Kryeministri në detyrë i Kosovës, Albin Kurti, ka theksuar se vendi po gëzon një siguri më të madhe se në çdo periudhë tjetër, duke vlerësuar qëndrueshmërinë e treguar nga institucionet përgjegjëse përballë vështirësive të shumta ndër vite, shkruan Ekonomia Online.

Këto komente ai i shprehu gjatë homazheve të mbajtura pranë memorialit kushtuar pjesëtarëve të Policisë së Kosovës që kanë humbur jetën në shërbim, në ditën që shënon përvjetorin e rënies së heroit Enver Zymberi.

Në fjalën e tij, Kurti tregoi se dita kishte filluar me një tjetër ceremoni përkujtimore. “Së bashku me ushtruesen e detyrës së Presidentes, zonjën Albulena Haxhiu, e nisëm mëngjesin me homazhe te varri i Adem Demaçit, simbolit të qëndresës, Mandelës sonë dhe të Evropës, i cili kaloi 28 vjet në burgjet jugosllave dhe serbe. Sot shënojmë tetëvjetorin e ndarjes së tij nga jeta,” u shpreh ai.

Më pas, ai vijoi me vizitën te memoriali i policëve. “Nga aty erdhëm këtu për të nderuar të rënët në detyrë, së bashku me ministrin e Punëve të Brendshme, Xhelal Sveçla, drejtorin e Policisë, Gazmend Hoxha, dhe kolegë të tjerë nga ekzekutivi dhe radhët e policisë,” shtoi Kurti.

Duke folur për rastin konkret, kryeministri në detyrë kujtoi sakrificën e Enver Zymberit. “Kjo datë shënon 15-vjetorin e vrasjes së tij, ndërsa ai po zbatonte ligjet e Republikës, mbronte tërësinë territoriale dhe siguronte paqe e të drejta për të gjithë qytetarët, pa asnjë dallim. Fatkeqësisht, ai u godit për vdekje nga dora kriminale e mekanizmave të Serbisë.”

Ai vlerësoi se sakrifica e Zymberit la një trashëgimi të fuqishme. “Që nga ajo kohë, Enver Zymberin e nderojmë si hero të shtetësisë dhe pavarësisë sonë. Rënia e tij u bë burim frymëzimi për shumë pjesëtarë të Policisë së Kosovës, si për ata që ishin në shërbim ashtu edhe për brezat që iu bashkuan forcës më vonë,” deklaroi Kurti.

Më tej, ai përmendi edhe sfida të tjera të rënda me të cilat është përballur policia. “Përveç vrasjes së Enver Zymberit dhe Afrim Bunjakut, një goditje e madhe për Policinë e Kosovës ishte tërheqja kolektive e rreth 550 policëve nga komuniteti serb më 5 nëntor 2022, e urdhëruar nga Beogradi,” kujtoi Kurti.

Megjithatë, ai theksoi se këto përpjekje nuk ia arritën qëllimit. “Objektivi i tyre dështoi. Karakteri shumetnik i Policisë sonë nuk u shkatërrua dhe nuk u cenuan dot as sovraniteti shtetëror, as tërësia tokësore dhe as qëndrueshmëria institucionale, siç kishin për synim,” përfundoi ai.

The post Kurti pas homazheve për policët e rënë: Siguria në Kosovë në nivelin më të lartë ndonjëherë appeared first on Albeu.com.

Numri i pjesëtarëve të komunitetit serb në Policinë e Kosovës tashmë është plotësuar, ndërsa në rajonin e Mitrovicës së Veriut mbetet vakant vetëm pozicioni i drejtorit serb.

Këtë e konfirmoi për kp Drejtoria e Përgjithshme e Policisë, e pyetur nëse kishte pranuar ndonjë kërkesë zyrtare nga policët serbë që u larguan nga detyra në vitin 2022 dhe tani synojnë të rikthehen.

Sipas përgjigjes, pas dorëheqjeve të vitit 2022, Policia e Kosovës organizoi pesë (5) konkurse për rekrutimin e zyrtarëve policorë. Tre (3) prej tyre u hapën vetëm për pjesëtarët e minoriteteve, me vende pune në Drejtorinë Rajonale Mitrovicë Veri.

Drejtoria e Përgjithshme bëri të ditur se Policia e Kosovës disponon personel të mjaftueshëm për t’i përmbushur detyrimet ligjore në të gjithë territorin e vendit, përfshirë edhe DRP Mitrovicë Veri.

Përveç faktit se pozitat janë plotësuar, rikthimi i personave që mund të jenë penduar pengohet edhe nga dokumenti bazë që rregullon marrëdhënien e punës brenda Policisë.

