Në sheshin e Podujevës, këtë të hënë, Shoqata “Roja e Kohës” organizoi një protestë pas incidentit të fundit me armë zjarri në qytet, nga i cili u plagosën katër persona, përfshirë edhe një kalimtar të rastit.

Protestës iu bashkuan disa qytetarë, të cilët shprehën shqetësimin e tyre për shtimin e rasteve të dhunës dhe përdorimin e armëve në ambiente publike.

Gjatë tubimit, organizatorët kërkuan angazhim të përbashkët nga institucionet dhe shoqëria për të parandaluar ngjarje të tilla, duke insistuar në marrjen e masave konkrete për garantimin e sigurisë.

“Bashkërisht të punojmë dhe veprojmë që të mos ndodh që gjakderdhja të ndodh në rrugët dhe as në familjet tona. Prandaj, stop dhunës, stop gjakderdhjes, stop vrasjeve në Kosovë”, u tha gjatë protestës.

The post “Stop dhunës, stop gjakderdhjes”: Protestë në Podujevë pas plagosjes së katër personave appeared first on Albeu.com.

Në Podujevë, sonte do të organizohet një protestë e thirrur nga Shoqata “Roja e Kohës”, e cila u ka bërë ftesë qytetarëve të bashkohen në kërkesën për rritje të sigurisë.

Sipas Nexhat Llumnicës, anëtar i Kryesisë së kësaj shoqate, i cili foli për Klankosova.tv, tubimi vjen pas ngjarjes së fundit me të shtëna armësh në qytet, ku u plagosën katër persona, ndër ta edhe një kalimtar rasti.

Ai njoftoi se protesta është caktuar të nisë në orën 19:00, nga sheshi i Podujevës, për të vazhduar më pas me marshim deri te objekti i vjetër i Komunës së Podujevës.

Kërkesat e organizatorëve përfshijnë rishikimin dhe ashpërsimin e Ligjit për Armët, krijimin e një reparti të specializuar për parandalimin e dhunës në komunitet, më shumë investime në shërbimet e shëndetit mendor, kontrolle më të rrepta për lejet e armëve, fushata sensibilizuese për edukimin e qytetarëve, si dhe përgjegjësi institucionale për dështimet në parandalimin e dhunës.

Përmes thirrjes së tyre, organizatorët u kanë bërë apel qytetarëve që t’i bashkohen protestës në mënyrë paqësore, nën moton “Jo dhunës – Po sigurisë!”

The post “Jo dhunës – Po sigurisë!”, sonte mbahet protestë në Podujevë për më shumë siguri appeared first on Albeu.com.

Katër personat që mbetën të plagosur nga përleshja me armë të enjten pasdite në Podujevë janë duke marrë trajtim në Qendrën Klinike Universitare të Kosovës.

Zëdhënësja e QKUK-së, Mirlinda Qyqalla, konfirmoi për media se të lënduarit janë sistemuar në klinika të ndryshme për vijimin e trajtimit.

Njëri prej tyre, pacienti A. Islami, i cili në momentin e plagosjes ishte kalimtar i rastit, është dërguar në Klinikën e Kirurgjisë Maksilofaciale. Atje ai i është nënshtruar një operacioni, gjatë të cilit predha është hequr me sukses dhe janë trajtuar kirurgjikisht të gjitha dëmtimet e konstatuara.

“Aktualisht, pacienti ndodhet në gjendje stabile, me parametra të mirë shëndetësorë. Ai do të vazhdojë trajtimin dhe monitorimin pas operacionit, në përputhje me protokollet e Klinikës së Kirurgjisë Maksilofaciale.” – ka deklaruar Qyqalla për Klan Kosovën.

Në ndërkohë, tre personat e tjerë, të cilët ishin të përfshirët kryesorë në përleshje, po trajtohen po ashtu në reparte të ndryshme.

Klani merr vesh se nga anëtarët e familjes Zejnullahu, 36-vjeçari është dërguar në Klinikën e Kirurgjisë Vaskulare, ndërsa 32-vjeçari po qëndron në Mjekimin Intensiv Qendror. Ky i fundit është operuar dje, pasi gjatë konfliktit kishte marrë plagë në kokë.

Nën trajtim në QKUK ndodhet edhe Agim Xhemajli, i cili është transferuar në Kirurgjinë Torakale për kujdes të mëtejmë mjekësor.

The post Të plagosurit nga ngjarja në Podujevë janë shpërndarë në disa klinika, ja si paraqitet gjendja e tyre appeared first on Albeu.com.

Rasti i rëndë po trajtohet nga Prokuroria Themelore e Prishtinës nën dyshimin për veprën penale “Vrasje e rëndë në tentativë”.

