Gjatë dëshmisë së tij, Xhemal Lici ka rrëthyer se është grabitur në momentin që sapo ka dalë nga banesa dhe se ai nuk e kishte menduar se do ta qëllonin. Ai tha se në momentin e grabitjes kishte me vete kishte 120 milionë lekë të vjeta.

“Dola, nuk pandeha se do më qëllonin. Kisha 12 milionë lekë të reja me vete, në një çantë, që i lashë në bagazhin e makinës dhe po kthehesha të mbyll derën e shtëpisë, kur u sulmova,” tha Lici.

Kabisiti ka deklaruar se është grabitur nga 4 persona, të cilët e kanë qëlluar 4 herë, 2 herë në gjoks dhe 2 në këmbë.

“Unë dilja në 6:30 nga shtëpia në lagjen Kala në Elbasan. Dola, nuk pandeha se do më qëllonin. Dola dhe futa lekët në makinë. Kisha 12 milionë lekë të reja me vete. I kisha në një çantë lekët. I lashë lekët në bagazh dhe u ktheva të mbyll derën e shtëpisë. Pastaj pash që ishin 4 vete. Më qëlloi njëri, 2 herë në gjoks dhe 2 në këmbë”, deklaroi ai.

Lici më tej, tha se pas grabitjes, Bujar Çela, vëllai i Talo Çelës, i kishte shkuar në dyqan dhe e pyeste nëse kishte mësuar se kush ishin ata personat.

“Ai punonte taksixhi në të zezë. Thyente ndonjë 20-30 euro. Kur nuk kishte njerëz aty, pyeste. I thashë, ty nuk të vjen keq për mua. Duket sikur ke mizë në kësulë. Ke ardhur deri tani, mos të të shoh më në dyqan”, tha ai në deklaratë.

Më tej kambisti shtoi se nuk e njihte Talo Celën, por se e kishte parë në TV.

“Një vit para se të fliste Dumani unë e pashë Talo Çelën në një intervistë në televizion dhe e njoha, nga përmasat e trupit, si një nga personat që më ka goditur në ngjarje. Ai ka qenë pas Dumanit në ngjarje”.

The post “Vëllai i Talo Çelës më pyeste”, ra pre e grabitjes ku mbeti i plagosur rëndë, rrëfimi i kambistit: Nuk mendoja se grupi i Dumanit do të qëllonte me armë appeared first on Albeu.com.

Radhën për të bërë pyetje në seancën e sotme e kishte avokatja e Altin Ndocit.

Nuredin Dumani: “Në momentin e ndalimit më kanë marrë në pyetje drejtori i Elbasanit dhe unë nuk i jam përgjigjur të korruptuarve. Fillimisht më kanë çuar në spital të Fierit dhe pastaj te “Ushtaraku” (Në Tiranë)!

Të pasnesërmen më kanë ardhur Kreshnik Ajazi, Tonin Vocaj dhe Çipa, drejtori i Policisë Elbasan. Nuk kam firmosur asgjë. Pas arrestimit, deklarimin tim të parë e kam bërë te spitali i burgut dhe aty kam firmosur”.

The post Nuredin Dumani vijon rrëfimet në GJKKO: Nuk i jam përgjigjur të korruptuarve Ajazi, Vocaj e Çipa appeared first on Albeu.com.

Pas kërkesës së Prokurorisë për përjashtimin e saj nga trupi gjykues, është vendosur largimi dhe zëvendësimi me një tjetër gjyqtar. Me vendim të KLGJ-së, për shkak të ezaurimit të gjyqtarëve të posaçëm në këtë proces, është emëruar gjyqtari Taulant Banushi.

Më herët për gjyqtaren Entela Shedula janë depozituar dy kërkesa të tjera për përjashtimin e saj nga dosaj ku bën pjesë bashkëpunëtori I drejtësisë Nuredin Dumani gjë për të cilën nuk janë miratuar.

Kërkesën e parë e kanë bërë avokatet, për shkak se gjyqtaria kishte lidhje familjare me një nga avokatin e të pandehurit Gentian Sharra, i cili është Sokol Hazizaj.

