Ngjarja e pazakontë ka ndodhur në zonën bregdetare të Torre Lapillo-s, ndërsa ari u rikuperua pas një operacioni disaorësh në një landfill mbeturinash.

Sipas mediave, burri kishte investuar prej vitesh të gjitha kursimet e tij në ar, të cilin e mbante të ruajtur në një kuti metalike.

Në një moment shpërqendrimi, ai e hodhi kutinë në një kosh plehrash buzë rrugës, duke e ngatërruar me mbeturina.

Vetëm të nesërmen ai kuptoi gabimin dhe, më 3 shkurt, u paraqit në komisariatin e Porto Cesareo për të kërkuar ndihmë.

Fillimisht, policia dyshoi në vërtetësinë e historisë, pasi rrëfimi dukej i pabesueshëm. Megjithatë, pas verifikimit të kamerave të sigurisë, u konstatua se 57-vjeçari kishte hedhur vërtet një kuti metalike në koshin e mbeturinave.

Problemi ishte se koshi ishte zbrazur dhe mbeturinat ishin transportuar në një landfill. Forcat e rendit u nisën menjëherë drejt landfillit, ku së bashku me punonjësit nisën një kërkim intensiv mes thasëve me mbeturina.

Pas disa orësh kërkime, kutia metalike u gjet dhe ari iu rikthye 57-vjeçarit.

The post E pazakontë/ 57-vjeçari hedh gabimisht 130 mijë euro ar në plehra appeared first on Albeu.com.

Ai thekson se sipas të dhënave të Agjencisë Europiane të Mjedisit, Shqipëria është renditur në vendin e fundit në Europë për sa i përket ujërave të plazheve me cilësi të shkëlqyer, me vetëm 16% të tyre që përmbushin standardet më të larta të cilësisë.

Noka e cilëson këtë si një pasqyrë të paaftësisë së qeverisë për të mbrojtur mjedisin dhe burimet natyrore të vendit, duke theksuar se propaganda e qeverisë nuk mund të fshehë realitetin e hidhur që qytetarët dhe turistët përjetojnë çdo ditë në plazhet shqiptare.

Ai kritikon ashpër qeverinë për dështimet e saj dhe kërkon një ndryshim urgjent në politikat mjedisore, duke i bërë thirrje autoriteteve që të veprojnë për përmirësimin e kushteve të ujërave dhe mbrojtjen e mjedisit.

Postimi i plotë:

Qeveria e rekordeve negative i siguron Shqipërisë vendin e fundit. Propaganda e saj nuk e ka mashtruar dot Agjencinë Europiane të Mjedisit, e cila na liston në vend të fundit me vetëm 16% të ujërave për notim me cilësi të shkëlqyer. Pjesa tjetër kanë higjienën e Ramës.

The post Plazhet të mbushur me plehra/ Flamur Noka: Bie propaganda e Ramës, Shqipëria e fundit në Europë (FOTOT) appeared first on Albeu.com.

Këlliçi: Fytyra e vërtetë e Edi Ramës dhe Arben Malokut. Kjo është gjendja në Kasallë, ngjitur me shkollën. Bashkë me mësimet e matematikës apo gjuhë-leximit, nxënësit duhet të marrin edhe helmet e plehrave.

Kjo është pasaporta shqiptare e vitit 2025, ku fëmijët rriten dhe shkollohen në gjendje skandaloze, rruga mungon dhe ambulanca e fshatit është në mjerim. Ka një zgjidhje për t’i dhënë fund kësaj batërdie. Më 11 maj, të ndëshkojmë Edi Ramën me votë dhe të sjellim ndryshimin!

The post Belind Këlliçi: Pasaporta e Ramës gjendja skandaloze në shkolla mes plehrave, në 11 maj duhet ndëshkim dhe ndryshim appeared first on Albeu.com.

“Ndodhem në zemër të Selitës, aty ku malet me plehra lartësohen dhe po kapin çatitë e këtyre kodinave që janë në prag të shembjes. Në fakt, po lartësohen çdo ditë bashkë me to dhe pasurimi i paligjshëm i Edi Ramës dhe i të gjithë zyrtarëve të tjerë të Rilindjes përfshirë dhe ish- kryetarit të Bashkisë së Tiranës, i cili dhe pse ndodhet në qeli vijon të vjedh taksat e qytetarëve të kryeqytetit për shkak se afera e inceneratorit inekzistent vijon dhe pagesat vijojnë të paguhen ndërkohë që plehrat po përmbysin Selitën dhe gjithë Tiranën.

