Policia bën me dije se rreth orës 18:00, shtetasi Gj. Gj., që udhëtonte me një “Audi”, ka qëlluar në drejtim të një tjetër automjeti të së njëjtës markë, i cili ishte në lëvizje dhe drejtohej nga M. J., 30 vjeç, banues në Rubik.

Kontrollet dhe verifikimet e para të kryera nga autoritetet konfirmuan se plumbat nuk kanë shkaktuar dëmtime në njerëz.

Autori i dyshuar është identifikuar dhe vijon të jetë në kërkim nga shërbimet e Policisë. Ndërkohë, grupi hetimor po punon në vendin e ngjarjes, nën drejtimin e Prokurorisë, për të sqaruar rrethanat dhe për të dokumentuar ligjërisht rastin.

The post Lezhë, qëllon me armë ndaj automjetit në lëvizje, policia shpall në kërkim autorin e dyshuar appeared first on Albeu.com.

I dëmtuari mori ndihmën e parë në spitalin rajonal të Lezhës, ndërsa më pas u dërgua në Spitalin e Traumës për mjekim më të specializuar. Policia ka publikuar edhe pamje nga momenti i transportimit të 71-vjeçarit nga zona malore.

“Lezhë. Shërbimet e Policisë dhe ekipi i urgjencës mjekësore i Spitalit Rajonal të Lezhës i shkuan në ndihmë një të moshuari të dëmtuar në zonë malore.

Pas marrjes së njoftimit se një i moshuar ishte dëmtuar në një zonë malore, mbi Kalanë e Lezhës, shërbimet e Policisë së Lezhës, në bashkëpunim me ekipin e urgjencës mjekësore të Spitalit Rajonal të Lezhës, kanë reaguar menjëherë.

Shtetasi, i cili ishte duke ruajtur bagëtitë në mal, dyshohet se ishte rrëzuar dhe kishte pësuar dëmtime, duke e pasur të pamundur lëvizjen.

Me mbërritjen në vendngjarje, shërbimet e Policisë dhe ekipi i urgjencës mjekësore i Spitalit Rajonal të Lezhës bënë të mundur transportimin e tij në Spitalin Rajonal të Lezhës, për të marrë ndihmën e parë mjekësore.

Më pas, për shkak të gjendjes së tij shëndetësore dhe nevojës për trajtim më të specializuar, 71-vjeçari u transportua në Spitalin e Traumës, në Tiranë. Policia e Lezhës mbetet e angazhuar maksimalisht në shërbim të qytetarëve dhe i fton ata që, për çdo problematikë apo situatë emergjente, të telefonojnë në numrin pa pagesë 112′, njofton policia.

The post U rrëzua teksa ruante bagëtitë në mal, policia e Lezhës i shkon në ndihmë të moshuarit; dërgohet në Traumë appeared first on Albeu.com.

Sipas policisë, të arrestuarit janë Alfons Halili, 25 vjeç, dhe Seldi Tafa, 19 vjeç, të dy banues në Fushë Milot, Kurbin. Ata dyshohet se kanë bashkëpunuar në këtë veprimtari kriminale.

Operacioni u zhvillua nga shërbimet e Komisariatit të Policisë Kurbin, në kuadër të kontrolleve intensive që po kryhen në të gjithë qarkun Lezhë për parandalimin, evidentimin dhe goditjen e rasteve të kultivimit të bimëve narkotike, si edhe mbi bazën e informacioneve të siguruara në rrugë operative.

Gjatë ndërhyrjes në territorin e fshatit Skuraj, efektivët konstatuan bimë të dyshuara narkotike Cannabis Sativa, të cilat më pas u asgjësuan me anë të djegies.

Në vendin ku ishin mbjellë këto bimë, policia i kapi në flagrancë dy të rinjtë dhe bëri arrestimin e tyre.

Si provë materiale u sekuestruan 1 automjet dhe sende të tjera, të cilat do t’i shërbejnë hetimit për dokumentimin e plotë ligjor të rastit.

Policia bën të ditur se kontrollet antikanabis do të vijojnë në të gjithë territorin e qarkut Lezhë, ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.

The post Kultivonin bimë narkotike në Skuraj, policia ndalon dy të rinj dhe sekuestron një automjet appeared first on Albeu.com.