pogradec Archives - Albeu.com

Aksident në aksin Korçë-Pogradec/ Makina devijon nga rruga dhe merr përpara barrierat mbrojtëse, plagoset rëndë shoferi

M C — Wed, 08 Apr 2026 21:13:59 +0000

Një aksident i rëndë rrugor ka ndodhur mbrëmjen e sotme në aksin Korçë–Pogradec, në afërsi të fshatit Sovjan, ku një makinë ka devijuar nga rruga dhe është përplasur me barrierat mbrojtëse.

Paraprakisht raportohet se një mjet tip “Benz” ka goditur barrierat mbrojtëse anësore dhe më pas ka përfunduar jashtë karrexhatës. Për pasojë mësohet se shoferi ka pësuar dëmtime serioze.

Bëhet me dije se në vendngjarje mbërritur menjëherë ambulanca, e cila ka transportuar të plagosurin për në Spitalin Rajonal të Korçës për ndihmë mjekësore.

Ndërsa bëhet me dije se shoferi ndodhet në gjendje të rëndë shëndetësore, por fatmirësisht jashtë rrezikut për jetën.

Autoritetet ndodhen në vendngjarje duke vijuar me punën për zbardhjen e plotë të rrethanave të ngjarjes.

The post Aksident në aksin Korçë-Pogradec/ Makina devijon nga rruga dhe merr përpara barrierat mbrojtëse, plagoset rëndë shoferi appeared first on Albeu.com.

Aksident në Pogradec/ Makina përplas çiftin e bashkëshortëve që udhëtonte me motor, dërgohen në spital

M C — Sat, 21 Mar 2026 17:04:16 +0000

Një aksident rrugor është regjistruar pasditen e sotme në unazën e qytetit të Pogradec, ku janë përfshirë një automjet dhe një motomjet.

Sipas informacionit paraprak, ngjarja ka ndodhur rreth orës 16:20, ku automjeti me drejtues shtetasin R. Z. është përplasur me një motomjet që drejtohej nga shtetasi E. Sh.

Si pasojë e aksidentit, kanë mbetur të dëmtuar drejtuesi i motomjetit dhe bashkëshortja e tij, e cila udhëtonte si pasagjere. Të dy janë transportuar në spital për të marrë ndihmën e nevojshme mjekësore.

Ndërkohë, me drejtuesin e automjetit, shtetasin R. Z., do të kryhen veprimet procedurale përkatëse.

Grupi hetimor ndodhet në vendngjarje dhe po punon për sqarimin e plotë të rrethanave dhe përcaktimin e shkakut të aksidentit.

The post Aksident në Pogradec/ Makina përplas çiftin e bashkëshortëve që udhëtonte me motor, dërgohen në spital appeared first on Albeu.com.

Tre persona tentojnë të grabisin një argjendari, flet pronari: Dyqanin e hapën me kriko makine! Çfarë filmuan kamerat e sigurisë

V K — Fri, 20 Mar 2026 08:13:45 +0000

Në orët e para të mëngjesit të sotëm, një tentativë grabitjeje është shënuar në qytetin e Pogradecit, ku shënjestër ka qenë një argjendari në pronësi të Lytfi Alisë.

Pronari i biznesit bën me dije se kjo nuk është hera e parë që argjendaria e tij sulmohet. Sipas tij, në raste të mëparshme autorët kanë arritur të marrin sende me vlerë, duke shkaktuar dëme që kapin shifrën mbi 15 mijë euro.

Ndryshe nga rastet e kaluara, këtë herë tentativa ka dështuar. Pas aktivizimit të sistemit të alarmit, autorët janë larguar pa arritur të marrin asgjë.

Sipas pamjeve të kamerave të sigurisë, në ngjarje janë përfshirë tre persona të maskuar, të cilët kanë arritur të hapin derën e dyqanit duke përdorur një kriko makine.

The post Tre persona tentojnë të grabisin një argjendari, flet pronari: Dyqanin e hapën me kriko makine! Çfarë filmuan kamerat e sigurisë appeared first on Albeu.com.