Drejtoria e Përgjithshme e Policisë së Kosovës sqaroi se, sipas Udhëzimit Administrativ për marrëdhënien e punës në Polici, një punonjës që largohet me dorëheqje vullnetare nuk gëzon të drejtën të pranohet sërish në institucion. I njëjti udhëzim përcakton edhe procedurat e punësimit, duke kërkuar që kandidatët t’i përmbushin kriteret themelore të parashikuara në të.

Në vitin 2022, policë, prokurorë dhe gjyqtarë nga komuniteti serb në veri të vendit dhanë dorëheqje si pjesë e një mobilizimi politik të organizuar nga Lista Serbe.

Pas 4 vjetësh, prokurorët që ishin penduar kërkuan t’u mundësohej rikthimi, por kërkesat e tyre u refuzuan nga Këshilli Prokurorial dhe nga u.d. Presidentja e Kosovës, Albulena Haxhiu.

The post Policët që dhanë dorëheqje, pa të drejtë rikthimi dhe pa vende të lira appeared first on Albeu.com.

Një video, e cila u përhap në mediat sociale të hënën, tregon ekipin jashtë autobusit të tyre ndërsa po përgatiteshin të përballeshin me Arabinë Saudite në stadiumin e Majamit.

Oficerët e sigurisë dhe qentë nuhatës inspektojnë me kujdes bagazhet e tyre dhe shumë nga lojtarët janë duke buzëqeshur, ndërsa të tjerë, si mesfushori i Mançester Junajtid, Manuel Ugarte, duken të ashpër.

Ndërsa vendi dhe koha e saktë e xhirimit të videos nuk janë të qarta nga pamjet filmike, disa lojtarë të njohur nga ekipi siç është Ronald Araújo me flokë blu, mund të shihen gjatë ndalimit të sigurisë dhe janë të veshur me të njëjtat veshje të shfaqura në transmetime pak para fillimit të ndeshjes.

🚨🚨| Uruguay national team was subjected to 𝐈𝐍𝐓𝐄𝐍𝐒𝐄 security screening upon arrival in the US ahead of their World Cup opener.

Sniffer dogs were deployed as players’ luggage underwent thorough inspection on the roadside next to the team bus. 😳 pic.twitter.com/qzGB6phZq5

— CentreGoals. (@centregoals) June 15, 2026

The post VIDEO/ Vetëm pengesa për Uruguain, policët dhe qentë nuhatës kontrollojnë me imtësi valixhet e lojtarëve. Ja reagimi i tyre appeared first on Albeu.com.

Ngjarja bëhet më e rëndë për faktin se aeroporti dhe policia kanë tentuar ta mbajnë të fshehtë. Pamjet që shikoni në video janë filmuar në fillim të shtatorit.

Disa qytetarë duken duke dhunuar efektivët e policisë, ndërkohë që ndaj tyre nuk është marrë asnjë masë.

Familja ishte duke udhëtuar drejt Turqisë. Një prej grave, e shoqëruar me fëmijë, ka kërkuar të kalojë portën drejt avionit me prioritet, duke mos pritur në radhë.

Kjo gjë është kundërshtuar nga stafi i aeroportit Nënë Tereza, i cili i ka shpjeguar zonjës se ky shërbim është me pagesë.

Në këtë moment ka nisur një debat mes familjarëve dhe punonjësve të kompanisë. Më pas, stafi i aeroportit ka njoftuar policinë, e cila ka mbërritur në vendngjarje dhe ka kërkuar t’i largojë familjarët për të shmangur përshkallëzimin e konfliktit. Në ato momente, djemtë e kryefamiljarit kanë shtyrë dhe goditur me grushte efektivët e policisë.

Jo vetëm kaq, por pas disa minutash ata janë lejuar të vazhdojnë udhëtimin e tyre, duke mos u proceduar apo shoqëruar në komisariat, ndërkohë që e gjithë ngjarja është mbajtur e fshehtë nga aeroporti.

The post Qytetarët rrahin policët në Rinas, ngjarja mbahet e fshehtë (VIDEO) appeared first on Albeu.com.

Pagesat për të cilat ka dhënë urdhër Drejtori i Policise lidhen me orët suplementare, orët e natës, dietat e prapambetura, lekët e ushqimit, e çdo pagese e prapambetur .

“Brenda ditës së sotme, çdo njësi buxhetore në PSh, të kalojë në thesar pagesat e prapambetura të punonjësve të Policisë. Çdo vonesë iu ngarkon me përgjegjësi”, thuhet në urdhrin e lëshuar nga Proda për Departamentin për Shërbimet mbështetëse në DPPSH.