Në seancën e parë kërkesa e tyre u rrëzua duke përjashtuar në rrethana të paprecedenta gjyqësore avokatin nga ky proces dhe duke ia hequr të drejtën Gentian Sharrës për t’u mbrojtur më avokatin e tij.

Pas disa ditësh vetë gjyqtarja Shedula paraqiti një kërkesë për tu larguar nga ky proces për të cilën një trup tjetër vendosi rrëzimin e saj.

Në këto kushte prokurori Behar Dibra depozitoi edhe kërkesën për përjashtimin e gjyqtares ku kësaj radhe gjeti aprovim.

Në këtë proces gjyqësor, janë 3 dëshmitarë të drejtësisë Nuredin Dumani, Skerdi Tase dhe Erjon Alibej si dhe 17 persona të tjerë që akuzohen për një sërë ngjarjesh kriminale.

The post ‘Plumbi i Artë’/ Kushërirë me avokatin, pas ‘betejës’ 2 mujore, gjyqtarja Entela Shedula përjashtohet nga gjykimi i Gentian Sharrës appeared first on Albeu.com.

GJKKO ktheu për plotësim hetimesh dosjen për Talo Çelën lidhur me vrasjen e Anxhelo Avdiajt dhe Dorian Shkozës, ndërsa pushoi hetimet për vrasjen e vëllezërve Haxhia.

Grupi kriminal akuzohen për një sërë veprash penale, teksa u zbërthye nga dëshmitë e disa prej të pandehurve që u kthyen në bashkëpunëtor të drejtësisë ku më kryesori ishte Nuredin Dumani.

Disa prej avokatëve të të pandehurve kërkuan gjykim të shkurtuar, teksa gjykata do të shprehet në një datë tjetër./albeu.com

The post “Plumbi i Artë” kalon për gjykim, kthehet për hetim edhe dosja për Talo Çelën appeared first on Albeu.com.

Kësaj radhe jo më njerëz të familjës së tij, por me një pastor.

Sipas “Ora News”,  bëhet fjalë për një pastor me origjinë nga Franca, që jeton në vendin tonë e për të cilin Dumani ka pasur kontakte para së të arrestohej.

The post Dumani kërkon “të lajë mëkatet” para Zotit, kërkesa për takim në burg me një…pastor appeared first on Albeu.com.

The post SPAK mbyll hetimet për dosjen “Plumbi i Artë”, do t’i komunikohet akuza Nuredin Dumanit dhe 19 të tjerëve appeared first on Albeu.com.

Bëhet fjalë për të arrestuarin Skerdi Tase. Burime të besuara thanë se prokurorët pas më shumë se një viti hetimesh dolën në konkluzionin se Henrik Hoxhaj nuk kishte rrëfyer të gjithë të vërtetën dhe për krime të caktuara ai kishte fshehur fakte vendimtare, në përpjekje për të shpëtuar urdhëruesit e atentateve. për këtë arsye, u vendos që me të, të ndërpritej çdo bashkëpunim. Prokurorët ndërkohë kanë marrë dëshmitë e Skerdi Tases, i cili thuhet se dhënë detaje thelbësore dhe mjaft të rëndësishme për krime të rënda të ndodhura kohët e fundit në Elbasan.

Dëshmitë e tij konsiderohen si provë e fortë dhe janë në harmoni edhe më rrëfimet e të penduarit tjetër Nuredin Dumani, ndaj prokurorët mendojnë se i vlejnë më shumë hetimit dhe provimit të akuzave ndaj anëtarëve të grupeve kriminale. Edhe më herët Skerdi Tase kishte shprehur në gjykatë vullnetin për të bashkëpunim. Me këtë veprim të fundit, SPAK po shkon drejt përfundimit të hetimeve dhe iu ka komunikuar akuzat disa prej të pandehurve të arrestuar, si dhe ka njoftuar edhe avokatët e të akuzuarve që janë në arrati.

Brenda muajit, pritet që dosja t’i dorëzohet gjykatës për shqyrtim nga gjykatësi paraprak. ndërsa po vijojnë hetimet për disa ngjarje të tjera të rënda, që ende nuk janë zbardhur plotësisht, edhe pse të penduarit kanë dhënë detaje në lidhje me to.

