DËSHMIA/ Si 48-vjeçari mashtroi dhe mori peng për 4 orë punonjësen e Bashkisë Klos: Më tha do të çoj në shtëpi

admin — Thu, 08 Jul 2021 13:50:43 +0000

“Hajde me mua, të çoj unë në shtëpi. Sapo bëri nja 100 metra ndërroi rrugë dhe u nis në drejtim të Bulqizës. I thashë ta ndalte makinën dhe të zbrisja, por ai nuk pranoi…”

Janë zbardhur detaje të reja nga pengmarrja në Klos ku një 33-vjeçare është rrëmbyer dhe mbajtur peng për disa orë.

Davide Merzira ka mashtruar punonjësen e Bashkisë Klos, L. M, 33-vjeçe, banore e fshatit Bejn, duke i premtuar se do ta dërgonte në fshat.

Mirëpo, pa kaluar disa metra, Merzira ka ndërruar rrugë dhe ka udhëtuar drejt fshatit Klos Katund. Pas afro 4 orësh, punonjësja e Bashkisë ka mundur të njoftojë familjen se ishte rrëmbyer, duke treguar edhe vendndodhjen.

Babai i Matës ka mbërritur në Polici dhe ka kërkuar ndihmë për gjetjen e vajzës. Efektivët e Policisë kanë mbërritur në Klos Katund dhe kanë gjetur 33-vjeçaren në makinën e D. Merzirës.

“Rreth orës 16.00 isha pranë xhamisë së Klosit, në anë të rrugës. Erdhi D. Merzira, ndaloi te këmbët e mija dhe më tha: Hajde me mua, të çoj unë në shtëpi. Sapo bëri nja 100 metra ndërroi rrugë dhe u nis në drejtim të Bulqizës. I thashë ta ndalte makinën dhe të zbrisja, por ai nuk pranoi. Pas afro 4 orësh arrita t’i dërgoj një mesazh babait”, i tha Policisë e reja e rrëmbyer.

The post DËSHMIA/ Si 48-vjeçari mashtroi dhe mori peng për 4 orë punonjësen e Bashkisë Klos: Më tha do të çoj në shtëpi appeared first on Albeu.com.

EMRAT/ 800 rrënjë kanabis, vihen në pranga 6 persona të kërkuar prej 1 viti

admin — Sat, 10 Apr 2021 09:49:55 +0000

Policia e shtetit ka vënë në pranga 6 persona. Të arrestuarit në Mat janë vënë në pranga për një ngjarje të vitit 2020 ku u gjetën të kultivuara 800 rrënjë kanabisi.

Në pranga kanë rënë Elmir Lala, Drilon Milloshi, Aurel Plepi dhe Tahir, Florenc dhe Agron Xhokola.

Njoftimi i policise:

Mat

Vijon operacioni policor i koduar “Gjoçaj”.

Shkon në 8 numri i personave të ndaluar nga Policia për kultivim të bimëve narkotike.

Vihen në pranga 6 persona të shpallur në kërkim në kuadër të operacionit.

Më herët janë vënë në pranga dhe dy persona të tjerë.

Shërbimet e Komisariatit të Policisë Mat, në vijim të punës për parandalimin, evidentimin dhe goditjen e paligjshmërisë, parandalimin e konflikteve dhe kapjen e personave të shpallur në kërkim, kanë intensifikuar kontrollet, ku si rezultat i operacionit të koduar “Gjoçaj”, u bë kapja dhe ndalimi i shtetasve :

T. Xh., 60 vjeç; F. Xh., 24 vjeç; A. Xh., 50 vjeç; E. L., 39 vjeç; D. M., 23 vjeç; të gjithë banues në Mat, dhe A. P., 25 vjeç, baues në Krujë.

Shtetasit e lartëpërmendur në bashkëpunim me dy persona të arrestuar më parë nga policia, dyshohet se janë autorët të tentativës për kultivim të bimëve narkotike në vitin 2020 në një zonë të Matit.

Në ngarkim të shtetasve të lartëpërmendur Gjykata e Rrethit Gjyqësor Mat ka vendosur masën e sigurisë ‘Arrest me burg’, për kryerjen e veprës penale “Kultivim i bimëve narkotike”.

Materialet procedurale i kaluan Prokurorisë Mat për veprime të mëtejshme.

The post EMRAT/ 800 rrënjë kanabis, vihen në pranga 6 persona të kërkuar prej 1 viti appeared first on Albeu.com.

policia mat Archives - Albeu.com

DËSHMIA/ Si 48-vjeçari mashtroi dhe mori peng për 4 orë punonjësen e Bashkisë Klos: Më tha do të çoj në shtëpi

EMRAT/ 800 rrënjë kanabis, vihen në pranga 6 persona të kërkuar prej 1 viti