Kreu i shtetit, theksoi se shumë shpejt do të publikohet një plan i ri për zhvillimin e bregdetit, ku do të diskutohet me çdo bashki se cilat plazhe do t’i administrojnë ato në mënyrë të drejtpërdrejtë.

Në një deklaratë të tij, Rama ka theksuar se dy plazhe të sigurt janë Ksamil dhe Dhërmiu, duke shtuar se ata që njihen si dhunues plazhi, nuk do të lejohen të aplikojnë për t’u angazhuar më tej në këtë sektor.

Edi Rama: Uroj të ketë dëgjuar kush duhet të dëgjojë, por do t’i ripërsërisim disa herë këto në mënyrë që ata të cilët janë mësuar të dhunojnë plazhet me shezlongë ngjitur me njëri-tjetrin dhe bishta çadrash, të mos marrin më mundimin të aplikojnë fare.

Shumë shpejt do të nxjerrim të gjithë planin e ri për bregdetin dhe në bashkëpunim me të gjitha bashkitë do të kuptojmë se cilat plazhe bashkitë do t’i marrin tërësisht, por dy janë të sigurta Ksamili dhe Dhërmiu.

The post Paralajmërimi i Ramës: Plazhet e Ksamili dhe Dhërmiut do i marrin në menaxhim Bashkitë, kush është mësuar të dhunojë, as mos marrë guximin… appeared first on Albeu.com.

Ai thekson se sipas të dhënave të Agjencisë Europiane të Mjedisit, Shqipëria është renditur në vendin e fundit në Europë për sa i përket ujërave të plazheve me cilësi të shkëlqyer, me vetëm 16% të tyre që përmbushin standardet më të larta të cilësisë.

Noka e cilëson këtë si një pasqyrë të paaftësisë së qeverisë për të mbrojtur mjedisin dhe burimet natyrore të vendit, duke theksuar se propaganda e qeverisë nuk mund të fshehë realitetin e hidhur që qytetarët dhe turistët përjetojnë çdo ditë në plazhet shqiptare.

Ai kritikon ashpër qeverinë për dështimet e saj dhe kërkon një ndryshim urgjent në politikat mjedisore, duke i bërë thirrje autoriteteve që të veprojnë për përmirësimin e kushteve të ujërave dhe mbrojtjen e mjedisit.

Postimi i plotë:

Qeveria e rekordeve negative i siguron Shqipërisë vendin e fundit. Propaganda e saj nuk e ka mashtruar dot Agjencinë Europiane të Mjedisit, e cila na liston në vend të fundit me vetëm 16% të ujërave për notim me cilësi të shkëlqyer. Pjesa tjetër kanë higjienën e Ramës.

The post Plazhet të mbushur me plehra/ Flamur Noka: Bie propaganda e Ramës, Shqipëria e fundit në Europë (FOTOT) appeared first on Albeu.com.

Eksplorimi i destinacioneve të lira evropiane për pushime në 2024 është bërë një strategji e shkëlqyer për udhëtarët që kërkojnë përvoja cilësore dhe të paharrueshme.

Vende të tilla si Shqipëria, Mali i Zi dhe Bullgaria, së bashku me rajonet në Gjeorgji dhe Portugali, ofrojnë opsione të përballueshme për të eksploruar brigjet e tyre mahnitëse dhe kulturën e pasur.

Këto destinacione premtojnë pushime të paharrueshme pa kompromentuar kënaqësinë apo cilësinë e përvojës.

Pse të zgjidhni destinacione të lira në Evropë?

Eksplorimi i destinacioneve të përballueshme në Evropë është bërë një zgjedhje e zgjuar për ata që kërkojnë diversitet dhe pasuri kulturore pa sakrifikuar bukurinë natyrore.

Këto vende ofrojnë një ndërthurje unike përvojash që kënaqin dëshirën për aventurë dhe nevojën për relaks, të gjitha me një buxhet të përballueshëm.

Shumëllojshmëria e peizazheve dhe përvojave kulturore

Mesdheu me diell: Destinacione si Shqipëria dhe Kroacia ofrojnë plazhe parajsore me ujëra të pastër kristal.

Përvoja unike kulturore: nga monumentet historike në Shqipëri, Bullgari , Mal të Zi, çdo destinacion premton kulturën e pasur.

Shqipëria: Plazhet ‘parajsë’ me kosto të ulët dhe trashëgimia historike

Shqipëria shquhet për ndërthurjen unike të plazheve parajsore me një trashëgimi të pasur historike, të gjitha me një kosto çuditërisht të ulët. Ky vend ofron një shumëllojshmëri destinacionesh që premtojnë një eksperiencë të paharrueshme për udhëtarët që kërkojnë relaksin bregdetar dhe aventura kulturore.

