Nga hetimet rezulton se 31-vjeçari e ka mbajtur të miturin 13-vjeçar në banesën e tij, në rrugën “Bardhyl”, nga ora 21:00 e 23 korrikut deri në orën 00:45 të 24 korrikut.

Rasti u denoncua në polici nga familjarët. Gjatë dëshmisë së dhënë në praninë e prindit dhe psikologut, 13-vjeçari deklaroi se ishte ngacmuar seksualisht dhe se Alla e kishte prekur në organet gjenitale.

Uniformat blu e arrestuan Allën më 2 gusht, ndërsa grupi hetimor po vijon punën për sqarimin e plotë të rrethanave të ngjarjes.

The post Tiranë, arrestohet 31-vjeçari që dyshohet se ngacmoi seksualisht dhe mbajti në banesë një 13-vjeçar appeared first on Albeu.com.

Kontrollet janë ushtruar në tre ambiente të ndryshme në kryeqytet, në rrugën “Aleks Çaçi”, në Bathore dhe në rrugën “Irfan Tomini”, ku uniformat blu kanë konstatuar hapësira që dyshohet se përdoreshin për lojëra fati dhe baste të paligjshme.

Gjatë këtij veprimi janë sekuestruar tre makineta elektronike, një tavolinë pokeri, çipsa, letra bixhozi dhe pesë celularë, të cilët dyshohet se shërbenin për këtë veprimtari.

Sipas policisë, specialistët për Hetimin e Krimeve në Komisariatin e Policisë Nr. 1 arrestuan në flagrancë shtetasin G. Zh., 22 vjeç, ndërsa në kërkim u shpallën M. Zh., 50-vjeç dhe A. Zh., 25-vjeç. Ata dyshohet se kishin organizuar lojëra fati në një ambient të marrë me qira në rrugën “Aleks Çaçi”, ku u gjetën dy makineta, një tavolinë pokeri, çipsa dhe letra bixhozi.

Në një tjetër rast, specialistët për Hetimin e Krimeve në Komisariatin e Policisë Nr. 5 arrestuan shtetasin G. S. (J.), 39-vjeç, pasi në lokalin që administronte në Bathore u gjetën një makinetë dhe një celular, të dyshuara si mjete të përdorura për lojëra fati.

Po ashtu, specialistët e Seksionit për Hetimin e Krimeve Kibernetike referuan materialet në Prokurori për katër shtetas, S. G., 21-vjeç, O. C., 19-vjeç, R. H., 27-vjeç dhe F. D., 67-vjeç, pasi gjatë kontrollit në një lokal në rrugën “Irfan Tomini” iu zbuluan celularë që dyshohet se përdoreshin për organizimin e basteve sportive.

Materialet procedurale i janë përcjellë Prokurorisë së Tiranës për veprime të mëtejshme.

The post Tre ambiente të dyshuara për lojëra fati të paligjshme zbulohen në Tiranë, dy të arrestuar dhe katër nën hetim appeared first on Albeu.com.

Institucioni bën të ditur se nga ora 07:00 deri në orën 24:00 do të ndalohet lëvizja në aksin dytësor të autostradës “Durrës–Tiranë”, nga “Eiffeli” deri te “Casa Italia”. Në të njëjtin interval, do të mbyllet edhe korsia e daljes së autostradës “Durrës–Tiranë” në rrethrrotullimin e “Casa Italia-s”.

Po ashtu, nga ora 12:00 deri në orën 24:00 nuk do të lejohet qarkullimi në segmentin “Casa Italia” – rruga “Pavarësia” – rruga “Sokrat Miho”. Në të njëjtën fashë orare, do të kufizohet edhe segmenti “Rruga “Sokrat Miho” – rruga “Kasem Shima” rruga “7 Nëntori””, i cili do të funksionojë vetëm me sens daljeje.

Drejtoria Vendore e Policisë Tiranë thekson se, në kuadër të aktivitetit muzikor “YE” që do të zhvillohet më datë 11.07.2026 në Kashar, do të aplikohen kufizime të përkohshme të qarkullimit të mjeteve, të renditura si më poshtë:

Nga ora 07:00 deri në orën 24:00, do të ndalohet qarkullimi në aksin dytësor të autostradës “Durrës–Tiranë”, nga “Eiffeli” deri te “Casa Italia”. Ky segment do të lejohet të përdoret vetëm me sens daljeje, për subjektet;

Nga ora 07:00 deri në orën 24:00, do të ndalohet qarkullimi në korsinë e daljes së autostradës “Durrës–Tiranë”, në rrethrrotullimin e “Casa Italia-s”;

Nga ora 12:00 deri në orën 24:00, do të ndalohet qarkullimi në segmentin “Casa Italia” – rruga “Pavarësia” – rruga “Sokrat Miho”;

Nga ora 12:00 deri në orën 24:00, do të ndalohet qarkullimi në segmentin “Rruga “Sokrat Miho” – rruga “Kasem Shima” rruga “7 Nëntori””, i cili do të funksionojë vetëm me sens daljeje.

