Njoftimi i Ministres së Arsimit se gjatë këtij viti shkollor në klasën e parë do të regjistrohen të paktën 3.000 nxënës më pak përbën kritikën më të fortë ndaj politikave të Qeverisë, vlerëson PLD-ja. Sipas partisë, ky tregues nuk është thjesht statistikë, por një sinjal alarmi se Maqedonia po zbrazet me ritme të shpejta.

Nga PLD-ja pyesin se kush do të mësojë në shkolla në të ardhmen, nëse vendi çdo vit ka mijëra fëmijë më pak, ndërkohë që Ministri përpiqet ta paraqesë provimin shtetëror të maturës si arritje.

Partia thekson se nuk mund të pretendohet se sistemi arsimor është i suksesshëm në një kohë kur shkollat po mbeten pa nxënës dhe të rinjtë vazhdojnë të largohen nga vendi.

Sipas PLD-së, politikat e gabuara, pasiguria ekonomike, mungesa e besimit tek institucionet dhe mungesa e vizionit janë shkaqet e drejtpërdrejta të rënies demografike. Çdo vit me një numër më të ulët nxënësish në klasën e parë nënkupton më pak të rinj, më pak fuqi punëtore dhe një të ardhme më të dobët për Maqedoninë, theksohet në deklaratë.

Nga partia shtojnë se kjo çështje nuk mund të reduktohet në një shifër të zakonshme brenda një raporti.

Në përfundim të njoftimit, PLD-ja kërkon hartimin urgjent të një strategjie kombëtare për ripërtëritjen demografike dhe përkrahjen e të rinjve. Njëkohësisht, kërkohet miratimi i masave konkrete që do të krijonin kushte për qytetarët të qëndrojnë në atdhe dhe ta ndërtojnë aty të ardhmen e tyre./Telegrafi/

The post PLD: Rënia e numrit të nxënësve në klasën e parë paralajmëron më pak të rinj, fuqi punëtore dhe perspektivë për Maqedoninë appeared first on Albeu.com.

Pas ngjarjeve të fundit të dhunshme në Gostivar dhe rasteve të festimit të dasmave me të shtëna armësh, Partia Liberale Demokratike (PLD) ka paraqitur propozimin për ngritjen e qendrave familjare në të gjitha komunat.

Kryetarja dhe deputetja e PLD-së, Monika Zajkova, së bashku me anëtarin e Bordit Ekzekutiv të partisë, Boban Jankoski, përmes një videoje të publikuar në rrjetet sociale, kërkuan masa të menjëhershme për uljen e rasteve të dhunës mes bashkëmoshatarëve.

Sipas Zajkovës, qendrat e propozuara do të përfshijnë sociologë, psikologë, punonjës socialë dhe terapistë familjarë. Këta profesionistë do të angazhohen me fëmijët dhe prindërit e tyre, duke ofruar këshillim, dëgjim të shqetësimeve dhe edukim.

Ajo tha se parandalimi është më i dobishëm sesa trajtimi i vazhdueshëm i një problemi, i cili në disa raste mund të mos jetë i trajtueshëm. Zajkova theksoi se parandalimi nuk duhet parë si shpenzim, por si investim në të ardhmen e Maqedonisë.

Jankoski deklaroi se investimet për parandalimin janë të pamjaftueshme, ndërsa reagimi shpesh vonohet deri në momentin kur problemi merr përmasa serioze.

The post Zajkova kërkon qendra familjare në çdo komunë për parandalimin e dhunës mes bashkëmoshatarëve appeared first on Albeu.com.

Partia Liberale Demokratike (PLD) ka reaguar me tone të ashpra ndaj vendimit të Qeverisë për emërimin e ish-zëvendëskryeministrit për Qeverisje të Mirë, Arben Fetai, në postin e të Dërguarit të ri Special në Bashkimin Evropian, duke e cilësuar këtë hap si të turpshëm dhe skandaloz.