Të vetmet “suksese” që po le pas “Rilindja” në Tiranë janë malet me plehra që lartësohen. Fatura e këtij pisllëku është mbi 32 milion euro/vit taksa që nuk shkojnë për pastrimin por përfundojnë te inceneratori që nuk ekziston dhe kompania e lidhur me Ndranghetan.
Më 11 Maj është koha t’i fusim fshesën “Rilindjes”, ngrehinës së pisllëkut që ka asfiksuar të gjithë Shqipërinë”, u shpreh Blushi.

The post “Veliaj vijon të vjedh nga qelia”/ Blushi publikon PAMJE nga ‘mali’ me plehra në Selitë: Fatura e këtij pisllëku është mbi 32 milion euro/vit appeared first on Albeu.com.

Në videon e publikuar nga Xhixho në rrjetet sociale, tregohen disa rrugë të kryeqytetit ku duken qartë kazanët e plehrave të tejmbushura.

Postimi i Xhixhos:

Tirana e mbytur në plehra, ndërkohë që miliona euro shkojnë për inceneratorët fantazmë.????

The post Erisa Xhixho: Tirana e mbytur në plehra, ndërkohë që miliona euro shkojnë për inceneratorët fantazmë (VIDEO) appeared first on Albeu.com.

Familjet pranë kanë hedhur klor rreth e rrotull, për të evituar toksicitetin, teksa era e rëndë e mbetjeve është kudo.

Edhe në lagjet e rreth qendrës së Tiranës, plehrat qëndrojnë në pirgje gjithë ditën, duke kulluar lëngje ndotëse dhe aroma të rënda, në sytë dhe këmbët e turistëve.

Në vitet më përpara disa makina fshinin dhe lanin bulevardet kryesore të Tiranës, por ato nuk dalin më.

Në zonën e Golemit këto ditë kur hotelet janë plot turistë, nuk ka mjaftueshëm kosha dhe mbetjet grumbullohen ne cepat e rrugëve ose trotuareve, duke ofruar një kontrast me investimet që kanë bërë njësitë akomoduese.

Rënia e cilësisë së pastrimit po ndodh në një kohë që Tirana dhe Durrësi, janë kthyer në destinacionin kryesor të turistëve të huaj që vijnë në Shqipëri.

Nga ana tjetër, pagesat buxhetore për inceneratorin e Tiranës janë duke u rritur progresivisht.

Vetëm në periudhën janar-24 korrik 2024, janë çelur nga buxheti i shtetit 700 milionë lekë si pagesa për Integrated Energy BV SPV, kompaninë që menaxhon inceneratorin.

Të dhënat e thesarit që u gjeneruan nga Open Data Albania, tregojnë se që nga fillimi i vitit deri me datën 18 korrik ndaj inceneratorit që tashmë administrohet nga Agjencia e Pasurive të Sekuestruara, janë kryer rreth 36 transaksione me një shumë që kalon 6.9 milionë eurosh.

Kjo vlerë përfaqëson pagesat nga bashkitë e Tiranës, Kamzës, Durrësit dhe Kavajës për transportin e mbetjeve në landfillin e Sharrës.

Teksa çështja e inceneratorit ka marrë përmasat e një investimi korruptiv që ka çuar pas hekurave të burgut një seri zyrtarësh të lartë, në anën tjetër Tirana, Durrësi janë në një emergjence mjedisore, pasi mosfunksionimi i inceneratorit ka çuar menaxhimin e mbetjeve në pikën fillestare.

Sipas të dhënave nga bilanci më 2022 kompania që menaxhon inceneratorin, Integrated Energy BV SPV, siguroi një fitim prej 685 milionë lekësh. Norma e fitimeve para taksave ishte 41 për qind, ndërsa në vitin 2021 ishte 48%.

Sakaq, transporti i plehrave nga Kavaja dhe Durrësi drejt Tiranës, i ka vënë bashkitë bregdetare në vështirësi, pasi po çojnë për shërbimet e pastrimit pjesën më të madhe te të ardhurave të veta, teksa në horizont nuk ka asnjë zgjidhje të re për çështjen e menaxhimit të mbetjeve në zonën me të populluar të vendit.

