Në Ditën Përkujtimore të policëve që humbën jetën në shërbim, ushtruesja e detyrës së Presidentes, Albulena Haxhiu, së bashku me kryeministrin në detyrë Albin Kurti dhe anëtarët e kabinetit qeveritar, kryen homazhe te Lapidari i policëve të rënë.

Haxhiu theksoi se themelet e lirisë, sigurisë dhe sovranitetit të vendit mbështeten edhe në flijimin e efektivëve që u vranë gjatë ushtrimit të detyrës.

Ajo vuri në dukje se mes 24 policëve të përkujtuar, të cilët dëshmuan besnikëri ndaj Republikës së Kosovës dhe popullit të saj, figurojnë edhe emrat e Enver Zymberit dhe Afrim Bunjakut. Sipas saj, këta të fundit ranë në përpjekje për të mbrojtur tërësinë tokësore, rendin kushtetues dhe pavarësinë e shtetit.

“Sot kujtojmë se liria, siguria dhe sovraniteti i shtetit tonë u ngritën edhe mbi sakrificën e policëve të rënë në detyrë, të cilët dhanë gjithçka, edhe jetën e tyre, për Kosovën dhe qytetarët e Republikës tonë. Lavdi jetës dhe veprës së tyre! Lavdi sakrificës sublime të tyre”, përfundoi ajo.

The post Homazhe në nder të policëve të rënë nga udhëheqësit shtetërorë appeared first on Albeu.com.

Në një komunikatë për media, SPK ka theksuar se rasti i humbjes së jetës së një polici në krye të detyrës e sjell sërish në fokus, sipas saj, nevojën urgjente për adresimin e çështjeve thelbësore për zyrtarët policorë, në veçanti sigurimin jetësor dhe atë shëndetësor.

“Policia e Kosovës kryen detyra me përgjegjësi të lartë dhe shpesh në kushte me rrezik të shtuar për jetën dhe shëndetin e tyre”, thuhet në njoftim.

Sindikata u ka bërë thirrje institucioneve përgjegjëse që të veprojnë sa më shpejt me masa konkrete për zgjidhjen e këtyre çështjeve të hershme, në mënyrë që zyrtarëve policorë t’u sigurohet mbrojtja dhe mbështetja që meritojnë.

The post Pas vdekjes së policit në Vërmicë, Sindikata e Policisë kërkon sigurim jetësor për zyrtarët policorë appeared first on Albeu.com.

Burimet bëjnë me dije se personi i arrestuar është Selman Lajçi nga Kosova.

Gjatë kontrollit të ushtruar në makinën e tij u gjet një snajper, një shotgan dhe një pistoletë.

Menjëherë pas kontrollit është bërë arrestimi i personit.

Njoftimi i Policisë

Port Durrës/Finalizohet operacioni policor I koduar “Snajperi”.

Operacioni nga Policia Kufitare e Portit Durrës, në bashkëpunim me Strukturat Hetimore të DVP Durrës, dhe autoritetet doganore të Portit.

Operacioni i zhvilluar mbi bazën e inteligjencës informative dhe analizës së rriskut.

Sekuestrohen një armë zjarri snajper, një pistoletë, një armë gjahu dhe municion luftarak.

Vihet në pranga 53 vjeçari, i cili udhëtonte nga Italia në drejtim të Kosovës.

Shërbimet e Policisë Kufitare të Portit Durrës, në vijim të kontrolleve të shtuara për parandalimin dhe goditjen e trafiqeve të paligjshme, bazuar në analizën e rriskut dhe inteligjencën informative për një shtetas që kishte me vete armë zjarri dhe do të hynte në Shqipëri, organizuan dhe finalizuan, në bashkëpunim me Strukturat Hetimore të DVP Durrës, dhe autoritetet doganore, operacionin policor të koduar “Snajperi”.

Si rezultat i këtij operacioni u bë kapja dhe arrestimi në flagrancë i shtetasit S. L., 53 vjeç, banues në Zvicër.