Qeni kafshon dhe merr zvarrë vajzën 10-vjeçare në Pogradec, vogëlushja dërgohet me urgjencë në spital

M C — Thu, 19 Mar 2026 21:57:26 +0000

Një ngjarje e rëndë ka ndodhur mbrëmjen e sotme në qytetin e Pogradecit, në hyrje të lagjes “Goricë”, ku një vajzë 10-vjeçare është sulmuar nga qeni i fqinjit. Sipas informacioneve, qeni ka kafshuar dhe ka tërhequr zvarrë të miturën, duke i shkaktuar plagë të rënda.

10-vjeçarja është dërguar menjëherë në spitalin e Pogradecit, ku ka marrë ndihmën e parë.

Fqinjët kanë thënë për mediat se ky qen ka sulmuar edhe herë të tjera banorët e zonës, duke u kthyer në shqetësim të vazhdueshëm për komunitetin. Edhe pse ata kanë bërë ankesa herë pas here, pronari i qenit nuk ka marrë masa për të parandaluar rrezikun.

Ngjarja është referuar për procedim penal, ndërsa e mitura po merr ndihmën e nevojshme mjekësore në spitalin e Pogradecit.

The post Qeni kafshon dhe merr zvarrë vajzën 10-vjeçare në Pogradec, vogëlushja dërgohet me urgjencë në spital appeared first on Albeu.com.

Pogradeci “përfshihet” nga flakët! Ndizen dy vatra zjarri në dy fshatra, terreni malor vështirëson punën për shuarjen

M C — Tue, 17 Mar 2026 18:48:24 +0000

Dy vatra zjarri janë regjistruar mbrëmjen e sotme në dy zona të Proptishtit, në Pogradec. Përkatësisht në fshatrat Homçan dhe Somotinë. Ku në terren janë angazhguar forca zjarrfikëse, banorë të zonës dhe inspektorë të pyjores të cilët janë duke punuar në kushte të vështira për shuarjen e flakëve si pasojë e terrenit malor. Bvurime për [...]

Shkrumbohet Range Roveri në Pogradec, mjeti në pronësi të ish-policit, për çfarë dyshohet (EMRI)

V K — Thu, 26 Feb 2026 07:23:03 +0000

Në orët e para të mëngjesit të sotëm, një mjet tip Range Rover është përfshirë nga flakët. sipas sinformacioneve, mësohet se ngjarja është regjistruar në lagjen nr 1, në afërsi të Capri Center, ku mjeti tip Range Rover është djegur thuajse plotësisht.

Sipas burimeve, mësohet se mjeti është në pronësi të Erion Maxharit, i njohur për policinë e Pogradecit.

Ky i fundit, ka preçedent të mëparshëm penalë për vepra të ndryshme, ndërsa kujtojmë se ditën e zgjedhjeve ka qenë një prej të arrestuarve që u përfshi në një konflikt fizik me një nga komisionerët.

Nga ana e grupit hetimor po bëhet kqyrja e vendit të ngjarjes, si edhe janë marrë kamerat e sigurisë të zonës për të zbardhur ngjarjen, pasi ka dyshime që zjarrvënia mund të jetë e qëllimshme.

Megjithatë, shkaku i zjarrit nuk konfirmohet ende zyrtarisht.

The post Shkrumbohet Range Roveri në Pogradec, mjeti në pronësi të ish-policit, për çfarë dyshohet (EMRI) appeared first on Albeu.com.

Kanosi drejtoreshën e shërbimit të provës në Pogradec, shpallet në kërkim 56-vjeçari nga Fieri

V K — Sat, 14 Feb 2026 10:46:00 +0000

Specialistët për Hetimin e Krimeve në Komisariatin e Policisë Pogradec, kanë shpallur në kërkim 56-vjeçarin Genc Llakaj, banues në Fier, për veprën penale “Kanosja për shkak të detyrës”.

Sipas Policisë, 56-vjeçari dyshohet se ka kanosur nëpërmjet telefonit dhe rrjeteve sociale drejtoreshën e Degës Territoriale të Shërbimit të Provës në Pogradec, Suela Llakmani.

