DEBATI NE GJYQ:

Plarent Dervishaj: Ke qenë i gatshëm të marrësh pjesë në atentatin e Arjan Ndoj? Ka qenë me dëshirën tënde apo me imponim nga ana ime?

Alibej: Duke e ditur qe nuk e kishte nevojën për mua, ia thash unë. I thash a do të vij dhe unë të marr pjesë? Për vrasjen e prokurorit, jo për Aleksandër Lahon, te nje lokal në Gjir të Lalzit. Duke ditur qe ai nuk ma kishte nevojën, ia thash qe ai të kuptonte që dhe unë po bëja diçka për të. Unë arsyejen nuk e kam ditur kurrë, pse ai donte ta vriste.

Plarent Dervishaj: Ditën që më ke takuar mua, gabohesh në kohë në orë dhe në perdonat qe përmende. Ke bërë bisedë me mua për të vrarë dike në Dubai, Itali, Spanjë? Për tentativat që ke bërë ti për vrarë Franc Çopjan me vëllain..

Alibej: Kolegët e tu të punës?

Plarent Dervishaj: Altin Dumani ti ka dhënë informacionet gabim djalë. Sqarojë ça kolegësh i kam unë këta? Kush ishte arsyeja që mori statusin e të penduarit Erjoni?

Gjykata: Nuk pranohet pyetja.

Debat i ashpër në sallën e gjyqit. Plarent Dervishaj ofendon Erjon Alibej.

Plaurenti: Të ishe trim merrte hakun e te vllait.

Gjykata largon personat nga salla pasi plaurenti e ofendoi rende

The post Debat i ashpër në sallën e gjyqit mes Plarent Dervishajt dhe Erion Alibejt: Të ishte trim merrte hakun e të vëllait… appeared first on Albeu.com.

Dervishaj e pyet Ndojën nëse ka informacione që ka qenë ai që e ka dhënë porosinë për ta vrarë.

Ndërkohë Ndoja i thotë me se po e shikon në sy për të zbuluar të vërtetën, teksa me ironi shton ‘je trim i madh ti’.

Nga ana tjetër, Dervishaj i thotë se nëse do të mendonte se Ndoja do të kishte gisht në atentatin ndaj tij, të ndodhur 4 muaj para se të ndodhte atentati ndaj ish-prokurorit, ai nuk do e kishte falur deputetin e zgjedhur të PD-së.

Kujtojmë se më herët Ndoja deklaroi se para se të ndodhte atentati ndaj tij, ai kishte shqetësime vetëm nga deklaratat e kryeministrit Edi Rama dhe ish-zv.kryeministrit Erion Braçe.

Plarent Dervishaj përballë Arjan Ndojës:

Dervishaj: I vetmi konflikt që ti ke pasur thua që ka qenë ai me kryeminstrin dhe ish zv. Kryeministrin, Erjon Braçe. Sipas teje, nuk ka arsye, nuk njihemi, nuk kemi konflikte.

A ke informacione ti, që unë kam dhënë porosinë për të të vrarë? Mos e kam marrë porosinë nga Erjon Braçe?

Ndoj: Kam dëgjuar shumë për ty, edhe nga shtypi. Por këto të dëgjuarat i marr me rezerva. Unë po të shoh në sy.

Plarent Dervishaj: Në sy të shoh dhe unë.

Ndoj: E shoh, je trim ti.

Plarent Dervishaj: Ti kujton se po të kesh gisht ti tek atentati im, do të ta fal?

Ndoj: Cilin atentat?

Plarent Dervishaj: Atentatin tim, ka ndodhur nja 4 muaj para teje.

Ndoj: Unë kam ardhur për atentatin tim, jo tëndin.

The post Debati në gjyq/ Mos kam marrë porosi nga Braçe për të të vrarë ty? Arjan Ndoj përplaset me Plarent Dervishajn: Je trim ti… appeared first on Albeu.com.