Në vitin 2023 Bashkia e Kavajës dhe ajo e Durrësit, çuan 27 për qind të shpenzimeve të përgjithshme për pastrimin e mbetjeve, dhe kishin peshën më të lartë të shpenzimeve për këtë zë nga të gjitha bashkitë e tjera.

Me gjithë shpenzimet e larta qytetet kryesore te vendit Durrësi dhe Tirana tani në kulmin e sezonit turistik janë të mbytura kudo nga plehra, të cilat po shndërrohen në armikun më të madh të turizmit dhe po ndikojnë në uljen e cilësinë se jetës për banorët./ Monitor

The post Tirana dhe Durrësi të zhytur në plehra, por inceneratori mori 7 milionë euro në janar-korrik 2024 appeared first on Albeu.com.

Balonat dukej se po shkonin drejt pjesës veriore të provincës Gyeonggi, e cila rrethon Seulin, raportoi Yonhap News, duke cituar Shefat e Përbashkët të Shtabit të vendit (JCS). JCS këshilloi publikun që të shmangë prekjen e balonave të rënë dhe t’i raportojë ato në ushtri ose polici.

Në një lëvizje të vogël, Koreja e Veriut ka lëshuar më shumë se 2,000 tullumbace me plehra që nga fundi i majit, në përgjigje të fletëpalosjeve kundër Penianit të dërguara nga dezertorët dhe aktivistët koreano-veriorë në Korenë e Jugut.

Lëvizja e fundit erdhi disa ditë pasi motra e fuqishme e liderit të Koresë së Veriut Kim Jong-un paralajmëroi se Seuli do të përballej me pasoja “të tmerrshme dhe të shtrenjta” nëse do t’i lejonte dezertorët e Koresë së Veriut të vazhdonin të dërgonin fletëpalosje kundër Phenianit në vend.

The post Koreja e Veriut rinis balonat me plehra drejt Koresë së Jugut appeared first on Albeu.com.

Nisma e paraqitur në komisionin e ligjeve parashikon vendosjen e standardeve të BE, por edhe garantimin e një ambient të pastër.

Opozita kërkoi kontroll edhe ndaj inspektorëve, për të shmangur sipas tyre korrupsionin.

Për zëvendësministren e mjedisit qëllimi është rritja e ndërgjegjësimit

Nuk mungoi as debate për incineratorët dhe tarifa që paguhet në tiranë për mbledhjen dhe përpunimin e mbetjeve

Ndërsa zëvendësministrja renditi edhe qytetet të cilat do të ndërtohen landfillet për riciklime.

Mangësi u konstatua ndarja në burim e mbetjeve çka do të sillte më shumë riciklim, dhe po ashtu do të ulte sipërfaqet që zihen me mbetjet

The post Diskutohet vendimi, gjobë për plehrat në rrugë, masa nëse mbeturinat nuk hidhen në kosha appeared first on Albeu.com.

Në vendngjarje kanë mbërritur menjëherë forcat zjarrfikëse të cilat kanë bërë të mundur neutralizimin e shpejtë të flakëve.

Si pasojë e zjarrit, re të dendura tymi kanë përfshirë një sipërfaqe të gjerë.

Duket se plehrat po kthehen në një minë me sahat për të gjitha bashkitë e qarkut edhe pse inceneratorët i kanë kushtuar taksapaguesve shqiptarë miliona euro./albeu.com

The post Merr flakë vendgrumbullimi i plehrave në Patos, re tymi mbulojnë gjithë zonën appeared first on Albeu.com.

Në mars të vitit 2015, në anë të ish kombinatit metalurgjik në Elbasan nisi puna për ndërtimin e impiantit të parë të përpunimit të mbetjeve dhe prodhimit të energjisë në Shqipëri.

Sipas qeverisë inceneratori do t’i jepte zgjidhje mbledhjes dhe grumbullimit të mbetjeve dhe do të prodhonte energji të gjelbër përmes trajtimit teknologjik të tyre.