Në vlerësimin e PLD-së, ky vendim përbën një fyerje të drejtpërdrejtë, një shpërfillje të hapur dhe një goditje ndaj të gjithë qytetarëve të ndershëm që përballen çdo ditë me vështirësi për të mbijetuar.

“Me këtë veprim, Qeveria tregoi sërish se nuk njeh as përgjegjësi dhe as turp kur përdor fondet publike dhe ndan poste fitimprurëse apo fiktive. Qytetarët nuk kanë harruar se i njëjti ‘zyrtar’ mungoi për muaj me radhë në takimet e punës dhe bojkotoi seancat e Qeverisë, ndërkohë që vazhdonte të merrte rregullisht pagën e zyrtarit nga xhepat e njerëzve më të varfër në Evropë”, deklarojnë nga PLD.

Partia thekson se Fetai, në vend që të mbante përgjegjësi për mungesën e veprimit, u tall me publikun përmes publikimit të fotografive nga Bangkoku. Sipas PLD-së, ai tani po shpërblehet me një detyrë dhe privilegje në Bruksel pikërisht nga qytetarët të cilët më parë i kishte injoruar.

“Kryeministri jo vetëm e vuri veten në një pozitë të turpshme, por edhe kapitulloi. Dëshmi tjetër e turpit dhe e arbitraritetit partiak është fakti se Fetai e bëri vetë publik emërimin e tij në këtë funksion të lartë shtetëror përmes rrjeteve sociale, ku falënderoi Kryeministrin me një postim të shkruar vetëm në gjuhën e dytë zyrtare. Çfarë mesazhi i përcjell Brukselit kjo Qeveri, kur si përfaqësues të posaçëm cakton një person, ‘kualifikimi’ i vetëm i dëshmuar i të cilit është mosveprimi dhe shmangia e përgjegjësive? Sinjali skandaloz është se në Maqedoni shpërblehet papërgjegjshmëria, ndërsa postet shtetërore shndërrohen në bankomat privat për plotësimin e orekseve të pushtetit. Bëhet fjalë për të njëjtën papërgjegjshmëri që prodhon tragjedi, zjarre, helmime, epidemi dhe viktima njerëzore”, thonë nga PLD.

The post PLD e quan të turpshëm dhe skandaloz emërimin e Arben Fetait si i dërguar special në BE appeared first on Albeu.com.

Sipas Partisë Liberal Demokratike, turneu rajonal që përfshiu gjithashtu Moldavinë dhe Rumaninë shërbeu për të ekspozuar pikën më të ulët të diplomacisë sonë, një realitet që përndryshe mund të kishte kaluar pa u vënë re.

PLD thekson se ndërsa Kishinau dhe Bukureshti arrinin të firmosnin memorandume specifike, duke siguruar tregje të reja për bujqit dhe duke negociuar investime konkrete në fushat e farmaceutikës, teknologjisë së informacionit dhe logjistikës, përfaqësuesit tanë më të lartë shtetërorë e mirëpritën presidenten e Indisë me një ceremoni folklorike protokollare, inaugurimin e një busti dhe bankete të kushtueshme diplomatike.

Duke komentuar këtë situatë, kryetarja e PLD-së, Monika Zajkova, deklaroi: “Realiteti i hidhur është shkatërrimtar: teksa Moldavia dhe Rumania lidhin marrëveshje që do të forcojnë buxhetet shtetërore dhe do të rrisin të ardhurat e qytetarëve, Maqedonia po shpenzon paratë publike për dreka e darka zyrtare, pa arritur asnjë marrëveshje të nënshkruar.”

Ajo shtoi se përballë mungesës së rezultateve konkrete, “zyrtarët përpiqen t’i hedhin hi syve të opinionit me përralla për një ambicie prej 400 milionë dollarësh në shkëmbimin tregtar.”/Telegrafi/

The post PLD akuzon: Maqedonia harxhon fonde publike për pritje diplomatike me Presidenten indiane pa asnjë marrëveshje konkrete appeared first on Albeu.com.