Masat e sotme të sigurisë ndaj tyre kanë të bëjnë vetëm me atentatin ndaj prokurorit Arjan Ndoj dhe Aleksandër Lahos alias Pëllumb Muharremit, i njohur si “Rrumi i Shijakut”.

Gjatë seancës në GJKKO, Plarent Dervishaj dhe Julian Meçaj kanë deklaruar para gjyqtares Rudina Palloj se kanë ardhur vetë me dëshirën e tyre nga Dubai për t’u përballur me drejtësinë shqiptare, duke kërkuar masa më të buta sigurie pasi sipas tyre nuk kanë rrezik ikje.

Dervishaj dhe Mecaj kanë çuditur jo pak kur janë shprehur para gjyqtares Rudina Palloj se kanë ardhur vetë për tu përballur me drejtësinë dhe kanë kërkuar masa më të buta sigurie pasi sipas tyre nuk kanë rrezik ikje.

Gjithsesi, kjo kërkesë e tyre është rrëzuar nga GJJKO, ndërsa më herët avokatët kërkuan kohë të njihen me aktet.

Në seancën ku ishte i pranishëm si përfaqësues i Prokurorisë së Posaçme, drejtuesi i SPAK Altin Dumani, nuk është bërë me dije mënyra se si dy të shumëkërkuar iu dorëzuan autoriteteve shqiptare.

Ditën e djeshme u propagandua me të madhe nga kryepolici Muhamet Rrumbullaku, deportimi i Dervishajt dhe Maçajt nga Dubai, por deklarate e tyre ditën e sotme ngre dyshime nëse kemi të bëjmë me një marrëveshje mes shtetit shqiptar dhe autoriteve të Emirateve Arabe apo me një kërkesë të tyre për të ardhur në Shqipëri.

Autoritetet shqiptare deri më sot nuk kanë arritur të ekstradojnë asnjë person nga Emiratet e Bashkuara Arabe, teksa vlen për t’u përmendur se në Dubai qëndrojnë të qetë shumë personazhe të njohur të botës së krimit në vendin tonë.

Përveç Derivshajt dhe Meçajt, i vetmi person i cili është deportuar më herët nga Dubai ka qenë Bruno Çobo, i cili ishte shpallur në kërkim ndërkombëtar si pjesë e një grupi të strukturuar kriminal që përfitoi 4.7 milion euro nëpërmjet skemave të mashtrimit në Call Center. Por, sërish, edhe deportimi i tij u krye vetëm pas dëshirës dhe kërkesës së tij për të ardhur në Shqipëri.

Plarent Dervishajt dhe Julian Meçaj konsiderohen si dy persona me rrezikshmëri shoqërore të botës së krimit në vendion tonë, teksa akuzohen nga SPAK për veprat penale “pjesëmarrje në grup të strukturuar kriminal” dhe “kryerjen e veprave penale nga grupi i strukturuar kriminal dhe organizata kriminale”.

Më konkretisht, Plarent Dervishaj akuzohet për ngjarjen e ndodhur më 26 shkurt të vitit 2005 në Durrës, ku në bashkëpunim me Indrit Taullaun, Lulzim Berishën  dhe Luftar Reçin dyshohet se kanë vrarë me armë zjarri Klodian Saliun.

Po ashtu, edhe për ngjarjen e e regjistruar më 27 shkurt të vitit 2005 në Durrës në kuadër të grupit të organizuar kriminal, në bashkëpunim me subjekte të tjerë të hetuar, përkatësisht Emiliano Shullazin, Indrit Taullaun, Lulzim Berishën, etj., dyshohet se kanë vrarë me eksploziv Vajdin Lamaj dhe Artan Arsi.

Gjithashtu, Plaurent Dervishaj dhe Julian Meçaj ishin shpallur në kërkim nga SPAK edhe si organizatorët e atentatit ndaj ish-prokurorit Arjan Ndoj më 1 nëntor të vitit 2019 tek mbikalimi i Shkozetit, i cili ndodhej në makinë bashkë me Aleksandër Lahon alias Pëllumb Muharremi, i njohur si “Rrumi i Shijakut”, ku në atë ngjarje humbi jetën shoferi i ish-prokurorit, Andi Maloku.