Kërcënimet pretendohet se lidhen me faktin se, sipas tij, zyrtarja nuk është paraqitur qëllimisht në gjykatë, çka ka sjellë shtyrjen e seancës gjyqësore ndaj bashkëshortes së tij, e cila aktualisht ndodhet me masën e sigurisë “Arrest në burg” në IEVP Pojskë.

Materialet procedurale iu referuan Prokurorisë së Korçës për veprime të mëtejshme, ndërsa vijon puna për kapjen e 56-vjeçarit.

The post Kanosi drejtoreshën e shërbimit të provës në Pogradec, shpallet në kërkim 56-vjeçari nga Fieri appeared first on Albeu.com.

Tregtonin lëndë narkotike në Pogradec/ Jepet pretenca për grupin kriminal, sa vite burg kërkon prokuroria (EMRAT)

V K — Tue, 03 Feb 2026 14:57:16 +0000

Nga; Elton Qyno

Plot 45 vite burgim, ka kërkuar në gjykatë prokuroria e Korçës për grupin e Pogradecit që tregtonin heroinë dhe kokainë në disa zona të qytetit, si Volorekë, Tushemisht, zona e ish-turizimit dhe vende të tjera.

Dhjetë të pandehur janë përballur me akuzën e “Prodhimit dhe shitjes së lëndëve narkotike”.

Ndërkohë që në pretencën e saj prokuroria shpalosi një sërë provash të siguruara nga hetimi, që tregonin një sërë raportesh vëzhgimi dhe përgjime ambientale, të cilat vërtetonin aktivitetin kriminal të 10 të pandehurve.

Disa prej tyre janë arrestuar nga policia qysh prej muajit shtator 2023, ndërsa disa të tjerë vijojnë të jenë në kërkim.

Gazetari Elton Qyno, ka mësuar se 10 të pandehurit kanë pranuar akuzën dhe gjendjen e akteve të paraqitura nga prokuroria, duke hyrë në këtë proces gjyqësor me procedurën e gjykimit të shkurtuar me qëllim përfitimin e uljes së dënimit në masën 1/3.

Mësohet se për personin në kërkim Andrea Pilinçi, prokuroria ka kërkuar 8 vite burgim, por për shkak të gjykimit të shkurtuar masa përfundimtare e kërkuar ndaj tij, është 5 vite e 4 muaj burgim.

Për personat e tjerë si Leonard Dervishllari, Dhimitër Buli, Rudi Shaho, Naum Çbani, Erion Bardho, Andrea Barmashi, është kërkuar dënimin e tyre me 7 vite burgim. Por për shkak të gjykimit të shkurtuar, kjo masë dënimi përfundimisht është ulur në 4 vjet e 8 muaj burgim.

Për Marko Zikon, prokuroria kërkoi 6 vjet burgim ku me gjykim të shkurtuar u kërkua përfundimisht dënimi me 4 vjet burgim. Me 5 vjet heqje lirie u kërkua për Klavio Prishtinën dhe Edison Hidrin, të cilët nga gjykimi i shkurtuar përfituan uljen e dënimit në masën përfundimtare në 3 vjet e 4 muaj burgim.

Sipas dosjes hetimore, rezulton se një agjent i infiltruar dhe autorizuar nga prokuroria e Korçës, ka blerë disa herë kokainë në ambientet e Bar-Restorant “Kashta 1” në Tushemisht.

Në 22 Gusht 2023 agjenti i infiltruar, ka telefonuar përmes aplikacionit “WhatsApp” Andrea Pilinçi, të cilin personi ka kërkuar ta takojë.

Andrea Pilinçi, ka pranuar të takohet dhe i ka thënë agjentit që të shkojë te lokali, “Kashta” në Tushemisht. Në orën 16:10, agjenti ka shkuar në ambientet e lokalit dhe pasi është ulur te një nga tavolinat, aty është ulur dhe Andrea Pilinçi.