Nga të gjitha njësitë buxhetore prej mëngjesit të sotëm, po kryhen veprimet me thesarin për të kaluar pagesat. Është 1.5 miliardë lekë shuma që ka kaluar me Akt Normativ, i cili dalë në sistem ditën e premte.

The post Orët shtesë, dietat dhe puna gjatë natës, Proda: Sot të shlyhen pagesat e prapambetura për policët appeared first on Albeu.com.

Në momentin e sulmit, policët po qëndronin në një pikë statike, teksa të dyshuarit nga ndërtesa kanë hedhur mjete piroteknike dhe shishe qelqi.

Ndërkohë, nuk raportohet për të lënduar. Rasti është duke u hetuar nga njësitë relevante dhe po cilësohet si “Sulm ndaj personit zyrtar”

The post Persona të panjohur sulmojnë tre policë në veri të Kosovës, nuk ka të lënduar appeared first on Albeu.com.

Në të përfshihen produkte ushqimore, pije dhe ushqim për kafshët shtëpiake. Megjithatë, vihet re mungesa e produkteve të higjienës.

Sa i përket shumës që efektivët do të kenë në dispozicion, norma e kompensimit ditor është 450 lekë, megjithatë ata do të paguhen në varësi të orëve të punës që kanë bërë gjatë kësaj periudhe dhjetor 2023 deri në gusht 2024.

Kalimi i shumës do të jetë në karta bankare të posaçme të hapura në bankat e nivelit të dytë.

The post Zbardhet lista/ Kompensimi ushqimor për policët, ja produktet që mund të zgjedhin efektivët appeared first on Albeu.com.

Shembull/ Pra nëse polici e ka rrogën 70 mijë lekë, por baza është 50 mijë lekë sepse pjesa tjetër janë grada e vështirësi pune, rritja nuk i bëhet mbi 70 mijë lekëshin por mbi 50 mijë lekëshin. Për këtë arsye edhe rritja e rrogës praktikisht është më e ulët, sesa llogaria që ata kanë bërë me përqindjet e deklaruara.

Më konkretisht paga bazë për inspektor nga 64 mijë lekë që ishte është rritur në 70 mijë lekë, ndërsa për kryeinspektor paga bazë është 85 mijë lekë nga 68 mijë e 500 lekë që ishte para 1 korrikut. Ndërsa aspirantë prej një korrikut do të marrin 80% të pagës së inspektorit.

Sipas kreut të Sindikatës së Shërbimeve Policore Valentin Macaj, rritja e pagave nuk ka qenë aq sa është kërkuar dhe premtuar. Madje sipas tij pakënaqësitë e policëve të burgjeve lidhen edhe me trajtimin ushqimor të premtuar prej kohësh por ende s’ka asnjë rezultat. Sipas Sindikatës duhet një plan emergjent për stafin e burgjeve ku të përfshihen kredi të buta, rritje cilësore e pagave, trajtimi ushqimor, garantimi i transportit dhe uniformes dinjitoze.

Një tjetër paqartësi e ngritur nga policia e IEPV-ve ka të bëjë edhe me vlerën e rrogës, sepse ata kanë pritur që paga e tyre të jetë 900 euro neto, por në fakt paga bruto është në këtë shifër, por që ulet pasi paguhen sigurimet e taksat mbi pagën,

Po ashtu nga drejtoria e burgjeve sqarojnë se rritja e pagave për policet e burgjeve nuk bëhet për të gjithë njësoj, pasi ndryshon paga për aspirantin e brendshëm nga ai i jashtëm, apo për inspektorin e sigurisë së lartë nga inspektori i sigurisë së brendshme apo të jashtme. Po ashtu drejtoria e Burgjeve sqaron se rritja e pagave është bërë sipas asaj që ishte paralajmëruar, dhe ka vënë për Report Tv në dispozicion tabelën me rritjet respektive.

Vetë ministri i drejtësisë Ulsi Manja pati deklaruar se 3430 punonjës të sistemit të Policisë së Burgjeve do të përfitojnë nga kjo rritje e pagave në masën 13% – 27% sipas gradave, e përkthyer në lekë nga 6 mijë lekë deri në 8500 lekë rritje për gradat inspektor e nën inspektor. Kurse për gradën drejtues i lartë rritja e pagës shkon deri në 36 300 lekë në muaj.

The post Policia e burgjeve e paqartë dhe e pakënaqur me rrogat e reja! Policët: Nuk na shkon 900 euro! Ja sa u rritën pagat appeared first on Albeu.com.

Ai tha se “nga Rusia nuk pritet asgjë mirë dhe se nuk është brengë e tij as e Ahmetit”.

