Braçe është shprehur kundër mënyrës së propozuar për tre bashki, Poliçanin, Divjakën dhe Libohovën, të cilat në skemën e re do të shkrihen dhe do të bëhen pjesë e bashkive të tjera.

Deputeti socialist kërkoi që në këtë proces të dëgjohen qytetarët dhe jo vetëm drejtuesit vendorë.

“Unë mendoj se tani është koha të dëgjojmë njerëzit. Jo thjesht udhëheqësit e këtyre bashkive, por njerëzit. Ata nuk janë dëgjuar dhe ky është problem. Të ndajmë me ta informacion për arsyet dhe çfarë ndodh me ta pas kësaj ndarjeje; të dëgjojmë mendimet e tyre, argumentet e tyre, t’i debatojmë me ta, të reflektojmë”, shprehet deputeti.

Ai theksoi se ky ballafaqim me qytetarët është detyrim i procesit të reformës dhe se nuk ka të bëjë vetëm me tre njësi administrative të humbura e të mbaruara, por me bashki që kanë një histori dhe zhvillim.

Erion Braçe: Dita e djeshme ishte e vështirë, për shkak të ndarjes së propozuar territoriale, administrative. Reforma duhet të jetë shumë më e madhe se kaq. Tre bashki me të cilat unë kam një lidhje të posaçme, Poliçani, Divjaka dhe Libohova, shkrihen e bëhen pjesë e bashkive të tjera. Dita u bë edhe më e vështirë pas protestës në Poliçan, banorëve atje, socialistëve me ta, si edhe pas reagimeve që pasuan në Divjakë dhe Libohovë.

Unë mendoj se tani është koha të dëgjojmë njerëzit. Jo thjesht udhëheqësit e këtyre bashkive, por njerëzit. Ata nuk janë dëgjuar dhe ky është problem. Të ndajmë me ta informacion për arsyet dhe çfarë ndodh me ta pas kësaj ndarjeje; të dëgjojmë mendimet e tyre, argumentet e tyre, t’i debatojmë me ta, të reflektojmë. Është detyrim i procesit ky. Kini parasysh që nuk kemi të bëjmë me tre njësi administrative të humbura e të mbaruara.

Libohova ka qenë nënprefekturë që në vitin 1914 dhe qytet prej shekujsh. Divjaka është zhvilluar jashtëzakonisht shumë në 12 vitet e fundit, ekonomikisht, në prodhim, infrastrukturë dhe në aspektin social. Ndërsa Poliçani është një qytet i ndërtuar për nevoja strategjike të industrisë ushtarake, për të cilën sot flitet si një domosdoshmëri. Nuk mund të jetë vetëm Tirana ekonomia e këtij vendi në çdo degë.

The post Erion Braçe kundër shkrirjes së Poliçanit, Divjakës dhe Libohovës: Reforma Territoriale duhet të jetë më e madhe, është koha të dëgjojmë njerëzit appeared first on Albeu.com.

Ministri Peleshi, njoftoi se ditën e djeshme u miratua në Këshillin e Ministrave pr ligji për pagesat e punonjësve, që dot ë kalojë në Kuvend.

Naço i ka drejtuar disa pyetje, teksa i kërkon zgjidhje për qytetarët e Poliçanit, për të marrë pagat.

“I nderuar z.ministër, pyetjet e mia janë në lidhje me politikat e Ministrisë së Mbrojtjes pas ngjarjeve të fundit në Ukrainë si dhe a është menduar nga ju rivënia në punë e industrisë ushtarake, ish-kombinatit mekanik të Poliçanit.

A ka patur propozime për të marrë me koncesion sektorë të industrisë ushtarake nga kompani të huaja apo vendase për t’i vënë në punë në përputhje me ligjin duke garantuar sigurinë kombëtare

Dhe e treta, ju keni propozuar një projektligj për pagat e prapambetura të punonjësve dhe ish-punonjësve të ish-kombinatit të Poliçanit, për përmirësimin e statusit ekonomik, dua të di çfarë është bërë në lidhje me këtë projekt ligj? Akoma nuk keni përmbushur detyrimet ligjore dhe kushtetuese për pagat e prapambetura të tyre. E keni lënë në konservim prej disa vitesh.

