Gjithashtu autoritetet kanë urdhëruar evakuimin e menjëhershëm të banorëve në fshatrat Vokopolë, Zhapokikë, Plashnik dhe Panarit, si dhe në zonat brenda Rezervatit të Mbrojtur “Balloll”.

Aktualisht, flakët kanë përfshirë edhe fshatin Harunas, ku hyrja është bërë e pamundur për shkak të bllokimit të rrugës kryesore nga zjarri. Kjo situatë ka izoluar disa zona të tjera malore, duke vështirësuar ndërhyrjen e forcave zjarrfikëse. Po ashtu gjashtë persona janë raportuar të plagosur dhe ndodhen në spital, ndërkohë forcat e emergjencës po luftojnë për të izoluar flakët.

The post Situata del jashtë kontrollit në Poliçan/ Flakët përfshijnë fshatin Harunas, gjashtë persona të plagosur në spital appeared first on Albeu.com.

Burime për mediat bëjnë me dije se situata paraqitet alarmante, ndërkohë që flakët janë duke u përhapur me shpejtësi, kjo falë erës dhe temperaturave të larta.

Në vendin e ngjarjes prej orësh ndodhen zjarrfikësit e Poliçanit, ndërkohë që në ndihmë të tyre kanë shkuar edhe tre mjete dhe 15 zjarrfikës nga Berati, me qëllim për të neutralizuar sa më shpejt flakët të cilat po përhapen me shpejtësi drejt Uzinës, në afërsi të zonës B.

Mësohet se autoritetet kanë evakuuar të moshuarit në azil si dhe banorët e fshatit Plirezës.

Në vendin e ngjarjes ka shkuar edhe kryebashkiaku Adriatik Zotkaj i cili i alarmuar dhe i shqetësuar ka kërkuar ndihmë dhe forca të tjera zjarrfikëse për të shuar zjarrin i cili prej orësh po tregohet i pamëshirshëm dhe po djeg çfarë po i del para.

Sakaq, shkaku i zjarrit është ende i paqartë dhe po hetohet nga autoritetet për të përcaktuar nëse bëhet fjalë për shkëndija aksidentale apo zjarrvënie të qëllimshme.

The post Alarm në Poliçan, kryebashkiaku kërkon përforcime, zjarri po shkon drejt Uzinës së Armëve appeared first on Albeu.com.

Burime bëjnë me dije se zjarri është përhapur pranë zonës C, në të cilën ndodhen magazinat me lëndë plasëse.

Në vendngjarje kanë shkuar ekipet zjarrfikëse, ushtria si edhe një helikopter i Bazës Kuçovës.

The post Zjarr në afërsi të uzinës së Poliçanit, flakët shumë pranë magazinës me lëndë plasëse/ Ndërhyjnë ekipet zjarrfikëse, ushtria dhe një helikopter appeared first on Albeu.com.

Gjithashtu, Maliqi ka ngritur akuza edhe ndaj PD, pasi sipas tij, edhe pse i ka informuar për të gjitha parregullsitë që po ndodhin dhe ka ofruar ndihmën e tij, nuk kanë vepruar dhe ia lanë PS-së terrenin e lirë për manipulim.

Ai shprehet se kjo betejë nuk do të bëhet vetëm për moral, por edhe për të denoncuar e zbuluar krimin elektoral edhe gjatë procesit të numërimit!

Maliqi shprehet më tej se SPAK-u, i kapur peng nga Rilindja duhet të marrë pamjet filmike dhe celularët e numëruesve, operatorëve e antarëve të KZAZ-ve dhe të zbulojë dhe nga i merrnin urdhrat.