Sipas njoftimit të Prokurorisë, të dhënat e para të hetimit tregojnë se në këtë rast janë të përfshirë persona me lidhje familjare, konkretisht dajë dhe nip, ndërsa shkak dyshohet të ketë qenë një mosmarrëveshje e mëhershme.

Njoftimi i plotë

Prishtinë, 02 korrik 2026 – Prokuroria Themelore në Prishtinë – Departamenti për Krime të Rënda njofton opinionin publik se sot, rreth orës 13:40, në sheshin ‘’Bulevardi i Dëshmorëve’’ në Komunën e Podujevës, ka ndodhur një përleshje e armatosur ndërmjet tre (3) personave. Si pasojë e të shtënave me armë zjarri, lëndime trupore kanë pësuar tre (3) persona të përfshirë në ngjarje, si dhe një kalimtar i rastit.

Sipas të dhënave fillestare të hetimit, dyshohet se në këtë ngjarje janë të përfshirë persona që kanë lidhje familjare (nip dhe dajë), ndërsa motivi i dyshuar i kësaj çështje lidhet me një mosmarrëveshje paraprake.

Menjëherë pasi është pranuar informata nga Policia e Kosovës, prokurori kujdestar nga Departamenti për Krime të Rënda ka dalë në vendin e ngjarjes dhe, në bashkëpunim me njësitet përkatëse të Policisë së Kosovës, janë ndërmarrë të gjitha masat dhe veprimet e nevojshme hetimore për ndriçimin e plotë të rrethanave të këtij rasti.

Për këto veprime, të dyshuarit po hetohen për kryerjen e veprës penale ‘’Vrasja e rëndë në tentativë’’, nga neni 173 lidhur me nenin 28 të Kodit Penal të Republikës së Kosovës.

Të plagosurit nga armët e zjarrit janë dërguar në Qendrën Klinike Universitare të Kosovës (QKUK) për të marrë trajtimin e nevojshëm mjekësor.

Prokuroria Themelore në Prishtinë, në koordinim të plotë me Policinë e Kosovës, po vazhdon ndërmarrjen e të gjitha veprimeve të nevojshme hetimore për zbardhjen e plotë të rrethanave të kësaj ngjarjeje.

The post Prokuroria zbardh detaje për plagosjen në Podujevë: në konflikt u përfshinë daja, nipi dhe një i afërm appeared first on Albeu.com.

Në nderim të kësaj dite, në Podujevë u mbajtën homazhe, veprimtari përkujtimore dhe aktivitete kulturore për dëshmorët, veteranët dhe të gjithë ata që dhanë kontribut për lirinë e Kosovës.

Ish-ushtari i UÇK-së, Rafet Llapashtica, theksoi se Zona Operative e Llapit kishte një rol me peshë në hyrjen e forcave çlirimtare në Prishtinë dhe në Podujevë.

Llapashtica: Sot Podujeva duket krejt ndryshe

“Zona Operative e Llapit, kryesisht është futur në dy qytete që i ka pasur si fokus, kryeqytetin – më 11 qershor batalioni i Gardës i udhëhequr nga komandanti, atëherë i batalionit të pestë Gardist Ajet Potera, kemi qenë në përcjellje të komandantit të zonës, Rrustem Mustafa, që kemi hyrë në kryeqytet me datën 11 qershor. Kurse në qytetin e Podujevës, më 19 qershor, domethënë ka hyrë brigada 152 “Shaban Shala”, e udhëhequr nga komandanti Arif Muçolli, atëherë si komandant i brigadës. Është e vërtetë që sot Podujeva duket krejt ndryshe. Në atë periudhë ka pasur edhe më pak qytetarë, për arsye se shumica e qytetarëve, disa i ka shpërngulur pushtuesi, disa kanë qenë të koncentruar kryesisht në fshatin e Shajkocit, që kanë qenë edhe të rrethuar. Por, sido që të jetë, Kosovën sot, edhe Podujevën në veçanti, e shohim ndryshe, duke filluar që shohim qytetarë plot që ndihen të lirë, edhe liria i ka sjellë vlerat e veta.”, tha Llapashtica.

Ai foli edhe për luftën dhe koordinimin me aleatët ndërkombëtarë, duke vlerësuar se mbështetja e NATO-s erdhi si rezultat i drejtësisë së kauzës së UÇK-së.