Shërbimet e Policisë kanë kaluar për kontroll në vijën e dytë në hyrje të RSH, 53 vjeçarin së bashku me automjetin e tij tip “Land Rover” dhe gjatë kontrollit, Policia gjeti të fshehura, në brendësi të makinës një armë zjarri pistoletë, një snajper, një armë gjahu, 1367 copë fishekë luftarak dhe 800 copë fishekë për armë gjahu, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme./albeu.com

The post EMRI/ U kap me snajper dhe shotgan, ky është shtetasi që u arrestua në Portin e Durrësit appeared first on Albeu.com.

Mësohet se të plagosurit janë babë e bir ku ky i fundit ndodhet në gjendje kritike për jetën.

Bëhet fjalë për Xhevdet Braushi 62 vjeç dhe djali Albion Braushi 30 vjeç, të cilët sipas policisë janë plagosur nga dhëndri i tyre.

Dyshohet se shkak i ngjarjes është bërë një konflikt i çastit.

Ngjarja ka ndodhur në lagjen “Çole.”

Dy personat e plagosur janë gjendur në trotuar nga kalimtarë të rastit dhe janë dërguar me urgjencë në spitalin rajonal të Vlorës.

Ende nuk dihet shkaku i këtyre plagosjeve ndërkohë policia po punon për zbardhjen e detajeve.

Njoftim policie:

Rreth orës 21:30, në lagjen “1 Maji”, dyshohet se pas një konflikti të çastit për motive të dobëta, shtetasi R. K., ka plagosur me mjet prerës thikë, vjehrrin dhe kunatin e tij, shtetasit Xh. B., rreth 60 vjeç dhe A. B., rreth 30 vjeç, të cilët ndodhen në spital, nën kujdesin e mjekëve.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

Shërbimet e Policisë po kontrollojnë zonën me qëllim lokalizimin dhe kapjen e autorit të dyshuar./albeu.com

The post EMRAT/ E rëndë në Vlorë, babë e bir përfundojnë të plagosur në spital, djali në gjendje kritike appeared first on Albeu.com.

Ngjarja ka ndodhur pasditen e sotme në Lagjen numër 1 ndërsa policia njofton se viktima është shtetasja me iniciale J. N.

Njoftim policie

Më datë 30.11.2022, rreth orës 15:20, në lagjen nr. 1, Korçë, është rrëzuar aksidentalisht nga kati i dytë i banesës së saj, shtetasja J. N., rreth 68 vjeçe, e cila për pasojë ka gjetur vdekjen./albeu.com

The post U rrëzua aksidentalisht nga kati i dytë i banesës, ndërron jetë e moshuara në Korçë appeared first on Albeu.com.

Pas fjalës së ish-kryeministrit, qytetarët nisën të ndezin qiri, ndërsa një prej tyre sipas Gent Strazimirit u shoqërua pasi po vendoste flamurin kombëtaren në një dritare të kryeministrisë.

Në lidhje me këtë policia njofton, se qytetari është konstatuar që mbante në dorë një mjet prerës dhe kryente lëvizje të pakontrolluara  duke cënuar jetën e pjesëmarrje në tubim, ndaj edhe “uniformat blu” kanë ndërhyrë menjëherë  për neutralizimin e tij.

Sipas “bluve”, shtetasi J.Ç, 25 vjeç, nga fshati Gurrëz e Vogël, Lushnje, rezulton me person me probleme të shëndetit mendor.

Njoftimi:

Sqarim i Drejtorisë Vendore të Policisë Tiranë

Në lidhje me shoqërimin e një shtetasi, në përfundim të tubimit të ditës së sotme, sqarojmë opinionin publik se:

Shërbimet e Drejtorisë Vendore të Policisë Tiranë, në zbatim të detyrave të planit të masave, të hartuar me qëllim garantimin e rendit dhe sigurisë publike, para, gjatë dhe pas përfundimit të tubimit, në përfundim të tubimit kanë konstatuar një shtetas që mbante në dorë një mjet prerës dhe kryente lëvizje të pakontrolluara.