Postimi i plotë:

Të dashur miq megjithëse mora 5222 vota në Qarkun Berat dhe ju jam shumë mirënjohës secilit prej jush, duke qënë tek 22 me të votuarit, në shkallë vendi nga opozita. Ju garantoj dhe besoj që perveç masakrës elektorale dhe sulmit që pata i vetëm nga të gjitha krahët ju garantoj dhe pres të hapen kutitë në Berat, Dimal e Polican ku ka të dhëna të sigurta për manipulim votash nga numërues dhe operatorë në KZAZ Pasi kam pasur vetëm gjysmat e numëruesve dhe të vezhguesve dhe kishim tavolina numërimi pa asnjë numurues dhe vezhgues si kandidat dhe si koalicion, pasi PD në mungesë ka mundësuar të viheshin më mirë PS sesa numëruesit dhe vëzhguesit e mi, problem për të cilin kam debatuar disa herë edhe me Z. Flamur Noka dhe kam vënë në dijeni Tedi Blushin dhe Liderin Berisha. Pra isha i pabarabartë edhe mes Kandidatatëve dhe ishim zbuluar në këto KZAZ edhe ndaj Rilindjes. Kjo betejë nuk do të bëhet vetëm për moral, por edhe për të denoncuar e zbuluar krimin elektoral edhe gjatë procesit të numërimit!

SPAK i kapur peng nga Rilindja duhet të veprojë të marrë pamjet filmike dhe celularët e numëruesve dhe operatorëve dhe antarëve të KZAZ-ve dhe të zbulojnë dhe nga i merrnin urdhrat nga Deputë dhe Drejtues Vendor. Çdo gjë do zbardhet! Drejtësia do vihet në vend, me ndëshkim çdo manipulatori të blerë e të shitur! Mbetem njëri prej jush 5222 votuesit me zemër që jeni dhe do jeni mbi 2 fish dhe mbi ju nuk vlerësoj asnjë, pasi pa ju nuk ka asnjë shanc të fitohet Bashkia Kuçovë, e grabitur me pak vota në 2023, por as Bashkia Berat pasi ish-komuna Otllak (Lapardha-Moravë-Otllak-Orizaj-Dyshnik-Virjon-Qereshnik) perben 1/4 e qytetit Berat, ku kemi qënë së bashku fitues që nga 2007. Bashkë me ju do marrim vendimet e duhura për sfidat elektorale në vazhdim, për fitore tepër të sigurta. Së bashku do ja dalim me mbështetje, mirënjohje reciproke dhe vendime vetëm në interesin tuaj. S’ka forcë që na mposht drejt misionit tonë për ndryshim dhe zhvillim!

The post Lefter Maliqi: Do e faktoj manipulimin e votave në Berat, Poliçan dhe Dimal! SPAK të veprojë appeared first on Albeu.com.

“Stacioni i Policisë Poliçan referoi materialet në Prokurori, për vlerësim, pasi datë 22.09.2024, në fshatin Zhitom, Poliçan, shtetasi B. Q., 61-vjeç, duke punuar tokën, ka rënë nga mjeti zetor dhe si pasojë e dëmtimeve ka humbur jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat”, njofton policia.

The post E rëndë në Poliçan/ U rrëzua nga zetori, humb jetën 61-vjeçari appeared first on Albeu.com.

Qeveria do të ngrejë Agjencinë e Industrisë së Mbrojtjes (AIM) e cila në mënyrë ekskluzive do të licencojë subjektet për prodhimin dhe tregtimin e armatimit ushtarak ndërsa pr/ligji ka për qëllim garantimin e kontrollit dhe mbikëqyrjes së këtyre aktiviteve si dhe rregullimin e veprimtarisë të të gjithë subjekteve që veprojnë në territorin e Republikës së Shqipërisë

Investo 25 mln euro dhe taksa zero

Pr/ligji parashikon që subjektet që do të merren me prodhimin e armëve “Made in Albania” do të kenë lehtësira fiskale dhe incentiva nëse planifikojnë një investim fillestar prej së paku 25 milionë euro, thuhet në nenin 23 të këtij pr/ligji.