“Prej Rusisë nuk pritet asgjë mirë, Besarti është mirë… e dimë, e kemi informatën zyrtare por nuk është ajo brenga as e imja, as e Besartit”, deklaroi Sveçla para mediave kosovare.

Fletë arrestet e Rusisë ndaj pjesëtareve të Policisë së Kosovës vijnë pak muaj pas ngjarjeve të 24 shtatorit të vitit të kaluar në Banjskë dhe si kundërpërgjigje ndaj flet-arrestit ndërkombëtar të lëshuar nga INTERPOL-i për kryekriminelin serb të veriut, Milan Radojçiç dhe disa pjesëmarrës të tjerë në sulmin terrorist në Banjskë.

Megjithëse pretekst është marrë pjesëmarrja e tyre në vitet e fundit në aksionet e Policisë për vendosjen e rendit dhe ligji në veri të Kosovës, përfshirë arrestimin e një shtetasi rus më 2019, për barrikadat në veri. Me lëshimin e këtij fletarrestimi, Rusia ka kërkuar që këta zyrtarë policorë kosovarë të futen në listën e kërkimit të INTERPOL-it.

The post Rusia pret fletë arresti për zyrtarët e Policisë së Kosovës, reagon Prishtina: Prej Rusisë nuk pritet asgjë mirë appeared first on Albeu.com.

Referuar rastit më të fundit ku një 27-vjeçare, i dha fund jetës pasi në Tik Tok iu shpërnda një foto intime, Llangozi tha se rasti që ai ka pasur ka qenë edhe më i rëndë.

Sipas avokatit, vajzat nëse dua të denoncojnë një rast të përndjekjes ose duan të tregojnë për një problem, në polici jo vetëm që nuk ndihmohen por edhe bullizohen e ngacmohen nga uniformat blu.

“Në polici në qoftë se një vajzë, nga një familje me tradita, shkon përpara policisë ajo do të bullizohet më shumë se sa është bullizuar në rrjete sociale. Vetë policia e bën. Ata e bëjnë më keq, ndërkohë që vajza mund të ketë nevojë për mbështetje, ndërkohë që nuk do gjejë mbështetje por do të keqtrajtohet. Para disa kohësh, një prind denoncoi në komisariatin numër 1 që i është larguar vajza dhe kemi disa mesazhe të turpshme, që shefat e policisë e shihnin nga ballkoni nëse një vajzë kishte moshë apo jo. Këtu nis problematika e zgjidhjes.

Nëse Policia dhe Prokuroria do të merrnin masa ekstreme për këto raste mendoj që nuk do të ishte aq problem Tik Tok-u. Vetë toleranca dhe që njerëzit nuk shkojnë të denoncojnë se nuk kanë besim tek institucionet sjell pasoja të tilla. Unë si avokat kam pasur edhe një rast të tillë si i kësaj vajze (27-vjeçares që i dha fund jetës), përfundoi me fatalitet. Në Prokurorinë e Beratit u vendos të mos nisej procedimi penal, ku niveli i përndjekjes ishte shumë më i lartë se ky rast. Ai kishte hapur rrjete sociale në emrin e saj, shpërndante foto intime, etje. Pavarësisht se tregohej se ishte një përndjekje, prokuroria nuk mori masa”, tha avokati.

Në lidhje me këtë situatë foli edhe avokati Kujtim Ibra, i cili u shpreh se Tik Tok-u në Shqipëri duhet të ishte mbyllur me kohë, për shkak të rasteve të vazhdueshme të kërcënimeve dhe problematikave të tjera.

“Ky është një rast tragjik, një nënë me një fëmijë të mitur nga mbrapa, ku pas një bashkëjetese me një shtetas nga Republika e Kosovës ishte në prag divorci, krijohet një tjetër dramë familjare me një fëmijë jetim (27-vjeçarja që i dha fund jetës). Probleme të llojit të Tik Tok-ut dhe Facebook-ut, është shumë shqetësuese për shoqërinë shqiptare.

Tik Tok-u për mendimin tim duhet të ishte i mbyllur me kohë në Shqipëri, pasi në 80% të rasteve përdoret për shantazh gjobëvënie bullizim deri në shkaktimin e rasteve të vetëvrasjes. Nuk është se në Tik Tok marrim ndonjë kulturë të nevojshme, përjashto fjalorin denigrues dhe fyes, deri në nxjerrjen e fotove, siç është rasti i fundit i Kamzës. Kemi edhe raste të tjera ku në Tik Tok një fyerje ose situatat tjetër ka degraduar deri në përplasje me armë“, u shpreh ai.

The post Avokati bën deklaratën e fortë: Policët ngacmojnë dhe bullizojnë vajzat që denoncojnë, edhe klientja ime kreu… appeared first on Albeu.com.