“Është një impiant që vendoset për herë të parë në vendin tonë, por që me këtë vendosje përbën edhe themelin për të transformuar rrënjësisht të gjitha marrëdhëniet me mjedisin në hapin e tyre të parë, marrëdhënia me mbeturinat, me plehrat që 20 e kusur vite e mbyten Shqipërinë, dolën jashtë çdo kontrolli dhe që ne kemi vendosur t’i kthejmë nga një burim ndotjeje dhe kanceri në një burim energjie”, shprehej kryeministri Edi Rama, në nisje të punimeve për impiantin që parashikohej se do të prodhonte rreth 17 250 MËh energji në vit kur të vihej në punë.

Dy vite më vonë, kryeministri bashkë me disa zyrtarë të tjerë të lartë u rikthye në Elbasan për të përuruar fillimin e punës së impiantit.

Mesditën e 18 prillit 2017, kreu i qeverisë mes qindra pjesëmarrësve inaguroi inceneratorin e Elbasanit – të parën vepër të përpunimit të mbetjeve dhe prodhimit të energjisë në Shqipëri.

“Nga fusha e plehrave që digjeshin në qiell të hapur e helmonin gjithë qytetin, në fushën sanitare të standardeve europiane ku mbetjet shfrytëzohen për prodhim energjie.”, theksonte kryeministri gjatë ceremonisë përuruese.

Gjashtë vite më vonë…

Inceneratori i Elbasanit i kushtoi buxhetit të shtetit 26 milionë euro dhe është më i vogli mes tre impianteve të planifikuara. Aktualisht, ky impiant është i vetmi që ka përfunduar nga tre kontratat e kushtueshme të partneritetit publik privat të qeverisë shqiptare, që po hetohen për korrupsion dhe pastrim parash nga Prokuroria e Posaçme, SPAK.

Pavarësisht propagandës për teknologjinë dhe zgjidhjen që do të ofronte në përpunimin e mbetjeve, në këto gjashtë vite impianti nuk ka dhënë rezultatet e premtuara.

Të dhënat e siguruara nga Faktoje tregojnë se inceneratori është ndezur me hope duke zhbërë premimin madhor për rilindjen mjedisore të Elbasanit që ka rritur malin me mbetje të patrajtuara.

“Në vitin 2023 ndezja e Impiantit është realizuar në muajin Prill dhe proçesi i fikjes është realizuar në Dhjetor të vitit 2023. Aktualisht Impianti është në remont.”, i tha Faktoje kompania publike Eco-Elb që administron inceneratorin prej dhjetorit të vitit 2021 (përmes një kontrate qiraje me Agjencinë e Administrimit të Pasurive të Sekuestruara dhe Konfiskuara, AAPSK.)

Prej 21 dhjetorit të vitit të kaluar inceneratori i Elbasanit fiku turbinat dhe kaloi përsëri në remont, por kompania EcoElb nuk na dha asnjë shpjegim se çfarë e shkaktoi defektin dhe sa kushton riparimi i tij. Po ashtu, pa përgjigje mbetën edhe pyetjet se kur do të vihej në punë inceneratori dhe çfarë do të bëhet me malin e mbetjeve të patrajtuara në landfill kur të rindizen turbinat.

Mal me mbetje buzë Shkumbinit

Prej katër muajsh të gjitha mbetjet e bashkive të qarkut Elbasan që po depozitohen në landfill nuk po trajtohen, duke krijuar një mal me plehra që po rrezikojnë një krize të re mjedisi në Elbasan.

“Sot për sot, atje ndotja hidhet në lumin Shkumbin dhe shkon deri në detin Adriatik sepse gjithë mbetjet, rrjedhjet, shkojnë në lum sepse s’kanë asnjë mbrojtje. Pa asnjë lloj trajtimi paraprak, gropat janë mbushur dhe janë kthyer në male.”, argumenton për Faktoje Ahmet Mehmeti, ekspert i ccështjeve mjedisore.

“Një gropë e zezë financiare që u kthye në një mal të zi që është vetëm burim të këqijash.”, vijon më tej ai, duke shtuar se malet me plehra janë rrezik potencial për shpërthime zjarresh, me apo pa dashje.

Për biologun Olsi Nika situata e krijuar me mbetjet në Elbasan është një “Emergjencë ekologjike”.