Ky i fundit pasi bisedon disa sekonda me personin e autorizuar, ka thirrur kamerierin e lokalit Endrit Hafesllari, të cilin e ka dërguar për të marrë dozën e lëndës narkotike.

Pasi Endriti, e ka çuar dozën në tavolinë ka shkuar përsëri brenda lokalit dhe ka marrë një tjetër dozë ja ka dhënë agjentit të policisë.

Nga procesi i vëzhgimit vihet re se Andrea Pilinçi, në bashkëpunim me punonjësit e lokalit ”Kashta 1”, Endrit Hafesllari dhe Naum Çobani, kryejnë aktivitetin e shitjes së lëndëve narkotike kokainë.

Këtë aktivitet këta persona e ushtrojnë në ambientet e lokalit, te persona të njohur dhe të pa njohur.

Andrea është personi që ka kontaktet me klientët ndërsa Endriti dhe Naumi, janë personat që shesin lëndën narkotike sipas porosive që i jep, Andrea.

Por kjo bazë e shitjes së drogës në Pogradec nuk është e vetmja. Një tjetër grup tjetër mjaft aktiv që tregon kokainë, heroinën dhe hashashin në qendër të qytetit, është ai i Alfons D.

Tregtia e kokainës realizohej në qendër të Pogradecit, pranë hotel “Enkelana”, ku në një episod prokuroria ka provuar shitjen e lëndës narkotike nga Klavio Prishtina tek Renato Musollari.

Në raportin e vëzhgimit në teren Klavio Prishtina, rezulton të jetë pasagjer në automjetin e markës “Range Rover” me targa AA888UM, ndërsa drejtues i këtij mjeti ka qenë, Alfons Demollari.

Në vijim të vëzhgimit, automjeti i mësipërm ka ndaluar te vendi i quajtur “Enkelana”, paralel me automjetin “Mercedes Benz” me targa AA445YV, i cili kishte ndaluar në anë të rrugës, në momentin që “Range Rover”, ka ndaluar një person i cili më pas është identifikuar si Renato Musollari.

Ai është afruar te xhami i parë i automjetit “Range Rover” dhe ka shkëmbyer diçka me pasagjerin Klavio Prishtina, pasi ka marrë sendin nga Klavio, e ka futur në xhep, ka ulur kofanon e mjetit dhe është futur brenda makinës, ku është ulur në sedilje, ndërsa automjeti “Range Rover” është larguar në drejtim të qytetit të Pogradecit.

Në këtë moment kanë ndërhyrë punonjësit e policisë, të cilët nga kontrolli personal i ushtruar Renato Musollarit, i kanë gjetur një mbështjellje plastmasi, brenda të cilës ka pasur një sasi lënde të dyshuar narkotike kokainë.

Përmes agjentëve të infiltruar, policia ka dokumentuar disa raste të tregtisë së kokainës, ku në këtë aktivitet kriminal janë futur një grup personash me precedentë penalë si Leonard Dervishallari, Erion Bardho, Andrea Barmashi, Marko Ziko, Klavio Prishtina, Dhimitër Buli, Edison Hidri dhe Rudi Shaho.

Ky i fundit është shok i Firdeus Berberit, djalit të “Lilit të Rushkës” i arrestuar në Janinë së bashku me Laert Haxhiun dhe tashmë të dy janë ekstraduar në Shqipëri.

Rudi Shaho, është proceduar nga gjykata e Korçës për “Moskallëzim Krimi” dhe “Përkrahje e autorit të krimit”, lidhur me ngjarjen e muajit Prill 2022, ku mbeti i plagosur me armë dhe thikë, Johan Muçllari.

Në dosjen hetimore të operacionit “Tempulli”, jepet një tablo e qartë se si tregtohet kokaina në rrugën “Rinia”, Tushemisht dhe “Kisha e Re” në Pogradec.

Sipas hetimeve Rudi Shaho, ka zhvilluar një takim me agjentin e policisë tek vendi i quajtur “Kisha e Re” në qytetin e Pogradecit, momenti i parë i takimit.

