Njësitë Speciale të Bosnje Hercegovinës e kanë arrestuar Elvis Kelmendin, djalin e biznesmenit të akuzuar për trafikim të drogës, krim të organizuar e vepra tjera penale.

Për vepra kriminale akuzohet edhe Elvis Kelmendi i cili u arrestua të martën bashkë me gjashtë persona të tjera në Sarajevë.

Aksioni i Policisë ka qenë i mbikëqyrur nga Prokuroria e Bosnje dhe Hercegovinës me urdhër të gjykatës shtetërore, raporton “n1”.

“Po kontrollohen disa objekte dhe mjete transporti me qëllim të mbledhjes së provave materiale”, thuhet në njoftim.

Operacioni është ende në vazhdim për këtë nuk janë dhënë më shumë detaje.

Naser Kelmendi, babai i Elvis Kelmendit me origjinë nga Kosova dhe me nënshtetësi boshnjake, është biznesmen dhe i përfshirë në marrëdhëniet politike të shumë vendeve të rajonit. Përkrah emrit të liderit të kartelës meksikane të drogës, Hoze Antonio Sota Gastemula, dhe atij të tregtarit afgan, Sajed Vazir Shah, Kelmendi llogaritet si personi më i rrezikshëm në Evropë për interesat amerikanë./albeu.com

The post Policia aksion në Bosnjë, arrestohet djali i biznesmenit të njohur shqiptar appeared first on Albeu.com.

Edhe policia e Vlorës ka nisur sot aksionin për heqjen e çadrave dhe shezlongëve.

Ndërkohë drejtoresha e aseteve publike, Sonel Haxhiraj tregon sa subjekte kanë marrë leje deri më tani dhe sqaron procedurat që duhet ndjekur deri në miratimin përfundimtar për përdorimin e hapësirës së rërës.

“Subjektet tashmë e kanë kryer aplikimin, pasi është hapu faza e parë që prej 17 majit deri në 5 qershor. Janë kualifikuar deri tani nga GTSHA pranë Ministrisë së Turizmit, 153 subjekte, të cilëve u ka ardhur miratimi paraprak. Pasi marrin këtë miratim në parim, duhet të drejtohen pranë drejtorisë Vlorë, me mandat pagesën.

Deri në momentin e lidhjes së kontratës, subjektet duhet të kenë e-malin e miratimit në parim dhe pagesën e kryer në bashki. Më pas, do të njoftohen nga agjencia kombëtare e bregdetit për të dorëzuar këto dokumente, së bashku me kontratën e vëzhguesit të plazhit për të përfunduar procedurën e lidhjes së kontratës”.

Njëkohësisht, aksioni po vijon dhe në Durrës e Velipojë. /albeu.com/

The post Pastrohet edhe bregdeti i Vlorës, hiqet çdo çadër e çdo shezlong pa leje appeared first on Albeu.com.

Shtetasi Altin Voga, 23-vjeç u arrestua në flagrancë teksa po transportonte emigrantë të paligjshëm , kundrejt fitimit si rezultat i shkëmbimit të informacionit, bashkëpunimit dhe koordinimit të veprimeve mes Policisë Kufitare të Kakavijës, FRONTEX-it dhe DVP Gjirokastër.

23-vjeçari, banues në Fushë-Krujë u kap në vendin e quajtur “Ura e Glinës”, duke transportuar me automjetin tip “Chevrolet”, 4 emigrantë të paligjshëm nga vendet e treta, në drejtim të Tiranës, kundrejt fitimit 200 euro për person. Në cilësinë e provës materiale u sekuestruan një automjet dhe një aparat celular.

Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme, për veprën penale “Ndihma për kalim të paligjshëm të kufijve”

Ja njoftimi i plotë i policisë:

Gjirokastër. Goditet një tjetër rast i tentativës për dhënie ndihmë për kalim të paligjshëm të kufirit, kundrejt fitimit.