Sipas autoriteteve, Julian Meçaj, nga hetimet është identifikuar si një nga autorët, duke e kryer këtë krim në bashkëpunim me shtetas të tjerë, duke përfshirë dhe Ramazan Rrajën.

Plaurent Dervishaj është kunati i Lulzim Berishës, ndërsa Julian Meçaj konsiderohej si numri 2 i bandës së Durrësit pas Lulzim Berishës. Të dy ata i shpëtuan një tentati me armë zjarri në Durrës më 20 qershor të vitit 2019 dhe dyshohet se më pas u hakmorën ndaj “Rrumit të Shijakut”.

The post Plarent Dervishaj dhe Julian Meçaj “çudisin” togat e zeza: Nga Dubai erdhëm vetë për t’u përballur me drejtësinë appeared first on Albeu.com.

Në një konferencë për mediat, drejtori i Përgjithshëm i Policisë së Shtetit, Muhamet Rrumbullaku ka thënë se janë arrestuar 2 eksponentë kriminalë, Julian Meçe dhe Plarent Dervishaj.

Dervishaj dhe Meçaj kërkoheshin nga autoritetet shqiptare për atentatin ndaj ish-prokurorit Arjan Ndoj, te mbikalimi i Shkozetit, ngjarje e ndodhur në vitin 2019.

Rrumbullaku tha se është bërë ekzekutimi i vendimeve ndaj Dervishajt dhe Meçajt dhe ndodhen pranë dhomave të sigurisë së Drejtorisë së Policisë së Tiranës për vënien në dispozicion të Prokurorisë së Posaçme. /voxnews

The post Publikohen FOTOT e Julian Meçes dhe Plarent Dervishajt, shikoni si kanë ndryshuar! appeared first on Albeu.com.

Plarent Dervishaj i cili akuzohet si organizatori i atentatit ndaj ish prokurorit Arjan Ndoja në Durrës, do të paguante 300 mijë euro për të fshirë shenjat e AND-së së Redjan Rrajjës nga makina e autorëve.

Ky fakt u bë i ditur nga vetë SPAK gjatë leximit të konkluzioneve përfundimtare para gjykatës. Sipas SPAK, kjo gjë do të bëhej për ti lehtësuar Rrajës pozitën në gjykatë.

Redjan Rraja akuzohet si një nga ekzekutorët e atentatit ndaj peokurorit Arjan Ndoja. Gjatë tentativës së atentatit kujtojmë se mbeti i vrarë shoferi i prokurorit, Andi Maloku.

Ditën e djeshme SPAK kërkoi burg përjetë për Redjan Rrajën. Stomatologu Rraja, 38 vjeç akuzohet si njëri nga dy ekzekutorët që qëlluan me breshëri në drejtim të automjetit në të cilin po udhëtonte prokurori Ndoja dhe Pëllumb Muharremi, të cilët konsiderohen nga hetimet e deritanishme si shënjestra të atentatit.

Të dy mbetën të plagosur, ndërkohë që u vra ish-polici Andi Maloku, që ishte shofer i prokurorit. Si provë kundër Rrajës, SPAK-u deklaroi ADN-në e përftuar nga një gjurmë papilare, të lënë në syzet e harruara pikërisht në mjetin e braktisur nga vrasësit.

Rraja u tradhtua jo vetëm nga kjo provë e pakundërshtueshme, por sipas prokurorëve të SPAK, edhe nga komunikimet në aplikacionin SKY, ku të dyshuarit menjëherë pas arrestimit të Rrajës flasin të shqetësuar se duhet t’i siguronin një avokat Rrajës në mënyrë që ai të mos fliste./albeu.com/

The post Atentati ndaj ish-prokurorit Arjan Ndoja/ Provat që “fundosën” Redjan Rrajën, Dervishaj do të paguante 300 mijë euro për t’i fshirë shenjat e ADN-së appeared first on Albeu.com.