Një nga lehtësirat kryesore është fakti se nuk do të paguajnë taksa për 10 vitet e para. Gjithashtu i jepet mbështetje për ndërtimin e infrastrukturës dhe i mbulohen shpenzimet utilitare, si dritat uji e gazi plotësisht a pjesërisht, për 10 vjet.

Lehtësirat që përfitojnë kompanitë me 25 mln euro investim

-Procedura të përshpejtuara për licencimin dhe regjistrimin e veprimtarisë

-Norma e tatimfitimit është 0 (zero) për 10 vitet e para të aktivitetit;

-Ulje e tatimit mbi vlerën e shtuar në masën 10 (dhjetë) përqind, për furnizimet dhe shërbimet e nevojshme për prodhimin e armatimit ushtarak, si dhe çdo përjashtim tjetër tatimor i aplikueshëm, bazuar në legjislacionin në fuqi për tatimin mbi vlerën e shtuar;

-Përjashtim nga taksa e ndikimit në infrastrukturë;

-Përjashtim nga taksa vendore dhe qendrore e pasurisë së paluajtshme që përdoren për qëllime prodhimi, për një periudhë 10-vjeçare;

-Përjashtim nga të gjitha taksat doganore për mallrat, të cilat shërbejnë drejtpërdrejt për prodhimin e armatimit ushtarak;

-Mbështetje për ndërtimin dhe mirëmbajtjen e infrastrukturës ndihmëse, si rrugë, ujësjellës kanalizime, energji elektrike dhe telekomunikacion, të cilat janë thelbësore për funksionimin e aktivitetit të subjektit;

-Qasje në fonde dhe programe mbështetëse për kërkim dhe zhvillim në fushën e teknologjive të mbrojtjes;

-Mbështetje dhe bashkëpunim në projekte kërkimore, zhvillimin e teknologjive të reja dhe shkëmbimin e njohurive dhe ekspertizës nga Qendra e Inovacionit, Sigurisë dhe Mbrojtjes, në Ministrinë e Mbrojtjes;

-Mbulimi i shpenzimeve të shërbimeve utilitare, si energjia elektrike, uji dhe gazi,  plotesisht ose pjesërisht, te rimbursueshme ose me tarifa preferenciale, për 10 vjet.

Brenda vitit të parë të aktivitetit 5 mln euro

Për të miratuar lehtësirat subjektet duhet të plotësojnë një sërë kriteresh. Një nga këto është fakti që veç investimit fillestar prej së paku 25 milionë Euro duhet të planifikojë dhe një investim të drejtpërdrejtë brenda vitit te pare te aktivitetit prej 5 milion Euro.

Subjekti duhet të jetë i regjistruar për aktivitetin e prodhimit të armatimit ushtarak duhet dhe të paraqesë një plan të detajuar biznesi afatshkurtër 3 vjeçar që tregon pritshmëritë për zhvillimin e aktivitetit, përfshirë pritshmëritë për punësim, inovacionin dhe teknologjitë që do të përdoren, si dhe kontributin në ekonominë lokale dhe sigurinë kombëtare.

Gjithashtu subjekti duhet të jetë i regjistruar në QKB dhe të vërë në dispozicion pasqyrat financiare të audituara për të paktën 3 vitet e fundit, listën e punonjësve dhe programin e trajnimit të tyre

AIM e emëron kryeministri

Agjencia e Industrisë së Mbrojtjes (AIM) është autoriteti shtetëror përgjegjës për licencimin, mbikëqyrjen dhe rregullimin e sektorit të prodhimit, tregtimit, kërkimit dhe zhvillimit të armatimit ushtarak. Ajo lëshon, rinovon, pezullon dhe revokon licencat për subjektet dhe do të jetë në varësi të ministrit të Mbrojtjës dhe do të ketë seli në Tiranë.