Si rezultat i shkëmbimit të informacionit, bashkëpunimit dhe koordinimit të veprimeve mes Policisë Kufitare të Kakavijës, FRONTEX-it dhe DVP Gjirokastër, vihet në pranga 23-vjeçari që u kap duke transportuar emigrantë të paligjshëm, kundrejt fitimit.

Sekuestrohen një automjet dhe një aparat celular. Nga shërbimet e Policisë Kufitare Kakavijë, në bashkëpunim me Seksionin për Hetimin e Trafiqeve në DVP Gjirokastër dhe shërbimet e FRONTEX-it, pas informacioneve të siguruara në rrugë operative u arrestua në flagrancë shtetasi A. V., 23 vjeç, banues në Fushë-Krujë.

Shtetasi A. V. u kap në vendin e quajtur “Ura e Glinës”, duke transportuar me automjetin tip “Chevrolet”, 4 emigrantë të paligjshëm nga vendet e treta, në drejtim të Tiranës, kundrejt fitimit 200 euro për person.

Në cilësinë e provës materiale u sekuestruan një automjet dhe një aparat celular. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme, për veprën penale “Ndihma për kalim të paligjshëm të kufijve”.

The post 200 euro për t’i sjellë në Tiranë, arrestohet në Gjirokastër 23-vjeçari appeared first on Albeu.com.

Operacioni “Udhëtimi i sigurt” ka bërë të mundur arrestimin e 39-vjeçares me iniciale E.T dhe shpalljen në arrestim të dy bashkëpuntorëve të saj E.M dhe J.D.

Burimet zyrtare bëjnë me dije se këta persona mashtronin njerëz të ndryshëm duke u marrë shumëtë konsiderueshme të ardhurash dhe u premtonin atyre pajisjen me vizë punë për në Angli.

Njoftimi i policisë:

Tiranë

Finalizohet operacioni policor i koduar “Udhëtimi i sigurt”.

Operacioni i zhvilluar nga Seksioni i Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë.

Mashtronin shtetas të ndryshëm duke i marrë shuma të konsiderueshme parash, me premtimin për pajisjen me vizë pune për në Mbreterinë e Bashkuar, vihet në pranga një shtetase, shpallen në kërkim 2 të tjerë.

Specialistët e Seksionit për Hetimin e Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë, finalizuan me sukses operacionin policor të koduar “Udhëtimi i sigurt”, në kuadër të të cilit bënë ndalimin e shtetases E. T., 39 vjeçe, banuese në Fier.

Si dhe u shpallën në kërkim shtetasit me inicialet E. M. dhe J. D. (për arsye hetimore nuk jepen të dhëna të tjera).

Këta shtetas, në bashkëpunim me njëri-tjetrin, mashtronin shtetas të ndryshëm duke iu marrë shuma të konsiderueshme parash, me premtimin për pajisjen me vizë pune për në Mbreterinë e Bashkuar dhe paisjen me certifikatë të falsifikuar të gjuhës angleze. Në cilësinë e provës materiale janë sekuestruar shuma të konsiderueshme parash në euro dhe në lekë, si dhe 2 aparate celular.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprat penale “Mashtrimi”, “Falsifikimi i dokumenteve” dhe “Ushtrim pa licencë i veprimtarisë financiare”.

The post Premtonte vizë pune në Angli, arrestohet 39-vjeçarja që mashtronte qytetarët appeared first on Albeu.com.

Mësohet se prej disa orësh FNSH, strukturat e Drejtorisë Vendore të Policisë Fier dhe të Komisariatit të Policisë Lushnjë po zhvillojnë kontrolle të shumta në lokale, rrugë, automjete, si dhe në disa fshatra në objekte të braktisura dhe tunele.

Kjo gjë bëhet pas disponimit të informacioneve se mund të strehohen persona të shpallur në kërkim.

Një ditë më parë kontrollet u ushtruan në Vlorë ku u vu në pranga një person, ndërsa u sekuestruan dy armë zjarri.  /albeu.com/

The post Pas Vlorës, FNSH mësyn me kontrolle blic në Lushnje appeared first on Albeu.com.