policet e kosoves Archives - Albeu.com

Meri Shehu: Kosova i ka policët dhe ushtarët shumë të bukur

D Marku — Wed, 24 Jan 2024 13:21:30 +0000

Disa nga banorët mbrëmë (e martë) kaluan në një kazermë ushtrie të improvizuar nga ‘Vëllai i Madh’ për shkak të disa rregullave që thyen.

Në këtë ambient ishte edhe astrologia Meri Shehu bashkë me Meriton Mjekiqin, të cilit i dhuroi një puthje në buzë gjatë spektaklit.

Ajo tha se nuk ka pasur kontakte me ndonjë, por që i pëlqen të vizitojë qytetet në Kosovë.

“Ju i keni policët e bukur. Ushtarët. Vdesin për palestër”, iu drejtua Meri në një tjetër moment.

View this post on Instagram

A post shared by Big Brother Alb VIP Edition (@bigbrotheralb_vip)

Dyshja kanë krijuar një raport të mirë miqësie, ndonëse Meri është përshtatur me shumë nga konkurrentët.

The post Meri Shehu: Kosova i ka policët dhe ushtarët shumë të bukur appeared first on Albeu.com.

Lirimi i 3 policëve të Kosovës, Kryeministri i Hungarisë: Vlerësoj hapin e bërë nga Vuçiç pas kërkesës time

Erv Isa — Mon, 26 Jun 2023 09:50:09 +0000

Kryeministri i Hungarisë, Viktor Orban, ka reaguar pas lirimit të tre policëve të Kosovës të cilët u rrëmbyen nga policia serbe disa ditë më parë. Nëpërmjet një postimi në Twitter, Orban shkruan se lirimi i tre policëve të Kosovës ka ardhur pas kërkesës së tij gjatë takimit që ka pasur me Presidentin Aleksandër Vuçiç javën e kaluar.

Serbian President Aleksandar Vucic has just informed me that in accordance with the request made at our meeting last week, the Serbian authorities will soon release the three previously arrested Kosovo policemen from custody. We highly appreciate the step of President @avucic,…

— Orbán Viktor (@PM_ViktorOrban) June 26, 2023

“Presidenti serb, Aleksandër Vuçiç sapo më informoi se sipas kërkesës sime gjatë takimit tonë javën e kaluar, autoritetet serbe do të lirojnë nga paraburgimi tre policët e arrestuar të Kosovës. Ne e vlerësojmë shumë këtë hap të Presidentit Vuçiç në këtë periudhë sfidash të mëdha. Ky vendim është një provë e qartë e bashkëpunimit strategjik mes dy vendeve dhe angazhimit tonë të përbashkët për paqe dhe stabilitet në Ballkan”, shkruan Orban.

Tre policët që u rrëmbyen në veri nga forcat serbe janë liruar ditën e sotme. Rifat Zeka, Beqir Sefi dhe Mustafë Shemi, u rrëmbyen më 14 qershor brenda territorit të Kosovë. Ditën e sotme, në orën 09:30 ata dolën para Gjykatës në Kralevë.

Sipas Kurtit e Sveçlës, policët janë rrëmbyer nga ushtria serbe. Ata janë vizituar nga familjarët e tyre të premten, ndërsa njërit prej tyre i janë siguruar edhe barnat. Para disa ditësh, në një konferencë për media, kryeministri Kurti dhe ministrja Gërvalla, kanë shpalosur detaje për vizitën e ambasadorit Jetishi te tre policët kufitarë. Kurti tha se policët i kanë rrëfyer Jetishit momentin e rrëmbimit nga njësitë serbe

“Të tre kanë qenë bashkë. Të tre e kanë rrëfimin e njëjtë kur pyetën ndaras nga njëri-tjetri nga ambasadori ynë. Përshkrimi i policëve është i njëjtë. Janë tri rrëfime të ndara identike, të cilët thonë se në momentin e rrëmbimit më 14 qershor kanë qenë tek tryeza e improvizuar për ngrënie. Pra kanë qenë duke ngrënë drekë kur 15 persona i kanë rrethuar, sulmuar dhe rrëmbyer. Përveç institucioneve të Kosovës, lirimin e tyre e kërkuar edhe bashkësia ndërkombëtare./Albeu.com/

The post Lirimi i 3 policëve të Kosovës, Kryeministri i Hungarisë: Vlerësoj hapin e bërë nga Vuçiç pas kërkesës time appeared first on Albeu.com.

Artan Fuga: Tre policë të Kosovës në territorin serb, e ça pastaj?!

E S — Thu, 15 Jun 2023 08:35:26 +0000

Nga Artan Fuga

Kombet e civilizuara i zgjidhin incidentet kufitare me maturi, bashkëpunim! E tmerrshme, çfarë na ndodh, sa shumë jemi budallallepsur!

Diskutojmë nëse policët e Kosovës, ushtarakët serbë i kapën në territorin e Kosovës, apo kishin kaluar kufirin për të dalë në territorin e Serbisë.

Pa pikë rëndësie. Sikur t’i kishin rrëmbyer brenda kufirit të Kosovës, sigurisht kjo do të ishte një ngjarje me përmasa shumë të rënda. Por, ja e zemë se ata tre policë i zunë në territorin serb.

E cfarë pastaj? Në kufi edhe ndodh. Kush të jep të drejtën t’i mbërthesh, t’i trajtosh sikur të ishin terroristë, të mos japësh prova, të mos bësh notë proteste, të mos bashkëpunosh për t’i zgjidhur këto incidente kufitare kaq minore, por që pastaj përdoren brenda strategjisë të nxitjes të konflikteve që lidhen me gjendjen në Veri, me Asociacionin, me këtë ose atë.

Parimisht, shteti i Kosovës, boll i kishte hallet me serbët, nuk kishte përse të shtynte policët t’i shtonin ujë gotës në të derdhur.

Por, e them, ç’rëndësi ka kjo përpara faktit që i mban si robër lufte tre policë në vend të bashkëpunosh për të zgjidhur incidentin.

Kush po i mban ata tre policë ashtu? Kosova?

Hë? Kosova?

Këta i janë qepur, se ku ishin policët kur u rrëmbyen! O Zot, a mund të na japësh pak kulturë politike dhe mos na bësh të mos i dalim zot imazhit tonë!

Në vend të themi : Zgjidhini si njerëz konfliktet, bërtasin : I kaaapët brenda territorit kosovar! Kërkohen hetime se ku u kapën! Tmerr! Dhe për krizën në Veri të Kosovës, partitë politike në Shqipëri heshtin, hesht Kuvendi, hesht qeveria.

Asnjë deklaratë!

Po ne na u rrit edhe rroga! Rritet rroga shkurtohet mendja!

The post Artan Fuga: Tre policë të Kosovës në territorin serb, e ça pastaj?! appeared first on Albeu.com.