Drejtori i Përgjithshëm i Agjencisë emërohet nga Kryeministri, me propozim të ministrit të Mbrojtjes. Edhe struktura dhe organika e Agjencisë miratohen me urdhër të Kryeministrit, me propozim të ministrit të Mbrojtjes.

Këshilli i Ministrave përcakton rregullat e organizimit dhe funksionimit të Agjencisë e cila do të financohet nga buxheti i shtetit, tarifat e licencimit dhe çdo burim tjetër i ligjshëm.

Agjencia ‘one stop shop’, regjistri dhe lista e zezë

Agjencia do të vlerësojë aplikimet pas koordinimit me institucionet e tjera shteterore brenda një afati prej 30 ditësh. Mban një regjistër ku shënohen të gjitha subjektet e licencuara. Këta të fundit do të jenë të detyruara të regjistrojnë të gjitha aktivitetet e tyre që lidhen me prodhimin, tregtimin, si dhe eksportin – importin e armatimit ushtarak.

Gjithashtu kanë detyrimin të hedhin të dhënat për identifikimin dhe gjurmimin e armëve në regjistrin elektronik. Mban dhe publikon një listë të zezë të subjekteve që janë gjetur në shkelje të këtij legjislacionit në fuqi për prodhimin dhe tregtimin e armëve apo të kenë cenuar sigurinë kombëtare.

Agjencia ka detyrë dhe mbikqyrjen zbatimin e legjislacionit, kryen inspektime dhe funksionon si një “one stop shop” për zgjidhjen e çështjeve dhe problematikave që paraqiten nga subjektet e këtij ligji.

Siguria

Subjektet janë të detyruar të zbatojnë standarde të larta të sigurisë dhe mbrojtjes së interesit publik dhe të marrin masa për të parandaluar aksidentet, keqpërdorimin e armatimit ushtarak.

“Të gjithë subjektet shtetërore dhe private, të cilat ushtrojnë veprimtari brenda fushës së zbatimit të këtij ligji, ushtrojnë përgjegjësinë dhe kujdesin e duhur për parandalimin dhe ndalimin e akteve korruptive, të përvetësimit të paligjshëm të interesave, të shpërdorimit dhe trafikimit të armatimit ushtarak, të përhapjes së tyre në masë, të akumulimit të paligjshëm të armëve që mund të përdoren nga rrjetet e krimit të organizuar, apo të përdoren për akte terrorizmi, agresioni të brendshëm apo ndërkombëtar, ose shkelje të rënda të së drejtës ndërkombëtare”thuhet në pikën 4 të pr/ligjit

Po kështu duhet të bashkëpunojnë ngushtë me autoritetet e sigurisë kombëtare dhe ndërkombëtare, për të adresuar çdo rrezik potencial ndaj sigurisë që mund të rrjedhë nga aktiviteti i tyre. Të garantojnë transparencë dhe llogaridhënie.

Kompanitë duhet të sigurojnë dhe operojnë me infrastrukturë digjitale dhe kibernetike, e cila ndërvepron në vetëm me infrastrukturat e caktuara të Ministrisë përgjegjëse për mbrojtjen. Personeli operativ i këtyre infrastrukturave pajiset me çertifikatën e sigurisë përkatëse dhe informacioni i përpunuar në këto infrastruktura është i mbrojtur nga sekreti shtetëror, tregtar dhe industrial ushtarak.

Pr/ligji ndalon prodhimin dhe tregtimin, në çdo formë, i armëve dhe teknologjive të armëve biologjike, kimike dhe bërthamore.

Ideja e prodhimit të armëve në vend mori jetë pas vizitës së presidentit të Ukrainës, Volodimir Zelenski në Tiranë, në kuadër të samitit për Ukrainën, mbajtur në shkurt 2024, ku ishte disktuaur për mundësinë e mësua  mbi mundësinë e bashkëprodhimit të armëve.Pak ditë më parë për konsultim publik hodhi dhe një pr/ligji që i hap rrugë krijimit të një shoqërie shtetërore,  “KAYO sh.a e cila do të kontrollojë prodhimin, demilitarizimin dhe tregtimin e armëve, municioneve, pajisjeve dhe teknologjive ushtarake.

