyeja e sherrit mes 7 shqiptarëve.

Kur sherri u ndez edhe me shumë, njëri prej tyre ka nxjerrë një pistoletë dhe ka nisur të qëllojë. Një nga plumbat kapi shqiptarin që s’kishte asnjë lidhje me grupin që po debatonte.

Ai u plagos rëndë, e për rrjedhojë ndërroi jetë në spital. Pas të shtënave shqiptarët janë zhdukur në drejtim të panjohur, ndërsa çështjen e ka marrë në hetim Departamenti i Vrasjeve të Sigurimit. Autoritetet po punojnë për identifikimin dhe kapjen e grupit.

Në vendngjarje është gjetur një makinë tip xhip, e cila po kontrollohet imtësisht nga policia, për të gjetur gjurmë të autorëve.

Pamjet nga kamerat e sigurisë do të ndihmojnë policinë të kuptojë se si grupi arriti në lokal dhe rrugën që ata ndodqën për tu arratisur. Ndërkohë, një banor i zonës thotë se dëgjoi 7 të shtëna./albeu.com/

The post Sherri mes shqiptarëve përfundoi në tragjedi në Greqi, si u vra bashkëatdhetari, policia në kërkim të autorëve appeared first on Albeu.com.

Pak orë nga atentati mafioz në Vlorë, ku mbetën të vrarë dy persona, Shpati Lena dhe Hakim Xhezo, policia ka shoqëruar deri më tani 8 persona.

Ajo çfarë dyshohet deri më tani është një vrasje me pagesë.

Autorët e atentatit kanë qenë tre, ndërsa dy kanë gjuajtur me breshëri kallashnikovi në drejtim të viktimave dhe një tjetër ka drejtuar automjetin.

Pak minuta pas atentatit makina tip “BMË” me targa italiane e vjedhur në Durrës është gjetur e djegur në fshatin Frakull, ku u gjetën po ashtu edhe 3 armë zjarri automatikë.

Policia ka ngritur disa pika kontrolli dhe po kreh zonën për identifikimin dhe kapjen e autorëve./albeu.com

The post Atentati ku u ekzekutuan dy persona në Vlorë, policia shoqëron 8 persona, çfarë dyshohet appeared first on Albeu.com.