Një polic vret kolegun e tij në komisariatin numër 3 në Tiranë, ndërsa një tjetër në Kombinat plagos një qytetar.

Për të folur mbi këto dy ngjarje të rënda, i ftuar në “Radari Informativ” në Abc të gazetares Juli Xhokaxhi, ishte eksperti i sigurisë Ervin Karamuço.

Ai bëri një përmbledhje të situatës që kishte ndodhur në komisariatin numër 3, pak çaste para se të ndodhte vrasja, ku theksoi se mes viktimës dhe autorit kishte patur një përplasje me fjalë para se Ludjan Zaimi të qëllonte për vdekje Çaush Saliasin.

I pyetur nga moderatorja Xhokaxhi se pse ndodhin këto, Karamuço tha se vijnë për shkak të bullizmit, pasi në çdo komisariat të policisë efektivët e vjetër vënë shpesh në lojë oficerët e rinj.

Ndërkohë ai paralajmëroi se ngjarja e mbrëmshme mund të mos jetë e fundit, pasi në Shqipëri nuk ka një kontroll psiko-emocional të efektivëve.

Pjesë nga diskutimi:

Xhokaxhi: Brenda pak orësh të ndodhin dy ngjarje me dy efektivë policie nuk kishte ndodhur. Çfarë detajesh ke?

Karamuço: Sot janë raportuar disa detaje që janë ende pjesë e hetimit. Personi dyshohet që mund të jetë përdorues i lëndëve narkotike. Duke parë aspektet e sjelljes së tij, po ashtu ka dhe një përfshirje në aktivitet politik, në listën e partronazhistëve ai del si pjesë e strukturave partiake. Ajo që unë pashë ishte filmimi origjinal i vrasjes, është një filmim i trishtë. Të shohësh një polic që zvarritet për tu larguar dhe të shohësh një tjetër që e ndjek për ta vrarë. I bëj thirrje medias që këto pamje të jenë edhe blur. Janë vënë në shërbim të treja kamerat e sigurisë.

Xhokaxhi: Meqë ky u ka bërë thirrje kolegëve ikni?

Karamuço: Jo nuk del ashtu, ai ka qenë një debat në distancë mes viktimës dhe autorit, ata kanë patur një shkëmbim debati, viktima ka shkuar tek shkallët për tu ulur, ndërkohë autori shkon tek një koleg tjetër shumë i qetë dhe më pas del jashtë ka vetëm 5 sekonda debat, dhe menjëherë pas kësaj është hapur zjarr. Autori ka ndjekur viktimën për ta ekzekutuar. Ishte një qëllim i drejtpërdrejtë për ekzekutimin e tij. Kjo na çon në një tjetër nivel në policinë e shtetit.

Xhokaxhi: Më thoni meqë dëshmia që 25 vjeçari ka thënë lidhet me bullizmin, ku ka thënë se jo vetëm ai person por shumë të tjerë e kanë bullizuar?

Karamuço: Ne kemi një fenomen të shtuar në radhët e policisë, ku të vjetrit mundohen të bullizojnë të rinjtë, mundohet të krijojnë një epërsi, duke i ngacmuar.

Xhokaxhi: Kjo ndodh kudo?

Karamuço: Ndodh në të gjitha komisariatet. Është një fenomen që ne e kemi përmendur. Por në rrethana të caktuara reagimi mund të jetë shumë i ashpër, kjo nuk do të jetë ngjarja e fundit, sepse kemi një problem të madh jo vetëm me bullizmit, por ne nuk dimë dhe aftësitë e tyre mendore./abcnews.al

The post Policët vrasin në Tiranë, paralajmërimi i Karamuços: Do kemi dhe raste të tjera, çfarë ndodhi mbrëmjen e kaluar appeared first on Albeu.com.

Efektivët e Policisë janë akuzuar për shpërdorim detyre, pas përfshirjes në afera të ndryshme duke shfrytëzuar uniformën e Policisë.

Në dosjen e prokurorisë të siguruar nga gazetari Ermal Vija për abcneës.al, rezulton se polici i arrestuar Durim Murja në një rast u ka kërkuar kolegëve të tyre që të shkelin detyrën dhe të mos reagojnë për një dasmë që ai vetë ishte pjesëmarrës.

Ngjarja është regjistruar më datë 14 gusht të këtij viti, ku rreth orës 00:40 është njoftuar salla operative dhe efektivi Jashar Shehu për të kryer një kontroll në lagjen Shkozë pasi tek “Kamberi” kishte dasëm me muzikë të lartë dhe shqetësonte banorët edhe pse jashtë orarit policor që parashikon mbyllje pas orës 23:00.

Efektivi i policisë, Arjan Balla shkon për kontroll në këtë lokal dhe vëren se dasma po zhvillohej ende, megjithatë njofton sallën se denoncimi i ardhur ishte i rremë. Por pas kësaj e njëjta situatë përsëritet sërish pas disa minutash denoncime të tjera kanë ardhur nga qytetarët lidhur me shqetësimin që u vinte nga muzika e lartë. Pavarësisht kësaj efektivët rreth orës 01:15 dhe 01:20 kanë njoftuar se denoncimi ishte i rremë.

Ndërkohë nga përgjimet rezulton se Durim Murja i cili ishte në përgjim ishte i pranishëm në këtë dasëm dhe gjatë një komunikimi me Arjan Ballën i ka kërkuar që të mos jua ndërpresë dasmën.

Në përgjime Arjan Balla shprehet i shqetësuar për ankesat dhe presionit që i vinte disa herë nga salla operative, pasi i kishte gënjyer tre herë duke thënë se denoncimi për muzikë kishte qenë i rremë.

Nisur nga shkeljet e vazhdueshme në fjalë, prokuroria ka lëshoi urdhër arresti për efektivët e policisë:

Durim Murja -Patrullë e Përgjithshme në Komisariatin e Policisë Nr.1, Tiranë.

Jashar Shehu -Patrullë e Përgjithshme në Komisariatin e Policisë Nr.1, Tiranë.

Arjan Balla -Patrullë e Përgjithshme në Komisariatin e Policisë Nr.1, Tiranë.

Ndërkohë, Matilda Hamolli, pjesë e patrullës së Përgjithshme në Komisariatin e Policisë Nr.1, Tiranë, ndodhet në arrest shtëpie./abcnews.al/

The post “Ka dasmë te Kamberi”, zbardhen përgjimet, polici i arrestuar po hidhte valle, telefon kolegut: Thuaj s’pashë gjë! appeared first on Albeu.com.