Shërbimet e Policisë kanë ndërhyrë me profesionalizëm për të parandaluar çdo veprim të këtij personi, i cili mund të cënonte jetën e pjesëmarrësve në tubim dhe të punonjësve të Policisë që ishin në shërbim për të garantuar mbarëvajtjen e tubimit përsa i përket rendit dhe sigurisë.

Shërbimet e Policisë e kanë neutralizuar dhe shoqëruar shtetasin J. Ç., 25 vjeç, nga fshati Gurrëz e Vogël, Lushnjë, i cili nga verifikimet paraprake rezulton person me probleme të shëndetit mendor.

Sqarojmë se përveç këtij shtetasi nuk ka asnjë person tjetër të shoqëruar nga shërbimet e Policisë dhe se tubuesit janë shpërndarë pa krijuar probleme përsa i përket rendit dhe sigurisë publike.

Policia e Shtetit falënderon qytetarët për qytetarinë e treguar gjatë tubimit dhe i garanton ata se Policia e Shtetit është e angazhuar maksimalisht për të garantuar rendin, sigurinë, lirinë dhe të drejtat e qytetarëve./albeu.com

The post Shoqërimi me dhunë i protestuesit, reagon policia: Ja si qëndron e vërteta appeared first on Albeu.com.

Gjykata ka vendosur 45 ditë burg për shtetasit Petrit Demishaj, Alban Naziraj dhe Artur Sevdara.

Policia gjeti më 3 nëntor, pas një kontrolli në një kontejner të ardhur nga Ekuadori 33.5 kg kokainë.

Kokaina ishte e ndarë në 31 pako, të fshehura mes bananeve.

Ndërsa 1 ditë më vonë, më 4 nëntor, policia bëri me dije se arrestoi Petrit Demishaj., 57 vjeç, banues në Tiranë, me detyrë administrator i kompanisë që kishte porositur ngarkesën me banane, për veprën penale “Trafikimi i lëndëve narkotike”, Alban Naziraj, 48 vjeç, banesë në Tiranë, me detyrë operator skaneri, në Portin e Durrësit, për veprat penale “Trafikimi i lëndëve narkotike” dhe “Falsfikimi kompjuterik” dhe Artur Sevdaraj, 48 vjeç, banues në Tiranë, me detyrë imazhier skaneri, në Portin e Durrësit, për veprat penale “Trafikimi i lëndëve narkotike” dhe “Flasifikimi kompjuterik”.

Ndërsa pronari i kompanisë ‘BanaKing’, Trifon Murataj është shpallur në kërkim.

The post “E bardha” në kontejnerin me banane në Portin e Durrësit, lihen në burg tre të arrestuarit appeared first on Albeu.com.

Autoritetet kanë ndaluar një 58-vjeçar me iniciale S. Ç.  i cili  teksa po drejtonte automjetin e tij dyshohet se aksidentoi viktimën dhe më pas u largua nga vendngjarja.

Sakaq, materialet i kaluan Prokurorisë, për veprime të mëtejshme procedurale.

Njoftim policie

Policia zbardh aksidentin me pasojë vdekjen e një shtetasi, që ndodhi në datën 02.11.2022, në aksin rrugor “Fier-Vlorë”.

Identifikohet dhe ndalohet 58-vjeçari, i cili, duke drejtuar automjetin, aksidentoi me pasojë vdekje shtetasin Y. S. dhe më pas u largua nga vendngjarja.

Në datën 02.11.2022, rreth orës 17:30, në aksin rrugor “Fier-Vlorë”, në fshatin Ferras, shtetasi S. Ç., 58 vjeç, banues në Kraps, Fier, duke drejtuar automjetin tip “Benz”, ka aksidentuar me pasojë vdekje, shtetasin Y. T., 70 vjeç, banues në fshatin Fitore, i cili ka qënë duke lëvizur me biçikletë. Pas aksidentit, shtetasi S. Ç. është larguar nga vendngjarja.

Si rezultat i një pune intensive hetimore nga specialistët e Sektorit të Qarkullimit Rrugor të DVP Fier u bë i mundur identifikimi dhe ndalimi i tij.

