Ai bëri me dije se pritet një rritje e temperaturave dhe mbizotërim i kthjellimeve, në të gjithë territorin shqiptar.

Ndërkohë, fillimin e javës së ardhshme pritet një rikthim i pluhurit afrikan, duke bërë që vlerat maksimale të temperaturave të jenë të larta.

Kujtojmë se pak ditë më parë, ky fenomen goditi Greqinë, duke shndërruar qytete të ndryshme të shtetit helen si panoramë e shkëputur nga planeti Mars.

“Dita e premte mbetet në mbizotërimin e vranësirave të shpeshta, të cilat gjatë pasditeve do të jenë më të dukshme, duke krijuar herë pas here mundësi për momente me shi, që do të jenë më të dukshme në zonat veriore.

Zonat jugore parashikohet të jenë në mbizotërimin e kushteve të qëndrueshme. Kemi rritje të temperaturave të ajrit që në orët e para të mëngjesit, duke bërë që vlerat minimale në qytetet e zonave malore, të jenë në 4 gradë Celsius, ndërsa maksimumet 21 gradë Celsius.

Për sa i përket fundjavës, kemi përmirësim më të dukshëm të kushteve të motit, edhe pse mëngjesi dhe paraditja e ditës së shtunë do të jetë në mbizotërimin e vranësirave të shumta dhe kthjellimeve të pakta, pritet që pjesa e dytë e ditës të sjellë përmirësim të dukshëm.

Përjashtim bëjnë vetëm zonat e thella në Juglindje, ku pritet të kemi momente të pakta me pika shiu, por që janë të papërfillshme.

Sa i përket ditës së diel, do të kemi dominim të kthjellimeve që më të dukshme do të jenë përgjatë vijës bregdetare, pritet të kemi edhe kalime të lehta të vranësirave në pjesën e dytë të ditës, por nuk pritet të kemi reshje.

Temperaturat pritet të kenë një rritje të ndjeshme kryesisht në orët e mesditës, duke bërë që të paktën deri ditën e diel të kemi maksimume 26-27 gradë Celsius.

Dita e hënë dhe dita e martë, parashikohet të jenë nën mbizotërimin e motit të qëndrueshëm, gjithashtu pritet të kemi interval të gjata me diell.

Temperaturat e ajrit do të jenë të larta, do të kemi maksimume deri në 28 gradë Celsius ditën e hënë dhe ditën e martë, pasi do të kemi një deportim të masave ajrore nga veriu i kontinentit afrikan drejt Mesdheut, duke bërë që të ndikohet edhe territori shqiptar nga këto temperature të larta”, tha Osmani.

The post Rikthehet Pluhuri Saharian në Shqipëri, çfarë ndodh me motin javën e ardhshme appeared first on Albeu.com.

Ai tha gjithashtu se fenomeni ka filluar të shfaqet para sezonit të verës, por, siç ai tha “është karakteristikë e thatësirës dhe shkretëtirëzimit relativ të tokave.”

Më tej, duke folur për ERT, ai vuri në dukje se “rrjedhat e erës ndryshojnë me ndryshimin e klimës”.

Siç parashikoi profesori, “pritet të shohim një episod të ri të pluhurit afrikan deri në mes të majit, i cili mund të jetë i të njëjtit intensitet si ai aktuali, ndoshta edhe më shumë në varësi të kushteve klimatike që do të mbizotërojnë”.

“Vjeshtën e ardhshme do të kemi një tjetër episod të pluhurit afrikan”

Siç vlerësoi ai: “Nga maji e në vazhdim gjërat do të jenë shumë më mirë. Vjeshtën e ardhshme do të kemi një tjetër episod të pluhurit afrikan”.

Ai theksoi frekuencën e shtuar të pluhurit si dhe kohëzgjatjen e episodit dhe vëllimin e grimcave dhe theksoi se “kjo është provë e re dhe ka të bëjë me ndryshimet klimatike”.

Siç theksoi profesori: “Do të duhet të përshtatemi. Kjo do të thotë që Sistemi Shëndetësor Kombëtar të jetë i gatshëm të përballet edhe me rastet akute të personave që do të kenë probleme”.

