Në Podcast-in e sotëm, me tre mësuese në gjimnaze të ndryshme të vendit, dy Matematike dhe një e Gjuhës Shqipe, kreu i qeverisë përsëriti sërish nevojën për arsimin profesional.

‘Të shtyjmë reformën për arsimin profesional që tu japim mundësi nxënësve të fokusohen në një profesion pasi s’do të bëhen të gjithë shkencëtarë, juristë, ekonomistë etj, ka nevojë shoqëria, shteti që të ketë një armatë profesionistësh të të gjitha llojeve.’- tha Rama.

‘Detyra jonë është të nxjerrim në pah talentin e fëmijëve. Të gjithë nxënësit janë shumë të mirë. Nxënësit janë më mirë se kur kemi qenë brezi jonë. Kanë më shumë burime informacioni dhe janë më të hapur. Sot nxënësit kanë mundësi të aplikojnë në universitete në të gjithë botën.’- u shpreh një nga mësueset e matematikës e ftuar në Podcast me kryeministrin Rama.

Njëkohësisht edhe mësuesja e Gjuhës Shqipe, e gjimanzit ‘Sami Frashëri’, tha se arsimi profesional është vlerë.

‘Është vlerë arsimi profesional pasi do të sqaronte nxënësit. Mbaroi ajo fryma që po të dërgoj në fakultet. Po i harxhon kohën më të mirë.’- u shpreh mësuesja.

Rama: Po e lë pa armë, e nxjerrë në rrugë të çarmatosur. Të zotëroj një instrument që të bëhet i vlefshëm për dikë tjetër.

https://www.facebook.com/watch/?v=1382180089842874

The post Rama në Podcast me 3 mësuese: Arsimi profesional si alternativën e sigurt për integrim në tregun e punës appeared first on Albeu.com.

Teksa ka treguar fillimet e karrierës së saj, ajo ka rrëfyer se ka pasur shumë momente të vështira, madje ka menduar edhe të vrasë veten.

Zamira Kita: “Kam bërë një film në ’86, sapo kisha mbaruar shkollën në ’85. Ma quajtën ikje pa leje… me Piro Milkanin filmi i parë, ai më çeli rrugën se mua deri atëherë nuk më merrnin në filma. Goditje e madhe, vuajtje e madhe. Unë në çdo moment goditesha. E morën vesh që bëra filmin. E mbarova filmin “Eja”. U dënova 6 muaj në bujqësi sepse ika nga puna dhe bëra filmin. Çfarë pune nuk kam bërë në bujqësi, kam bërë plitharë, kam qëruar fasule, qepë nga barërat e këqija. Jam kthyer në Teatër sepse nddoshta ju duhesha. Fillova të bëj estradë, krijova emrin tim dhe fillova të krijoj karaktere që ndoshta dhe sot kujtohen. Me aktorë si Aleko Prodani, Arben Dervishi. Fitova eksperiencë nga ta, filluan të më fusin nga pak në komedi, gjithmonë duke më luftuar. Isha gati për të dalë në shfaqje dhe vinin e shikonin shfaqjen e thoshin jo nuk do të jetë kjo. Në prova më hiqnin”.

Edi Rama: Si i përjetoje këto? Qaje, i bije murit me kokë?

Zamira Kita: “Qaja. Murit me kokë nuk i kam rënë por që të vras veten më ka shkuar në mendje. Sidomos në emërimin në fshat, një nga goditjet më të mëdha. Sidomos pastaj në njohjen time me Benin. Kam luftuar shumë që sot unë mundem të vendos se dua të bëj atë që dua. Kemi vuajtur të dy. Pas 14 vitesh jemi martuar”.

Edi Rama: Po dhe vjehrri sikur nuk të donte ty.

Zamira Kita: “Po pse ma kujton. Ai e pati shumë të vështirë për faktin që isha aktore, jam 4 vjet më e madhe se Beni. Më pas ai donte, por karakteri i tij nuk e lejonte që të më fliste. Më pas ai ndërroi jetë pa më takuar kurrë. Ky është një nga pengjet e mi më të mëdhenj. Ai e kuptoi se sa e mirë isha unë për Benin, sa e doja, por ishte pak i vështirë në karakter”. 

The post Rrëfimi i ndjerë i Zamira Kitës: Kam menduar të vras veten… appeared first on Albeu.com.