Autoritetet paralajmërojnë gjithashtu se nga ura e Institutit deri te “Casa Italia” mund të ketë edhe ndërprerje të pjesshme të lëvizjes së automjeteve, në varësi të numrit të pjesëmarrësve, për të lehtësuar trafikun dhe për të garantuar zhvillimin normal të aktivitetit.

Gjatë këtyre orareve, hyrje në zonat e kufizuara do të kenë vetëm mjetet e Emergjencës dhe automjetet e Policisë së Shtetit.

Policia e Tiranës u kërkon qytetarëve mirëkuptim dhe u bën thirrje drejtuesve të mjeteve të organizojnë paraprakisht lëvizjen, duke përdorur rrugë alternative dhe duke respektuar udhëzimet e punonjësve të policisë, thuhet në njoftim.

The post Koncerti i Kanye West në Kashar, Policia e Tiranës publikon planin e kufizimeve. Ja rrugët ku do të ndalohet qarkullimi appeared first on Albeu.com.

Sipas policisë, këta persona akuzohen për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe “Pengimi i qarkullimit të mjeteve të transportit”.

Në njoftimin zyrtar thuhet se, në kuadër të veprimeve procedurale të ndërmarra për tubimin e zhvilluar në kryeqytet, strukturat e Policisë së Tiranës proceduan shtetasit: Sh. B., B. K., A. J., V. D., A. K., L. K., R. S., I. Rr., S. E., M. Y., J. S., E. L., I. Gj., F. H., I. M., K. P., R. Sh., E. Q., B. S., A. N., A. D., F. H., Xh. P., G. P., Sh. G., I. Xh., D. D., A. K., A. R., R. D. dhe A. K.

Autoritetet sqaruan se materialet procedurale i janë referuar Prokurorisë për veprime të mëtejshme.

Ndërkohë, pjesëmarrësit në këtë protestë që vijon prej 30 ditësh rresht kanë njoftuar se do ta vazhdojnë edhe në ditët e ardhshme.

The post Dita e 30-të e protestës në Tiranë, procedohen penalisht 31 pjesëmarrës appeared first on Albeu.com.

Gjatë kontrollit në dyqanin në rrugën “Demokracia”, u gjetën dhe sekuestruan veshje të ndryshme me logo markash të njohura, me një vlerë të përafërt rreth 40 mijë euro.

Sipas policisë, mallrat nuk shoqëroheshin me fatura që provonin origjinën e tyre.

Njoftimi:

“Specialistët e Seksionit për Hetimin e Krimeve Ekonomiko-Financiare, në vijim të kontrolleve dhe verifikimeve, me qëllim konstatimin e subjekteve që zhvillojnë aktivitetin e tyre, në informalitet, duke shmangur detyrimet tatimore, finalizuan operacionin e koduar “Etiketa 1”, gjatë të cilit u zbulua në këtë paligjshmëri, një dyqan në rrugën “Demokracia”, Babrru.

Në kuadër të operacionit u arrestua administratorja e dyqanit, shtetasja E. N., 38-vjeçe, banuese në Babrru.

Gjatë kontrolleve në këtë subjekt, u gjetën veshje të ndryshme me logo të markave ndërkombëtare, të dyshuara false, me vlerë rreth 40 000 euro, pa fatura mbi origjinën e tyre”, njoftoi sot policia.

The post Shiste veshje kontrabandë me logo false, arrestohet 38-vjeçarja në Babrru, sekuestrohet 40 mijë euro mall appeared first on Albeu.com.

Sipas policisë bazuar në analizën e riskut dhe duke marrë parasysh faktin që në protestën e kaluar ka patur shtetas të maskuar të cilët kanë hedhur bomba molotov dhe lëndë piroteknike duke dëmtuar punonjës policie, si dhe nga informacionet e marra se mund të ketë veprime të dhunshme në protestën e sotme, i ka kthyer përgjigje subjektit politik, se nuk e merr përsipër zhvillimin e tubimit.