“Do bëhën male të tëra me mbetje, nuk do të digjen për 1001 arsye (jo nën hetim, jo korrupsioni, jo defekt, jo avari). Nuk do digjen sepse aty nuk është menduar kurrë për një proces incenerimi, aty është menduar për skemën që ka dalë nëpër media. Dhe atëherë do të bëhet emergjencë e vërtetë ekologjike.”, paralajmëron Nika nga Eco Albania.

Vitin e kaluar, impianti i Elbasanit ka pranuar nga Bashkitë e Qarkut një sasi mesatare mujore mbetjesh prej 3 936 ton në muaj, apo 47 mijë ton me mbetje.

“Sasia mesatare ditore e mbetjeve që mbërrin në Impiant është 140 ton në ditë dhe kur Impianti është në funksion incenerohet një sasi mesatare ditore e mbetjeve prej 90 ton në ditë.”, bën të ditur kompania Eco-Elb që administron inceneratorin.

Energjia e gjelbër, një ëndërr në sirtar
Qeveria premtonte se kur inceneratori i Elbasanit të vihej në punë, nga përpunimi i mbetjeve do të prodhohej rreth 17 250 MWh energji në vit. Por të dhënat e siguruara nga Faktoje tregojnë se sasia e energjisë së prodhuar nga inceneratori i Elbasanit në këto vite rezulton larg premtimit publik.

“Zëvendësuan riciklimin me gënjeshtrën e prodhimit të energjisë. Pra merren fondet, por puna s’bëhet duke shkaktuar dëm shumëfish, si financiar si mjedisor.”, thotë eksperti i mjedisit Ahmet Mehmeti.

Enti Rregullator i Energjisë bën të ditur për Faktoje se vitin e kaluar centrali prodhues i përpunimit të mbetjeve urbane në Elbasan nuk ka prodhuar energji elektrike.

“Nga raportimet e OSSH sha dhe FTL sha/ OSHEE Group sha deri më tani në ERE, rezulton se Centrali prodhues i përpunimit të mbetjeve urbane të Qarkut Elbasan i shoqërisë “ECO – ELB” sh.a për vitin 2023 rezulton se nuk ka lëvruar energji elektrike në rrjetin e shpërndarjes së energjisë elektrike.”, pohon ERE.

Ndërsa gjatë vitit 2022, inceneratori ka lëvruar 6,792 MWh energji elektrike, sasi kjo që nuk përputhet me atë që deklaron kompania Eco-Elb që administron inceneratorin.

“Sasia e energjisë së prodhuar përgjatë vitit 2022, është 75,9 MWh.”, i tha Eco-Elb Faktojes.

Bashkëjetesë me inceneratorin …

Pranë impiantit të përpunimit të mbetjeve në Elbasan jetojnë dhjetra familje. Biseda me disa prej tyre është e vështirë. Janë të shqetësuar por njëkohësisht të frikësuar për t’i ndarë hallet e përditshme me median.

“Si i ndezur, si i fikur për ne situata është si mos më keq. Në verë i mbyllim dritaret sepse era e plehrave bëhet e padurueshme.”, shprehet një banore e zonës, teksa drejton me gisht malin me plehra që e ka përballe me shtëpinë.

I vetmi që pranoi të fliste ishte kryeplaku i zonës. Jashar Muçin e takuam teksa punonte tokën përpara shtëpisë. Pensionisti na tregon se bashkëjetesa me inceneratorin bëhet e vështirë kur impianti është jashtë funksionit.

“Kur impianti është i ndezur nuk kemi ndonjë problem, është pastër. Por tani është jashtë funksioni dhe shihe vet.”, thotë ai teksa biseda na ndërpritet nga një makinë me mbetje që po shkonte drejt landfillit.

“E shikon këtë makinë që po kalon?! Këtu nuk pushojnë makinat e plehrave, ditë e natë. Vijnë nga i gjithë qarku.”, vijon më tej Muçi.

Jashari i mban mend mirë premtimet e qeverisë kur nisi puna për impiantin.

“Do rritej punësimi në zonë, do shpëtonim nga plehrat, do prodhohej energji nga e cila do ngroheshim ne dhe do bënim sera… eh sa gjera do bëheshin po s’i shohim…”, shpotit ai në fund të bisedës./faktoje

The post Fikja e inceneratorit rrit malin me plehra në Elbasan appeared first on Albeu.com.