Vende historike dhe kulturore

Kalaja e Gjirokastrës: Një muze dhe kështjellë me pamje spektakolare.

Amfiteatri i Durrësit: Një amfiteatër i lashtë romak

Shtëpia e Zekatëve: Tregon jetën e klasës së pasur në Gjirokastër.

Kalaja e Himarës: Ofron pamje të bukur dhe një kafene për një ndalesë relaksuese.

Destinacionet e plazhit

Plazhi i Durrësit: Një plazh i madh me rërë të butë.

Plazhi i Golemit: Një plazh i qetë me rërë të bardhë dhe të butë.

Plazhi i Dhërmiut: Me ujëra të pastra kristal i konsoderuar si plazhet e Karaibeve.

Plazhi i Ksamilit: Një pamje mahnitëse e ujërave të tij të kristalta.

Për ata që janë të interesuar të eksplorojnë më shumë rreth këtyre destinacioneve, rekomandohet një vizitë në Shqipëri.

Kjo qasje i lejon vizitorët të shijojnë bukurinë natyrore të Shqipërisë dhe trashëgiminë e saj të thellë kulturore, duke siguruar një përvojë të pasur dhe të larmishme udhëtimi.

The post “Catalunya Press”: Shqipëria – plazhet ‘parajsë’ me kosto të ulët dhe trashëgimia historike appeared first on Albeu.com.

Ishujt Karaibe u ngjitën në vendin e dytë nga vendi i pestë ku renditeshin vitin e kaluar. Lista pasohet nga plazhi Broome në Australi, ku mund të shijohet një nga përvojat më të bukura: një udhëtim me deve gjatë perëndimit të diellit në vijën bregdetare të Oqeanit Indian.

Nga kontinenti europian listohen tri plazhe – Reynisfjara në Vik, Islandë; Praia da Falésia në Olhos de Agua, Portugali, si dhe Spiaggia dei Conigli në Siçili. Rëra e bardhë e ujërat e cekëta të Siçilisë janë në kontrast të vërtetë me rërën e zezë, ujin e errët dhe formacionet mahnitëse të plazhit Reynisfjara, të cilat u shfaqën në serialin “Game of Thrones”.

Tripadvisor ka publikuar gjithashtu një listë të veçantë kushtuar plazheve të SHBA-së, ku Havai renditet në krye me tri plazhe dhe ndiqet nga Florida dhe Kalifornia.

Dhjetë plazhet më të mira në botë për vitin 2023, sipas Tripadvisor

Baía do Sancho – Fernando de Noronha, Brazil

Eagle – Aruba, Karaibe

Cable – Broome, Australi

Reynisfjara – Vik, Islandë

Plazhi Grace Bay – Turks and Caicos, Karaibe

Praia da Falésia – Olhos de Agua, Portugali

Plazhi Radhanagar – Ishulli Havelock, Indi

Spiaggia dei Conigli – Siçili, Itali

Plazhi Varadero – Kubë, Karaibe

Plazhi Ka’anapali – Maui, Havai.

The post Plazhet më të mira në botë për vitin 2023 appeared first on Albeu.com.

Mirelë! Dil pastro e siguro plazhet nga gjallesat me dy këmbë !

Për një njeri që noton 2 km cdo ditë si unë, skafet motorrët e ujit janë bërë jo vetëm të padurueshëm por edhe të frikshëm .

Jo vetëm që nuk dinë ti përdorin , por e kanë kaq të vështirë të mbajnë distancat nga zona e rrethuar , madje aty bëjnë spektakël manovrash, sa të bejnë të mendosh se kutinë midis dy vesheve e kanë krejt bosh . As shohin, as mendojnë, për të dëgjuar jo e jo .

Liria e tyre për të lëvizur të motorizuar në ujë, duhet të marrë fund për sa kohe nuk e kemi kulturën e respektimit të lirisë së tjetrit !

I NDALONI NJE HERE E MIRE !

Fotoja flet vet !! Pasi i ka vrarë fëmijen ngre edhe duart drejt babait!

E DASHUR MINISTRE E TURIZMIT ! Me plehra jemi mësuar , cdo vit e pastrojmë vetë plazhin , mos hajde e mos u lodh të heqesh asnjë qese ! Por këtij tipit edhe shokëve të tij që jo fare cuditërisht kanë të gjithë këtë tipologji e fizionomi, nuk ua dalim dot , aq me tepër kur janë edhe pjesë e policisë “që duam “.

Bashkë me kolegë e me shefin , dil e na i pastro e siguro plazhet nga gjallesat me dy kembë !