Megjithatë, sipas policisë, janë marrë masat për bllokimin e disa akseve rrugore. Nga ora 15:0, deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

“Tiranë/Përfaqësues të subjektit politik Partia Demokratike e Shqipërisë kanë njoftuar Policinë e Tiranës, për zhvillimin e një tubimi, më datë 20.02.2026, në orën 18:00, para Kryeministrisë.

Bazuar në analizën e riskut dhe duke marrë parasysh faktin që në protestën e kaluar ka patur shtetas të maskuar të cilët kanë hedhur bomba molotov dhe lëndë piroteknike duke dëmtuar punonjës policie, si dhe nga informacionet e marra se mund të ketë veprime të dhunshme në protestën e sotme, Policia e Tiranës i ka kthyer përgjigje subjektit politik, se nuk e merr përsipër zhvillimin e tubimit.

Pavarësisht kësaj, Policia e Tiranës ka ndërmarrë të gjitha masat, në bazë të ligjit “Për tubimet”, me qëllim garantimin e rendit dhe sigurisë, në rast se do të zhvillohet tubimi.

Në zbatim të këtyre masave, ditën e sotme, do të kufizohet lëvizja në disa akse/segmente rrugore, konkretisht:

-Nga ora 15:00 e datës 20.02.2026, deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për ta devijuar qarkullimin e automjeteve në rrugë alternative.

Policia e Tiranës apelon për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative si dhe të distancohen e të denoncojnë në rast se ndeshen me veprime të dhunshme apo me çdo paligjshmëri tjetër“-njofton policia.

The post Opozita ka thirrur protestë sot në orën 18:00 para Kryeministrisë/ Policia e Tiranës: Nuk marrim përsipër zhvillimin e tubimit, mund të ketë veprime të dhunshme appeared first on Albeu.com.

Kujtojmë se Elvis Shkambi vrau me 3 plumba gjyqtarin pas përfundimit të seancës gjyqësore për një pronë në Shkodër, në sallën e gjyqit të Gjykatës së Apelit.

Mësohet se pasi gjyqtari Kalaja dha vendimin kundër Elvis Shkambit dhe xhaxhait të tij Gjon Shkambi, i cili ishte i pranishëm në seancë, Elvisi nxori armën dhe qëlloi me 3 plumba në gjoks ndaj gjyqtarit dhe plagosi gjithashtu babë e bir Rakip dhe Ervis Kurtaj, pala tjetër në proces me të cilët Shkambi ishte në gjyq.

Babë e bir ndodhen në spitalin e Traumës, jashtë rrezikut për jetën. Ata kanë qenë palë në proces me familjen e Gjon Shkambit, e cila pretendonte pronësinë e ish-shkollës së rezervave në Shkodër dhe kërkonte lirimin e ambienteve nga 31 familje.

Babë dhe bir rezultojnë se e kanë fituar gjyqin kundër Përmbarimit në Shkodër në shkallën e parë, duke bllokuar lirimin e banesave në favor të Shkambit.

The post Vr*sja në sallën e gjyqit e gjyqtarit Astrit Kalaja, dërgohen në Drejtorinë e Policisë Tiranë Elvis Shkambi dhe xhaxhai i tij appeared first on Albeu.com.

Dy të rinjtë, dyshohet se kanë vjedhur automjetin më 25 prill 2025. Automjeti është sekuestruar si provë materiale, ndërkohë që po vijon puna për kapjen e shtetasit të shpallur në kërkim.

Njoftimi i policisë:

Specialistët për Hetimin e Krimeve të Komisariatit të Policisë Nr. 6, në bazë të kallëzimit të marrë nga një 28-vjeçare, të cilës i ishte vjedhur automjeti në garazhin e pallatit ku banon, kanë organizuar punën për vënien përpara përgjegjësisë penale të autorëve.

Si rezultat i veprimeve intensive hetimore të kryera në kuadër të operacionit “Micro”, u arrestua në flagrancë shtetasi M. Sh., 20 vjeç, si dhe u shpall në kërkim shtetasi E. H(B)., 20-vjeç, të dy banues në Tiranë.

Këta shtetas, dyshohet se në bashkëpunim me njëri-tjetrin, më datë 25.04.2025, kanë vjedhur një automjet tip “Nissan Micra”, në një garazh në rrugën “Kol Koçi”, në Yzberisht.

Në cilësinë e provës materiale u sekuestrua automjeti, i cili u gjet pranë banesës së 20-vjeçarit(të arrestuar). Vijon puna për lokalizimin dhe kapjen e 20-vjeçarit, të shpallur në kërkim.

Materialet procedurale iu referuan Prokurorisë, për veprime të mëtejshme.