Në këtë takim Rudi Shaho, është me motor dhe se ka ndodhur në orën 22:31 minuta. Ky takim zgjati rreth një minutë, ku subjekti fillimisht është takuar dhe ka rënë dakord për sasinë dhe çmimin me blerësin e simuluar.

Pas disa minutash, personi i autorizuar ka komunikuar përsëri me shtetasin Rudi Shaho dhe pas këtij komunikim ky i fundit ka ardhur përsëri te vendi ku janë takuar herën e parë, të dy personat kanë shkëmbyer diçka me njëri tjetrin dhe më pas janë larguar.

Pretenca e prokurorisë:

1. Leonard Dervishllari me 7 vite burgim, dënimi përfundimtar 4 vite e 8 muaj burgim.

2. Dhimitër Buli me 7 vite burgim, dënimi përfundimtar 4 vite e 8 muaj burgim.

3. Rudi Shaho me 7 vite burgim, dënimi përfundimtar me 4 vite e 8 muaj burgim.

4. Andrea Pilinçi me 8 vite burgim, dënimin përfundimtar me 5 vite e 4 muaj burgim.

5. Naum Çobani me 7 vite burgim, dënimin përfundimtar me 4 vjet e 8 muaj burgim.

6. Erion Bardho me 7 vite burgim, dënimin përfundimtar me 4 vjet e 8 muaj burgim.

7. Andrea Barmashi me 7 vite burgim, dënimin përfundimtar me 4 vjet e 8 muaj burgim.

8. Marko Ziko me 6 vjet burgim, dërgimin përfundimtar me 4 vjet burgim.

9. Klavio Prishtina me 5 vjet burgim, dërgimin përfundimtar me 3 vjet e 4 muaj burgim.

10. Edison Hidri me 5 vjet burgim, dërgimin përfundimtar me 3 vjet e 4 muaj burgim. /Syri.net

The post Tregtonin lëndë narkotike në Pogradec/ Jepet pretenca për grupin kriminal, sa vite burg kërkon prokuroria (EMRAT) appeared first on Albeu.com.

Tërmet në Shqipëri, magnituda dhe epiqendra

V K — Fri, 16 Jan 2026 11:26:15 +0000

Paraditen e sotme, lëkundje tërmeti të magnitudës 3,7, janë ndjerë në Pogradec.

Tërmeti ka rënë rreth orës 11:30, dhe sipas EMSC epiqendra ka pasur një thellësi prej 5 kilometrash.

Sipas raportimeve të njerëzve në EMSC, lëkundjet janë ndjerë edhe në Korçë, Strugë, Ohër e deri në Elbasan.

The post Tërmet në Shqipëri, magnituda dhe epiqendra appeared first on Albeu.com.

Situatë kritike në Pogradec, evakuuohen 5 familje pasi u rrezikohen banesat nga rrëshqitja e dheut

M C — Sat, 10 Jan 2026 17:46:59 +0000

Situata në Pogradec vijon të mbetet problematike, si pasojë e rrëshqitjesh së dherave dhe vërshimeve të ujit, duke “detyruar” evakuuimin e 5 familjeve në zonë.

Spas informaciot zyrtar të dhënë nga perfektura, 1 familje në fshatin Çeravë është evakuuar si pasojë e rrëshqitjes së dheut, 3 familje në fshatin Dardhas janë larguar nga banesat e tyre për të njëjtën arsye, dhe 1 familje në fshatin Vërdovëështë evakuuar për shkak të gërryerjes së tokës nga vërshimi i ujit të lumit.

Të gjitha familjet janë sistemuar përkohësisht në banesa nga struktuat përgjegjhëse dhe do të trajtohen me bonuis qeraje nga Bashkia Pogradec.

Strukturat e emergjencave civile vijojnë monitorimin e situatës në terren, ndërsa u bëhet thirrje banorëve të zonave problematike të tregojnë kujdes të shtuar dhe të bashkëpunojnë me institucionet përgjegjëse.

The post Situatë kritike në Pogradec, evakuuohen 5 familje pasi u rrezikohen banesat nga rrëshqitja e dheut appeared first on Albeu.com.