Nuredin Dumani bashkëpunoi me drejtësinë, pasi i mbijetoi në atentatin në afërsi të Cërrikut. Ai rrëfeu dhjetëra krime të rënda të kryera ndër vite dhe mbi bazën e dëshmisë së tij u arrestuan shumë të dyshuar si ekzekutorë apo bashkëpunëtorë, ndërsa u shpallën në kërkim disa emra të shumëpërfolur të botës së krimit, si Ervis Martinaj i zhdukur pa gjurmë prej një viti dhe Suel Cela. /BW

The post “Plumbi i Artë”, SPAK ndërpret marrëveshjen me Hoxhajn, i jep statusin e bashkëpuntorit një tjetër të penduari: Dëshmitë e tij përkojnë me ato të Dumanit appeared first on Albeu.com.

Ai u kap nga policia holandeze në nëntor të vitit të kaluar teksa kalonte kufirin në De Lutte me tre armë zjarri të mbushura.

Policia shqiptare njoftoi në nëntor se 36-vjeçari nga Elbasani kërkohet edhe nga SPAK në kuadër të operacionit “Golden Bullet”, por edhe nga policia belge.

Kjo pasi Gjykata e Shkallës së Parë në Bruksel, Belgjikë, më datë 31.05.2022, ka lëshuar ndaj këtij shtetasi urdhër arrestin për kryerjen e veprës penale “Vrasja me paramendim”, parashikuar nga Kodi Penal i Belgjikës.

Sa i takon akuzave të ngritura nga SPAK, ato nuk janë pak, por bëhet fjalë për 7 ngjarje të ndryshme, përfshirë 3 vrasje.

Sipas “Balkan web” Eljo Bitri është kapur në pikën kufitare De Lutte brenda një “Mercedes-Benz” luksoz të drejtuar nga 49-vjeçari serb Ohran K.

Në mjet policia holandeze ka sekuestruar 3 pistoleta me silenciator të llojeve “Glock”, “Sig Sauer” dhe “Zastava” të gjitha të kalibrit 9 mm si dhe mbi 5 mijë euro cash.

Eljo Bitri kishte në posedim një pasaportë dhe një patentë false. Ai rezulton të ketë goditur në kokë edhe një shqiptar në Barcelonë, siç raportojnë mediat holandeze.

Madje prokurori publik në Holandë, la të kuptohet se Bitri ishte rekrutuar për një detyrë vrasje për një grup kriminal në Roterdam.

Ohran K. ishte thjesht shofer i Mercedesit. Ai do të merrte disa qindra euro për ta çuar Bitrin në Roterdam, por tha se nuk dinte asgjë për armët dhe arsyen e udhëtimit në Roterdam. Vetëm ADN-ja e Bitrit u gjet në tre armët e mbushura dhe në pjesët e lira të tyre. Ai në seancë deklaroi se ato gjurmë duhet të kenë ardhur pasi ka lënë një peshqir në makinë.

I pandehuri Ohran K. u lirua nga akuzat.

Ndaj shtetasit K. u kërkua edhe një dënim prej 30 muajsh burg, por gjykata nuk e konsideron të provuar në rastin e tij se ai mund të dinte se Bitri ka udhëtuar nëpër Evropë me letra false.

Gjithashtu nuk është vërtetuar se K. ka pasur dijeni për armët që janë gjetur në një pjesë të posaçme në Mercedesin shumë të shtrenjtë në pikën kufitare në De Lutte.

Shtatë akuzat e SPAK në ngarkim të shtetasit Eljo Bitri:

1.“Shkatërrim i pronës me eksploziv” në dëm të shtetasit Mustafa Subashi (ngjarje e ndodhur në Durrës në datën 29.01.2020) dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 152 dhe 278/1, 28/4, 333/a dhe 334 të Kodit Penal.

