Drejtoria Vendore e Policisë Berat

📌Në zbatim të detyrave institucionale që i ngarkon ligji në kuadër të procesit zgjedhor, strukturat e Drejtorisë Vendore të Policisë Berat po kryejnë me angazhim maksimal dhe përgjegjësi detyrat e ngarkuara.

Për ruajtjen e 6 KZAZ-ve dhe 275 Qendrave të Votimit, Drejtoria Vendore e Policisë Berat ka angazhuar gjithsej 293 punonjës policie.

Pasi ka përfunduar procesi i dorëzimit të materialeve zgjedhore në të gjitha qendrat e votimit në territorin e qarkut Berat, punonjësit e Policisë të planëzuar për ruajtjen fizike të objekteve zgjedhore janë paraqitur pranë tyre, në orën 18:00 të ditës së sotme, dhe kanë marrë në ruajtje të gjitha objektet zgjedhore.

🕒Ruajtja e objekteve zgjedhore do të vijojë deri mëngjesin e ditës së nesërme, kur pranë tyre do të fillojnë punën Komisionet e Qendrave të Votimit dhe Komisionet Zonale të Administrimit Zgjedhor.

✅Të gjitha detyrat e përcaktuara në planin e masave të hartuar nga Drejtoria Vendore e Policisë Berat janë realizuar me përpikëri dhe në përputhje me procedurat standarde.

Grupi i drejtimit dhe monitorimi

Në Drejtorinë Vendore të Policisë Berat është ngritur dhe po funksionon grupi drejtues, me detyrë monitorimin në kohë reale të situatës, ndjekjen e zbatimit të detyrave operacionale, si dhe përpunimin dhe menaxhimin e informacionit, me synimin për të garantuar komunikimin e menjëhershëm me median dhe publikun.

🟢 Situata aktuale

Deri në këto momente, situata e rendit dhe sigurisë publike paraqitet e qetë dhe pa probleme.

🚨Gatishmëri për garantimin e sigurisë

Policia e Beratit, mbetet në gatishmëri të plotë për të përmbushur misionin e saj në funksion të garantimit të rendit dhe sigurisë në të gjithë territorin e qarkut, me qëllim sigurimin e një procesi zgjedhor të qetë dhe të rregullt.

The post Zgjedhjet parlamentare të 11 Majit! Policia e Beratit angazhon mbi 290 efektivë për ruajtjen e materialeve zgjedhore appeared first on Albeu.com.

Emërimit të “drejtuesit të lartë” Kastriot Skënderaj në postin e drejtorit të ri të Drejtorisë Vendore të Policisë Berat, dy emërime të reja kanë mbërritur sot pranë kësaj drejtorie, ndërsa pas largimit nga policia e shtetit për shkelje të rënda të 7 funksionarëve të lartë, sot janë kryer edhe zëvendësimet e dy prej tyre.

Ledjon Ferzaj, i cili u emërua në postin e shefit të Krimeve Berat prej një viti e gjysmë ka qenë specialist krimesh në këtë drejtori, ndërkohë që pas disa detyrave të rëndësishme në Policinë e Shtetit, Kryekomisari Altin Mena është emëruar Shef i Komisariatit Berat.

Me urdhrin nr.300,Drejtoria e Përgjithshme e Policisë së Shtetit, ka urdhëruar delegimin e të gjitha kompetencave miratuese dhe urdhëruese të dy të emëruarve të rinj.

The post U përjashtuan nga Policia e Shtetit, kush vendosen në postet e rëndësishme në Berat appeared first on Albeu.com.

Gjatë kontrollit në automjetin e tij, policia ka gjetur dhe sekuestruar një sasi të madhe parash në Euro.

Lajmin e bëri të ditur vetë policia përmes një njoftimi.

Njoftimi i plotë:

Finalizohet operacioni policor i koduar “Barrikada”.

Ushtronte aktivitetin kriminal të shpërndarjes së lëndëve narkotike, vihet në pranga 39-vjeçari.

Sekuestrohen një sasi lënde e dyshuar narkotike cannabis sativa, një automjet dhe një sasi e konsiderueshme parash e dyshuar e përfituar nga veprimtaria kriminale.

Specialistët e Seksionit për Hetimin e Narkotikëve në DVP Berat, në vijim të punës për parandalimin dhe goditjen e veprimtarisë kriminale në fushën e shpërndarjes së lëndëve narkotike, bazuar dhe në informacionet e marra në rrugë operative se një shtetas ushtronte këtë aktivitet kriminal në qytetin e Beratit, organizuan dhe finalizuan operacionin policor të koduar “Barrikada”.

Në kuadër të operacionit u arrestua në flagrancë shtetasi Y. H., 39 vjeç, banues në Durrës.

Shërbimet e Policisë kanë ndaluar, në lagjen “Barrikada”, automjetin tip “Benz”, me drejtues shtetasin Y. H. Gjatë kontrollit të ushtruar në këtë automjet, Policia gjeti dhe sekuestroi një sasi lënde të dyshuar narkotike canabis sativa, 10.000 euro dhe një sasi lekësh, të cilat dyshohet të jenë përfituar nga aktiviteti kriminal i shitjes së lëndës narkotike.

Vijon puna hetimore për dokumentimin e plotë të veprimtarisë kriminale të këtij shtetasi, identifikimin dhe kapjen e bashkëpunëtorëve.

Materialet i kaluan Prokurorisë pranë Gjykatës së Shkallës së Parë Berat, për veprime të mëtejshme procedurale, për veprat penale “Prodhimi dhe shitja e narkotikëve”, “Nxitja për përdorimin e drogës” dhe “Pastrimi i produkteve të veprës penale ose veprimtarisë kriminale”./albeu.com/

The post Spaçator kanabisi në Berat, “Barrikada” i gjen 39-vjeçarit mijëra euro në makinë (FOTO LAJM) appeared first on Albeu.com.