Llapashtica: Lufta ka qen e drejtë, përndryshe nuk do kishim mbështetjen e NATO-s

“Është e vërtetë që, si në 19 qershor të vitit ’99, po ashtu në këtë 19 qershor të vitit ’26, domethënë rrugëtimet edhe mungesat e njerëzve nuk na bëjnë që ne të ndihemi aq gëzueshëm. Nuk po mundemi me qenë të përmbushur me gëzimin, kurse sa i përket kontributeve, besoj që çdo luftëtar i Ushtrisë Çlirimtare të Kosovës dhe çdo familje patriotike e këtij vendi është e përmbushur me punën që e kanë kryer. Ne e kemi arritur qëllimin tonë. Normal që në bashkëpunim edhe me aleancat që i kemi krijuar me NATO-n, për arsye se puna jonë ka qenë e drejtë, lufta jonë ka qenë e drejtë, qëllimi jonë ka qenë i vendosur, sepse përndryshe edhe NATO në atë kohë nuk na kishte përkrahur. Luftërat fitohen me aleanca. Ne jemi shumë krenarë që kemi arritur ta bindim edhe botën demokratike, por edhe forcën ndërkombëtare, të vetmen NATO-n që të jetë me neve dhe jo kundër neve.”, tha Llapashtica.

Duke kujtuar ditët e përfundimit të luftës, Llapashtica përshkroi edhe tërheqjen e forcave serbe nga Podujeva dhe nga Kosova, duke nënvizuar se pas Marrëveshjes së Kumanovës ky proces u ndoq nga afër nga luftëtarët e UÇK-së dhe NATO-ja.

Llapashtica:Ushtria Çlirimtare e ka mbajtur besimin e vet tek miqtë ndërkombëtarë

“Data e fundit, 19 qershori ’99, domethënë ka qenë dalja përfundimtare e trupave serbe. Domethënë, ushtarët e Ushtrisë Çlirimtare të Kosovës edhe trupat e zonës operative të Llapit, domethënë që nga Prishtina, me një monitorim të përbashkët me NATO-n e kanë përcjellë tërheqjen e trupave serbe dhe kanë qenë në një lloj mbikëqyrje. Është e vërtetë që kemi pasur një mesazh të qartë atëherë edhe nga KFOR-i apo trupat e NATO-s që të përmbahemi në sulmet pas nënshkrimit të Marrëveshjes së Kumanovës. Por, po mendoj që Ushtria Çlirimtare e ka mbajtur besimin e vet tek miqtë e vet ndërkombëtarë.”, tha Llapashtica.

Ndërkohë, veterani dhe veprimtari Vehbi Balaj solli në vëmendje çastet e hyrjes në Podujevë pas çlirimit.

Balaj: Liria erdhi fal atyre që sakrifikuan

“Kam plot emocione sepse bashkë këtë ditë kam ardhur prej zonës së Drenicës. Unë kam qenë pjesë e Drenicës. Edhe kam ardhur me shoqen, e kam prurë këtu, kam takuar arsimtarë, ka ardhur prej Sfeqlës, të gjithë me karroca, me sungjerë e me sende. Edhe para kuvendit të komunës e kam takuar komandantin Kadri Kastratin, ndjerin Sulejman Gashin, edhe ka ardhur një tank i KFOR-it atëherë. Ka qenë një serbosllav prej Sircici, ka prurë çelësat e komunës, e Kadri Kastrati ia ka marrë dhe i ka dhënë afat 10 minuta me lëshuar territorin e komunës sonë. Edhe kemi hyrë në komunë dhe me dy ushtarë kemi shiku a ka ndonjë send të rrezikshëm aty. Pastaj kanë filluar qytetarët me ardhur. Kjo pjesa e Dumincës nuk ka qenë ende e çliruar, por kjo pjesa jugore po. Ka qenë kënaqësia më e madhe që e pritëm. Falë të gjithë atyre që kanë rënë në të gjitha periudhat, por edhe luftës së lavdishme të Ushtrisë Çlirimtare të Kosovës.”, tha Balaj.

Ai tha se momenti i çlirimit kishte ardhur më shpejt nga sa e kishin parashikuar ushtarët që ndodheshin në terren, teksa kujtoi largimin e forcave serbe.

“Këtë ditë e pres edhe e ndjej veten krenar para fëmijëve të mi, që në kohët më të rënda, në luftën më të madhe që ka pas ndonjëherë shqiptaria, nuk kam ndenjur duarkryq. Jam përpjekur të bëj diçka për çlirimin e Kosovës e posaçërisht për Llapin, që kemi qenë zonë kufitare, me mbi 120 km kufi. Edhe është karakteristikë që në Llap nuk kemi asnjë shtëpi serbe. Jemi prej komunave të pastra, përjashtim që kemi minoritetin ashkali dhe rom. UÇK-ja u ka dalë në mbrojtje ashkalinjve që sot e gëzojnë lirinë barabar me mua e ndoshta edhe më tepër se unë.”, tha Balaj.

Në fund, Balaj u shpreh krenar për rolin e tij gjatë luftës dhe për pjesëmarrjen në përpjekjet për çlirimin e Kosovës.

The post Podujeva kujton 27-vjetorin e çlirimit mes rrëfimeve për luftën dhe sakrificën appeared first on Albeu.com.