Materialet i kaluan Prokurorisë, për veprime të mëtejshme procedurale./albeu.com

The post Aksidentoi për vdekje 70-vjeçarin dhe u largua, arrestohet 58-vjeçari nga Fieri appeared first on Albeu.com.

“Nga ana jonë janë marrë masat duke shtuar shërbimet për të menaxhuar fluksin. Risi për këtë vit janë edhe pajisjet e-gate, pajisje këto që ndihmojnë në procedurat e kontrollit kufitar, duke përpunuar deri në 30% të pasagjerëve. Janë shtuar kontrollet edhe për të parandaluar dhe goditur veprimtaritë e paligjshme në kufi, ku përgjatë sezonit turistik janë goditur mbi 40 raste të dokumenteve të falsifikuara. Shtetas të ndryshëm kanë tentuar të hynë apo të dalin nga RSh, duke përdorur dokumente të falsifikuara. Kjo, falë edhe pajisjeve moderne të ardhura së fundi në dispozicion të Policisë Kufitare. Gjithashtu, janë kapur nga shërbimet e Policisë Kufitare rreth 80 shtetas në kërkim kombëtar dhe ndërkombëtar, duke bashkëpunuar edhe me strukturat e tjera të Policisë së Shtetit, kryesisht Interpol Tiranën dhe FAST Albania-n. Masat janë shtuar edhe në hyrje të RSh, duke iu refuzuar hyrjen në Shqipëri, rreth 500 shtetasve të vendeve të treta, të cilët kanë qënë të dyshuar për qëllimin e udhëtimit. Komisariati i Rinasit ka një peshë specifike edhe në përpunimin e shtetasve të deportuar dhe për këtë vit janë përpunuar mbi 3200 shtetas, të cilët janë prapësuar kryesisht nga Britania e Madhe dhe Franca. Me investimet e fundit edhe në këtë drejtim janë rritur masat e sigurisë dhe mjetet teknologjike për përpunimin e dokumentacionit dhe për marrjen e gjurmëve daktiloskopike të të gjithë personave të deportuar.
Nga investimi i thelluar dhe teknologjia e avancuar është bërë e mundur që edhe gjatë përpunimit të dokumentacionit dhe intervistimit të deportivëve, të kapen rreth 10 persona në kërkim që kishin ndryshuar gjenealitetet, me qëllim shmangien e kontrollit kufitar. Po gjatë këtij viti, në Rinas, janë goditur edhe 12 raste të mosdeklarimit të të hollave në kufi, kryesisht në hyrje por edhe në dalje, si dhe 6 raste të tentativës për të korruptuar punonjësit e Policisë, me qëllim kalimin e kufirit të atyre personave që kanë pasur probleme në hapësirën Schengen. Nga ana jonë janë marrë të gjitha masat për të shtuar kontrollet, për të menaxhuar fluksin gjatë gjithë këtij sezoni.”

The post Frika nga “spiunët”? Policia deporton 500 shtetas të huaj në Rinas appeared first on Albeu.com.

Një shtetase me iniciale S.XH banuese në Gjermani ka raportuar në policinë e Durrësit humbjen e vëllait të saj.

Motra ka humbur kontaktet me vëllain e saj ku dhe jo ka qenë pikënisja e shkakut të këtij denoncimi.

Shtetasin I. J., 51 vjeç, banues në lagjen nr. 6, Durrës ka dalë nga banesa ku dhe nuk është kthyer më.

Ndërkohë policia po punon për gjetjen e tij.

Njoftim policie

Një 51-vjeç ka humbur kontaktet me familjen në qytetin e Durrësit.

Ka qenë shtetasja S. Xh., banuese në Gjermani, e cila ka bërë kallëzim në policinë e Durrësit se ka humbur kontaktet me vëllanë e saj, shtetasin I. J., 51 vjeç, banues në lagjen nr. 6, Durrës.

Ajo ka raportuar se kur është kthyer nuk e ka gjetur as në banesë. Vijon puna për gjetjen e tij.

The post Humb një 51-vjeçar në Durrës, motra denoncon zhdukjen e tij appeared first on Albeu.com.