NJOFTIMI I POLICISË:

Tiranë

Vihen në pranga 5 shtetas dhe procedohet penalisht 1 tjetër, për vepra të ndryshme penale.

Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit K. L. (L)., 19 vjeç, pasi ka ushtruar dhunë fizike ndaj babait të tij.

—-

Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit G. Q., 48 vjeç, pasi ka kundërshtuar punonjësit e Policisë të Rendit Publik. Gjatë kontrollit fizik të ushtruar nga shërbimet e Policisë, iu gjet dhe sekuestrua në cilësinë e provës materiale një dokument i plastifikuar me mbishkrimin “Policia”.

—-

Specialistët e Qarkullimit Rrugor bënë arrestimin në flagrancë të shtetasve:

– B. Sh., 42 vjeç dhe G. Ç., 45 vjeç, pasi u kapën duke drejtuar mjetet përkatëse, në gjendje të dehur;

– E. K., 20 vjeç, pasi u kap duke drejtuar motomjetin, pa leje drejtimi.

—-

Specialistët në Seksionin për Hetimin e Krimit Ekonomik e Financiar proceduan penalisht shtetasen P. V., 44 vjeçe, për veprat penale “Tregtimi dhe transporti i mallrave që janë kontrabandë”, “Fshehja e të ardhurave” dhe “Mospagimi i taksave dhe tatimeve”.

—-

Më datë 16.12.2021, shtetasja F. T. ka kallëzuar se është larguar nga banesa dhe nuk është kthyer më, bashkëshorti i saj, shtetasi K. T., 51 vjeç.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.

The post Bëri babain e tij për spital, bie në pranga 19 vjeçari në Tiranë appeared first on Albeu.com.

Në dosjen që gazetarja e Top Channel Anila Hoxha disponon përmendet se gruaja fillimisht ka pretenduar se ishte abuzuar dhe droguar, më pas se policia kishte dijeni për këtë fakt dhe ndaj duhej hetuar për korrupsion dhe sipas burimeve të gazetares Hoxha pikërisht ky rrëfim e ka shtyrë oficerin e SPAK me inicialet J.K që të mbante shënim cdo gjë që thoshte denoncuesja në SPAK.

Por më pas ajo ka kërkuar të gjendet dhe të arrestohet grupi që konsumonte ushqimet e saj. Denoncimi, raportoi gazetarja e Top Channel Anila Hoxha është paraqitur në SPAK në datën 27 korrik dhe së fundmi është shpallur moskompetenca. Në dëshmi gruaja  me inicialet L.M thotë mes të tjerash se se hajdutët shfrytëzojnë orët e mbrëmjes kur e zonja e shtëpisë private është në gjumë. “Gjatë kohës kur unë fle,  në shtëpinë time hyjnë persona dhe hanë ushqimet. E kam konstatuar këtë në mëngjes  dhe gjithashtu kur kam gatuar drekën, kam vënë re që është harxhuar edhe vaji i ullirit”, thotë gruaja.

Nën pretendimin se policia nuk vepronte pasi favorizonte hajdutët e vakteve,  gruaja i kërkoi SPAK hetimin e policit të zonës- raporton për Top Channel gazetarja Anila Hoxha, ndërkohë që me marrjen e këtij qëndrimi SPAK është bindur se nuk ekzistonte asnjë provë që policia të kishte shmangur përmbushjen e detyrës. Por qytetarja këmbëngul në versionin e saj se policia e shtetit e di se cilët janë personat që konsumojnë gatimet e saj dhe në këto kushte SPAK si shumë çështje të tjera dhe këtë fashikull ja ka përcjellë prokurorisë së Tiranës për hetime të mëpasshme. /tch

The post Ndodh në Tiranë! Gruaja denoncon hajdutët e padukshëm që i hyjnë në banesë dhe i hanë ushqimet appeared first on Albeu.com.