The post Mirelë! Dil pastro e siguro plazhet nga gjallesat me dy këmbë! appeared first on Albeu.com.

Arbri tha se është situatë për të reflektuar dhe pse pjesa e madhe e bizneseve akoma nuk kanë reflektuar sepse mendojnë që janë në mes korriku dhe shpresojnë që në gusht do të kenë një bum.

“Është një situatë që në një moment të caktuar do pëlciste kjo fluska e madhe. Mua më duket sikur i gjithë biznesi sidomos në bregdet është i ngritur për lekun jo të pastër. Vihet një çmim hoteli dhome 400 euro këtë nuk mund ta mendosh që një shqiptar edhe kur ka lek dhe ka tru në kokë ta paguajë atë gjë se me 400 euro shkon dhe në Maldive. Në një fare sensi ofendon edhe inteligjencën e dikujt dhe ndërkohë shërbimi dhe konteksti është ai që është”.

Sipas Arbrit,  kanë mbetur plazh publik vetëm një plazh në Himarë, ndërkohë që në jug funksionon efekti domino nëse e rrit dikush çmimin e bëjnë edhe të tjerët me radhë.

Ndërkohë Antoneta tha se vendet më të populluara në jug janë ato që janë më të shtrenjtë.  Megjithatë ajo tha se gjejnë vende ekonomike apo luksozve, madje këto të fundit tha se abuzojnë.

“Ka abuzime, edhe tek këto që janë luksoze por e teprojne se po e shikojnë që njerëzit vetëm për t’u dukur dhe komoditete paguajnë. Ka edhe raste paragjykimi, porosis vetëm sallatë e shohin çuditshëm”.

Nga ana tjetër, Gladiola tha se në këtë sezon turistik kanë ndikuar shumë faktorë që vendet janë bosh çmimet e larta, trendet e botërore si lufta etj. Çmimet janë të larta dhe nuk ka diversitet të tyre tha Gladi.

“Janë shumë gjëra të përziera, jo vetëm çmimet e larta, janë dhe trendet botërore, lufta etj. Një ndryshim në mendësi do ishte mirë të ndodhte.  Nuk duhet të mburremi që Shqipëria është më e lira. Nuk duhet të mburremi me çmim të lirë, duam një kategori klientësh që shpenzon, por ama ajo çka ofrojmë duhet të justifikojë çmimin. Por në fakt është e vërtetë, të gjithë fotot që na vijnë nga miqtë, njerëzit, bashkëpunëotrët, plazhet janë bosh”.

The post Plazhet bosh e abuzime? Çepani: Do pëlciste, bregdeti me lekë jo të pastër appeared first on Albeu.com.

Shtetasit akuzohen pK. I., 38 vjeçr “Pushtim toke” dhe “Fshehje të të ardhurave”.

Njoftim policie

Policia e Sarandës, kontrolle të shtuara në vijën bregdetare, me qëllim lirimin e hapësirave publike, për pushuesit.

Lirohet hapësira në vijën bregdetare, në vendin e quajtur “Pema e thatë”, në Ksamil.

Procedohen penalisht administratori dhe pronarja e subjektit, e cila kishte zënë hapësirën publike me shezlongë dhe çadra, të vendosura pa lejen përkatëse, si dhe nuk lëshonte kupon tatimor për shërbimin e ofruar.

Sekuestrohen 489 çadra dhe shezlongë.

Në kuadër të planit operacional për kontrollin e vijës bregdetare dhe lirimin e hapësirave bregdetare të zaptuara në mënyrë të kundërligjshme, nga subjekte të ndryshme që vendosin çadra dhe shezlongë, nga specialistët për Hetimin e Krimeve në Komisariatin e Policisë Sarandë u referuan materialet në Prokurori dhe nisi procedimi penal për shtetasit:

-Gj. I., 58 vjeçe (pronare e subjektit), për veprat penale “Pushtimi i tokës” dhe “Fshehja e të ardhurave”;

-K. I., 38 vjeç (administrator i subjektit), për veprën penale ““Pushtimi i tokës”.

Shërbimet e Policisë Sarandë, në bashkëpunim me Policinë Bashkiake Sarandë, kanë liruar hapësirën publike, duke hequr 489 çadrat dhe shezlongët që ishin vendosur pa lejen përkatëse, në vendin e quajtur “Pema e Thatë”.

Materialet në ngarkim të këtyre shtetasve u referuan në Prokurorinë pranë Gjykatës së Shkallës së Parë Sarandë, për veprime të mëtejshme.

The post Lirimi i plazheve publike, policia sekuestron 489 çadra dhe shezlongë, arrestohen dy persona në Sarandë appeared first on Albeu.com.