The post Prodhimi i armëve ‘Made in Albania’/ Kompanitë 10 vjet pa taksa nëse investojnë të paktën 25 mln euro! AIM jep licencat, e emëron kryeministri appeared first on Albeu.com.

Ndërkohë është rrëzuar me 72 kundër e 20 pro amendamenti i propozuar nga Ferdinand Xhaferraj që përveç pagave të prapambetura ti paguheshin edhe interesat vjetore.

-Projektligji “Per disa shtesa dhe ndryshime ne ligjin nr. 10 129, date 11.5.2009, “Per giendjen civile”, te ndryshuar u miratua me 73 vota pro, 0 abstenim, 15 kundër.

-Projektligji “Per ratifikimin e marreveshjes ndermjet Këshillit të Ministrave të Republikës së Shiperise dhe qeverisë së Republikës se Turqisë për bashkëpunimin për zhvilim dhe statusin e Zyrës së Koordinimit e Programeve të TIKA-s në Shqipëri” u miratua me 88 pro, 0 kunder, 0 abstenim.

-Projektligji “Per ratifikimin e traktatit te miqesisë dhe bashkëpunimit ndermjet Republikes se Shiperise dhe Ukraines”, 91 vota pro, 0 kundër, 0 abstenim.

The post Votimi në Kuvend/ Hapet drita jeshile për pagat e prapambetura të punonjësve të Poliçanit, rrëzohet amendamenti i Xhaferrajt appeared first on Albeu.com.

Gjatë kontrollit të banesën dhe automjetin e të riut me inicialet F.D., policia i gjeti , veshje dhe fenelina si të Policisë, 2 armë të ftohta (thikë dhe përforcues grushti), municion  luftarak dhe një armë gjahu, të cilat u sekuestruan në cilësinë e provës materiale

“Si rezultat u vu në pranga shtetasi F. D., 28 vjeç, banues në fshatin Velabisht.

Nga kontrollet në automjetin dhe në banesën e tij, u gjetën dhe u sekuestruan në cilësinë e provës materiale, veshje dhe fenelina si të Policisë, 2 armë të ftohta (thikë dhe përforcues grushti), municion  luftarak dhe një armë gjahu”,-njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Berat.

The post Poliçan/ Me uniformë policie, arrestohet 28-vjeçari! Në banesë e makinë i gjenden thika, municion luftarak e armë gjahu appeared first on Albeu.com.

Rrëshqitjet e gurëve dhe të dherave nga shpatet e malit përgjatë këtij aksi kanë sjell problematika në qarkullimin e automjeteve.

Në aksin Vodic -Poliçan si dhe Polçan -Bogovë rreziku është më i madh pasi gurët mund të shkaktojnë aksidentimin e mjeteve të cilat qarkullojnë në këtë zonë.

Nga rëniet e gurëve, njëri krah i rrugës është pakalueshëm ndërsa mjetet ikin në njërin sens të kundërt. Policia e qarkut Berat dhe Poliçan si dhe e Skrapar janë të pranishme për të shmangur çdo aksident, si dhe mësohet se në terren kanë dalë brigada e shërbimit pranë Bashkisë Poliçan.

The post Reshjet e shiut shkaktojnë rrëshqitjen e gurëve dhe dherave! Problematike akset Berat-Poliçan dhe Poliçan -Skrapar appeared first on Albeu.com.

Zotkaj ka marrë 229 vota ndërsa janë numëruar 2 kuti nga 22, ndërsa kandidati i PD ka marrë 60 vota, dhe ai i “BF” ka marrë 16 vota.

The post Kandidati i PS thellon diferencën në Poliçan, ja sa vota para kundërshtarëve është shkëputur appeared first on Albeu.com.