Sipas tyre, Kopshti Zoologjik po përballet me një varg ngjarjesh të pakëndshme që prej fillimit të mandatit të ish-kryetares Danella Arsovska.

Ata kujtojnë se Kopshti Zoologjik i Shkupit është kthyer në një vend ku kuajt për ushqim në kopsht u therën, me gjak të derdhur në Bulevardin Ilinden, ndërsa kafshë kanë ngordhur vazhdimisht në rrethana të paqarta. Mes tyre përmenden gjirafat, një elefant, një shqiponjë perandorake, luani Zika, më pas kuajt e rrallë dhe të mbrojtur të Przevalskit, delet barbare, si dhe një epidemi e gripit të shpendëve.

Pas disa orësh ndjekjeje nga punonjësit, ujqërit u kthyen në hapësirat e tyre, por Kopshti Zoologjik nuk e njoftoi askënd për këtë ngjarje, ndonëse bëhet fjalë për një vend me shumë vizitorë, ku siguria e tyre mund të vihet në pikëpyetje”, thonë nga PLD.

Ata kërkojnë që drejtuesit e Kopshtit Zoologjik dhe të Qytetit të Shkupit të japin shpjegim për incidentin, të sqarojnë nëse habitatet e kafshëve, sidomos ato që paraqesin rrezik për jetën, janë të mbrojtura siç duhet, dhe ta mbyllin kopshtin zoologjik për vizitorët derisa të sqarohet rasti dhe të përcaktohet përgjegjësia./Telegrafi/

The post PLD: Disa ujqër u arratisën nga kafazi në Kopshtin Zoologjik të Shkupit dhe shqyen disa kangurë e zogj appeared first on Albeu.com.

Nga foltorja e Kuvendit, kryetarja e PLD-së dhe deputetja Monika Zajkova deklaroi sot se vendimmarrja nuk ka të bëjë me interesat e bankave, por me përcaktimin nëse përfaqësuesit janë në anën e qytetarëve apo në anën e fitimeve bankare.

Ajo theksoi se PLD-ja e ka hapur këtë çështje prej tre vitesh, duke paralajmëruar vazhdimisht se nuk është normale që qytetarët të përballen me tarifa gjithnjë e më të larta, ndërsa bankat regjistrojnë fitime rekord.

Zajkova shtoi se për tre vjet janë dëgjuar vetëm arsyetime, ndërkohë që qytetarët vazhdojnë të përballen me kosto të reja.

The post Zajkova: Në vend të interesit të qytetarëve, shumica në pushtet po zgjedh sërish bankat appeared first on Albeu.com.

Në një prononcim për “TV24”, Zajkova u shpreh se këto shifra tregojnë qartë ekzistencën e një problemi, i cili sipas saj po nxitet nga faktorë të caktuar. Ajo vlerësoi se edhe nëse miratohen rregullore të përsosura, pa parandaluar fenomenin dhe pa hapur debat për sistemin e parandalimit dhe për burimet që e ushqejnë këtë dukuri, nuk mund të pritet ulje e numrit të rasteve. Përkundrazi, sipas saj, do të ketë rritje të mëtejshme të shifrave, pavarësisht se deri tani është shënuar përparim në një pjesë të madhe të legjislacionit.

Ajo shtoi se Maqedonia bën pjesë ndër shtetet që e kanë ratifikuar dhe po e zbatojnë Konventën e Stambollit. Zajkova theksoi se, në dallim nga disa vende evropiane që ende nuk e kanë ratifikuar këtë Konventë, vendi ka ndërtuar një bazë të fuqishme ligjore për trajtimin e dhunës, ndonëse, si në rastin e çdo ligji tjetër, ajo duhet të përmirësohet vazhdimisht në përputhje me nevojat dhe përvojat./Telegrafi/

The post Zajkova ngre alarmin për shtimin e dhunës në familje në vend appeared first on Albeu.com.