2.“Vrasja në rrethana te tjera cilësuese”, ndaj dy ose më shumë personave, “Mbajtja pa leje dhe prodhimi i armeve, armeve shpërthyese dhe i municionit”, në dëm të viktimave Dorjan Shkoza e Anxhelo Avdia (ngjarje e ndodhur në datën 02.03.2020) të kryera në bashkëpunim të veçantë atë të grupit të strukturuar kriminal, “Grupi i strukturuar kriminal”, (në rolin e pjesëmarrësit)  dhe “Kryerja e veprave penale nga  grupi i strukturuar kriminal” parashikuar nga nenet  79/dh, 278/1, 28/4, 333/a/2 dhe  334  të Kodit Penal;

3.“Vrasje me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”, “Grup i strukturuar kriminal” dhe “Pjesëmarrje në grup të strukturuar kriminal” të parashikuara nga nenet 78/2, 278/1, 28/4, 333/a e 334 të Kodit Penal (vrasja në dëm të viktimës Emiljano Ramazani më datë 20 Korrik 2020 në lagjje “28 Nëntori”, Elbasan).

4.“Shkatërrim i pronës me eksploziv” ndaj banesës së shtetasit Talo Çela (ngjarje e ndodhur në datën 05.11.2020) dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 152 dhe 278/1, 28/4, 333/a dhe 334 të Kodit Penal.

5.“Dhuna në familje” në dëm të shtetases Blerta Bengasi (Ruçi), kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 130/a/1, 28/4, 333/a dhe 334 të Kodit Penal.

6.“Vjedhje me dhunë”, në dëm të shtetasit Hamdi Sharka (ndodhur në fshatin Polizhan – Berat), kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 139, 28/4, 333/a dhe 334 të Kodit Penal.

7.“Sigurimi i kushteve dhe i mjeteve materiale për të kryer vrasje”, në dëm të shtetasit Sokol Sanxhaktari, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/2, 334 të Kodit Penal./Albeu.com/

The post Eljo Bitri ishte nisur për atentat në Roterdam? Zbulohen detaje nga kapja në Holandë e 36-vjeçarit që u zbulua nga Dumani appeared first on Albeu.com.

Bëhet fjalë për 4 banesa dhe 1 aktivitet tregtar si dhe 4710 m2 sipërfaqe toke, të ndodhura në Elbasan dhe në Pogradec.

Albeu.com mëson se pasuritë e konfiskuara janë në pronësi të Fornec Çapjas, i shpallur në kërkim ndërkombëtar për vrasje të dyfishtë si dhe në pronësi të familjarëve të tij.

Njësia “E” për Hetimin e Krimeve Ekonomiko-Financiare në Drejtorinë Hetimore në Departamentin e Policisë Kriminale në Policinë e Shtetit, në bashkëpunim me Drejtorinë Vendore të Policisë Elbasan, në vijim të hetimeve të thelluara në kuadër të operacionit policor të koduar “Golden Bullet”, ka referuar materialet në Prokurori për iniciimin e një procedimi pasuror dhe në bashkëpunim me Agjencinë e Administrimit të Pasurive të Sekuestruara dhe të Konfiskuara, në zbatim të vendimit të datës 09.12.2022, të Gjykatës së Posaçme të Apelit për Korrupsionin dhe Krimin e Organizuar, kanë konfiskuar pasuri të paluajtshme, në pronësi të shtetasit F. Ç., 42 vjeç (në kërkim ndërkombëtar për vrasje të dyfishtë) dhe të familjarëve të tij, konkretisht:

-Pasuri e llojit arë, me sipërfaqe 500 m2, në Udënisht, Pogradec;

-Pasuri e llojit truall me sipërfaqe 36.2 m2 dhe ndërtesë me sipërfaqe 25.73 m2, në lagen “Emin Matraxhiu”, Elbasan;

-Pasuri e llojit arë+truall+ndërtesë, me sipërfaqe totale 1756 m2, truall me sipërfaqe 450 m2 dhe sipërfaqe ndërtese 214 m2;

-Pasuri e llojit godinë banimi, me sipërfaqe trualli 498.8 m2 dhe sipërfaqe ndërtese 293.8 m2, në lagjen “Emin Matraxhiu”, Elbasan;

-Pasuri e llojit truall+ndërtesë, me sipërfaqe totale 360 m2 dhe sipërfaqe ndërtese 120 m2, në lagjen “Emin Matraxhiu”, Elbasan;

-Pasuri e llojit arë, me sipërfaqe totale 720 m2, në lagjen “Emin Matraxhiu”, Elbasan;

-Pasuri e llojit arë, me sipërfaqe totale 764 m2, në lagjen “Emin Matraxhiu”, Elbasan;

-Pasuri e llojit arë, me sipërfaqe totale 1380 m2, në lagjen “Emin Matraxhiu”, Elbasan;

-Subjekt me aktivitet lavazh dhe bar-kafe, në lagjen “Emin Matraxhiu”, Elbasan.