“Shqetësues është fakti se kjo barrë i shtohet barrës së grimcave që kemi tashmë në qendrat e mëdha urbane të Greqisë, në Athinë, në Selanik, në Volos p.sh. në Janinë, ku cilësia e ajrit, objektivisht, nuk është shumë e mirë”, tha ai.

The post Rikthehet pluhuri afrikan, kur do ta shohim sërish fenomenin appeared first on Albeu.com.

Reja e pluhurit “ka ndikuar negativisht në cilësinë e ajrit në vendet e prekura dhe mund të shkaktojë dukshmëri të kufizuar dhe shi me baltë, një përzierje shiu dhe pluhuri”, tha shërbimi i monitorimit të BE-së, Copernicus.

Ai vjen pasi një re e ngjashme pluhuri mbuloi gadishullin Iberik javën e kaluar, duke prekur Spanjën dhe Portugalinë.

Imazhet nga sateliti Sentinel-3 tregojnë renë e pluhurit që rri pezull mbi Italinë jugore, Maltë, Greqi, Libi dhe Tunizi.

Individët me probleme të frymëmarrjes, fëmijët e vegjël dhe të moshuarit, janë këshilluar të qëndrojnë brenda në banesa, ku është e mundur.

Zyra e Met në bazën e RAF në Akrotiri, Qipro, postoi një fotografi satelitore që tregon re të dendura të larta (të kuqe) që i afrohen ishullit nga perëndimi.

The post Pluhuri saharian shkakton alarm në Europë, stuhia gjigante e grimcave të rërës rriti ndotjen shumëfish nga nivelet e rekomanduara. Njerëzit shfaqin probleme me frymëmarrjen appeared first on Albeu.com.

“Ardhja e rërës nga Sahara çon në një reduktim shumë të qartë të dritës së diellit dhe dukshmërisë. Ka gjithashtu një rritje të përqendrimit të grimcave të imta”, thekson shërbimi meteorologjik zviceran MétéoSwiss në një mesazh për X.

Ndërsa rëra grumbullohet nën 3000 metra, cilësia e ajrit është përkeqësuar ndjeshëm, nga brigjet e liqenit të Gjenevës në pjesën tjetër të vendit.

AirCHeck, aplikacioni i lançuar nga kantonet për të ofruar të dhëna në kohë reale për cilësinë e ajrit në Zvicër, raporton se ndotja e ajrit është e lartë në një rreze nga jugperëndimi në verilindje të vendit. Pluhuri arriti në rreth 180,000 tonë, sipas modeleve të llogaritjes së përdorur, tha për radion publike meteorologu Roman Broly i SRF Meteo.

Tashmë të premten, një erë e fortë jugore kishte bartur rërë nga Sahara nga Afrika veriore në Zvicër. Sahara është burimi më i madh i pluhurit mineral, që çliron nga 60 deri në 200 milionë ton në vit, dhe ndërsa grimcat më të mëdha bien shpejt në tokë, ato më të voglat mund të transportohen mijëra kilometra dhe të arrijnë nëpër Evropë.

The post Pluhuri saharian mbulon edhe qiellin e Zvicrës, 180 tonë grimca në ajër appeared first on Albeu.com.

Për shkak të erërave të forta nga Saharaja në drejtim të veriut, pjesa jugore e Europës pritet të mbulohet nga sasi të mëdha pluhuri, ndërsa zonat që pritet të goditen me fortë janë Malta, Greqia si edhe Italia e jugut.

Sa i përket Shqipërisë, harta e publikuar nga stacionet meteorologjike në rajon, i gjithë vendi mbulohet nga pluhuri por trashësia do të jetë më e madhe në zonën e Lezhës, për shkak edhe të relievit gjeografik të zonës.

Po ashtu, pluhuri saharian do të shtrihet edhe përgjate bregdetit të jugut.

The post Foto lajm/ Pluhuri saharian “pushton” Shqipërinë, zonat që preken më shumë appeared first on Albeu.com.