The post Vodhën makinën e 28-vjeçares në garazh/ Arrestohet një person, tjetri shpallet në kërkim appeared first on Albeu.com.

F. N., 53-vjeç, banues në Tiranë, për veprat penale “Shkatërrimi i pronës me zjarr” dhe “Goditjet për shkak të detyrës”, parashikuar nga nenet 151 dhe 237 të Kodit Penal;

G. B., 38-vjeç, banues në Tiranë, për veprën penale “Goditjet për shkak të detyrës”, parashikuar nga neni 237 të Kodit Penal;

B. N., 39-vjeç, banues në Tiranë, për veprën penale “Shkatërrimi i pronës me zjarr” parashikuar nga nenet 151 i Kodit Penal;

Dh.Ç.(T)., 51-vjeçe,
F. H., 56-vjeç,
Xh.M., 57-vjeç,
L.G., 52 vjeç,
A.Gj., 50-vjec
I.Zh., 37-vjeçe,
L.M., 47-vjeçe,
D.S., 59-vjeç,
L.B., 61-vjeç,
L.H., 57-vjeç,
A.D., 57-vjeç,
E.B., 51-vjeç,
E.Xh., 39-vjeçe,
S.K., 40-vjeçe,
S.K., 43-vjeç,
E.S., 66-vjeç,
K.M., 62-vjeç,
V.D., 56-vjeç,
M.K., 50-vjeçe;
I.Ç., 60-vjeç, të gjithë banues në Tiranë, për veprën penale “Shkatërrimi i pronës”, parashikuar nga neni 150 i Kodit Penal.

Ditën e djeshme, gjatë zhvillimit së seancës plenare, në Kuvendin e Republikës së Shqipërisë, këta shtetas (deputetë në Kuvendin e Republikës së Shqipërisë) kanë kryer veprime të dhunshme duke dëmtuar foltoren e Kuvendit, kanë thyer një karrike dhe kanë hedhur në drejtim të Kryetares së Kuvendit dhe anëtarëve të kabinetit qeveritar, sende të forta (pjesë të karriges së thyer). Gjithashtu kanë djegur disa karrige, në ambientet e jashtme të Kuvendit të Republikës së Shqipërisë.

Materialet i kaluan Prokurorisë.

The post Policia e Tiranës çon në SPAK 23 deputetë të Partisë Demokratike appeared first on Albeu.com.

Përmes një komunikimi për mediat, Policia e Shtetit thekson se nga ana e tyre janë kryer të gjitha veprimet e nevojshme procedurale, janë sekuestruar pamjet filmike, të cilat i janë përcjellë Prokurorisë pranë Gjykatës së Shkallës së Parë të Juridiksionit të Përgjithshëm Tiranë.

Deklarata:

“Në lidhje me një reagim të bërë nga Oborri Mbretëror, ditën e sotme, ju informojmë se: Nga ana jonë në lidhje me rastin janë kryer të gjitha veprimet e nevojshme procedurale, janë sekuestruar pamjet filmike, të cilat i janë përcjellë Prokurorisë pranë Gjykatës së Shkallës së Parë të Juridiksionit të Përgjithshëm Tiranë. Po kështu deklarojmë që kjo video nuk ka dalë nga strukturat e Policisë.”

Çfarë tha Oborri Mbretëror

“Përshëndetje, siç edhe jeni informuar, Princ Leka pasditen e 5 marsit ështe sulmuar fizikisht me sende të forta nga ish-bashkëshortja dhe ish-vjehrri i tij dhe videot e këtij momenti janë bërë publike në rrjetet sociale. Videot janë dorëzuar vetëm në komisariatin e policisë nga Princ Leka ll Zogu, si provë materiale për dhunën e ushtruar ndaj tij, por pavarësisht se janë kosideruar si një sekret, këto materiale, së bashku me deklaratën, qarkulluan gjerësisht në rrjetet sociale dhe në medie duke përcjellë imazhe të pakëndshme dhe me përmbajtje dhune. Oborri Mbretëror shpreh thellësisht zhgënjimin nga institucionet ligjzbatuese te të cilat dyshojmë se kanë cenuar të drejtën e anonimitetit, duke shpërndarë videot te të tretë. Gjithashtu Oborri Mbretëror kërkon ndërhyrjen e policisë dhe institucioneve përkatëse për fshirjen e këtyre imazheve nga rrjetet sociale dhe nga mediet.”

The post Kush e nxori videon e sherrit mes Princit dhe Elias? Policia mohon akuzat e Oborrit Mbretëror appeared first on Albeu.com.