Vijon puna për gjurmimin dhe konfiskimin e pasurive të tjera me burime kriminale, të cilat ky shtetas mund t’i ketë regjistruar në emër të tij apo të familjarëve të tij.

Materialet procedurale i kaluan Prokurorisë, për veprime të mëtejshme.

Florenc Çapja akuzohet në SPAK për “Vrasje në rrethana cilësuese” të kryer në formën e “Grupit të strukturuar kriminal” për rastin e ekzekutimit të Gentian dhe Nezir Beqirit.

Njëherësh nga Florenc Çapjas SPAK ka ngritur akuzën e “Sigurimit të kushteve dhe i mjeteve materiale për të kryer vrasje”, në dëm të Sokol Sanxhaktarit, kryer në bashkëpunimin e posaçëm të “Grupit të strukturuar kriminal”, “Grupi i strukturuar kriminal”, “Kryerja e veprave penale nga “Grupi i strukturuar kriminal dhe organizata kriminale”.

/Albeu.com/

The post Operacioni “Plumbi i Artë”, konfiskohen pasuritë e Florenc Çapjas në Elbasan dhe Pogradec appeared first on Albeu.com.

Vendimi për të marrë më shumë kohë për hetimet është marrë në muajin nëntor, ndërsa afati përfundimtar është 11 Maji i vitit 2023.

Brenda këtyre 6 muajve SPAK, argumenton se do kryejë një sërë veprimesh hetimore ndaj 33 personave të përfshirë në një seri krimesh, kryesisht vrasje në Tiranë, Elbasan, Durrës dhe qytete të tjera të vendit.

Burimet konfirmuan për “Ora News” se tashmë listës së gjatë të personave të proceduar i është shtuar dhe emri i vajzës nga Kosova, e cila po hetohet për akuzën e “Përkrahjes së autorit të krimit”.

Hetimet ndaj saj po zhvillohen në gjendje të lirë, ndërsa është konfirmuar se që prej fillimit të muajit Prill, vajza që shoqëronte Nuredin Dumanin në Fier, është larguar nga Shqipëria.

Bashkimi i dosjeve

Në këtë hetim, SPAK rezulton të ketë bashkuar 20 dosje penale që flasin për krime të ndryshme në Shqipëri të cilat më parë kanë qenë pa autor.

Çështja e fundit, që është tërhequr nga prokuroria e Durrësit, flet për grabitjen e një banke të nivelit të dytë në këtë qytet më 9 qershor 2019.

Banka dyshohet se është grabitur nga anëtarë të grupit të Nuredin Dumanit. Ky i fundit është nxjerrë nga burgu ku mbahet dhe nën shoqërimin e policisë është dërguar nga hetuesit në disa vende kryesore, ku ai dyshohet se ka kryer krimet dhe ka bërë takimet me eksponentët e krimit të organizuar në Shqipëri.

Ky veprim është kryer me Dumanin për të saktësuar por edhe për të verifikuar saktësinë e dëshmisë së tij.

Dëshmia e Nuredin Dumanit u bë shkak për kryerjen e një operacioni të gjerë që u kodua me emrin “Plumbi i Artë” në maj 2022.

Rrëfimi i të penduarit dhe rihapja e dosjeve për të cilat ai foli, u bë shkak për zbardhjen e një serie atentatesh me viktima e të plagosur të ndodhura vitet e fundit në Shqipëri./oranews

The post SPAK shtyn me 6 muaj afatin e hetimit të dosjes së Plumbit të Artë, pjesë e saj dhe e dashura e Nuredin Dumanit appeared first on Albeu.com.