31-vjeçarja pas vrasjes së 45-vjeçarit Iliaz Brahimi, ka marrë peng nusen e xhaxhait të saj, duke e qëlluar atë dhe më pas veten.

73-vjeçarja ndërroi jetë në orët e para të mëngjesit në spital. Ndërsa 31-vjeçarja humbi jetën në spital pas plagëve të marra.

Ndërkohë, në një reagim në herët Prokuroria e Kosovës, theksoi se hetimet vijojnë për të zbardhur plotësisht këtë ngjarje të rëndë, ndërsa arma e zjarrit dhe gëzhoja janë sekuestruar nga autoritetet.

The post Thellohet tragjedia/ Shkon në 3 numri i viktimave në Podujevë, ndërron jetë edhe 31-vjeçarja, autorja e dyshuar e krimit appeared first on Albeu.com.

Lajmi u konfirmua nga zëdhënësja e Prokurorisë Themelore në Prishtinë, Kaltrina Shala, ndërsa autoritetet po vazhdojnë hetimet për të zbardhur rrethanat dhe motivin e ngjarjes.

Sipas kryeprokurorit Zejnullah Gashi, viktima është një burrë, ndërsa dy të plagosurat janë gra, njëra prej të cilave rreth 70-vjeç.

Njëra nga të plagosurat dyshohet se është autorja e krimit dhe, sipas raportimeve, ka tentuar edhe vetëvrasje.

Bëhet e ditur se viktima dyshohet të ketë qenë i afërt me të dyshuarën, ndërsa rasti mbetet ende nën hetim.

Ky shënon rastin e tretë të dhunës me armë zjarri me pasojë vdekje brenda kësaj jave në Kosovë. Një ditë më parë një person u vra në Klinë, ndërsa në fillim të javës një tjetër ngjarje e rëndë u regjistrua në Gjakovë, ku një person humbi jetën dhe një tjetër mbeti i plagosur.

Ngjarje të tilla kanë ngritur shqetësime për përhapjen e armëve pa leje në vend. Sipas ekspertëve, konfiskimi i tyre mbetet një hap i domosdoshëm për të parandaluar incidente të ngjashme në të ardhmen.

The post Konflikti mes disa personave në Kosovë përfundon në fatalitet, një viktimë dhe dy të plagosur appeared first on Albeu.com.

Ndërsa, autori dyshohet të jetë Arbër Havolli.

Zëdhënësja e Policisë për rajonin e Prishtinës, Flora Ahmeti, njoftoi një ditë më parë  se  lidhur me rastin, ata kanë marrë informata për të shtëna me armë rreth orës 19:30.

Po ashtu, hetuesit policorë në koordinim me prokurorin e shtetit, kanë nisur hetim për zbardhjen e plotë  të shkaqeve të vrasjes.

The post Vrasja e Bashkim Spahiut në Podujevë/ Zbardhen detaje të reja nga ngjarja e rëndë, identifikohet autori appeared first on Albeu.com.

Vendimi për dy të rinjtë që përplasën me makinë dhe dhunuan për vdekje Lulzim Fejzullahun u bë me dije nga zëdhënësja e gjykatës sipas mediave në Kosovë.

Pas vendimit të dy janë dërguar menjëherë në burg, ndërsa detajet mbi rastin e rëndë vijojnë të hetohen nga autoritetet përkatëse.

Nga raportet e deritanishme është bërë me dije se Lulzim Zejnullahu ka pësuar lëndime fatale si rezultat i një sulmi brutal. Pavarësisht përpjekjeve të stafit mjekësor, Zejnullahu nuk arriti të mbijetojë pas plagëve të marra dhe ndërroi jetë të shtunën.

The post Përplasën me makinë dhe dhunuan për vdekje 18-vjeçarin, gjykata merr vendimin për dy të rinjtë në Kosovë appeared first on Albeu.com.

Policia njoftoi se ngjarja e rëndë ndodhi ditën e djeshme.

Njoftimi i plotë i policisë:

VRASJE E RËNDË/Podujevë 12.09.2022-20:55. Lëndime të rënda trupore ka pësuar viktima mashkull kosovar pasi i njëjti dyshohet se pas një mosmarrëveshje në trafik, është goditur me thikë nga një person i dyshuar mashkull i panjohur për të. Viktima është dërguar në tretman mjekësorë në QKUK, por nuk ka arritur t’iu mbijetoj lëndimeve të shkaktuara dhe ka ndërruar jetë. Me urdhër të prokurorit, trupi i pa jetë i viktimës është dërguar në IML për obduksion. Rasti është duke u hetuar nga njësitet kompetente policore.

The post DETAJE/ U zunë në trafik, viktima e sulmit me thikë në Kosovë 22 vjeç appeared first on Albeu.com.