Ministër këta janë kërkesat për pagat për rreth 241 punonjës, çfarë t’u them që presin lajme. Si të justifikohem para tyre, kur më pyesin si ata të Ballshit janë mbështetur nga qeveria dhe ne nuk mbështetemi? Si t’u përgjigjem? Të fshihem? T’u them të ikin nga Poliçani, t’u them të bllokojnë rrugën apo të vijnë te Ministria e Mbrojtjes? Kjo është një pyetje që duhet t’i jepni zgjidhje”, tha Naço.

The post Naço-Peleshit: Të likuidohen pagat e punonjësve të ish-kombinatit të Poliçanit appeared first on Albeu.com.

Gjendja financiare e vështirë e ndërmarrjeve ushtarake, veçanërisht e Kombinatit Mekanik Poliçan, ka detyruar qeverinë të marrë masa për zgjidhjen e problemeve të mbartura, për punonjësit dhe ish-punonjësit e këtij kombinati.

Ministri Peleshi, pas mbledhjes së qeverisë theksoi se me aprovimin e këtij ligji në Kuvend, Ministria e Mbrojtjes do të sigurojë financim prej 83,800,000 lekë për Kombinatin Mekanik Poliçan për të mbuluar detyrimet e prapambetura të pagave të punonjësve.

Pagesat e prapambetura për punonjësit e Kombinatit mekanik të Policanit, do të shlyhen nga buxheti i shtetit. Lajmi u konfirmua nga ministri i Mbrojtjes, Niko Peleshi në përfundim të mbledhjes së qeverisë, ku njoftoi miratimin e pr/ligjit të posacëm për shlyerjen e këtyre detyrimeve.

“Kemi miratuar, pr/ligj për pagesat e prapambetura të ish punonjësve të Kombinatit mekanik të Policanit. Një lajm i shumë pritur nga dhjetëra punonjës të këtij kombinati.

Shqipëria është nga vendet e pakta në rajon që e ka të fjetur industrinë ushtarake. Ka nevojë për investime, investitorë, ndërmarrjet shtetërore i kemi në proces transformimi në Sh. A. për ta riaktivizuar përmes investimeve për të zhvilluar industri.

Ky pr/ligj do të marrë rrugën e vet drejt Kuvendit. Shoqëritë aksionere këto detyrime duhet t’i paguajnë vetë, supozohet që duhet të dalin me fitim. Ne nuk e inkurajojmë që detyrimet e akumuluara në vite nga Sh.a të bëhen praktikë të paguhen nga buxheti i shtetit, por ky është një rast specifik, ndaj miratuam këtë ligj të posacëm, mund të jetë një rastet e fundit, kur buxheti i shtetit merr përsipër të shlyejë këto detyrime.

Kemi marrë përsipër pagimin e pagave dhe sigurimeve shoqërore të prapambetura për mbi 120 punonjës, bëhet fjalë për rreth 83 milionë lekë. Kemi parasysh Policanin, Mjekësin dhe Gramshin. Në Gramsh dhe Mjekës kanë një lloj aktiviteti që lidhen kryesisht me demontimin. Nuk kanë detyrime si në Polican.

Kemi interesime, nga investitorë të huaj, kanë parë potencialin e tyre. Duam të ndryshojmë nga ‘Shqipëria 1 euro’, te ‘Shqipëria partnere’ qoftë te investitorët e huaj, qoftë vendas”,- u shpreh Peleshi.

The post Ndihmë Financiare për punonjësit dhe ish-punonjësit e Poliçanit/ Peleshi: Hap vendimtar appeared first on Albeu.com.